لو انتوا مكاني ايش بتسوووون ( تحذير)

[الصغيره]

اخواني اخواتي

سوف ارضى بما تقولون لي لكن مشكلتي انني ظنيت بناس الظن الحس لكن ماهقيت ان فيه ناس لين الحين بهذا ......

السالفه
قروب وفيه تاجرات ويحطون بن كود كل تاجره

فيه وحده حاطه فلكر وحاطه اميل وبن كود

اعجبني منها بعض المعروض من التجاره وبما ان صديقتي قبلي طلبت قلت ثقه وطلبت منها بمبلغ مش قليل حتى اسكت عنه واقول الله بيعوضني

المهم

التواصل عبر البلاك بيري ارسلت مندوب وارسلت السايق للمندوب وردت علي ان المبلغ وصل ومجرد وقت

مضى زمن شهرين وشوي وسال صديقتي قالت نفس حالتك ما جاء شي ولا ترد علي
فجاه الاخت ارسلت لي قالت البضاعه ماتوفرت بعد شهرين وشي تبين بدلها يعني انتظر بعد شهرين سته مش مشكله عندها قلت لا والله يااااااختي ابي فلوسي قالت بكره المندوب يوصل لك فلوسك
قلت زين
راح بكره
وجاء بكره
ومر اسبوع وانا ارسل والاخت سبات تام ولا ترد

الحين هل اقدم شكوى وابلغ مستنده على رقم سيارة المندوب وموقعها والبن كود الخاص بالبلاك بيري

واذا طلع المندوب مسافر ايش ذنبه ؟؟

خواتي اخواني نصيحه نصيحه نصيحه لاحد يحط فلوسه بمجرد صوره بضاعه على حائط وبن كود واميل طالبوا برقم جوال وفاتوره

احسن اننا ضحيه نصب واحتيال ومازالن التاجرات مجرد بن كود

ونصيحه للخوات ترى مشكل مسمى وبن كود وراه امراه يمكن شاب ويتاجر باسم انثوي او مقيم او مقيمه وسافر وفلوسكم عليها السلام


الصراحه افكر اقدم شكوى مستنده على رقم السياره


الموضوع للتحذير والعبره


ولاباس بالنصيحه :(

[كتكوت الوحش]

الله يصلح الحال يا رب

[شموخ دائم]

,

,


مرحبا


صباح الخير

الاحسن تبلغينها بالطيب ان انتي تاخرتي كثير واخليتي بالاتفاق وانا ابي ارجع فلوسي
وخلال 48 ساعه اذا ما رجعت فلوسي راح ابلغ عن هذا االموضوع الى الجهات المختصه
ياخذون الاجراءات القانونيه معاك

وتخلون حد يقدم شكوى على ( التاجره ) من خلال المندوب
بيطلبون المندوب وهو اكيد يعرف ( عنوان ) التاجره لانه يستلم البضاعه ويسلم الفلوس
حتى لو ترك الشغل عندها راح يجيبونه يشهد ويدلي بمعلوماته لانه مشترك بهذي التجاره
من خلال العمل عندها

( التاجره عملها غير قانوني )
لان مافي اوراق سجل تجاري ورخصه مزاوله العمل
والمندوب مو على كفالتهم واكيد ماعنده عقد معاهم
السالفه كلها اخطاء ومخالفات قانونيه

على فكره ممكن تنكر انها استلمت فلوس منك
اذا مافي ايصالات او اوراق


الاحسن دائما بالتجاره الشخصيه ايداع الفلوس في حساب الشخص بالبنك
ويكون عندك ايصال ايداع هو الحل القانوني ويثبت انه الشخص استلم الفلوس بحسابه

ابعثي لها واعتقد بترجع الفلوس خوفا من الاجراءت القانونيه 90% من المشاكل تنحل
من اول اتصال يجيهم من الشرطه وينحل الموضوع ويدفعون الفلوس ( خوفا ) من الشرطه
وللاسف المفروض الانسان يخاف من ( الله ) ويشتغل بما يرضي الله مع الناس

الاخطاء تحصل في التجاره وعلى الانسان يكون صادق
اذا في مشكله بالبضاعه يبلغ الزبون بالي حصل
اما يرجع له الفلوس ويعتذر منه بكل احترام ان الي حصل خارج عن الاراده او يطلب بضاعه بدلها

مافي احسن من الصدق والتعامل الواضح المباشر نحترم الناس حتى يحترمنا الجميع
والاخطاء تحصل بكل تجاره لكن المهم التعامل بعد الخطاء كيف يكون
وهنا يبان معدن الانسان

,

,


اخوك


شموخ دائم

[الصغيره]

الله يصلح الحال يا رب

امين

شكرا لك

[الصغيره]

,

,


مرحبا


صباح الخير

الاحسن تبلغينها بالطيب ان انتي تاخرتي كثير واخليتي بالاتفاق وانا ابي ارجع فلوسي
وخلال 48 ساعه اذا ما رجعت فلوسي راح ابلغ عن هذا االموضوع الى الجهات المختصه
ياخذون الاجراءات القانونيه معاك

وتخلون حد يقدم شكوى على ( التاجره ) من خلال المندوب
بيطلبون المندوب وهو اكيد يعرف ( عنوان ) التاجره لانه يستلم البضاعه ويسلم الفلوس
حتى لو ترك الشغل عندها راح يجيبونه يشهد ويدلي بمعلوماته لانه مشترك بهذي التجاره
من خلال العمل عندها

( التاجره عملها غير قانوني )
لان مافي اوراق سجل تجاري ورخصه مزاوله العمل
والمندوب مو على كفالتهم واكيد ماعنده عقد معاهم
السالفه كلها اخطاء ومخالفات قانونيه

على فكره ممكن تنكر انها استلمت فلوس منك
اذا مافي ايصالات از اوراق


الاحسن دائما بالتجاره الشخصيه ايداع الفلوس في حساب الشخص بالبنك
ويكون عندك ايصال ايداع هو الحل القانوني ويثبت انه الشخص استلم الفلوس بحاسبه

ابعثي لها واعتقد بترجع الفلوس خوفا من الاجراءت القانونيه

,

,


اخوك


شموخ دائم

كلام سليم اخوي
ماقصرت ونقاط وارشادات مهمه
وفعلا راسلتها واعطيتها مهله لكن لم تتجاوب معي ولم ترد وسوف انفذ بعد المهله

شكرا لك على الرد والمشاركه

[بن غيث]

وايد ناس متمرسة هذه الاعمال في قطر
وموضوع الشرطة ما يهمهم
لانهم عارفين الاجراءات القانونية وقادرين يتلاعبون بالقانون
مثل ما يبون لان الادلة ضعيفة وفي صالحهم

[امـ حمد]

النصابين ويش كثر اختي

نفس المشكله صديقتي راح عليها مبلغ 30000 الف ريال

بس بطريقه ثانيه بطريقه النصب والإحتيال

حسبي الله ونعم الوكيل على الناس إلا تأكل مال حرام

[captin]

عل وعسى الجهة الأمنية الممثلة في شرطة العاصمة
تفيدج في الموضوع من خلال تقديم كل البيانات اللي عندج
مثل رقم البن كود ورقم سيارة المندوب والمراسلات الالكترونية
بالبلاك بيري إن وجدت.

المشكلة عندنا في قطر واللي مخرب السوق التجارة المنزلية الشخصية
اللي ليس لها كيان قانوني وما فيها عقود او فواتير وحسابات بنكية

وهذا الموضوع يحتاج ضبط من الجهات بالدولة وعدم ترك الناس عرضة
للنصب والاحتيال من قبل عديمي الذمة.

[العساس]

استخدمي نفس الاسلوب

حولي عليها وحده تمثل عليها دور انها من (تاجرة) تاخذ من عندها اغراض بس تكون البضاعة موجوده عندها ومن عقب اذا وصل المندوب بالبضاعة خلي واحد يطلعله بالعصاة.

لان الشكوى ماراح تجيب نتيجه.


بس السالفه هذي سبيلها صبر



وكذا تكوني طاعتي بشي. لان الشكوى ماراح تجيب نتيجه.

[intesar]

استخدمي نفس الاسلوب

حولي عليها وحده تمثل عليها دور انها من (تاجرة) تاخذ من عندها اغراض بس تكون البضاعة موجوده عندها ومن عقب اذا وصل المندوب بالبضاعة خلي واحد يطلعله بالعصاة.

لان الشكوى ماراح تجيب نتيجه.


بس السالفه هذي سبيلها صبر



وكذا تكوني طاعتي بشي. لان الشكوى ماراح تجيب نتيجه.


والمندوب ايش ذنبه.. هو مجرد مرسول

[الصغيره]

وايد ناس متمرسة هذه الاعمال في قطر
وموضوع الشرطة ما يهمهم
لانهم عارفين الاجراءات القانونية وقادرين يتلاعبون بالقانون
مثل ما يبون لان الادلة ضعيفة وفي صالحهم

حسبي الله والنعم الوكيل فيهم

حسبي الله والنعم الوكيل فيهم

والله ياخوي ظواهر طلعت علينا وحنا بطيبتنا معتادين على الثقه لكن بيجي يوم وبطيح بشر اعمالها

[الصغيره]

النصابين ويش كثر اختي

نفس المشكله صديقتي راح عليها مبلغ 30000 الف ريال

بس بطريقه ثانيه بطريقه النصب والإحتيال

حسبي الله ونعم الوكيل على الناس إلا تأكل مال حرام

وكفى بالله حسيبا

فهو الشاهد على هالظلم والجشع والاستخفاف بالناس لكن وين بتروح ان ما جابها القانون الله بيجيبها حسبي الله والنعم الوكيل فيهم

لكن بعد احنا اللي واثقين فيهم

بس بيجي يووووم للظالم

[الصغيره]

عل وعسى الجهة الأمنية الممثلة في شرطة العاصمة
تفيدج في الموضوع من خلال تقديم كل البيانات اللي عندج
مثل رقم البن كود ورقم سيارة المندوب والمراسلات الالكترونية
بالبلاك بيري إن وجدت.

المشكلة عندنا في قطر واللي مخرب السوق التجارة المنزلية الشخصية
اللي ليس لها كيان قانوني وما فيها عقود او فواتير وحسابات بنكية

وهذا الموضوع يحتاج ضبط من الجهات بالدولة وعدم ترك الناس عرضة
للنصب والاحتيال من قبل عديمي الذمة.

الله كريم

وياليت يضبطون هذولاء مثل ما يحارب تجار البسطه فهم مثلهم لا عنوان ولا تلفون ولا اسم صريح ولا ورقه

والمندوب هو اللي بيروح بها

[الصغيره]

استخدمي نفس الاسلوب

حولي عليها وحده تمثل عليها دور انها من (تاجرة) تاخذ من عندها اغراض بس تكون البضاعة موجوده عندها ومن عقب اذا وصل المندوب بالبضاعة خلي واحد يطلعله بالعصاة.

لان الشكوى ماراح تجيب نتيجه.


بس السالفه هذي سبيلها صبر



وكذا تكوني طاعتي بشي. لان الشكوى ماراح تجيب نتيجه.

ياخوي انا مع القانون وش القانون يقول انا معه

اما اعاملها مثل معاملتها للاسف ما اقدر ديني وتربيتي ما يسمحون لي

لكن بحطها امام القانون وهم يتصرفون معها

وموضوعي رساله لكل اخت احذري واحذري ولا تتنازلي عن حقك عندما تسلبه عديمة ذمه


شكرا للمرور ك والمشاركه بالموضوع

[استغفرالله]

قدمي بلاغ عليها وان شاء الله ربي بينصرج

ولا يضيع حق وراه مطالب

[الجوكر90]

سبحان الله اشلون ماتبون يبوقونكم وانتو بالنسبه لهم مقصه
اول شي انا كانسان واعي ماراح اشتري بضاعه بقيمه كبيره من تاجر او تاجره الا يوم استلم البضاعه او ادفع عربون فقط
ثاني شي محد يشتري بضاعه كبيره مره وحده الواحد يجرب مره وبعدين يدفع

والله مادري احس بنات قطر مب شايفين خير بس يبون يشترون بدون مايفكرون يخافون البضاعه اطير منهم
وللاسف فاكثر من منتدى حذروا من هالشي ويقولون لاتشترون بمبالغ كبيره بس يوم يشوفون البضاعه يفهون وعلى طول ابي هاي وهاي وهاي

الله يعينج الشيخه

[كازانوفا]

حسبي الله عليها استغرب من الناس اللى تاكل وتاخد تعب الناس التانيه بدون احسااااااس

ربي يعوضك ان شالله وتسترجعي فلوسك

[بدوي]

اختي .. ان شاءالله موضوعج بسيط


راجعي . قسم الجرائم الالكترونية


وبأذن الله بيلقون لمشكلتج حل

[ابن الجزيرة]

راجعي قسم الجرائم الالكترونية المسعنه ضابط محترم وذكي ومتعاون


لا تياسي من استرداد حقك

ان تركتي الموضوع يمر غيرك سوف يلاقي نفس المصير

[الزعفراني]

قدمي عليها بلاغ وأعتقد من خلال البن كود قسم الجرائم الإلكترونية يقدرون يطلعون رقم الجوال اللي مفعله عليه خدمة البلاك بيري لهذا البن كود .

وقدمي لهم مع البلاغ رقم جوال المندوب .

[qatarshark]

السلام عليكم ورحمة الله وبركاته
باختصار اضع بعض الحلول لمثل هذه المشكلة
- الاتصال بالتاجرة والتفاهم معها بالمعروف لاستردا الاموال
- الاتصال (رقم التاجرة) سيفيد في حالة الشكوى باعتبار انك لا تربطك علاقة معها
- المندوب هوالخيط او الدليل على الجريمة باعتباره طرف من اطراف العملية وهو عنصر مهم سيساعد في حل المشكلة اذا قمنا بتقديم شكوى( لحد يقول ماله خص المندوب كلها طراقين بالمركز وراح يعترف:nice:) اتغشمر مافي طراقات بس هو رقم هاتفه سوف يساعد في حل المشكلة اذا سحب الى مركز الشرطة , وعرض عليه السؤال: ماهي العلاقة بينك وبين الضحية (اوكيف اتى رقم جوالك لها) هذا غير ان في بعضهم يشتغلون بصفة غير رسمية
-اخيرا وليس اخرا انتوا ليش ي اخواتي تشترون البضايع من المنتديات (انا ماابي اقطع رزق حد) بس المشكلة ان البظاعة تشوفها بالصور مش لى الطبيعة وممكن تكون مغشوشة ( صناعة الصين وتايلند:nice:) هناك مواقع رسمية وتتعامل مع الزبائن بكل اريحية وفيها مصداقية (على سبيل المثال وليس الحصر موقعhttp://www.childrensalon.com/
تشلدرن صالون في بضايع للاطفال واصلية وسعرها رخيص ويوصلون لك البضاعة للبيت في اسبوع واحيانا اقل)
الحذر ثم الحذر ثم الحذر من النصابين لان لديهم طرق في التخلص من المشكلة وبسرعة
تقبلوا تحياتي

[almaf1a]

تعجبني الناس المفتحه والي عندها حس امني
اهم شئ رقم السيارة عندج

الله يعينج

[بو خليفه 123]

هل بينكم مسجات عندما اكدت التاجره انها استلمت الفلوس ؟

او مسج يبلغك ان البضاعه تأخرت ؟

[دااانة قطر]

اول عاايني البضااعه بعديناشتريها
عن نفسي انغشيت مره بشنطه في الصوره غير ويوم شفتها اللون غير والخاامه معجبتني كلش وزين ان الدفع بعد الاستلاام فرديتها


واذكر مره توااعدت معوحده موجوده هني معاانا على كم شغله وقلت لها ابيج تطشينهم وانا اختاار اللي يعجبني طرشت المندوب مع ربع اللي طلبته والبااقي خرااخيش مالها معنى قبل الوقت اللي اتفقنا عليه بسااعتين واتصل عليها ماترد اختاار وشو والاغرااض نااقصه اخرتها ماخذت شي ودفعت حق المندوب ولا رجعت كلمتني الله لايساامحها



بصرااحه الاسوااقاحسن بواايد فليش تعلون قلوبكم معااهم
اتمنى يتم استخرااج ترااخيص للتجااره الشخصيه :telephone:

[المسك1969]

لو أتيي على الفلوس فالامر سهل... لكن المصيبة لما تكتشفين أن هذه التاجرة مسوقه للدعارة بعد والعياذ بالله...

ومرة صادفت وحدة بمثل هذا النوع ولا أعلم هل هي رجل أم أنثى ونشرت برود كاست بالنك وليس بالبن كود حيث خفت أن تضحك على ضعاف النفوس من السيدات ولأنني كنت جديدة على البلاك بري لم أعرف كيف أخزن المحادثات... وياليتني بدل ما أحذف خزنتها وبلغت الشرطة:anger1:

الحمدلله ولكن الحذر واجب من مثل هذه النوعيات

جزاكم الله خيرا

[الـمـحـنـك]

يمكن هو المندوب نفسه ههههههه

[حسن]

هناك قاعده قانونيه وهي (القانون لا يحمي مغفلين)


بالنسبه لموضوعك زين اللي طرحتيه هني علشان الناس تاخذ حذرها وخصوصا البنات اذا يتعضوون

انا استغرب كيف الناس تتعامل مع ناس وهمين وبعدين نقول طاح الفاس في الراس

الحين احنا الناس الحقيقيين مهب قادرين عليهم وشلون وهميين الله يعين

صحيح احنا شعب طيب لكن في وقتنا الحالي الطيبه مصيبه تودي راعيها في ستين داهيه

بالنسبه لموضوعك سايسيها حاولي معاها يمكن الله يسخرها لك وترجع الفلوس ولا البضاعه

ولا تقومون تنشرون رقمها على البلاك بيري ولا اسمها لتحذير الناس عنها ورغم اني عندي قناعه

انهم مايستجيبون للنصائح الحين الكل راكب راسه ومسوي نفسه فاهم ومستعد يجادلك لين الصبح

بلانسبه للاشكوى ماعتقد تنقبل وذا قبلتها الجهات الامنيه كلمه عند وكيل النيابه منها مهب انه

تغلق الدعوي والله يعض عليك

انا احب اوجهه نصيحه لك وغيرك ان الواحد مايسلم نفسه لتجار وهمين من قبل بلاك بيري وغيره

مهما كانت مصداقيتهم

ولا تاخذين منها رصيد عن المبلغ وذكر كل التفاصيل وعنوانها واسمها الحقيقي

المهم انها تكون اوراق رسميه واثباتات علشان ذيك الساعه تودينها في ستين داهيه


ومثل ماقتلك حايليها شوي شوي ولا اذا تعرفين ضابط معرفه عن طريق الرقم يمكن يقدر
يساعدك بشكل ودي

[الصغيره]

اخواني اخواتي

كلامكم على عيني وراسي وانا غلطت وما ارح اطيح بالفخ مره ثانيه وهي بطيح بشر اعمالها بحاول بكل الطرق استرجع فلوسي وفلوس صديقتي

وللعلم التاجره عبر البلاك بيري فقط وعندها بالفلكر واميل لا لها مسمى بالمنتتدى وليست عضوه بالمنتدى حتى ما حد يفهم غلط هي خارج المنتدى فقط كتبت المووضوع للتحذير ولما انهي الموضوع معها راح حذر منها بالاسم الصريح وعبرتاجرات البلاك بيري الغريب واللي مخليني اشك انها رجل انها تتعامل بالبلاك بيري فقط يعني ماحد سمع صوتها ولا شافها

العلاقه الوحيده هي المندوب

وهذه بعد رساله للي مسوين انفسهم مندوب احذر من هالنوعيه


الف شكرا لكم وكلمه للاخوات الحذر الحذر من تقول بس التعامل مع البلاك بيري سوي لها دليت ولا تدخلنها بالقروبات ترى يمكن تكون رجل حسبي الله والنعم الوكيل

وهذا درس نتعلم منه وفعلا القانون لا يحمي المغفلين والطيبه الزايده مالها داعي والركض وراء التجاره اللي بالهواء مالها عنوان بلاش منها


وللعلم ان فيه ناس نتعامل معهم وتاجرات متغربات وبامريكا والله والله انهم ثقه والتعامل معهم افضل من الف تاجره معنا وببلدنا
واللي ما يخاف من الله ولا يتحرى الحلال لا تظن ان الله بيسكت عنه وحقك بيرد لك ولو بعد حين


والحذر واااجب

[الصغيره]

يمكن هو المندوب نفسه ههههههه

والله جايز وليه لا مادام بس بن كود وفلكر واميل

لا تلفون ولاعنوان ولا وصل ومبالغ خياليه مجردصور بفلكر

[حسن]

اختنا الصغيره المفروض تنشرين البين كود مالها على البلاك بيري لاتحذفينه وعيى غيركم

الصراحه انا ماعندي بلاك بيري ولا كان قلت لك طرشييه وحتى على التويتر بانشره

انخلي هل الاشكال تتادب

المشكله قطر فتحت على العالم والقانين هني ضعيفه شوي ودخلو علينا نصابين

عصابات وخصوصا اللي كانو في دبي وهات نصب علىالعالم

والبلا من البعضعندنا يروح يكفله ويقطونه هو في السجن وهذاك يصول ويجول

[برويقن]

المفروض ماتدفعين إلا لين تشوفين البضاعة وتستلمينها منها

سلم واستلم

وفيه مواقع وايد تبيع ومضمونه مثل الايباي وامازون وغيرهم

واذكر مره شريت اغراض من الايباي وقلت للتاجر يطرشهم بالبريد السريع .. لكن طرشهم بالبريد العادي وطرشت له ايميل اسىئله عن السبب .. ورد علي واعتذر ورجع لي قيمة البريد السريع وزيادة

[الصغيره]

اختنا الصغيره المفروض تنشرين البين كود مالها على البلاك بيري لاتحذفينه وعيى غيركم

الصراحه انا ماعندي بلاك بيري ولا كان قلت لك طرشييه وحتى على التويتر بانشره

انخلي هل الاشكال تتادب

المشكله قطر فتحت على العالم والقانين هني ضعيفه شوي ودخلو علينا نصابين

عصابات وخصوصا اللي كانو في دبي وهات نصب علىالعالم

والبلا من البعضعندنا يروح يكفله ويقطونه هو في السجن وهذاك يصول ويجول


اخوي حسن

اخواتي واخواني

البارح اتصل بنا مندوبها بعد كم رساله على البلاك بيري وبعد كم اميل وبعد ارسال رقم السياره لها على الاميل وعلى البلاك بيري وانا بنشتكي

البارح رجع المندوب الفلوس لنا واتصلوا به كثير من الخوات اللي تضرروا

وقالوا نفس ما قلنا بنشتكي البارح ماكان بصالحه ابد الكل صار يتصل به ويطالبه بفلوسه وماخذ عليه رقم السياره ورقم تلفونه اللي كلمنا منه وبدورنا عطيناه اللي تضرروا منها

وللاسف عندي شك مليون بالميه ان التاجره ماهي الا رجل لانها لم ترد على التلفون اللي عطانا اياه المندوب


ومن هذا المنبر اقووووول لكل الاخوات احذرن التجاره بالبلاك بيري احذرن قد تستغلن وينصب عليكن

ومن الان ورايح راح يكون الشراء من جهتي عبر المواقع الموثوق بها وعبر الاخوات الاتي لهن عنوان واضح وارقام تلفونات وعبر الاتصال وليس الرسايل

ومن دورتي ومن بحثي ومعاناتي مع الموضوع عرفت ان هناك مكتب بقطراو موقع الكتروني اسمه الوسيط طبعا مش وسيط الشرق تعطيه اي لكن انت ملاقي به بضاعه وتريدها وتضع المواصفات والاسعار لهم بالموقع بعد فتح حساب لك بموقعهم وهم يحضرون لك البضاعه وطبعا قبل احضارها يجيك مندوب معتمد منهم يسلمك وصل بثمن بضاعتك اللي انت عينتها باي موقع واخترها ومن خلال موقعهم تتبع ملاحظات الموقع حول خطوات احضار البضاعه حتى تصل لك واي موقع ترسله لهم ويشوفون انه موقع خدع ونصب يعتذرون لك ما يتعاملون معه ويحذرونك من التعامل معه


اخواتي الحذر الحذر الحذر ترى البن كود لاي تاجره ليس اثبات انها امراه حتى لو كان الاسم انثوي


وسلامتكم

[الصغيره]

المفروض ماتدفعين إلا لين تشوفين البضاعة وتستلمينها منها

سلم واستلم

وفيه مواقع وايد تبيع ومضمونه مثل الايباي وامازون وغيرهم

واذكر مره شريت اغراض من الايباي وقلت للتاجر يطرشهم بالبريد السريع .. لكن طرشهم بالبريد العادي وطرشت له ايميل اسىئله عن السبب .. ورد علي واعتذر ورجع لي قيمة البريد السريع وزيادة

هو المفروض لكن انا اعتمدت على الدعايه اللي بالقروب وعلى الموقع اللي هي نشره بضاعتها فيه ولما راجعت الموقع مالقيت الا بن كود واميل فقط بعد ما سلمت الفلوس وبعد شهرين ونص من المعانا والانتظار اكتشفت ان مابه وسيله اتصال ولا شي الا بن كود واميل وهنا صارت الوهقه

ممكن روابط هالمواقع يا ااختي وايضا مدحو ا لي موقع الوسيط لاحضار اي بضاعه عبر النت لك ماعليك الا نسخ اللنك اللي تبينه بعد التسجيل معهم ثم تدفعين ثمن البضاعه واتعابهم وهم يتولون الشراء لك

ياليت تزوديني بالمواقع اللي معك

تقديري لك

[دااانة قطر]

ماشااء الله زين سويتوه فيه وربي رجع لكم حقكم

[الصغيره]

هل بينكم مسجات عندما اكدت التاجره انها استلمت الفلوس ؟

او مسج يبلغك ان البضاعه تأخرت ؟

نعم لدي الاميلات والمسجات عبر البلاك بيري

لكن البارح حلت المشكله

وفيه رد لي سابق يوضح كيف حصلت على المبلغ اخيرا لكن للاسف حتى الان اشك بهوية التاجره .

[الصغيره]

اول عاايني البضااعه بعديناشتريها
عن نفسي انغشيت مره بشنطه في الصوره غير ويوم شفتها اللون غير والخاامه معجبتني كلش وزين ان الدفع بعد الاستلاام فرديتها


واذكر مره توااعدت معوحده موجوده هني معاانا على كم شغله وقلت لها ابيج تطشينهم وانا اختاار اللي يعجبني طرشت المندوب مع ربع اللي طلبته والبااقي خرااخيش مالها معنى قبل الوقت اللي اتفقنا عليه بسااعتين واتصل عليها ماترد اختاار وشو والاغرااض نااقصه اخرتها ماخذت شي ودفعت حق المندوب ولا رجعت كلمتني الله لايساامحها



بصرااحه الاسوااقاحسن بواايد فليش تعلون قلوبكم معااهم
اتمنى يتم استخرااج ترااخيص للتجااره الشخصيه :telephone:

تصير واجد

وفيه العكس يعني هنا بالمنتدى تعرفت على تاجره والله التعامل معها ممتاز وتحضر لك البضاعه للبيت وبنفسها


ومره بمنتدى امراتي امي شافت جلابيه لتاجره كويتيه الجلابيه روووعه قليل عليها المهم ارسلت امي الفلوس للتاجره الله يسامحها ويوم جات اللجلابيه الا الصوره بصوب والجلابيه بصوب شي اسمه صدمه لا وحاطه لامي كم جلابيه فري معها :)

الصراحه الشراء من الاسواق ابرك بواجد

احسن ما شريت من النت المواعين والله مره نفسها نفسها اما الخلاقين والملابس ما قد ضبطت معي


تسلمين على المرور والمشاركه

[الصغيره]

تعجبني الناس المفتحه والي عندها حس امني
اهم شئ رقم السيارة عندج

الله يعينج

:shy:

[الصغيره]

السلام عليكم ورحمة الله وبركاته
باختصار اضع بعض الحلول لمثل هذه المشكلة
- الاتصال بالتاجرة والتفاهم معها بالمعروف لاستردا الاموال
- الاتصال (رقم التاجرة) سيفيد في حالة الشكوى باعتبار انك لا تربطك علاقة معها
- المندوب هوالخيط او الدليل على الجريمة باعتباره طرف من اطراف العملية وهو عنصر مهم سيساعد في حل المشكلة اذا قمنا بتقديم شكوى( لحد يقول ماله خص المندوب كلها طراقين بالمركز وراح يعترف:nice:) اتغشمر مافي طراقات بس هو رقم هاتفه سوف يساعد في حل المشكلة اذا سحب الى مركز الشرطة , وعرض عليه السؤال: ماهي العلاقة بينك وبين الضحية (اوكيف اتى رقم جوالك لها) هذا غير ان في بعضهم يشتغلون بصفة غير رسمية
-اخيرا وليس اخرا انتوا ليش ي اخواتي تشترون البضايع من المنتديات (انا ماابي اقطع رزق حد) بس المشكلة ان البظاعة تشوفها بالصور مش لى الطبيعة وممكن تكون مغشوشة ( صناعة الصين وتايلند:nice:) هناك مواقع رسمية وتتعامل مع الزبائن بكل اريحية وفيها مصداقية (على سبيل المثال وليس الحصر موقعhttp://www.childrensalon.com/
تشلدرن صالون في بضايع للاطفال واصلية وسعرها رخيص ويوصلون لك البضاعة للبيت في اسبوع واحيانا اقل)
الحذر ثم الحذر ثم الحذر من النصابين لان لديهم طرق في التخلص من المشكلة وبسرعة
تقبلوا تحياتي

معاناه كبيره بالنسبه لنا لكن انتهت على خير والكل تعلم درس بس يارب الكل يستوعب ولا يجري وراء دعايه بتويتر اوفلكر او فيس بوك او منتدى والاتصال اميل وبن كود ولا تدري من وراه

والحمد لله ان التاجره مدري التاجر مدري ايش هو بقطر والا كان راحت فلوسنا علينا ومش انا ولا اختي ولا بنت عمي الا قروب كامل يشتكون منها

الله يعينهم ويعينها على تجارتها

[خنجر]

اكثر الاخوان ماخذين الموضوع بعين الحسد والهجوم
اللي ماله داعي

ناس تترزق وما عندهم اشغال ولا مصدر دخل غير التجاره من خلاال النت

وفي ناس مستغلين الموضوع وشغالين نصب على( خلق الله )

في ناس لهم سمعه ومعروفين مو اي واحد تصدقونه وتشترون من عنده

ومهما كان يجب ان تكون المبالغ صغيره او يكون التسليم بعد استلام البضاعه

وخااااصه البيع والشراء من خلال المنتديات

لاتصدقون الدعايه ترى عصابات اوالتاجر يدخل في كذا اسم
ويسوي لروحه دعايه

انا حدثت معاي قصه في هذا المنتد بعد الدعايه وال ووووااوووو صدقت وشريت من عند وحده معروفه هنا
دهن عود على اساس الدعايه وان الريحه تتم ليومين ماجربته دفعت الفلوس وروحت
نفس اليوم بعد التجربه اتضح انه غير الوصف المذكر والله ما تم ساعه وراحت الريحه
المهم اتصلت وكلمت المندوب على اساس يرجع لفلوس
طبعا لا حياه لمن تنادي

الله لا يحللها

فا الحذر الحذر

[بوخالد911]

اكثر الاخوان ماخذين الموضوع بعين الحسد والهجوم
اللي ماله داعي

ناس تترزق وما عندهم اشغال ولا مصدر دخل غير التجاره من خلاال النت

وفي ناس مستغلين الموضوع وشغالين نصب على( خلق الله )

في ناس لهم سمعه ومعروفين مو اي واحد تصدقونه وتشترون من عنده

ومهما كان يجب ان تكون المبالغ صغيره او يكون التسليم بعد استلام البضاعه

وخااااصه البيع والشراء من خلال المنتديات

لاتصدقون الدعايه ترى عصابات اوالتاجر يدخل في كذا اسم
ويسوي لروحه دعايه

انا حدثت معاي قصه في هذا المنتد بعد الدعايه وال ووووااوووو صدقت وشريت من عند وحده معروفه هنا
دهن عود على اساس الدعايه وان الريحه تتم ليومين ماجربته دفعت الفلوس وروحت
نفس اليوم بعد التجربه اتضح انه غير الوصف المذكر والله ما تم ساعه وراحت الريحه
المهم اتصلت وكلمت المندوب على اساس يرجع لفلوس
طبعا لا حياه لمن تنادي

الله لا يحللها

فا الحذر الحذر

س مهم : وهل في عطر ودهن عود ريحته تتم ليومين ؟!؟!؟!؟:omg::eek5::omg:

يدوووب تتم كمن ساعة وبس

والله يعوض عليكم
:victory:

[لمعة الالماس]

كلميها واتفقي معاها على شي وخلي المندوب يجيكم وحاولي تلحقينه لين بيتها وان شاء الله تصيدينها

وبلغي عليها بعد

[الشيخة شيوخة]

انا بالنسه لى مادفع ولا ريال الا اذا شفت البضاعة وعجبتنى
واذا حبيت اشترىها بشتريها
بس مع مثل هالناس
ماحب اتعامل
عندى شعور انهم نصابين
وتجار شنطه
يعنى ياخذون لفلوس
اذاكانت لفلوس الى خذوها من اكثر من زبون يعنى فيها قيمة البضاعة والربح بيسافرون وبيجيبون البضاعة و اذا محد طلب الاشخص اوشخصين يعنى مستحيل تروح تجيب بضاعة لان الربح مراح يكفى لسكنها او لتذكرتها علشان كذا يتم التاجيل
افضل ادفع الوف وهى من متجر معروف
ولا تغليد وينصب على فيها
والقانون لايحمى المغفلين
وبصراحة مدرى متى شعبنا بيتعلم يحمى نفسه

[pink pearl]

الله يعوضج خير، كل شي ولا ظلم العباد !
الصراحة بالنسبة لي ما أشتري الشي إلا لما أكون متأكدة 100% من المنتج ، بس أفضل أشتري من السوق ومن مكان معروف أحسن من أشخاص مجهولين من خلف كود ولا نك ، وفي النهاية كل واحد وضميره في اللي يبيعه

الله يكون بعونج

[Scout Sniper]

انتي بإمكانك تقييم الوضع ...
اذا المبلغ عود ويستاهل عوار الراس , بلغي

[المبرمج صلاح]

انا استغرب من البعض انهم يدفعون مبلغ من مال للتجار مقابل منتج سوف يصل بعد فترة ولا يعرفون هذا التاجر
طبعا لا اذم في كل التجار اكيد في تجار ثقة و يخافون الله ولكن حتي تحمي نفسك انصح
عدم دفع اي مبلغ لاي تاجر شخصي الا عند الاستلام والتسليم والتاكد من ان المنتج كما اردت
هذا راي الشخصي والذي اتعامل به مع كل عملائي لا اخذ اي مبلغ الا عند تسليم المنتج وتاكد من سلامته امامه
واكيد تحدث اخطاء اثناء التجارة كما قال اخوي شموخ وهنا يبان التاجر الصالح من الفاسد بعد بتصرفه بعد الخطا

والله اعلم

الله يوفقنا جميعا لما يحبه ويرضاه واتمني من الله ان تحل مشكلتك في اسرع وقت

[الخـود]

لا تشترون الا من تاجرة ترضى تعطيج البضاعة وتعاينينها ثم تدفعين لها..

والافضل أن تنشرون هالخبر علشان الناس ياخذون حذرهم..

الله يعوضج ان شاء الله

[عنزي قطر]

اخواني اخواتي

سوف ارضى بما تقولون لي لكن مشكلتي انني ظنيت بناس الظن الحس لكن ماهقيت ان فيه ناس لين الحين بهذا ......

السالفه
قروب وفيه تاجرات ويحطون بن كود كل تاجره

فيه وحده حاطه فلكر وحاطه اميل وبن كود

اعجبتني منها بعض المعروض من التجاره وبما ان صديقتي قبلي طلبت قلت ثقه وطلبت منها بمبلغ مش قليل حتى اسكت عنه واقول الله بيعوضني

المهم

التواصل عبر البلاك بيري ارسلت مندوب وارسلت السايق للمندوب وردت علي ان المبلغ وصل ومجرد وقت

مضى زمن شهرين وشوي وسال صديقتي قالت نفس حالتك ما جاء شي ولا ترد علي
فجاه الاخت ارسلت لي قالت البضاعه ماتوفرت بعد شهرين وشي تبين بدلها يعني انتظر بعد شهرين سته مش مشكله عندها قلت لا والله يااااااختي ابي فلوسي قالت بكره المندوب يوصل لك فلوسك
قلت زين
راح بكره
وجاء بكره
ومر اسبوع وانا ارسل والاخت سبات تام ولا ترد

الحين هل اقدم شكوى وابلغ مستنده على رقم سيارة المندوب وموقعها والبن كود الخاص بالبلاك بيري

واذا طلع المندوب مسافر ايش ذنبه ؟؟

خواتي اخواني نصيحه نصيحه نصيحه لاحد يحط فلوسه بمجرد صوره بضاعه على حائط وبن كود واميل طالبوا برقم جوال وفاتوره

احسن اننا ضحيه نصب واحتيال ومازالن التاجرات مجرد بن كود

ونصيحه للخوات ترى مشكل مسمى وبن كود وراه امراه يمكن شاب ويتاجر باسم انثوي او مقيم او مقيمه وسافر وفلوسكم عليها السلام


الصراحه افكر اقدم شكوى مستنده على رقم السياره


الموضوع للتحذير والعبره


ولاباس بالنصيحه :(


اولا سبقتني على الموضوع وجزاك الله خير على التنبيه وكلامك صحيح
ثانيا هي ظاهره خطيره يجب التصدي لها بعض التاجرات وتجار يترزقون لكن بعضهم نصابين متعرفين الصادق من الكاذب . وبعض التاجرات يستغفلون الناس والاسعار مبالغ فيها
وللعلم كل شخص يضع بنود كود او فلكر بدون تصريح بيع قانون التجاره يمنع هذا وتم التنبيه له من قبل .

اما بخصوص حقك أختي الكريمه نصيحه لك أذا ماردت عليك الحل ابلاغ اقرب مركز شرطه لديكم وسوف يقوم باجراء الازم . وسوف تحاسب قانونياً .ولي عوده للموضوع . موضوع مهم جدا شكرا مره اخرى

[naif3]

حسبنا الله ونعم الوكيل

[الكاسب]

القانون لايحمي المغفلين...المحزن أن الخليجين عرضة للنصب في بلدانهم وخارجها!!!!!