مشروع الفلاح السكني في الامارات

[للصبر اخر]

حصلت الصور التي نشرتها صحيفة الاتحاد لتسليم مفاتيح مساكن مدينة الفلاح على تجاوب كبير من المغردين على تويتر، حيث أثنى الكثيرون على الطريقة المميزة التي اختارها القائمون على المشروع لتسليم المفاتيح إلى السكان الجدد، فقد تضمن التغليف الخاص بالمفتاح عبارة : “من راعي الدار إلى أهل الدار”، كما أثنى الكثيرون على سلاسة الإجراءات الخاصة بالتسليم.

وكانت بلدية مدينة أبوظبي قد بدأت اليوم تبسليم المساكن الشعبية في منطقة الفلاح للمواطنين المستحقين، و يأتي ذلك ضمن مشروع مدينة الفلاح السكنية الذي يشمل بناء 4857 فيلا مختلفة الأحجام والتصميم على مساحة إجمالية تبلغ 5، 12 مليون متر مربع تلبي متطلبات واحتياجات مختلف الفئات المستحقة من المواطنين .

http://www.snyar.net/wp-content/uploads/2012/08/ad-alfalah-houses-receipt11.jpg

http://www.snyar.net/wp-content/uploads/2012/08/ad-alfalah-houses-receipt1.jpg

صوره للمشروع

http://www.snyar.net/wp-content/uploads/2012/08/ad-alfalah-houses-receipt15.jpg

[الزعفراني]

ماشاء الله .. فكره حلوه ومبتكره .. خصوصا عبارة من راعي الدار إلى أهل الدار .. يستاهلون المنتفعين بهالمساكن .. ويستاهلون اخوانا الاماراتيين والله يبارك لهم فيها .

[ابو ذياب]

يستاهلون هل الامارات

[الدوحه 2007]

يستاهلون اخوانا الاماراتيين

والله يبارك لهم فيها

[للصبر اخر]

اميين
تسلمون ع المرور

[حسن]

ماشاء الله .. فكره حلوه ومبتكره .. خصوصا عبارة من راعي الدار إلى أهل الدار .. يستاهلون المنتفعين بهالمساكن .. ويستاهلون اخوانا الاماراتيين والله يبارك لهم فيها .



اتصدق استوقفتني هذه العباره تحس انها قرصه اذن

مادري ليش تذكرت بساط الفقر يوم يقولون حق عنتر اطعموه من كنافه الامير زهير

:victory:

[وحيد-الشوق]

رغم تحفظي على هذي الجملة من راعي الدار الى اهل الدار لكن يستاهلون اهل الامارات والبيوت مبين عليها حلوة وكبيرة

عقبالنا احنا وان شاء الله يلغون القرض فقط بدون ارض ليش التفرقة بين القطريين رغم عددهم 250 الف تقريبا !!!!!

[الكنترول]

أن شاءالله يلغون الشرط على الأراضي المشروط ,,,, مادري ليش التفرقة

[Gmail]

من راعي الدار ؟؟؟


من (يعني عطية أو هبة وليست حق !! )

راعي الدار (ليش البلاد ملك من؟!! )

[w.qatar]

ما قصروا في شعبهم ما شاء الله عليهم

اعرف ناس من اهلنا هناك استفادوا من المشروع هذا يقولون اغلب البيوت مخصصه للارامل و المطلقات كانوا متلعوزين هم و عيالهم جزاهم الله خير صراحه في الامارات اهتمام و تنظيم ماشفته في مكان ثاني

[حسن]

من راعي الدار ؟؟؟


من (يعني عطية أو هبة وليست حق !! )

راعي الدار (ليش البلاد ملك من؟!! )


انت الله يهداك ماتعرف ان الشيوخ ابخص

:nice:

[سهم ماينزل]

يستهالون والله يرزق الجميع

[بونو]

كلكم راع وكلكم مسؤول ن عن رعيته

الجمله صحيحه ١٠٠ ٪ وما عليها غبار ... هو راعي الدار والمواطنين اهلها ....

ياخوي خل يكتبون لنا هبه ... عطيه ... صدقه ... إحنا راضين ... بس يعطونا ارض !!

صحيح ... إرضاء الناس غاية لا تدرك !

[بوطويشم]

من راعي الدار ؟؟؟


من (يعني عطية أو هبة وليست حق !! )

راعي الدار (ليش البلاد ملك من؟!! )

السلام عليكم

احسن من الي يتم بدون ارض

او يوم خذ الأرض صارت محمية

ومعروف فالخليج

راعي الدار من بيكون أكيد الأمير الرئيس الملك

الى اهل الدار

المواطنين

مبرووك للشعب الأماراتي

[Aaziz]

عجبني تصميم الفيلا. حد يقدر يجيب لنا المخطط

[عزووز قطر]

ليش واجهة الفيلا صبغ مب حجر طبيعي ؟

[Riku3]

يستاهلون :] ..

ما شاء الله باين على المنطقه راقيه ونظيفه !! .. شوفو المطبه شلون مب الي عندنا >___< .

[جفى الجوارح]

رغم تحفظي على هذي الجملة من راعي الدار الى اهل الدار لكن يستاهلون اهل الامارات والبيوت مبين عليها حلوة وكبيرة

عقبالنا احنا وان شاء الله يلغون القرض فقط بدون ارض ليش التفرقة بين القطريين رغم عددهم 250 الف تقريبا !!!!!

250 الف قطري
250 الف قطري - 150 الف نساء = 100 الف رجل

100 الف رجل - 50 الف طفل = 50 الف رجل بالغ

50 الف رجل بالغ -30 الف عندهم بيوت = 20 الف رجل ماعنده بيت

20 الف رجل ماعنده بيت - 10 الاف رجل مش متزوج = 10 الاف رجل متزوج

10 الاف رجل مافي لهم اراضي واراضي الدوحه بس تكفي 40 الف بيت

[ANONYMOUS]

ليش واجهة الفيلا صبغ مب حجر طبيعي ؟

هههههههههههههههههههههههههههههههههه قول احلف

[Qatari 1980]

من راعي الدار ؟؟؟


من (يعني عطية أو هبة وليست حق !! )

راعي الدار (ليش البلاد ملك من؟!! )

أولاً مبروك حق أهل الأمارات ويستاهلون كل خير

واعذرني أخوي أرد عليك وأقول أن تفسيرك خطأ وماله أي معنى

هم ما كتبوا لك من (مالك الدار) .. هم كتبوا من (راعي الدار)
و(راعي الدار) هو الي يرعاها وليس يملكها


أنا أشوفها جمله حلوه والله يبارك لهم

[captin]

ما شاء الله بادرة حلوة تفرح المستفيد من المنزل المخصص له ولأسرته

عندنا أعتقد لين جهز بيته يعطونه كتاب التقاعد ويكون الكفن جاهز الله يطول بعمر الجميع
هههههههههههههههههههههههههههههه

لأنه مسكين لاعت جبده ينطر الأرض 20 سنة وينطر الخدمات 10 سنين
وأخذ سلفيات وباع ما وراه ودونه لين خلص بنيانه وسكن.

يستاهلون أهل الإمارات عساهم دوم في زود ورفعة وتقدم

[بوحارب]

انشهد ان البيت سوبر ديلوكس ^^

يستاهلون اهل الامارات

[alfahad1]

هم ما كتبوا لك من (مالك الدار) .. هم كتبوا من (راعي الدار)
و(راعي الدار) هو الي يرعاها وليس يملكها


أنا أشوفها جمله حلوه والله يبارك لهم

جبتها صح الله اصابعك

واتمنى الجيل القادم ما يتلعوز بقروض عشان سكن له ولعياله مثل حال هالجيل

واتمنى الازدهار والنموا للامارات وقطر والشرق الاوسط والكرة الارضيه والكواكب المجاوره

[للصبر اخر]

كلكم راع وكلكم مسؤل عن رعيته

يستاهلون هل الامارات
وشاكره لكم كل تعليقاتكم
ومرووركم الاحلى

[للصبر اخر]

جبتها صح الله اصابعك

واتمنى الجيل القادم ما يتلعوز بقروض عشان سكن له ولعياله مثل حال هالجيل

واتمنى الازدهار والنموا للامارات وقطر والشرق الاوسط والكرة الارضيه والكواكب المجاوره

:eek5::eek5:
والمجرات المجاوره ماتبي فيها ازدهار بعد

[احمد بن علي]

يستاهلون اهلنا في الامارات والله يبارك لهم في بيوتهم ويعطيهم خيرها

[سكرمر]

من راعي الدار ؟؟؟


من (يعني عطية أو هبة وليست حق !! )

راعي الدار (ليش البلاد ملك من؟!! )




جمله صحيحه


راعي الدار


وليس مالك الدار

[كازانوفا]

هنيئا لهم ربي يبارك لهم فيهااا

[المواطن]

مبروك لاهلنا واخوانا في الامارات ويستاهلون اكثر

ويبارك لهم في راعي الدار الله يجزيه خير عن شعبه

وراعي الدار كلمه صحيحه 100 في %

[tradesman]

ياريت الي عندنا يتعلمون شوي منهم

بدل انك تنطر سنيين عشان يخصصون لك قطعة الارض وتنطر سنيين عشان يوفرون الخدمات وعقبها

يقولون لك محمية

[(بوطلال)]

الله يبارك لهم بس ياليت يهتمون بعد بأهل الامارات الثانيه مثل راس الخيمه وعجمان وام القيوين الي حالتهم حاله ,ومايقتصر الامر على اماراة بوظبي

[الكاسر007]

الجمله صحيحه 100 ٪ وما عليها غبار ... هو راعي الدار والمواطنين اهلها ....

ياخوي خل يكتبون لنا هبه ... عطيه ... صدقه ... إحنا راضين ... بس يعطونا ارض !!

صحيح ... إرضاء الناس غاية لا تدرك ![/QUOTE]

ههههههههه انت كذا :nice:

[Bin Hood]

يستاهلون اهل الامارات

خلال اقامتي في الامارات للدراسة ماشفت منهم الا كل خير

والجملة ما عليها غبار لكن ارضاء الناس غاية لا تدرك

[halcrow]

مشروع راقي ويستاهلون اخوانا

[barod]

هذي الامارات اتعبت من جاء بعدها

[الأصيلة]

ما قصروا في شعبهم ما شاء الله عليهم

اعرف ناس من اهلنا هناك استفادوا من المشروع هذا يقولون اغلب البيوت مخصصه للارامل و المطلقات كانوا متلعوزين هم و عيالهم جزاهم الله خير صراحه في الامارات اهتمام و تنظيم ماشفته في مكان ثاني

وكانت بلدية مدينة أبوظبي
يعني خاص بإمارة أبوظبي وليس كل الإمارات...

[حسن]

هذي الامارات اتعبت من جاء بعدها

انا اشهد انها تعبت من وراها في العمار فقط ودبي بالخصوص

اما بالنسبه لتميز القطرين حكومه قطر تعبت من جاء وراها من كل الدول
:victory:

[out]

مشروع ناجح بمعنى الكلمه وانا اعرف ناس شخصيا واستلموا فيلا من هالبرنامج

وحاليا جالس ياثث بيته الله يوفقه ان شاء الله وجميع إخوان الإماراتيين

تحياتي

[chillis]

ليش واجهة الفيلا صبغ مب حجر طبيعي ؟

ههههههههههه صبغ ولا حجر المهم سكن يسكنون به ويكون نظيف عاد تتوقع التشطيب ديلوكس ولا اي كلام :secret:

[chillis]

الله يبارك لهم بس ياليت يهتمون بعد بأهل الامارات الثانيه مثل راس الخيمه وعجمان وام القيوين الي حالتهم حاله ,ومايقتصر الامر على اماراة بوظبي

لاحظ الاهتمام في ابوظبي ودبي فقط وباقي الامارات مالهم نصيب ترا :secret: روح وشوف راس الخيمه وغيرها

[تهامي باشا]

عبارة (( من راعي الدار )) تحسسني انهم عايشين في اوروبا الاقطاعية وفيها شي من الاذلال
بشكل عام الفكرة رائعة والبيوت ظاهرها نظيف وتشطيبها محترم وأفضل من نماذج الدولة عندنا
حتى أعمال القرميد والجي ار سي والانترلوك والحديد المشغول تكفلت فيها الحكومة
نتمنى تطبيق مثل هذي الافكار في قطر فكثير من المواطنين يفضلون الجاهز وراحة البال

[بونو]

تهامي باشا ... كيف حالك !!

[الأصيلة]

لاحظ الاهتمام في ابوظبي ودبي فقط وباقي الامارات مالهم نصيب ترا :secret: روح وشوف راس الخيمه وغيرها

:nice:

[qatarman8008]

250 الف قطري
250 الف قطري - 150 الف نساء = 100 الف رجل

100 الف رجل - 50 الف طفل = 50 الف رجل بالغ

50 الف رجل بالغ -30 الف عندهم بيوت = 20 الف رجل ماعنده بيت

20 الف رجل ماعنده بيت - 10 الاف رجل مش متزوج = 10 الاف رجل متزوج

10 الاف رجل مافي لهم اراضي واراضي الدوحه بس تكفي 40 الف بيت


هالعشرة الاف لا تنطبق عليهم قوانين الاسكان ..