وش الافضل

[عيون الدوحة]

وش الافضل تركيب النوافذ والابواب او الجبس :discuss:

[اللوز]

ممكن توضيح اكثر

[عيون الدوحة]

التشطيبات للفيلا الجديدة
وش الافضل اركب الابواب والنوافذ قبل
او عمل الجبس ?

[شموخ دائم]

,

,


مرحبا


الشبابيك مافي مشكله بعد البلاستر على طول ركبوا الشبابيك
قبل الجبس او بعده ما تفرق

اما الجبس من الضروري يكون قبل الابواب

لان عمال الجبس بيدخلون بمعداتهم السقالات والخشب وهم داخلين
بتلاقين الحديد يضرب في الابواب من كل ناحيه
العمال ما يحاسبون للاسف وهم يشتغلون
الا اذا في فورمن او مهندس واقف على روسهم

واذا الارضيات راكبه الاحسن تركبون عليها نايلون
بكل البيت لحمايه الارضيات من الخدوش والصبغ ومخلفات الشغل
وممكن فوق النايلون يحطون ( روبه ) وهي طبقه لونها ابيض
تحمي الارضيات خاصه اذا رخام
وازالتها سهله جدا بعد انتهاء الاعمال


موفقين يارب

,


,


اخوك


شموخ دائم

[ابو رها]

وش الافضل تركيب النوافذ والابواب او الجبس :discuss:

تركيب الجبس قبل الابواب والشبابيك افضل
تهويه للجبس وينشف بسرعه مع مرور التيار مع الشبابيك والابواب
ايضاً الجبس اذا صار ع بعض انواع الزجاج ماينظف 100٪ والعمال
لاتوصين حريص مايهمهم لا ابواب ولا شبابيك
وعلى قولة الاخ شموخ بالنسبه للابواب


بعد الجبس يفضل دخول الصباغ واعطاء وجه اساس وسكينتين معجون
وبعد الشبابيك والابواب والسيراميك يرجع يحط سكينتين او وحده معجون
ع حسب البلاستر وجودته ويبدأ الصبغ

تقبل تحياتي

ابو رها

[اللوز]

الجبس قبل
مع اني ارشح عمل الجبس في فصل الشتاء بسبب برودة الجو

[ameeer3]

تركيب الجبس قبل الابواب والشبابيك افضل
تهويه للجبس وينشف بسرعه مع مرور التيار مع الشبابيك والابواب
ايضاً الجبس اذا صار ع بعض انواع الزجاج ماينظف 100٪ والعمال
لاتوصين حريص مايهمهم لا ابواب ولا شبابيك
وعلى قولة الاخ شموخ بالنسبه للابواب


بعد الجبس يفضل دخول الصباغ واعطاء وجه اساس وسكينتين معجون
وبعد الشبابيك والابواب والسيراميك يرجع يحط سكينتين او وحده معجون
ع حسب البلاستر وجودته ويبدأ الصبغ

تقبل تحياتي

ابو رها

كفيت ووفيت وكلامك عين الصواب وخير نصيحه - وهذا الي اتبعته في بيتي القديم وان شا الله بتبعه بعد في بيتي الي ببنيه اللحين والله يتمم علينا وعلى المسلمين كل خير