برودباند كيوتل كل شوي يفصل

[تاجر كشخة]

واجهتني مشكلة في البرودباند من ثلاثة ايام كل شوي النت يقطع ولازم اسوي اعادة تحميل الصفحه
:anger1: اضطريت اني اطلع بدل فاقد للشريحة قلت يمكن منها وغيرت وصلة اليو اس بي واخذت كيوتل ماي فاي ولا زالت نفس المشكلة مع ان برج كيوتل اقل من خمسين متر من بيتنا
اتصلت قبل على كيوتل بشان الموضوع وقالوا لي بنرد عليك وردوا علي اليوم وقال الموظف مشكورا وقال ان المشكله عامه مش بس انت
هل صادفتكم نفس المشكله مع العلم اني تعبت وانا احاول اكتب هذا الموضوع لردائة النت

[qrt_trading]

لا والله أنا ساكنه في منطقة عين خالد والحمد لله النت عندنا ما يفصل وكل الامور تمام والحمد لله يمكن في مناطق اي ومناطق لا

[عزووز قطر]

تقدر تشتكي عليهم ويعوضونك عن الثلاث ايام

[غموضي محيرهم]

اي والله اني نفس مشكلتك اخوووي : )

الوصله صارت بطيئه جدا بس مااشتكيت لانها معذبتني
خليتها وشبكت من شبكة بيتنا : )

[حميداني]

لا والله أنا ساكنه في منطقة عين خالد والحمد لله النت عندنا ما يفصل وكل الامور تمام والحمد لله يمكن في مناطق اي ومناطق لا

حتى انا بعين خالد لكن عندي يقطع لين ما تقول بس
أذاني وفشلني اليوم :rolleyes2:

[بودحوم]

نفس المشكلة عندي

[اللوز]

احتمال على حسب المناطق

[mtma]

نفس المشكله معاي .. من ثلاث ايام ومازالت مستمرة والنت مب يفصل وبس صاير بطيء لدرجة ماتصور .. انا في الخيسه والبرج يبعد عن بيتي تقريبا 200 متر

[تاجر كشخة]

تقدر تشتكي عليهم ويعوضونك عن الثلاث ايام

:secret::secret:

[تاجر كشخة]

نفس المشكله معاي .. من ثلاث ايام ومازالت مستمرة والنت مب يفصل وبس صاير بطيء لدرجة ماتصور .. انا في الخيسه والبرج يبعد عن بيتي تقريبا 200 متر

على حسب كلامهم ان الفنيين شغالين على الموضوع وبيحلون المشكلة في اسرع وقت :telephone:

[تاجر كشخة]

نفس المشكله معاي .. من ثلاث ايام ومازالت مستمرة والنت مب يفصل وبس صاير بطيء لدرجة ماتصور .. انا في الخيسه والبرج يبعد عن بيتي تقريبا 200 متر

يفصل عشر مرات في الدقيقه

[jaf111]

البرودباند والثري جي الجوال يفصل مرتين كل دقيقه من ٤ ايام

نبي تعويض ياكيوتل

[اوف ليميت]

انا ماستخدمه الا اذا قعدت فالشمال

شغال 100% ماصارتلي اي مشاكل معاهم وانا هناك

:]

[D0ha]

المشكله قائمة معاي- وكلامك اخوي سليم- الثلاثة ايام السابقه لا تطاق.
تحدثت مع الاخوه في خدمة العملاء وقالوا ان العطل لربما ينتهي من اصلاحه خلال هذا اليوم

[بوخالد911]

عندي اوك

ولله الحمد والمنة

[رجل الجزيرة]

سؤال: إذا اليو إس بي حار وبطيء لازم تآخذه لوكيلهم في شارع النصر - نسيت إسمه - وهو بيدله لك وأنت واقف وبالمجان بشرط يكون أقل من سنة يعني على الضمان.

[moh5773]

نفس المشكلة عندي

[تاجر كشخة]

المشكله قائمة معاي- وكلامك اخوي سليم- الثلاثة ايام السابقه لا تطاق.
تحدثت مع الاخوه في خدمة العملاء وقالوا ان العطل لربما ينتهي من اصلاحه خلال هذا اليوم

نفس الكلام قالوا لي

[رحال الدوحه]

واجهتني مشكلة في البرودباند من ثلاثة ايام كل شوي النت يقطع ولازم اسوي اعادة تحميل الصفحه
:anger1: اضطريت اني اطلع بدل فاقد للشريحة قلت يمكن منها وغيرت وصلة اليو اس بي واخذت كيوتل ماي فاي ولا زالت نفس المشكلة مع ان برج كيوتل اقل من خمسين متر من بيتنا
اتصلت قبل على كيوتل بشان الموضوع وقالوا لي بنرد عليك وردوا علي اليوم وقال الموظف مشكورا وقال ان المشكله عامه مش بس انت
هل صادفتكم نفس المشكله مع العلم اني تعبت وانا احاول اكتب هذا الموضوع لردائة النت


السلام عليكم ورحمة الله وبركاته ،،

تسلم أخوي على طرح الموضوع ( نفس المشكله عندي ) اتصلت فيهم
وكلمني الدعم الفني من عندهم ... حاول يحل المشكله وطلب مني تغير
الشبكه من البروباند وبدلت لكن المشكله نفسها ويوم قلت له عن المنطقه
قال ما جاتنا أي شكاوي .. ؟! وللحين أعاني من المشكله
" بطئ النت عندي "

ربي يعوضك اخوي وأتمنى يحلون المشكله بسرررعه

[QTR ALTHANI]

والمشكلة حالياُ تواجهني وانا استخدم البرودباند في الدوام
ويـــــــــــــــقــــــــــــــــــطــع

[jassas]

المشكله من كيوتل وليس من اليو اس بي لان المشكله عندي في الايفون ونفسها في الايباد

بمعنى ان المشكله عامه تقدر تقدم شكوى على ١٠٣ المجلس الأعلى وان شاء الله بيحلون مشكلتك

[داااايم السيف]

نعم اخوي فيه مشكلة من عندهم
اتصلت فيهم وقالوا خلال يومين بيتم اصلاح الخلل
والمشكلة لاتزال سارية الفعول

[تاجر كشخة]

ابشركم شباب انحلت المشكلة عندي :) و شكرا لدعم الفني على مجهودهم الطيب :nice:

بس لا تكررونها مرة ثانية :telephone:

[hot2000]

للأسف مافي خدمة للإنترنت بالمعنى الحقيقي

الأسعار مبالغ فيها
وجهاز البروندباند تعيس
ويقولك التحميل 21 ميغا بايت
وعمرة ما وصل عندي 15 ميغا بايت
أنا عندي شريحة 3 جي حاطها على الايباد
مقاطع اليوتيوب توقف
مشترك في قناة الجزيرة الرياضية ولا مرة شفت مباراة كامله

شفط الجيوب وعلى الفاضي وتطبيل و(افضل وأول )
كلام تعبنا وشعبنا منه
الله المستعان

[shadad]

نفس المشكلة عندي ..غسلتهم العام اللي راح و 6 شهور تنقيعه وانا ادفع الا ما رحم ربي بتعويض 3 شهور بس وكلها وعود. وشكل القصه بتعيد نفسها الحين وبنعيد نفس القصه لانها نفس السيناريو بس الحين على مستوى كبير وفوق ال 4 ايام وهو في حالة يرثى لها.

الشي الغريب بالموضوع كله ان مسجات كيوتل حق الفواتير توصل بالمليمتر يعني بالضبط توصل الشريحه وتوصل تلفوني . الظاهر سيرفر الفواتير عمره ما يخبط عندهم. ( بل ! )

[kuwari]

اي والله انهة بطيء من كم يوم وهو فية المشكله