مساااااعده لو سمحتوا ))))))))))))))))))))))))

[king999]

السلام عليكم

اخواني عندي استفسارين واتمنى من الاخوان المساعده


1- شنو الافضل لتركيب البورسلان الاسمنت الابيض او ال غلو ؟ لان الشخص اللي بيركب لي يقول ال غلو احسن واقوى


2-اللة يعزكم الحمامات اللي عندي في البيت كلها نظام فنادق الشطاف اللي في الطوفه .هل فية نوعيه تنصوني فيها


وجزاااكم اللة خير

[شموخ دائم]

,

,



مرحبا



بالنسبه للتركيب الاسمنت الابيض او الجلو
كل الطرق زينه ومقبوله من ناحيه فنيه الفرق ان الجلو ما كان موجود بسوق الدوحه والحين دخل الجلو وصارت الطريقتين وكل مجموعه من العمال متعودين على طريقه معينه

بالنسبه لي انا افضل الطريقه العاديه الطريقه القديمه
بالاسمنت وهذا ما يقلل من الجلو

المهم مو الطريقه
المهم ان يكون ( عامل معلم ) خبره بالتركيب ويضبط لك الميول والمنسوب
ويختار التركيب المناسب كيف يبتدي وكيف ينتهي وما يستخدم القص كثير
حتى الشكل العام يطلع متناسق ومرتب من الجهات الاربع

بالنسبه للشطاف عندك الماركات المعروفه وخاصه قروهي

انت ابعد عن الصيني ولا تخاف من شي
:)

جماعتنا في اوربا امورهم طيبه
الايطالي او الالماني او الانجليزي
ولا تباعد عن هذه الدول






,

,


اخوك


شموخ دائم

[ameeer3]

اذا الي بيركب لك فنان وشغله نظيف ركب الاسمنت عادي أذا كان ارخص
وبالنسبة لي ان ركبت بالقلووو لان طريقة التركيب بتكون مرتبه حتى لو الي يشتغل مب شغله اوكي ، وطريقة القلو اسهل واسرع وانظف واغلى على ما اظن وهي طريقة تستخدم حالياً في الفنادق

[ameeer3]

بالنسبة للشاور مثل ما قالك اخوي شموخ دائم ركب ماركة قروهي نصيحة لان شي من الاخر الصراحة ويدوم معااااااااك

[king999]

اخوي شموخ يسعدني وجودك وردك كفيت ووفيت ولا يهون اخونا امير

بيض اللة وجيهكم

[ابو رها]

هلا اخوي الكنج

ماشاءالله الاخ شموخ راعي اوله ومايقصر بنصحه وارشاده

لكن بضيف ع نوعية الغراء (الجلو) حاول تخليه يجيبلك
نوع مقاوم للماء وهذا خاص بالمسابح

اما من ناحية التركيب والطريقه خليه يبدأ من السنتر
من نص الحائط بحيث يكون القص من اليمين نفسه
يكون من اليسار علشان الديكور 100٪ وقبل يبدأ
التركيب لازم يرش الجدار ماء وينظفه من الغبار او
اي شوائب عليه
اذا كنت بتركب سيراميك خله يحط السيراميك بسطل
ماء لمدة ساعه اذا الغراء يخلط بالماء مثل الخلطه
واذا نوع الغراء بدون خلط بالماء مثل غراء التسخين
مايحتاج يتغرق بماء السيراميك واهم شيء نظافة الجدار

ايضاً تقوله القص بيكون من الاسفل مو من فوق للسيراميك


بالتوفيق ان شاءالله

تقبل تحياتي

[king999]

تسلم يا بو رهاا على نصايحك بيض اللة وجهك ولا نستغني من نصايح شرواك

تحياتي لك