الكوبونات او القسائم التعليمية

[q6r2009]

اخواني نبي نعرف من المستفيد من القسائم ..

ومن هي الفئة المستحقة ..

[FAUCHON]

حسب علمي للموامطن القطري ككل وان شاء الله قريب الكوبونات والميلغ 28 الف للطالب القطري

[almaf1a]

الكبونات لجميع المواطنين او للي في الوظائف الحكوميه
وهل يشمل المتقاعدين؟

[FAUCHON]

الكوبونات التعليمية تشمل جميع المواطنين القطريين سواء العاملين او المتقاعدين في المدارس التي حددها المجلس الاعلى واذا فيه استفسار عن المدارس افتح موقع المجلس الاعلى للتعليم وبتلاقي الاجابة على اسئلتك ان شاء الله.

[طرفه]

المدارس راح تفتح بعد اسبوع
والمجلس الاعلى في سباتاٌ عميق

[رحال]

نسمع جعجعة ولا نرى طحينا ..

لا طلع لنا مسئول عن كيفية التسجيل وأين ؟؟؟

ولا على من ينطبق القرار ؟؟؟

لقد مللنا الشحططة يامجلسنا المحترم ؟؟؟

المدارس على الأبواب ، ومجلس الوزراء أقر 28000 ريال ؟؟؟

ومازلت وزارتكم صم ؟ بكم ؟

جرائدنا المحلية مازالت مشغولة مع " أسطوانة "

السيارات المهملة

وارتفاع المستلزمات المدرسية مع بدء العام المدرسي

ولو رجعت للتحقيق لأكثر من عام هو .. هو ؟؟؟

ولا تحقيقاتهم التي أصبحت أغرب من الغرب مع

وضع نفس الأشخاص وكأنه عقد حصري معاهم !!!

[دانة الدنيا]

توه امس واصل حق زوجي مسج من شغله يراجع فيه الاداره بخصوص القسائم التعليمية
اتوقع يعبون طلب او يسجلون بياناتهم للي يبي

[لاجل QT]

هالمجلس مثل الالغاز

يقول الشي عقب روحو دورو الحل

مافي شي يسر الخاطر ..كلة كلمات متقاطعة

[سعادة الوزير]

لو كانت قسائم مساعدات لجنوب لبنان ولا ثوار ليبيا كانت انصرفت خلال 24 ساعه بالكثير ، واذا تعطلت ساعه وحده زيادة ممكن يطيرون فيها ناس ، بس لانها كوبونات لمساعده القطريين المساكين ، فهذا شي مب مستعجلين عليه ، عادي ينطرون سنة سنتين ثلاث ، اصلا هم عيال حلال وطيبين ، وممكن ينطرون لين آخر عمرهم بدون ما احد منهم يفتح حلجه بكلمة.

[راشد محمد]

ننتظر المجلس الاعلى

[النجلا]

المستفيد طلاب ال32 مدرسة المدرج أسمائهم في القائمة .. وكل ولي امر يراجع جهة عمله لتعبئة بيانات أبنائه اذا كانوا في احد هالمدارس وبعدين يأخذ القسيمة يؤديها المدرسة..

هالمعلومات فهمتها من موقع المجلس الاعلى كانوا حاطين فيديو توضيحي بغيت احطه لكم بس مغيرين ستايل موقعهم مالقيته

[النجلا]

تفضلوا الرابط

http://www.sec.gov.qa/Ar/Media/News/Documents/VoucherPolicy.pdf

[النجلا]

حبيت اسهلها عليكم عشان ماتقرون الملف كامل
صفحة 8 و 10

[لاجل QT]

المستفيد طلاب ال32 مدرسة المدرج أسمائهم في القائمة .. وكل ولي امر يراجع جهة عمله لتعبئة بيانات أبنائه اذا كانوا في احد هالمدارس وبعدين يأخذ القسيمة يؤديها المدرسة..

هالمعلومات فهمتها من موقع المجلس الاعلى كانوا حاطين فيديو توضيحي بغيت احطه لكم بس مغيرين ستايل موقعهم مالقيته

دوام المدارس 5/9 ..محد دز لنا مسج باي شي ..؟؟

[بصمة قطرية]

لاجل راجعيهم
محد بيتصل ،،
راجعي المجلس الاعلى ..

[لاجل QT]

مدري بصمة أشدخل المجلس أنا سلمت شهادة عملى حق مدارس عيالي

[هبوب الكوس]

هالمجلس مثل الالغاز

يقول الشي عقب روحو دورو الحل

مافي شي يسر الخاطر ..كلة كلمات متقاطعة

من يومي وانا اكره الكلمات المتقاطعه من الجرائد

فما بالج هالمجلس

[لاجل QT]

من يومي وانا اكره الكلمات المتقاطعه من الجرائد

فما بالج هالمجلس


مثلي:nice:

[اللوز]

حبيت اسهلها عليكم عشان ماتقرون الملف كامل
صفحة 8 و 10

ما يشتغل الرابط
http://www.sec.gov.qa/Ar/Media/News/...cherPolicy.pdf

[الدوحه1]

اليوم سألت واحد من الشباب يشتغل في ادارة الشئون القانونيه عندنا في الشغل عن موضوع "الكوبونات" فقال لي المطلوب انك تأخذ شهاده بالراتب الى المدرسه.
والمدرسه تقوم بأرسال فاتوره الرسوم + شهاده الراتب لولي الامر الى المجلس الاعلى للصرف..

[لاجل QT]

اليوم سألت واحد من الشباب يشتغل في ادارة الشئون القانونيه عندنا في الشغل عن موضوع "الكوبونات" فقال لي المطلوب انك تأخذ شهاده بالراتب الى المدرسه.
والمدرسه تقوم بأرسال فاتوره الرسوم + شهاده الراتب لولي الامر الى المجلس الاعلى للصرف..

مدارس عيالي ماطلبو غير شهادة اثبات عمل ولى الامر فقط...ايش يبون بشهادة الراتب:(