Project Management Profession-PMP

[Google]

السلام عليكم ورحمة الله وبركاتة

حد أخذ هالكورس project management professional هل هو مفيد ولا ما منه فايده ؟ ووين افضل مركز يطرح فيه هالكورس ؟

وشكرا

:nice: :nice: :nice: :nice:

[BUHASSEN]

والله انا ماخذته بس ناوي باذن الله سمعت ان كورس ممتاز وشهادته مب بسيطه واعتقد في امتحان بعد ماتاخذ الكورس

في موقع دش عليه حق الكورسات متخصصين projacs.com انا خذت معاهم كورس كان ممتاز

والله يوفقك

[اوف ليميت]

كورس ال PMP كورس جدا جدا جدا ممتاز .. وتوكل على الله

لكن اذا بغيت الصج..لاتاخذ كورس pmp الا اذا كان من معهد pmi الامريكي
واذا في شخص او جهه في قطر مستعده تطرح ((نفـــس)) البرنامج اللي في PMI ف توكل على الله

لان البعض يطرحون ال pmp القديم او pmp استرالي .. ما انصحك فيهم

اذا خذيت الكورس انت من احد المفضلين في الشركات الكبرى فالعالم
وامتحاناته عن طريق النت

ولكن اذا ماخاب ظني ماتقدر تاخذ الكورس الأصلي مباشره الا اذا خذيت قبله كورسات ال CBP اللي هي Certified Business Professional .. من اللي لاحظته في بعض المراكز الموجوده في قطر
تكلفته 12 الف ريال .. ووقت العرض يكلفك 8000 ريال

اما ال pmp فقط 4000 ريال

وتأكد اذا الكلام صحيح ان معهد ال pmi الامريكي..هل هو صحيح فتح قسم ثاني غير ال certified project manager
سمعت يقولون مسوين شهادة قويه لل Certified business manager
مادري شالفرق بينهم


والله اعلم اذا غيروا الاسعار

:]

[qataria]

الكورس يطرحه نيوهرايزن و انفوسنتر وفي مركز امام مستشفى حمد و مركز ثاني مكانه ضيق والمحاضر هندي بس اعتقد المركز الوحيد اللي يخلصون لك الابليكيشن للامتحان.

اذا النيه تاخذ الامتحان شرط يكون عندك 3 سنين خبره اذا جامعي او 5 سنين اذا ثانوي.

بالتوفيق

[الزعفراني]

ذكرتني بالحجيه ريتا وكتابها

أنا خذت دورة تأهيل مكثفة للحصول على هالشهادة
عن طريق جهة عملي وكان الموضوع اختياري

بس شفت الموضوع ما راح يفيدني في شغلي

يمكن الشهادة تفيد اكثر المهندسين والمدراء والناس اللي متخصصة في وضع الخطط الاستراتيجية والتطويرية


المعاهد القوية والمتخصصة في هالموضوع في دبي والرياض والاردن ومصر اتكلم على نطاق الدول العربية

في قطر ما أدري إذا في مراكز ومعاهد بلشت في هالموضوع

الاختبارات مش متذكر هل اونلاين والا لا .

ولازم تكون عندك خبره عمليه ولازم تقدم لهم مشروع انت مسويه للجهة اللي تشتغل فيها

عموما اشوف الشهادة زينه اذا بتبلش مشاريع غير كذا بتكون مجرد خانه تنضاف في السي في

بالتوفيق ان شاء الله

[آنــه]

انا خذت كورس كامل في نيوهرايزن وقدمنا مشاريع وكان جدا ممتاز واللي درسوني الكورس استاذة من مصر بس باللغة الانجليزية وفادني وايد في مجال عملي من ناحية التخطيط والتفكير والاعداد واستخدام الفنيات بخصوص كل مشروع

وانا انصح حتى اللي مب مدير انه ياخذ هالكورس لانه يفتح لكم مجال ذهني ويعطيكم حافز و يعلمكم على العصف الذهني والتميز واختلاق الافكار .. يفتح لكم مجال الفكر ويوسع المدارك وخصوصا لما يكون معاكم في الكورس ناس خلاقه وتحب التنافس