عقدة اللحظات الأخيرة !!!

[مشاكل]

السلام عليكم ورحمة الله وبركاته

اليوم رحت اشتري اغراض المدرسه حق عيالي وخلصت كل شي والحمد لله

لكن اللي لفت نظري ان اغلب المكتبات شبه فاضيه

وقلت في نفسي كالعادة ننتظر تبدأ المدارس وعينك ماتشوف الا النور !!!

هجوووووم !!!
:fight::fight::fight::fight::fight::fight:

هذي ثقافة اللحظات الأخيره اللي ترسخت فينا ويعاني منها الكثير من الناس

رمضان نجهز له قبل بيوم
العيد نجهز له قبله بكم يوم
المدارس نفس الشي

ايام ماكنا طلاب ندرس حق الامتحان قبل بيوم
نحل الواجب في نفس اليوم
فالجامعه اخبر كنا نكتب البحوث في اخر لحظه

الجوازات مانجددها الا قريب السفر

الاكتتابات في الشركات المساهمه الضغط يستوي الايام الاخيره

استمارة السيارة مانجددها الا اذا تخالفنا او اذا بنسافر على الموتر

حجوزات السفر نسويها قبل السفره بكم يوم

تصرفاتنا دائماً ماتكون ردود افعال بحيث مانسوي الشي الا بعد مانتوهق

وكل مره نقول اخر مره وبنبتدي صفحه جديده ،،، لكن سرعان ماننسى ونرجع لنفس المشكله

والمشكله ان عيالنا يشوفون هالتصرفات منا وتتأصل فيهم مع الايام ويقتدون فيها

وتستمر المشكله جيل بعد جيل

[حسن]

والله مساعه شفت التلفزيون حاطين عن التجهيزات المدرسيه قلت من بكره بروح نخلص للعيال مثل ماذكرت وريح بالك

بلا زحمه وغثى

[المسك1969]

والله زين سويت وخلصت قبل الزحمة.. باجر إن شاء الله بوديهم

جزاك الله خير على التذكير

[مشاكل]

والله مساعه شفت التلفزيون حاطين عن التجهيزات المدرسيه قلت من بكره بروح نخلص للعيال مثل ماذكرت وريح بالك

بلا زحمه وغثى
روح ياحسن خلص امورك وافتك قبل الزحمه

والله زين سويت وخلصت قبل الزحمة.. باجر إن شاء الله بوديهم

جزاك الله خير على التذكير
وجزاك ربي كل خير اختي المسك

[شبح الصمت]

تأخير

تأجيل

مشاغل


إلى أن


تتفاجأ بالزحمة وبالغثى والضيقه

ومن ثم تتحسر


احلى شيء تخلص امورك من وقت

واتمنى العالم تجهز من الحين حق العيد وتفك نفسها وأنا اولكم

[Scout Sniper]

ثقافة : مش حالك
موضوع رائع

[لاجل QT]

الحمد الله انا منظمة اموري كل شي اجهزة بدري كل شي اجهزة قبلها بشهر او باسبوعين

ممكن عقدة اللحظات الاخيرة تعود للكسل ..او لان كل شي متوفر لية الاستعجال

[شيزكيك]

باقي لي القرطاسية ما ادري متى باروح الرونق اخذ لهم الاغراض

[qrt_trading]

أنا امس رحت علشان اجهز للمدارس لكن صراحه ما خلصت كل شغلي لان ولدي رايح صف اول ولحد الحين ما اعرف شالمطلوب منهم وشنهو اللي يحتاجونه للمدارس سواء كدفاتر او ادوات مدرسية خذت بس الأساسيات مثل الالوان وأقلام الرصاص والمحابات والبرايات والشنط والمقالم بس اما الدفاتر ما عرفت شنهو أخذ خفت أخذ شي ويطلبون شي ثاني مشكله والله.

اللي يعرف بطلبات المدارس المستقلة للصف الول اتمنى انه يذكرها خلني اخلص وافتك.*

[ms-qtr]

ثقافة : مش حالك
موضوع رائع

:nice::nice:

[اجرام]

صادق اخووووووي بس الحمد الله انا عن نفسي اسوي الاشياء قبله بفتره بعيد عن الزحمه وعوار الراس واتخلص على راحتك

[حسن]

الصراحه مشكله قلت للمره قومي فزي طولك خلينا نروح قبل العلم نشتري دفاتر واقلامه ومساطر

كان تقول ماعرف للين الحين كل مدرسه وطلباتها غير قلت لها وش الغير دفتر عربي ولا رسم ولا انقليزي

تقول الدافاتر تختلف شي بوسطرين وشي بواربعه وشي بوست تواير اقصد اسطر

قلت له بل بل بل بعد منوين طلعولنا هل الدفاتر لاحو ولا قوله الا بالله المدرسات مشيبات الراس

[ريم 28]

هذه حالتي انا للاسف

[وحيد-الشوق]

وبتبدأ المدراس وبتشوف الطلبات الي مال امها داعي هههههههههه

[فتى الدوحة]

مرحبا أخوي مشاكل

كلام جداً منطقي وعين الصواب ، ولكن المشكلة إنك إذا رحت وأشتريت أغراض المدرسة للعيال
وعقب تتفاجئ بأن المدرس أو المدرسة يقول للولد لا ما أبي هالشي أبي شي ثاني غير اللي جبته
على سبيل المثال : دفترة ، جلاد ، أقلام ، ملفات ... ألخ .
وعقب وش أسوي بالأغراض اللي شريتها :eek5:

[khaldoon]

باقي لي القرطاسية ما ادري متى باروح الرونق اخذ لهم الاغراض

والله يا اختي لا انصحك بالرونق .... على الاقل مب كل شيء تشتريه من الرونق..... الرونق بضاعته رخيصه جدا بس الجوده معدومة خاصة في الاقلام و المحايات و البرايات.....ممكن تلاقي الجوده المطلوبة و اللي تعمر اكثر في الكاريفور او الميره نوعا ما مثل stabilo , staedtler......

[ام ناصر1]

الطيب عند ذكره ...تونا من يومين فاتحين نفس الطاري بالبيت
ليش نتشرى قبل العيد بيوم وقبل رمضان بيوم ...فقالوا الكبار المعاصرين لزمن الأسواق القديمة
بقطر ...إنه التجار سابقا كانوا ينزلون البضاعة الجديدة متأخر قبل بيوم أو ثلاثة ...وسردوا
ذكرياتهم في التنقل من المكان الفلاني للعلاني ...يعني السبب كان توقيت التجار في إنزال البضاعة
وصارت عادة لدى البعض ...بس بدأت بالتغير

[Lulu Caty]

والله أنا نفسي لاحظت كل المكاتب فاضية لفيت 5 مكاتب وقال البضاعة تجي مع بداية العام الدراسي!

برمجنا المحلات على عادتنا في الشراء المتأخر :(

[شيزكيك]

والله يا اختي لا انصحك بالرونق .... على الاقل مب كل شيء تشتريه من الرونق..... الرونق بضاعته رخيصه جدا بس الجوده معدومة خاصة في الاقلام و المحايات و البرايات.....ممكن تلاقي الجوده المطلوبة و اللي تعمر اكثر في الكاريفور او الميره نوعا ما مثل stabilo , staedtler......

اي عارفه بعض اغراضه مش جوده اخذ الدفاتر على الاقل الدرزن عنده اقل من المكتبات الثانيه وعنده بعد الوان ومحايات غاليه

[ضوى]

الحمد لله ريحت راسي من زمااان ، واللي ناقصه شي من عيالي يحرك نفسه ويجيب اللي يبيه وهو يتحمل نتيجة تاخيره

[عزووز قطر]

والله ثقافة التأخير موجودة واتوقع انها من ضمن العادات والتقاليد ههههههه

الدوام في الايام العادية يبدا 7 بس الموظفين يوصلون 7 ونص
ويبدا في رمضان 8 بس الموظفين يجون 8 ونص

مرات احس الموضوع عناد :omen2:

انا عن نفسي احب اخلص كل شي متأخر علشان احس بالاكشن :nice:

[قطريه ماركه]

الحمدلله تقريبا خلصت تجهيزات المدرسة
شكرا للتنبيه و التذكير ...

[بو الجوري]

و الله يالغالي تقريبا 60% من سبب إستعمالنـا للحظات الأخيره هم التجار :..

لأنهم ماينزلون كولكشن العيد من ملابس يهال وغيره أو الأغراض الرمضانيه أو المدارس إلا قبل المناسبه بفتره بسيطـه :..

وإلا أنا عن نفسي ودي أخلص من قبل رمضان وأشتري فساتين البنات
لكـن كله كولكشن قديم ومضطر أنتظر لين عقب نص رمضان مثلا :..

بس سالفة سوق العلي وزحمة الخياييط في قطر قبل العيد بإسبوع هذي مب من التجار خخخخخخ
هذي عيب من الشباب :)
يعني وين المشكله لو فصلت الثوب قبل رمضان !!!
وشريت صراويلك وفنايلك وغترك :secret:

خل النعال تكرمون آخر شي مع الكولكشن الجديد :shy:

[مشاكل]

تأخير

تأجيل

مشاغل


إلى أن


تتفاجأ بالزحمة وبالغثى والضيقه

ومن ثم تتحسر


احلى شيء تخلص امورك من وقت

واتمنى العالم تجهز من الحين حق العيد وتفك نفسها وأنا اولكم
والله انك صادق يبيله انجهز حق عيد الاضحى من الحين


ثقافة : مش حالك
موضوع رائع
مش حالك اخوي القناص :nice: وحضورك الاروع

الحمد الله انا منظمة اموري كل شي اجهزة بدري كل شي اجهزة قبلها بشهر او باسبوعين

ممكن عقدة اللحظات الاخيرة تعود للكسل ..او لان كل شي متوفر لية الاستعجال
نعم الكسل هو السبب الاول
وتنظيم امورك من وقت مبكر يجعلك الربحانه فالمقام الاول

باقي لي القرطاسية ما ادري متى باروح الرونق اخذ لهم الاغراض
الرونق فاضي وعنده فايض فالبضاعه الحقي عليه قبل الحفله :nice:

أنا امس رحت علشان اجهز للمدارس لكن صراحه ما خلصت كل شغلي لان ولدي رايح صف اول ولحد الحين ما اعرف شالمطلوب منهم وشنهو اللي يحتاجونه للمدارس سواء كدفاتر او ادوات مدرسية خذت بس الأساسيات مثل الالوان وأقلام الرصاص والمحابات والبرايات والشنط والمقالم بس اما الدفاتر ما عرفت شنهو أخذ خفت أخذ شي ويطلبون شي ثاني مشكله والله.

اللي يعرف بطلبات المدارس المستقلة للصف الول اتمنى انه يذكرها خلني اخلص وافتك.*
صادق اخوي الدفاتر ننطر تأليف المدرسات وطلباتهم التعجيزية :rolleyes2:

:nice::nice:

:discuss::discuss:

[مشاكل]

صادق اخووووووي بس الحمد الله انا عن نفسي اسوي الاشياء قبله بفتره بعيد عن الزحمه وعوار الراس واتخلص على راحتك
ماشالله عليك احلى شي تخلص امورك من بدري تحس انك انسان فايز وفي المقدمه

الصراحه مشكله قلت للمره قومي فزي طولك خلينا نروح قبل العلم نشتري دفاتر واقلامه ومساطر

كان تقول ماعرف للين الحين كل مدرسه وطلباتها غير قلت لها وش الغير دفتر عربي ولا رسم ولا انقليزي

تقول الدافاتر تختلف شي بوسطرين وشي بواربعه وشي بوست تواير اقصد اسطر

قلت له بل بل بل بعد منوين طلعولنا هل الدفاتر لاحو ولا قوله الا بالله المدرسات مشيبات الراس
ههههه الله يعينك ياحسن عالاقل خذ الاساسيات والدفاتر والملفات اجلها عقب

هذه حالتي انا للاسف
انا نص نص حسب المزاج :rolleyes2:

وبتبدأ المدراس وبتشوف الطلبات الي مال امها داعي هههههههههه
اي والله تأليف وتعجيز طلبات خربوطيه بلاليطيه ماانزل الله بها من سلطان

مرحبا أخوي مشاكل

كلام جداً منطقي وعين الصواب ، ولكن المشكلة إنك إذا رحت وأشتريت أغراض المدرسة للعيال
وعقب تتفاجئ بأن المدرس أو المدرسة يقول للولد لا ما أبي هالشي أبي شي ثاني غير اللي جبته
على سبيل المثال : دفترة ، جلاد ، أقلام ، ملفات ... ألخ .
وعقب وش أسوي بالأغراض اللي شريتها :eek5:
صحيح كلامك يالغالي بس في امور اخرى غير الاسواق مثل الامور اللي ذكرتها فالموضوع مثل تجديد الجوازات والبطايق بكل انواعها وغيرها الكثير من الامور اللي تعودنا فيها على التسويف والتأجيل وصارت عقده عند اغلبنا

الطيب عند ذكره ...تونا من يومين فاتحين نفس الطاري بالبيت
ليش نتشرى قبل العيد بيوم وقبل رمضان بيوم ...فقالوا الكبار المعاصرين لزمن الأسواق القديمة
بقطر ...إنه التجار سابقا كانوا ينزلون البضاعة الجديدة متأخر قبل بيوم أو ثلاثة ...وسردوا
ذكرياتهم في التنقل من المكان الفلاني للعلاني ...يعني السبب كان توقيت التجار في إنزال البضاعة
وصارت عادة لدى البعض ...بس بدأت بالتغير
والكسل للاسف له نصيب الاسد من التسويف

والله أنا نفسي لاحظت كل المكاتب فاضية لفيت 5 مكاتب وقال البضاعة تجي مع بداية العام الدراسي!

برمجنا المحلات على عادتنا في الشراء المتأخر :(
هههه والله الظاهر صج ينطرون العالم فالموعد اول يوم مدارس

الحمد لله ريحت راسي من زمااان ، واللي ناقصه شي من عيالي يحرك نفسه ويجيب اللي يبيه وهو يتحمل نتيجة تاخيره
ماشالله عليج
ترتيب وتنظيم الامور في حياتك يجعلك انسان ناجح وتحس بأحساس اللي ماعليه سلف أو دين :omen2:

[مشاكل]

والله ثقافة التأخير موجودة واتوقع انها من ضمن العادات والتقاليد ههههههه

الدوام في الايام العادية يبدا 7 بس الموظفين يوصلون 7 ونص
ويبدا في رمضان 8 بس الموظفين يجون 8 ونص

مرات احس الموضوع عناد :omen2:

انا عن نفسي احب اخلص كل شي متأخر علشان احس بالاكشن :nice:
صادق ياعزوز في كل شي صار التأخير والتأجيل
وبخصوص الاكشن احياناً الواحد يحتاج يحس انه متوهق علشان يتوب عقبها :nice:

الحمدلله تقريبا خلصت تجهيزات المدرسة
شكرا للتنبيه و التذكير ...
العفو قطريه ماركه والله ييسر لج امورج

و الله يالغالي تقريبا 60% من سبب إستعمالنـا للحظات الأخيره هم التجار :..

لأنهم ماينزلون كولكشن العيد من ملابس يهال وغيره أو الأغراض الرمضانيه أو المدارس إلا قبل المناسبه بفتره بسيطـه :..

وإلا أنا عن نفسي ودي أخلص من قبل رمضان وأشتري فساتين البنات
لكـن كله كولكشن قديم ومضطر أنتظر لين عقب نص رمضان مثلا :..

بس سالفة سوق العلي وزحمة الخياييط في قطر قبل العيد بإسبوع هذي مب من التجار خخخخخخ
هذي عيب من الشباب :)
يعني وين المشكله لو فصلت الثوب قبل رمضان !!!
وشريت صراويلك وفنايلك وغترك :secret:

خل النعال تكرمون آخر شي مع الكولكشن الجديد :shy:
الوهقه كل ابوها في ملابس البنات لازم كولكشن وخربطشن
اما لعيال ماعندك مشكله لفتين فسوق العلي وامورك طيبه

[اليحصبي]

مع اني مرات فاضي واتذكر ماخذيت بعض الاشياء الا اننني احب التاخير
احيانا
http://www.mrusf.com/imgs/bbm/party.png

[بصمة قطرية]

للأسف صار فينا كسل
نأجل و نأجل لين نتفاجيء
بكرة مدارس :eek5:

المشكلة ..
القرطاسية حتى لو خذناها
بتجينا طلبات المدارس
و كل يوم لازم مكتبة
و كل مدرسة طلباتها غير
واللي يقهر اليوم مدرسة
اللي بعده مدرسة
و كل وحدة تكتب ضرورة احضار الأدوات غداً ....

الحمدلله أجهز لهم من وقت
بس أتضايق من طلبات المدرسات

ودي ندفع لهم و هم يجيبون كل شي
و لا كل يوم رايحين المكتبة ،،

كل كورس أعاني من هالشي :weeping: