...... توزيع 5400 قطعة أرض للمواطنين ......

[ضليع التبريد]

توزيع 5400 قطعة أرض قريبا في الوكرة والناصرية

مبروك وعقبال الأخرين

http://www.al-sharq.com//ArticleDetails.aspx?AID=197364&CatID=64&title=%25D8%25AA%25D9%2588%25D8%25B2%25D9%258A%25D 8%25B9%25205400%2520%25D9%2582%25D8%25B7%25D8%25B9 %25D8%25A9%2520%25D8%25A3%25D8%25B1%25D8%25B6%2520 %25D8%25B9%25D9%2584%25D9%2589%2520%25D8%25A7%25D9 %2584%25D9%2585%25D9%2588%25D8%25A7%25D8%25B7%25D9 %2586%25D9%258A%25D9%2586%2520%25D8%25A8%25D8%25A7 %25D9%2584%25D9%2588%25D9%2583%25D8%25B1%25D8%25A9 %2520%25D9%2588%25D8%25A7%25D9%2584%25D9%2586%25D8 %25A7%25D8%25B5%25D8%25B1%25D9%258A%25D8%25A9%2520 %25D9%2582%25D8%25B1%25D9%258A%25D8%25A8%25D8%25A7 %25D9%258B

[عيون الدوحة]

طاح سوق الأراضي الي ب مليونين وفوق
وجاء بوقته الخبر
الف مبروك مقدماً للمستفيدين

[كتكوت الوحش]

الف مبروك

[بريق الحق]

الوكرة صارت زحمة وماشاءالله عدد السكان قام يزيد بس اهم شي يعدلون بعض الشوارع الي داخل الفرجان وكل يوم مصكرين لنا شارع بكبره

[Qtrnet]

الف مبروك تستاهلون الخير يا اهل الخير ...

[أسير الاسهم]

اي عاد تكفي قوائم الانتظار والا لا .؟ هذا هو السؤال .؟

[عيون الدوحة]

الوكرة صارت زحمة وماشاءالله عدد السكان قام يزيد بس اهم شي يعدلون بعض الشوارع الي داخل الفرجان وكل يوم مصكرين لنا شارع بكبره

وبالنسبة للشوارع بو سيدين خلاص ماتنفع الوكرة
المفروض 4 او 3 سيود عل الاقل

[درع الوطن]

خبر حلو للي ينتظرون من زمان .... والفال لباقي المنتظرين ...

الله يوفق الجميع ...

وتسلم على الخبريه ...

[بريق الحق]

وبالنسبة للشوارع بو سيدين خلاص ماتنفع الوكرة
المفروض 4 او 3 سيود عل الاقل

والله يالغالي ازمه الصبح عند دوار الصدفه ... انا دعمت وحده والسبه الدوار الغبي بس هي بعد كانت من السبب بعد

[الكاسب]

الحين بيشتغلون...أهل الواسطات...الله يعين المظلومين.!!!!

[راسي براسك]

بشرك الله بالخير !!!!!

[A bin M]

في الانتظار
شكراً على الخبر :)

[بنت الاجواد]

مبروووووووووووووك للمنتفعين وعقبال المنتظرين

[الخزرجي قطر]

مبروك للجميع يستاهلون كل خير

[لاجل QT]

مبروك ويستاهلون كل خير

بخصوص زيادة القرض ...شالاخبار...؟؟؟

[بومشاري؟]

الله كريم تنصرف هذي الاراضي للمواطنين بشكل سريع

[اوف ليميت]

مساكين
ماتدرون شاللي بيصير عالاراضي في 2015

نصيحه مني .. وفر كل ريال يجيك واشترلك ارض عالاقل 500 متر مربع
طيعوني وخذوها مني..وخلوا الباقي على الله

:]

[SKYTECH]

يا جماعة الخير سمعنا هالخبر الف مليون مرة وعلى الفاضي

[sendarala]

واحنا لنا شي ولا بعد ننتظر

[مناير]

الف مبروك يستأهلون كل الخير

[Mercedece]

الحين بيشتغلون...أهل الواسطات...الله يعين المظلومين.!!!!

الله يكفينا شر الواسطه الغثى

[اوف ليميت]

الحين بيشتغلون...أهل الواسطات...الله يعين المظلومين.!!!!

صباح الخير
تو الناس يالكاسب

بدت من شهر 5 واسطات الشمال
وبدت من شهر 7 واسطات (اراضي شارع العرضات) اللي اسمه شارع الرفاع .. "لخريطيات وازغوى"

من صجكم ماتدرون ان التقسيم جاري وبعض الطيور طارت بأرزاقها :\

:]

[رُفق المجنّا]

شئ طيب والعقار مع بعض القوانين الاخرى في نزول ان شاء الله

[7llo]

ياخوي احنا طالع لنا قرض بدون ارض المفروض مليون و 200 الف ...مافي بيوت ب مليون و200 الف المفروض يعطونا بيت جاهز ويروحنا ياخي اقل بيت الحين سعره مليون و900 ويكون في اخر الدنيا
الله كريم

[halcrow]

انشالله الخبر اكيد وينزل من سعر الاراضي. اذا ام قرن وام عبيريه وصل الفوت ٢٣٠. الله يعين الجميع علي هالاسعار

[tradesman]

وهذا احنا نلحق السراب

كم مره كتبوا الشرق وما شفنا شي الظاهر الشرق شافوا ذي الموضوع

http://www.qatarshares.com/vb/showthread.php?t=522564


وقالوا خلينا نطلع اشاعة عشان القطريين يستانسون

ما اصدق اي خبر الا يوم اشوف الشي قدامي

وجاري البحث عن الواسطه

[qatarman8008]

الحين بيشتغلون...أهل الواسطات...الله يعين المظلومين.!!!!


الواسطة هذي فيها اكبر ظلم .. واكبر اكل لحقوق الناس .. أللهم عليك بالظالمين ...

[ولد ام صلال]

شباب انا مقدم 2010

والحمدالله تمة الموافقه على ارض وقرض

بس شباب هل لازم علي اني اراجع ولا انطر لين يكلموني ؟؟؟

[أسد الجزيرة]

شباب انا مقدم 2010

والحمدالله تمة الموافقه على ارض وقرض

بس شباب هل لازم علي اني اراجع ولا انطر لين يكلموني ؟؟؟

لازم تراجعهم اذا قعدت تنطر محد بيكلمك

[ولد ام صلال]

لازم تراجعهم اذا قعدت تنطر محد بيكلمك

الله يعطيك العافيه

راح ارجعهم ان شاء الله هذا الاسبوع

يمكن لنا نصيب من هاذي الاراضي

[الفورتك]

ادعولي اكون من ضمن المنتفعين

من ٢٠٠٤ انطر

[اسباير]

وين مكان التقديم ويش الاوراق المطلوبة

[بحرقطر]

ادعولي اكون من ضمن المنتفعين

من 2004 انطر

ربعي مقدمين على الاراضي من 2008 استلمو اراضيهم وبنوو بيوتهم عاد انا اشتطيت وقلت اراجعهم يمكن استلم ارضي قالو لي انت مقدم من 2009 لازم تنتظر دورك لان في ناس ينتظرون من 2004 استغربت اشلون في ناس ينتظرون من 8 سنين والي مقدمين في 2008 استلمو وبنوو بيوتهم
الظاهر الواسطات شغاله عدل والي ماعنده واسطه الله يعينه
وان شاءالله ياخوي تستلم ارضك واحنا وياك يارب *

[جفى الجوارح]

واحد من الربع قدم 2009 وحصل قرض وارض 2010 والحين قاعد يشطب وكلها شهرين 3 ويسكن ان شاء الله

[حميداني]

مبرووووووووووووووك ;)

[فتى الدوحة]

اللي مشككني في الموضوع أنهم كاتبين أنه يوجد توزيع عدد 400 قطعة ارض في الناصرية !!

شلون يوزعون في الناصرية والناصرية أغلب الفرجان اللي فيها راحت إزاله ( إستملاك للدولة ) !!

[تعليقي]

انا راجعتهم قبل شهرين وكان التوزيع واصل 2005-2006

للأسف المواطنين يسكنون بالإيجار في بلادهم والمساكين ذوي الدخل المحدود
متكدسين في بيت واحد << هذي ابسط حقوق المواطن في بلاده
وين ضمان الحياة الكريمة للمواطنين

لازم يشخلون المسؤولين ولا مناصب على الفاضي

اسأل الله السلامة

[عزووز قطر]

شلون يوزعون في الناصرية !!!

اللي اعرفه ان قطر فونديشن تتوسع في هالمكان :omen2:

[اوف ليميت]

من اللي قال مافي؟

التوزيعات راح تصير جنوب مثل الوكره
وفالمعراض
وفالمشاف

وراح تصير في الناصريه ايضا
وفي ازغوى على يمين خط العرضات
وفي الخور والذخيره في توزيعات

الخطه المعلنه هي توزيع 100 الف ارض على مدى 3 سنوات
وخلال سنة 2011 وهالسنه 2012 كان يجب توزيع 60% من الاراضي

ويوجد ماهو فوق ال 7000 ارض مستحقه وموثقه وموافق عليها للناس (الى الان لم توزع) والسبب ان بعض الاشخاص يريد تغيير المنطقه الى منطقه اخرى..يعني يبي منطقه معينه

وفي بعض الاراضي اللي خصصت للدولة سوف يتم اعادة توزيعها خلال السنوات القادمه

وعلى فكره .. ممنوع استملاك اي ارض من اي شخص
ويحق للجهات المختصه ان تستقطع جزء قليل جدا من الارض المستهدفه بعينها لغرض توسيع او انشائي بسيط جدا (مع الحرص على عدم التأثير على المواطن + عدم استغلال مساحه كبيره من ارضه + التعويض مقابل المساحه الصغيره)


وهذي السالفه كلها

:]

[نسناس]

الله يعين انا مقدم من 2009 وكله مواعيد ولم احصل على ارض لحد الان صارالسكن مشكله عويصه على المواطن مراكض ومواعيد بلا نتيجه وراعي الواسطه يخلص قبل اللي اقدم منه وااحق نسال الله العافيه

[Northqatar]

مبروك

والله يبارك لهم

والله يصبر ووييسر للمنتظرين ان شاء الله

[atiq]

يا إخوان هل هذا الموضوع له علاقة بالمواطنين الذين يحق لهم قرض بدون ارض

باريت احد يفيدنا

[بوخالد911]

المساحة صارت 1000م
وقبل 1200م

الحمدلله ع كل حال

[ابو ماهر]

ما شاء الله والف مبارك للمستفيدين وعقبال الباقين

[بونو]

ربي لك الحمد .... يستاهلون إخواننا المنتفعين ... ودعواتكم لنا بالفرج

[جاسم85]

أنا اليوم رحت وقالوا لي تعال بعد شهر. كل مرة يقولون لي نفس الكلام.
ويوم قلت حق الموظف ان في الجريدة حاطين ها الخبر قالي كل شائعات ولحين أراضي الوكرة ماتوزعت.

[MoHaMmEd114]

أنا اليوم رحت وقالوا لي تعال بعد شهر. كل مرة يقولون لي نفس الكلام.
ويوم قلت حق الموظف ان في الجريدة حاطين ها الخبر قالي كل شائعات ولحين أراضي الوكرة ماتوزعت.

وين حقوق الانسان عنهم؟


إدارة التخطيط الإجراءات ماتمشي فيها الا بواسطة

انا مؤمن ان حقوق الحيوانات مصانة اما المواطن ينثبر باي ملحق او غرفة عند هلة او يأجر شقة من بروة اذا حصل

[جاسم85]

وين حقوق الانسان عنهم؟


إدارة التخطيط الإجراءات ماتمشي فيها الا بواسطة

انا مؤمن ان حقوق الحيوانات مصانة اما المواطن ينثبر باي ملحق او غرفة عند هلة او يأجر شقة من بروة اذا حصل

هههههههه شر البلية ما يضحك