غرفة الطعام للضيوف ؟؟

[dream~qa]

سؤالي هل غرفة الطعام للضيوف مهمة جدا بحيث أنها لازم تكون غرفة لا يستغنى عنها في تصميم المنزل . أبغي اجابة من حكم تجاربكم .

لأني أبغي الغيها وأوسع المجلس .

[khaldoon]

طيب لو بغيتوا تسووا عزومة وين الناس بتأكل؟.....اكيد اشوفها مهمه و لو تشوفين انه يلزمكم غرفة ب 12 كرسي يكون افضل

[dream~qa]

12 كرسي هنا مربط الفرس أشوف اغلب المجالس تحط غرف طعام بهذا العدد فهل تكفي للعزومات وهل تستفيد منها بحيث يكون هناك أهمية لعمل غرفة طعام خاصة للضيوف ؟

[ابو رها]

بالتوفيق ان شاءالله

[دااانة قطر]

كنت بحط نفس السؤاال بس مب الحين ليما يجي وقته وسبقتيني


بصرااحه احنا تعودنا العشا يكون في المجلس نفسه على النظام القديم هو صح شوي متعب ليما تشيلون الطاولاات وتوسعون المكاان
او في نااس تخليه في الصاله اذا كانت اوسع
نظاام طااولة الطعاام بصرااحه ماحبه أحسه يااذخذ مسااحه كبيره واحنا تعودنا على قعدة الأرض والكبار نحط لهم طاولات صغيره


افضل قعدة الارض ومنها لو لزم غرفة طعام تكون جلسة ارضيه اضافيه للمجلس ( مجرد رأي )

[ضوى]

الصراحة غرفة طعام 12 شخص قليلة ، اذا الواحد عزم اكثر من هالعدد ، غرفة الطعام ضرورية ومريحة خاصة في هالوقت اللي الكل يشتكي من ركبه ومن قعدة الارض ، متعبة جدا قعدة الارض في الوقت الحالي ،
ردي نعم غرفة الطعام ضرورية جدا جدا جدا بحيث تكون قريبة من المطبخ ومفصولة بباب بينها وبين المقعد ، حتى يسهل تحضير وترتيب الطعام بشكل لائق اثناء العزومة

[dream~qa]

كنت بحط نفس السؤاال بس مب الحين ليما يجي وقته وسبقتيني


بصرااحه احنا تعودنا العشا يكون في المجلس نفسه على النظام القديم هو صح شوي متعب ليما تشيلون الطاولاات وتوسعون المكاان
او في نااس تخليه في الصاله اذا كانت اوسع
نظاام طااولة الطعاام بصرااحه ماحبه أحسه يااذخذ مسااحه كبيره واحنا تعودنا على قعدة الأرض والكبار نحط لهم طاولات صغيره


افضل قعدة الارض ومنها لو لزم غرفة طعام تكون جلسة ارضيه اضافيه للمجلس ( مجرد رأي )

وهذا من الأشياء اللي خلتني أسأل وهذا الشي صار معاي عند ناس مع أن كان عندهم غرفة طعام فخمة ملحقة بالمجلس ومع أن عددنا كان قليل إلا أنا تفاجئنا بأنهم دعونا للعشاء في غرفة ثانية وكان العشاء على الأرض .

أتوقع مسألة وضع السيرفس والصحون أمام الضيوف ممكن يكون عائق فحبوا يرتبون مكان العشاء في غرفة معزولة عن أنظار الضيوف .

[dream~qa]

الصراحة غرفة طعام 12 شخص قليلة ، اذا الواحد عزم اكثر من هالعدد ، غرفة الطعام ضرورية ومريحة خاصة في هالوقت اللي الكل يشتكي من ركبه ومن قعدة الارض ، متعبة جدا قعدة الارض في الوقت الحالي ،
ردي نعم غرفة الطعام ضرورية جدا جدا جدا بحيث تكون قريبة من المطبخ ومفصولة بباب بينها وبين المقعد ، حتى يسهل تحضير وترتيب الطعام بشكل لائق اثناء العزومة

مرحبا عزيزتي ضوى

أنا معاج أن الحين الغالبية ما تحب قعدة الأرض .. بالنسبة للعزومات الكبيرة أو عدد ممكن يوصل 20 شخص ما في مشكلة لأن الحين في محلات ممكن تزودج بالطاولات وقت العزيمة .

أنا استفساري عن الدارج الحين وهو غرف الطعام الملحقة بالمجلس واللي ما تتعدى 12 كرسي هل هي ضرورية ؟؟ وهل يتم استغلالها بحيث أن نضيع حيز من المجلس ؟؟

[alfahad1]

يعتمد اذا العاده عدد المعازيم وايد انصح بدون غرفة طعام

[dream~qa]

يعتمد اذا العاده عدد المعازيم وايد انصح بدون غرفة طعام

أكيد الحين اللي بيسوي عزيمة لازم العدد بيكون أقل شي 20 شخص هاذي إذا عائلية طبعا ..

بس أشوف الدارج في مجالس الحريم هو غرفة طعام صغيرة مفتوحة أو ملحقة بالمجلس هل هي ضرورية وهل يتم استخدامها ؟ من واقع تجاربكم ؟ ولا تحسونه ديكور واشغال حيز من غير فايدة ؟

[وطن]

السؤال مرتبط بطريقة حياة الشخص نفسه صاحب المنزل

عندنا لازم غرفة طعام مفصولة للضيوف

اذا صاحب البيت ما يحتاجها لا يسويها

[ضوى]

أكيد الحين اللي بيسوي عزيمة لازم العدد بيكون أقل شي 20 شخص هاذي إذا عائلية طبعا ..

بس أشوف الدارج في مجالس الحريم هو غرفة طعام صغيرة مفتوحة أو ملحقة بالمجلس هل هي ضرورية وهل يتم استخدامها ؟ من واقع تجاربكم ؟ ولا تحسونه ديكور واشغال حيز من غير فايدة ؟

بصراحة انا نافعتني وايد لضيوفي وجاراتي واذا احد يزورني من هلي ، ونافعة بنتي لما تعزم صديقاتها ، اما انه ديكور ولا احد يستخدمها الا ماندر فالافضل التخلي عنها

[dream~qa]

السؤال مرتبط بطريقة حياة الشخص نفسه صاحب المنزل

عندنا لازم غرفة طعام مفصولة للضيوف

اذا صاحب البيت ما يحتاجها لا يسويها

مشكورة أختي وطن

في أشياء الواحد يحسها مش مهمة في البيت بس بعد ما يسكن يتحسف أن ما سواها علشان جذيه حبيت أسأل من واقع خبراتكم المتنوعة . أنا ما أبغي شي يكون ديكور فقط في نفس الوقت ممكن أحتاجه في أي وقت واتحسف .

أنا عن نفسي ما عندي عزايم صغيرة إذا بعزم لازم أعزم عدد كبير وما راح احتاج الطاولة الصغيرة الملحقة في مجلس الضيوف ..

لكن ممكن من واقع خبرتكم أن يكون لها أهمية في يوم ما .

[ولد المنصور]

ضروريه جدااااا ,,, طاووله الطعام وازيد عليها طاولات البوفيه بعد تنفع ...

[مضارب دوسري]

اذا تقصد لمجلس رجاجيل
ياخوي اذا عزومات رجاجيل
مايحتاج طاولة طعام بس مهم جدا غرفة طعام
المفاطيح محد يحطها على طاولات طعام دايم على الارض لان يتوزعون على الصحن اما لو مثلا على طاوله مالها داعي بيكون اربعه عالمفطح و 8 بعيد

طاولة الطعام مهمه تكون في غرفة الطعام اللي داخل البيت مع طاولتها لانها مناسبه للحريم
او لما تاكل انت وهلك وعيالك
اما لمجلس رجاجيل مايحتاج طاولة طعام

[captin]

السلام عليكم ورحمة الله


أخي ما ذكرت مساحة المجلس فإذا كانت المساحة 5* 6 أو 5*7 من غير المطعم فهاذي تعتبر مساحة كافية لمجلس داخلي ونضيف عليها 5*4 للمطعم بالإضافة إلى الحمام والمغاسل.


إذا كنت تقصد غرفة الطعام الملحقة بالمجلس الداخلي للبيت هل تستغنون عنها وتضيفون مساحتها للمجلس ويصير المجلس أكبر. فذلك يعتمد على طبيعة مستخدمي المكان وعددهم وهل هناك ضيوف باستمرار وهل الضيوف من القريبين لكم يعني الحال واحد ولا ضيوف رسميين ويجب الترتيب والتحضير لهم قبل مجيئهم او أثناء تواجدهم بالمجلس بدون لا يطلعون على ما يتم وضعه وتحضيره بالمجلس.


هناك حل وسط وهو انا نخلي المساحة كلها مفتوحة بدون عمل أقواس او نفصل المجلس عن المطعم بجزء حائط أو غيره ونحط في بالنا أن طاولة الطعام تاخذ زاوية من الزوايا وإذا صارت مناسبة كبيرة مرة في السنة واحتجنا مساحة أكبر نقدر نشيل طاولة الطعام ونضيف كراسي ويصير المكان يشيل عدد اكبر من الناس. ففي هاذي الحالة صار المكان مرن قابل للإستخدامات المتعددة .


بالتتوفيق أن شاء الله.

[لاجل QT]

ممكن تفتح المجلس وتوسعة على غرفة الطعام وفي نفس الوقت تحط على جنب طاولة طعام

لاغنى عنها تحتاجها في العزومات والمناسبات والاعياد

[دااانة قطر]

اذا تقصد لمجلس رجاجيل
ياخوي اذا عزومات رجاجيل
مايحتاج طاولة طعام بس مهم جدا غرفة طعام
المفاطيح محد يحطها على طاولات طعام دايم على الارض لان يتوزعون على الصحن اما لو مثلا على طاوله مالها داعي بيكون اربعه عالمفطح و 8 بعيد

طاولة الطعام مهمه تكون في غرفة الطعام اللي داخل البيت مع طاولتها لانها مناسبه للحريم
او لما تاكل انت وهلك وعيالك
اما لمجلس رجاجيل مايحتاج طاولة طعام


هذا الكلاام السليم:shy:

[PGR]

غرفة الطعام مهمه جدا عشان تحضير الطعام قبل دخول المعازيم فالخدم ممكن يدخلون ويطلعون بدون ما يحسون المعازيم ,, والشي الثاني حتى ريحة الاكل ماتدخل مكان المجلس اما بالنسبه اذا الاكل بيكون ذبايح فمب مهم ممكن حتى تنحط في المجلس نفسه على الارض

[dream~qa]

السلام عليكم ورحمة الله


أخي ما ذكرت مساحة المجلس فإذا كانت المساحة 5* 6 أو 5*7 من غير المطعم فهاذي تعتبر مساحة كافية لمجلس داخلي ونضيف عليها 5*4 للمطعم بالإضافة إلى الحمام والمغاسل.


إذا كنت تقصد غرفة الطعام الملحقة بالمجلس الداخلي للبيت هل تستغنون عنها وتضيفون مساحتها للمجلس ويصير المجلس أكبر. فذلك يعتمد على طبيعة مستخدمي المكان وعددهم وهل هناك ضيوف باستمرار وهل الضيوف من القريبين لكم يعني الحال واحد ولا ضيوف رسميين ويجب الترتيب والتحضير لهم قبل مجيئهم او أثناء تواجدهم بالمجلس بدون لا يطلعون على ما يتم وضعه وتحضيره بالمجلس.


هناك حل وسط وهو انا نخلي المساحة كلها مفتوحة بدون عمل أقواس او نفصل المجلس عن المطعم بجزء حائط أو غيره ونحط في بالنا أن طاولة الطعام تاخذ زاوية من الزوايا وإذا صارت مناسبة كبيرة مرة في السنة واحتجنا مساحة أكبر نقدر نشيل طاولة الطعام ونضيف كراسي ويصير المكان يشيل عدد اكبر من الناس. ففي هاذي الحالة صار المكان مرن قابل للإستخدامات المتعددة .


بالتتوفيق أن شاء الله.

مساحة المجلس 5*6 ومفتوح من جهتين متقابلتين وهي جهة المدخل والجهة المفتوحة على غرفة الطعام يعني في هاذي الجهتين يصعب وضع كنبات .. أيضا المجلس فيه زوايا تحد من عدد الكراسي .

غرفة الطعام 3 ونص * 4 ونص ومعها المغاسل .

فكرة وضع زاوية لطاولة ممكن نضعها وقت العشا ونشيلها وبعدها نستغل المساحة اعجبتني

ولكن المساحة لن تكون كافيه إذا وضعت كنب في غرفة الطعام خصوصا أن الغرفة أيضا بها أبواب من جهتين .

أحتاج أفكار أكثر من واقع تجاربكم .

[خزامئ]

طاوله الطعام
سارتً جزا مهم فيً البيت خصوص لنساء
واذا المكان عندكم يستحمل وانتي راعيه عزايمً
فيه بعض الناس عزايمهم بس قهوه وخفايف اذا كذ احسن وسعي المجلس
كل بيت له نمط واسلوب في عزايمه انا سويت متخره في مرحله البناء وتحسفت اني ماسويتها اكبر
الله يتم لكم خير

[بوNasser]

اذا فيه امكانية لعمل غرفة طعام للضيوف ليش لا

مب شرط للعزايم الكبيرة، بعض الزيارات العائلية 12 الى 15 شخص، ما يكون اكلهم عيش ولحم بس يعني شي مشكل مقبلات خفايف ما ادري شنهو، وفي رايي الشخصي، هذي الأكلات تكون على الطاولة احسن.

و حتى احنا احيانا نستخدم الطاولة كبوفيه نحط كل شي عليها، ناخذ احنا الرجال نصيبنا مما لذ وطاب، ونعفس كل شي ونروح الميلس او المطعم بصحوننا، وبعدين دور الحريم يصفون على الباقي (( طبعا انا اتكلم عن ناس ما هم غرب، يعني في محيط العائلة اما الضيوف والغرب ما لهم الا عيش ولحم وقعده ارضية وضرب بالخمس.

وسلامتكم

[dream~qa]

ما زلت استفيد من تجاربكم وأرائكم وتقريبا توصلت لأفكار مناسبة .

بانتظار المزيد .

[بوخالد911]

طبعا مهمة

وخاصة لو انك تعزم وايد اكثر من 25 نفر

وفرضا لو مساحة هالغرفة 5 × 4 او 5×5
لا تحط طاولة طعام
خلها جلسة شعبية

[dream~qa]

غرفة الطعام 3 ونص * 4 ونص يعني أصغر من المجلس بس مفتوحة على المجلس يعني لو بستغلها للمجلس ممكن احط فيها تكملة للكراسي نفس اطقم المجلس او مختلفة واسوي ماتشينج بينهم ..

بس اخاف اتحسف اني لغيت غرفة الطعام .. وبعد انا ما حبيت نظام ان غرفة الطعام مفتوحة بالكامل على المجلس لان ما فيها خصوصية عند تحضير الطاولة جدام الضيوف أفضل الغرفة اللي تكون مستقلة بس ما باليد حيلة خلاص البيت خالص والاضافات صعبة .

من الاشياء اللي تحسفت عليها أني ما كبرت المجلس لاني أحسه مهم للزمن وخاصة إذا كبرت العائلة .

[بوNasser]

لا تتحسف على حجم المجلس وانا اخوك

بعض المجالس ما تستخدم الا في المناسبات (بالكثير 3، 4 مرات في السنة) وباقي الايام بس المكيفات شغاله حفاظا على الأثاث، والمجلس يصفر.

وبتتذكر كلامي

[dream~qa]

^
^
^
^

لو جذي ما فكرت فيه بس البيت بيكون وسط فريج اغلبه من الأهل يعني إلا تكون في زيارات .

[دااانة قطر]

طبعا مهمة
وخاصة لو انك تعزم وايد اكثر من 25 نفر
وفرضا لو مساحة هالغرفة 5 × 4 او 5×5
لا تحط طاولة طعام
خلها جلسة شعبية
:nice::nice::nice:

[dream~qa]

اشكركم جميعا بدون استثناء على مشاركتكم في الموضوع واستفدت من آرائكم في اهمية غرفة الطعام لمجلس الحريم

ولو اني كنت اتمنى حلول أكثر لطريقة التعامل مع حجم الغرف

عموما حاليا توصلت الى استغلال غرفة الطعام المفتوحة على المجلس بوضع اطقم واخليها مكملة للمجلس لعدة اسباب اولها صغر الغرفة بحيث انها ما تكفي الا لطاولة لعشر اشخاص وما راح استفيد من هذا العدد .. ثانيها صعوبة اعداد الطعام وترتيبه امام الضيوف .

[مضارب دوسري]

غرفة الطعام 3 ونص * 4 ونص يعني أصغر من المجلس بس مفتوحة على المجلس يعني لو بستغلها للمجلس ممكن احط فيها تكملة للكراسي نفس اطقم المجلس او مختلفة واسوي ماتشينج بينهم ..

بس اخاف اتحسف اني لغيت غرفة الطعام .. وبعد انا ما حبيت نظام ان غرفة الطعام مفتوحة بالكامل على المجلس لان ما فيها خصوصية عند تحضير الطاولة جدام الضيوف أفضل الغرفة اللي تكون مستقلة بس ما باليد حيلة خلاص البيت خالص والاضافات صعبة .

من الاشياء اللي تحسفت عليها أني ما كبرت المجلس لاني أحسه مهم للزمن وخاصة إذا كبرت العائلة .


اها
اذا جذي اشبكها مع المجلس
وحط طاوله عرضيه
وريح راسك
لان بهالطريقه بتجون كبرت المجلس ووسعت على نفسك

باختصار
مجلس كبير مع طاولته افضل من مجلس وسط وغرفة طعام صغيره

[نوت]

مساحة المجلس 5*6 ومفتوح من جهتين متقابلتين وهي جهة المدخل والجهة المفتوحة على غرفة الطعام يعني في هاذي الجهتين يصعب وضع كنبات .. أيضا المجلس فيه زوايا تحد من عدد الكراسي .

غرفة الطعام 3 ونص * 4 ونص ومعها المغاسل .

فكرة وضع زاوية لطاولة ممكن نضعها وقت العشا ونشيلها وبعدها نستغل المساحة اعجبتني

ولكن المساحة لن تكون كافيه إذا وضعت كنب في غرفة الطعام خصوصا أن الغرفة أيضا بها أبواب من جهتين .

أحتاج أفكار أكثر من واقع تجاربكم .

غرفة الطعام ضروريه جدا سواء كانت بشكل شعبي ع الأرض او طاوله وكراسي مساحة المجلس عندك لاباس بها ولكن مساحة غرفة الطعام صغيره مستحيل تحطي فيها طاوله وكراسي راح تكون مزحومه وصغيره وغير مريحه في حالة غرفة الطعام عندك لازم تعملينها ارضي جلسه شعبيه ووتفصليها عن المجلس بباب سحاب بدرفتين (وفيه ديزاينات كثيره وحلوه لمثل هذا النوع من الأبواب ) بحيث تفتحينه وقت الزوم يوحي باتساع المجلس ويعطي انطباع انه هذا مجلس شعبي ملحق بالمجلس الرئيسي وتصكرينه وقت وضع الطعام وااستخدامه غرفة طعام ,,والله يجعل مسكنك اساسه التقوى