محل ikea وافتتاحه

[PGR]

السلام عليكم ,,, حبيت اقولكم بس لما تمشون على خط الشمال وتمرون على مشروع دوحه فيستفال سيتي بتحصلون لوحه كبيره مكتوب عليها انه اول جزء من المدينه بيكون محل IKEA المتخصص في المفروشات ,, وعقبها بيكون في 500 محل ثاني بيفتحونهم على مراحل :nice:

[ولد المنصور]

**** وعليكم السلام اخوي *****
ان شالله الافتتاح( ش 10 ) لي محل ايكيا ,, المتخصص للمفروشات نفس ماتفضلت ..

[cavok]

بصراحة محل ikea محل مقبول من ناحية البضاعة اللي يجيبها يعني
فهاي هو مستوى ikea

[بنت المطر]

متاكدددددين شهر عشرة هالسنة ؟؟؟

[بو شريم]

غالي ولا؟

ترى ويل للمطففين

[بنت المطر]

اخوي محل إيكااا عالمي يعني مثل هوم سنتر وهوم أر اص

يعني أثاثة امريكي كراسي وطاولات وكل شي يبيع

الحمدالله زين انهم افتحوا فرع ف قطر

لان صج هنيه احتكار حق محلات الأثاث يعني محلات الدوحة شوي + أثاث غالي ونوعية وتشكيلة محدودة

بس بما انهم بيفتحون ايكا راح تتعدل ديكورات البيوت هههههههههههههههههه

[Chambray]

اخوي محل إيكااا عالمي يعني مثل هوم سنتر وهوم أر اص

يعني أثاثة امريكي كراسي وطاولات وكل شي يبيع

الحمدالله زين انهم افتحوا فرع ف قطر

لان صج هنيه احتكار حق محلات الأثاث يعني محلات الدوحة شوي + أثاث غالي ونوعية وتشكيلة محدودة

بس بما انهم بيفتحون ايكا راح تتعدل ديكورات البيوت هههههههههههههههههه


ميزته ان كل مدينة في فرنسا وفي اوروبا تحصل له فرع
وكل مكان تحصل نفس الاغراض
ونفس الاشكال
الي يبي الغالي بيحصل
والي يبي الرخيص بيحصل

عموماً اغراضهم حلوه وتعجبني ..
لكل الاذواق ..

بيضرب ضربه قاضيه على محلات الاثاث بالدوحة

[صــوت قطــر]

ميزته ان كل مدينة في فرنسا وفي اوروبا تحصل له فرع
وكل مكان تحصل نفس الاغراض
ونفس الاشكال
الي يبي الغالي بيحصل
والي يبي الرخيص بيحصل

عموماً اغراضهم حلوه وتعجبني ..
لكل الاذواق ..

بيضرب ضربه قاضيه على محلات الاثاث بالدوحة



:nice: :nice:

[بو الجوري]

هل في اعلان رسمي بموعد الافتتاح ؟


اللي عجبني في ايكيا هو أغراض المطبخ المدورن

وعندهم وايد أشياء من اللي نشوفها في قوقل

[w.qatar]

متى يفتحونه ويوفرون علينا السفر و الشحن من دول ثانية

[captin]

دخول أيكيا إلى الدوحة سيوفر تنوع وإختيارات اكثر للمستهلك
بسعر متوسط حيث ان أسعار ايكيا تعتبر من الاسعار المتوسطة .

طبيعة المواد التي توفرها أيكيا هي مواد الإثاث المودرن وتركز على الأكسسوارات
ومواد الإضاءة واكسسوارات الحمامات والمطابخ والستائر والأرضيات وغرف النوم
وغرف الأطفال ومواد الأوت دور للحدائق .

تعتبر قطر هي الدولة الرابعة بعد الإمارات والسعودية والكويت في دول مجلس التعاون
كما أن لأيكيا تواجد في اسرائيل أيضا.

تأسست شركة ايكيا سنة 1934 بواسطة مؤسسها السويدي
Ingvar Kamprad
ويتكون شعار الشركة من اللونين الأصفر والأزرق وهما لون علم السويد.

أعتقد شخصيا بمستوى اسعار أيكيا وألوانها المميزة والإفكار الموضوعة في التشكليات
لديها ستسحب البساط من هوم سنتر وبعض محلات الأثاث الأخرى

الرابط أدناه لأيكيا به جميع المواد التي تباع بفروع الشركة بالولايات المتحدة

http://www.ikea.com/us/en/catalog/allproducts/

[كاشف الغطاء]

بتكون ضربة قوية وايكيا ممتاز حتى لتناول الطعام في مطعمهم السويدي

[غايه الطواش]

ما عندهم حلو الا المطابخ

[أم وضاحي]

اخوي محل إيكااا عالمي يعني مثل هوم سنتر وهوم أر اص

يعني أثاثة امريكي كراسي وطاولات وكل شي يبيع

الحمدالله زين انهم افتحوا فرع ف قطر

لان صج هنيه احتكار حق محلات الأثاث يعني محلات الدوحة شوي + أثاث غالي ونوعية وتشكيلة محدودة

بس بما انهم بيفتحون ايكا راح تتعدل ديكورات البيوت هههههههههههههههههه

أرجوووووووووووووووووووووك لالالالالالالالا
لا تقارن أيكيا بهوم سنتر و هومز آر أص
هاذيلا حد أثاثهم سنه و عقبها حتى التصليح ما يتصلح
لكن أيكيا أثاثهم ضمان عشر سنوات و كواليتمن الدرجه الأولى
و إللي يميز أسعارهم انها مناسبه
لأن أغلبها تشيله و تركبه بنفسج حتى المطابخ و غرف الملابس و الأثاث
إذا صج بيفتح في شهر عشره هالسنه
عيل بافرش بيتي منه
لأني الحمد لله في مرحلة التشطيب و كنت مفكره أروح الخبر أشتري من أيكيا إللي هناك المطبخ و الأستورات و غرف الملابس

[فويرط]

مستحيل الافتتاح في شهر عشرة هذه السنة

لان المبنى يبيله وقت واييد

المبنى اللي تشوفونه باللون الازرق هذيه كله ايكيا ، والمجمع الرئيسي اللي جنبه لين الحين مابنوه

اول بيفتتحون ايكيا بعدين بيبنون المجمع الكبير اللي جنبه

[راشد محمد]

يالت بطل ويرحمنا من المحلات التعبانة

[Dana’1]

ايكيا..حلو في اشياء بجودة زينة...واشياء ثانية عادي بجودةة عادية وهذا التقيم جاء من ناس استخدموا بعض منتجاتة،،للتأكيد بعض منتجاتة!
احب فية الكماليات للبيت او للمطبخ..مثل مقسم الادراج والربل لادراج المطبخ..بعض الاواني
بعض كماليات غرف الاطفال من ادراج لحفظ الالوان والالعاب ...الإضاءات اخذنا منهم بس للحين ما جربناه!!

اختي جربت بعض منتجات الطبخ الي تجي على المعدن ..تقول الي خذتة صدى بعد شوية استخدام!!

وعنده اشياء حلوة بالذات المطابخ مع انها خشب ! ويبغالها ناس تحافظ علية مو خدامة تكسر ابوة!!

وبصراحة الدوارة فية حلوة ههههه سواء طلعت بشي او لا!!


اخوي محل إيكااا عالمي يعني مثل هوم سنتر وهوم أر اص

يعني أثاثة امريكي كراسي وطاولات وكل شي يبيع

الحمدالله زين انهم افتحوا فرع ف قطر

لان صج هنيه احتكار حق محلات الأثاث يعني محلات الدوحة شوي + أثاث غالي ونوعية وتشكيلة محدودة

بس بما انهم بيفتحون ايكا راح تتعدل ديكورات البيوت هههههههههههههههههه
اثاثة سويدي..بموديللات اوربيية وممكن امريكية

و إن شاءلله يفتح عندنا على خير ويريحونا

[بو الجوري]

أمس مريت من صوبـه :.. ومن اللي شفته

أعتقد مستحيـل يفتـح شهر 10

للحين يبيلـه على الأقل 3 شهور أو أكثر

[sweet qatar]

بسعر متوسط حيث ان أسعار ايكيا تعتبر من الاسعار المتوسطة .




ان شالله يحافظ على أسعاره.. في شي في جو قطر يرفع الأسعار .. http://www.shooq4.com/vb/images/bb/23.png

بشرك الله بالخير يا راعي الموضوع.. وان شالله يفتتحون المعرض قريب..
السوق بايخ و مكرر.. الشوبنج في قطر يجيب الاكتئاب..

[الواعد]

الأفتتاح راح يكون في

18/12/2012

على حسب ماهو مكتوب في الموقع

http://festivalcitydoha.com/arabic/index.aspx

[رامي خوري]

هل تعلمون أن مؤسس إيكيا ابتدأ حياته ببيع أعواد الكبريت

[Hassoun]

الافتتاح في شهر يناير

[بومحمد المطاوعه]

متى بيفتحونه

والله شي طيب

احسن الاسعار والاغراض عندي

[شيزكيك]

احسن شي ان مكانه احذانا بالضبط ياي في لنص بيتي وبيت هلي

[مضارب دوسري]

انا توني ببدأ في التشطيب يعني ان شاء الله بنلحق عليه عقب 6 شهور او 8

[برنس قطر]

متى بفتحونه

[ام ناصر1]

بل شلي موديه خط الشمال جان قعد بالنص بعد هل الجنوب لهم حاجه فيه

[بومحمد المطاوعه]

مكانه قريب من بيتي

يعني عادي بجلابيه اروح ههههههههه

ومشي بعد

ياسلاااام احلى شي

[شموخ-qtr]

قريب من بيتنا :)
بس مستحيل يفتحونه بعد شهر

أحس توه بأول مراحله ,,,

[معماري قطري]

خلاص تعلمنا في قطر الشهر = سنه

شوفوا فيلاجيو حتى جزئياً ما أُفتتِح

[بنت سعادة السفير]

متى بيفتح المحل .؟؟؟

[ضوى]

وين وصل ايكيا ؟

[ZURICH]

ياكثر ما أسمــــع عن ايكيا

واحساسي يقول ،، بتنصدم بمستواه العادي ،، ننتظر ونشوف

[البرق الصاعق]

ايكيا يبعد عن بيتي تقريبا 1500 متر اشوفهم شاديين حيلهم في المرحله الاخيرة من المبنى وترتيب الشارع الخارجي وعاد لوعوا جبودنا ركبوا اشارات مرور وراء المحل وشرق المحل الله يعينا حنا سكان هلمنطقه الضاهر بتصير زحمه غير طبيعيه... والحمد لله انا قاعد ابني بمنطقه ثانيه ابغي احط ريولي واشرد عن الزحمه

[Qt.1]

اثاث ايكيا عادي يعني مهب راقي وايد شريت منه اسره من قبل وابجورات واطقم كراسي واسعاره مقبوله يعني مهب غالي , لكن نوعية الخشب عندهم وايد زينه وتستحمل ,واتوقع انه يرضي جميع الااذواق.

[راشد محمد]

انا يعجبني ايكيا ..اتعنى الخبر عشان اروح له..اغراضه روووعه وخاصة اغراص الترتيب والتصنيف والبوكسات واغراض المطبخ ما تتفوت..
ننطر افتتاحة بفارغ الصبر

[البرق الصاعق]

ايكيا الاثاث مصمم لشقق صغيرة ومساحات ضيقه ومطابخه صح اوروبيه لكن ماتصلح حق بيوتنا ... حنا يبلنا مطابخ heavy duty نحكها حك مو حنان نصور وياها ... مريت عليهم في دبي اغراضهم ماعجبوني ابد

[الزلزال]

الله يفوقهم ويستعجلون فيه

[cavok]

أنا اشوفه محل عادي جداً يا إخوان
خاصة اللي في استوكهولم السويد اللي قمت بزيارته العام الماضي وبصراحة نعم المتجر كبير جداً لكن والاهم نوعية البضاعة كما أسلفت عادية جداً بل ورخيصة 00000000000000

[Chambray]

انا من زبائن ايكيا في فرنسا
وزرت فروع كثيره في فرنسا

والعام زرت فرع ايكيا في المملكة العربية السعودية - الرياض

نفس الاغراض الي في فرنسا في الرياض
والاسعار تقريباً نفسها بالضبط


بس الي في فرنسا ينهد حيل الواحد وهو يشيل ويوصل للشقه ويركب كله جهد شخصي

اما هنا الواحد يجيب له هندي يركب له كل شئ هههههههههههههه

[fhd4]

إيكيا بضاعته خفيفة ومب heavy duty ... لكن بعض منتجاتهم فيها أفكار روعة وتحل بعض المشاكل بطريقة مبسطة ...

[QtrGate]

الحلو في ايكيا ان البضاعة منوعة وتركب مع مختلف الديكورات

[الواعد]

اللي قريته عن الافتتاح في مواقع اجنبية انه في آخر شهر يناير

[naklan]

اعتقد تم الافتتاح لانه لقيت اليوم كتلوج
على باب منزلي :)

[المنسى]

موزعين كتلوج بس مب ذاك الزود ااذا فيه اشياء ثانيه ممكن