الخزائن

[Noorah]

مرحبا


عندي استفسار وين افضل مكان لتفصيل الخزائن انا درت شارع سلوى وكل واحد يقولي كلام ماعرفت وين افصل

في ماليزي واندنوسي واللي يقولي معالج واللي يقولي هذا خشب اسباني ويجي الثاني بنفس المحل يقولي لا ماليزي معالج


وشلون بخصوص نجمة انا مااعرف محلاتهم وهل خزاينهم مضمونه يهمني الكواليتي ؟

[الفاخر]

انا اشوف نجمه يمكن احسن
كا شكل يمكن المستورد احسن بس كا مضمون نجمه احسن واجود
وعندهم نوعيات خشب احسن من الاندونيسي والماليزي
والاميز انك تختار المقاس اللي تبيه عكس المستورد يجي مقاس ماتقدر تغير فيه شي

وبالتوفيق

[Noorah]

في محل معين بنجمة تنصح فيها

والخزائن بشارع سلوى تفصيل حسب المقاس اللي تبيه

[السهم الملتهب]

:nice:

[غايه الطواش]

أختي أنا أشوف بوكنان وخزائن نوح ممتازين وأسعار هم معقوله

الخزائن الامريكية ممتازه بس أسعارها جداً مبالغه

[kmk]

الخزائن المبتكرة شارع النصر. مقابل نوكيا تفصيل عجيب وكل الألوان

[Chambray]

منجرة الشرق شغلهم حلو
والمتحده شغل بروفيشينال

[اللوز]

انا ما احب خزائن خشب
والسبب الصرارصير وتبطل الباب مع الاستخدام
نصيحة
فصل المنيوم نفس شكل الخشب

[A bin M]

فصلت عند محل ( خزانه ) .. التفصيل ياخذ حوالي شهر ونص ..


مركبه من حوالي شهر ونص اشوفه لين الحين ممتاز

وشغلهم مرتب .. :)

[فريج النجادة]

انصحك روح عالم المطابخ المتر عندهم 400 ريال

في البداية لازم يقولك 600 ريال بعدين بينزل معاك

عن تجرة شغلهم ممتاز ونفس سعر سوق الحراج

[بو خليفه 123]

اذا يهمك الكواليتي على قولتك جربي منجرة الأريكة

او محل الخزائن قبل جسر مدماك على يمناك .. بجوار الخطوط القطريه

[dream~qa]

منجرة نوح نصيحة ابتعدي عنهم ..

بالنسبة للخشب اغلب محلات سلوى يستخدمون ام دي اف مضغوط ومع وقت بسيط يبدا يتقشر

فصلت خزاين المنيوم عند خزاين الخليج وشغل ممتاز بس للأسف ما عندهم خدمة بعد البيع ولا ضمان واحد من الابواب الزجاج اخترب بفعل العيال وكل ما اطلب منهم يعطوني مواعيد وما يجون .

حاليا ادور محل يسوي ابواب للخزانة الخربانة .