المقاول خسر وبناء البيت توقف !!

[اللوز]

اكتب لكم مشكلتي لعل اجد حلا من قبل الاعضاء المحترمين
كنت ابني عند شركة معينة
الشركة المعينة خسرت بسبب عدم دفع الملاك لراعي الشركة
فخسر على قولته 4 ملايين
فتم اغلاق المكتب
وكان عنده رقمين
الجوال الاول مقطوع
الجوال الثاني محول

عدد العمال عنده قبل فوق 120 عامل
الآن 3 عمال !!

انتقل مالك الشركة لشركة اخرى فاصبح هناك مدير

يوم 1 يجي وشهر ما يجي البيت !!

انا اتفقت معاه فقط
عظم + بلاستر + كهرباء + اعمال ppr + عمل المناهيل + تسوية الحوش + عمل الحديقة

بناء البيت متوقف والسبب لا يوجد لديه عمال
والآن انا واصل لمرحلة تشطيب البيت

ما هوالحل

[captin]

مرحبا ياللوز

أهم شيء ما تكون دافع له اكثر من العمل المنجز
في هاذي الحالة أنت مضطر تخليه يكمل لك الشغل.

إذا عندك أستشاري مشرف على البناء إشراف فعلي خله
يجلس يقيم الشغل اللي تم انجازه مع المبالغ المدفوعة

إذا حجم العمل على قد الفلوس اللي دفعتها مو مشكلة تقدر
توجه له كتاب رسمي منك عن طريق الاستشاري اللي عينته
وتقول له انك بتفك العقد بسبب التأخير او بسبب عدم أنجاز العمل الخ.

و تشوف لك شركة ثانية تكمل الشغل أو تجيب عمال قطاعي تسوي
العمل على أجزاء الكهرباء بروحها والبايب فيتر بروحه وباقي الاعمال لحد
ما تخلص بنيانك.

لكل مشكلة حل بس يبي لها تأني وحسبة وتفاوض
وبإذن الله راح تنحل.

[بنت المطر]

اخوي ممكن توضح شوي أرقام وحسابات المبالغ

بكم سعر الاتفاق حق البناء ؟

جيكات بنك التنمية كانت تروح دايركت على المقاول ولا تنزل ف حسابك وانت تدفع لهم ؟ *

[اللوز]

اخوي ممكن توضح شوي أرقام وحسابات المبالغ

بكم سعر الاتفاق حق البناء ؟

جيكات بنك التنمية كانت تروح دايركت على المقاول ولا تنزل ف حسابك وانت تدفع لهم ؟ *

الشيكات تنزل في حسابي

[شموخ دائم]

,

,


مرحبا

الله يعطيكم العافيه وما شاء الله ماقصروا بالردود بس حبيت اركز على نقطه مهمه
كل سنه بقطر فوق ال 100 شركه مقاولات تغلق ابوابها وتدخل شركات جديده ايضا مقاولات بالسوق

اهم شي الان تقييم المشروع بوضعه الحالي
كم انصرف عليه فلوس وكم تم انجازه
الدفعه الاخيره الي استلمها هل تم انهاء المرحله الي فيها

وتجيبون مقاول ثاني يعطيكم ( عرض سعر لتكمله البيت )

راح تتضح الصوره كم باقي دفعات في البنك
وكم محتاجين لتكمله البيت

اذا المقاول الاول اخذ فلوس كثيره والانجاز اقل بكثير
في هذي الحاله اللجوء الى القضاء

واذا العمليه متساويه الي اخذه قد الي انجزه فالموضوع سهل ان شاء الله

اهم شي بعد الاتفاق مع المقاول الاول على حل المشكله وتتوصلون الى حل
تاخذون ( ورقه مخالصه ) ومكتوب فيها انه اخذ كل معداته وغراضه ومواد البناء الي له بالموقع
حتى ما يكون له عذر يقول استخدمتوا اغراضي ويقيمها بسعر اعلى من قيمتها الحقيقيه

حتى المقاول الجديد يشتغل بدون مشاكل


والله يعينكم على تكمله البيت ان شاء الله

,

,


اخوك


شموخ دائم

[بنت المطر]

وكل موضوعك حق الاستشاري وبيخلص لك ف اسبوع الاوراق

يعني انت راح تغير المقاول بس

وبما ان الجيكات تنزل ف حسابك ف معناته ان المقاول خذ فلوسة على قد الشغل الي سواه


روح الاستشاري يخلص موضوعك + خله يختار لك شركة زينة حق التشطيب

الله يسهل

[المقاول]

الله يكون في عونك .... اهم شي ماتكون دافع للمقاول
اكثر من المنجز ... وكمل شغلك انت بنفسك الفنيين مالين
الدوحة .

[اللوز]

جزاكم الله كثيرا
وانتظر بقية الردود
والله لا يوصل فيكم لمثل حالتي

[اللوز]

للرفع يا اخوان

[جفى الجوارح]

كم عطيته من مبالغ وكم قيمة ما تم انجازه من العمل المتفق عليه ؟

[البحار00]

الله يعينك ياخوي

اما أنا الحمدلله وكلت بنيان بيتي للوالد بعيد عن شي اسمه مقاول وعذاب المقاولين

[الخزرجي قطر]

الله يعينك وتخلص البيت
مثل اراء الاعضاء تحديد قيمة
العمل المنجز وتقييم العمل المتبقي
وتوصل مع المقاول الى حل الموضوع
بالتنسيق مع الاستشاري وتكمل عن طريق
مقاول اخر اوتشطب بنفسك اهم شي حاليا تخلص من المقاول الحالي

[اللوز]

رحت اليوم للبلدية قالوا لي اذا تبي تغير الى مقاول آخر جديد توجد عندهم فورمه اتعبيها وتأخذ موافقة المقاول السابق
السؤال
المقاول ما عنده مكتب وجوالاته مغلقة !!

[هدوء العاصفة]

ليش اصلا رايح البلدية ؟ اللي قال لك هالكلام مايفهم شي ... ارجع للعقد .. المقاول اذا ماكمل الشغل جيب مقاول ثاني ولاعليك من حد وخله يكمل ووقع معاه عقد ..

حد يتفق مع مقاول ماعنده مكتب الله يهداكم بس

[اللوز]

ليش اصلا رايح البلدية ؟ اللي قال لك هالكلام مايفهم شي ... ارجع للعقد .. المقاول اذا ماكمل الشغل جيب مقاول ثاني ولاعليك من حد وخله يكمل ووقع معاه عقد ..

حد يتفق مع مقاول ماعنده مكتب الله يهداكم بس

ما تطلع رخصة البناء الا تعهد المقاول

[الضمين]

مرحبا ياللوز

أهم شيء ما تكون دافع له اكثر من العمل المنجز
في هاذي الحالة أنت مضطر تخليه يكمل لك الشغل.

إذا عندك أستشاري مشرف على البناء إشراف فعلي خله
يجلس يقيم الشغل اللي تم انجازه مع المبالغ المدفوعة

إذا حجم العمل على قد الفلوس اللي دفعتها مو مشكلة تقدر
توجه له كتاب رسمي منك عن طريق الاستشاري اللي عينته
وتقول له انك بتفك العقد بسبب التأخير او بسبب عدم أنجاز العمل الخ.

و تشوف لك شركة ثانية تكمل الشغل أو تجيب عمال قطاعي تسوي
العمل على أجزاء الكهرباء بروحها والبايب فيتر بروحه وباقي الاعمال لحد
ما تخلص بنيانك.

لكل مشكلة حل بس يبي لها تأني وحسبة وتفاوض
وبإذن الله راح تنحل.

الله يعينك ياللوز وسع صدرك وان شاء الله بتيسر امورك

واخوي كابتن اختصر علي وقال الكلام اللي أنا جربته وبنصحك فيه

[ali22]

ليش اصلا رايح البلدية ؟ اللي قال لك هالكلام مايفهم شي ... ارجع للعقد .. المقاول اذا ماكمل الشغل جيب مقاول ثاني ولاعليك من حد وخله يكمل ووقع معاه عقد ..

حد يتفق مع مقاول ماعنده مكتب الله يهداكم بس

شلون ماعليه من حد !!!!!!!!!!!!!!!؟ :eek5: انت تدري لو يكمل البيت بدون اي اجرائات رسمية من مخالصة او اثبات حالة وش يقدر يسوي فيه المقاول القديم بيتبهدل راعي البيت
ورقبته بتكون تحت رحمة المقاول القديم ... انا اقول روح المحكمة واعمل لك اثبات حالة
مستعجلة وبمجرد ندب الخبير الهندسي (في حدود 3اسابيع)من البلدية وخروجة للمعاينة تقدر تتبلش بنيان لو بروحك ... المهم في الموضوع اذا كان المقاول ماخذ اكثر من حقه ومتأخر عليك وتقرير الخبير في صفك اهني تروح ترفع قضية ثانية قضية مدنية وتسترجع كامل حقوقك
لان للاسف اغلب المقاولين نصابيين ولا يقص عليك بكلامة وانا خسران اربع ملايين
والله لو عشرين مليون انت مالك علاقة وطالب بحقك..... والسموحة ع الاطالةcrazy

[رذاذ]

الله يسير لك الامور .. وانا اشوف حل ali22 الانسب ..

ياخـــــــــــي شيهتنا على اللوز هههههههههههه توقيع جميل

[ali22]

اذا ماعرف حق المقاول بيخلية يغني لوز يالوز السموحة ياخوي حاس فيك ومن القهر اتكلم جذي

[رذاذ]

اذا ماعرف حق المقاول بيخلية يغني لوز يالوز السموحة ياخوي حاس فيك ومن القهر اتكلم جذي

هههههههههههههه خوش تعليق شر البلية ما يضحك .. الله يغربل ابليسك

اضحك الله سنك دائما

[ali22]

اهم شي صاحبنى مايزعل ....قلبي عليه

[almaf1a]

مستحيل ان يكون قيمة العمل المنجز حسب الدفعات بنفس العمل المنجز

بعد تقييم الاستشاري راح تكون تطلبه فلوس وممكن تدفع اكثر للمقاول الجديد
واجهت نفس المشكلة مع مقاولي ولكن وعدني بالالتزام بالمشروع حتى انجازه بالرغم من خسارته
وهذا انا متابع معاه وبدأ يشتغل اللحين

فكرت اني اسحب منه شغل الكهرباء والماء ولكن تراجعت قلت انتظر واشوف اخرتها معاه


الله يعيينك وان شاء الله تلقى الي ينجزلك المشروع بدون خسائر اضافيه

[اللوز]

ياخـــــــــــي شيهتنا على اللوز هههههههههههه توقيع جميل

كنت بزرع نفس هذا اللوز في البيت الجديد
لكن اللوز تبخر واحترق مع المقاول
:nice::nice::nice::nice::nice::nice:

[قناص 787]

ياما تكلمنا و قلنا لا تدوون الرخص لكن ما في فايده


الله يعينك

[اللوز]

ياما تكلمنا و قلنا لا تدوون الرخص لكن ما في فايده


الله يعينك

الحمد لله اخذنا بفكرة عدم البحث عن الرخص
والشركة للعلم مصنفة درجة خامسة
لكن للأسف على كلامه ان بعض الملاك انصبوا عليه
الله المستعان

[قناص 787]

الحمد لله اخذنا بفكرة عدم البحث عن الرخص
والشركة للعلم مصنفة درجة خامسة
لكن للأسف على كلامه ان بعض الملاك انصبوا عليه
الله المستعان

البلا ‏?مـْإيجيك ??? مٍْْـٍْْ???????ـٍْْنٍْْ الشركات المصنفه ?‏?نـاعندي شركة مقاولات ? ???ف

? مااقولك الكل لكن البعض