انتهاء اقامه السائق والافاده

[mubarak2006]

عندي سائق سافر في 27-6-2012 على اساس انه يرجع 27-9-2012 ..صلاحيه اقامته تنتهي في 14-10-2012 ..المشكله الحين هو يبي يرد اخر شهر 12 ..شالعمل هل يقدر يرجع ولا اذا انتهت صلاحيه الاقامه اللي هي 14-10-2012 خلاص راحت عليه..او هل هناك اي اجراء اخر انا اقدر اسويه وامدد له الاقامه لحد مايرجع...اول مره امر بهذي المعضله الصراحه....ولكم مني اجمل تحيه وجمعه مباركه للجميع.

شكرا

[النهار]

ياخوي لوانتهت اقامته يوم واحد مايقدر يرجع مايدخلونه البلاد
خله يرجع مثلا 10/10/2012 وجدد له الاقامه وخله يسافر مره ثانيه
لوالاقامه انتهت وهو في الدوحه عنده مهله 3 شهور

[البحار00]

روح الجوازات وبيسنعونك


واحد من الربع انتهت اقامه خدامته وهي في بلادها وهو مايدري

راح الجوازات وسنعوة وأرجعت خدامته بدون اي مشكله

[alwahesh]

نعم يقر يرجع بس خبرك الوزارات عندنا كل يوم قرار جديد

المهم

اسهل طريقه وغير مكلفه ويمكن التكلفه تكون اقل من تجديد الاقامه وغرامات التأخير واعاده اصدار الخ الخ

خله يرجع الدوحه يوم او يومين وخلص اجراءات التجديد وخله يرد بلاده الى شهر 6

[alwahesh]

او انه يرسل جوازه مع اي احد او عن طريق الشركات المعروفه

dhl
aramax

[KHALID1]

يقدر يدخل بس سووا له طلب عودة مقيم ويدخل بنفس جوازه وتأشيرته بدون مشاكل ... روح الجوازات وخلهم يسون لك عودة مقيم بعد ما تنتهي اقامته وبيسونه في نفس اليوم. لاتحاتي ..

[بن غيث]

طبعا يقدر
في استثناء لهذه الحالات ودفع غرامة مالية بسيطة

[السكين]

تقدر تسوي له تأشيرة عودة ويدخل فيها لو متأخر شهور بعد تاريخ اقامته

والأسهل بجوازات المطار ( قسم التأشيرات ) رسومها 500 ريال وتخلصها وانت واقف .

انا رحت مع صديقي كانت زوجته واولاده خارج البلد أكثر من ست شهور ودفع 500 لكل واحد واستلم التأشرية ودخلوا بعدها عادي .