ايش افضل سيارة للحريم في حدود 100 الف

[أسد الجزيرة]

السلام عليكم

ممكن افضل سيارة للحريم في حدود 100 الف

[غايه الطواش]

كامري
أفالون

[ANONYMOUS]

الكامري طبعا قيمتها تبدا من ٧٠ لين ١٠٠ اعتقد

تويوتا يابانيه ٥ سنين يبي لها بترول و ايل بس

[MAZEN37]

حريم تسوق = سياره فورويل

[Al-Kuwari]

تويوتا كامري بحدود الـ 100 الف
تويوتا افالون فوق الـ 100 الف بشوي بناء على المواصفات

السيارات صارت غاليه 100 ماعادت تجيب شي والله المستعان

[أسد الجزيرة]

مشكورين يا اخوان و اخوات

اجل ايش رايكم في البرادو

[elders]

مشكورين يا اخوان و اخوات

اجل ايش رايكم في البرادو

ممتازة بس اغلى من 100

[النهار]

انا اشوف الفور ويل احسن للحريم

[عيون الدوحة]

اذا صالون اخذي الاوريون من وكالة التيوتا
افظل من الكامري

[المبرمج صلاح]

بصراحة عن تجربة خاصة للحريم خذي البرادو افضل هي اغلي شوي
ممكن تحصلي ب 100 مستعمل خفيف جدا

الله يوفقك ان شاء الله

[طير]

انا مع الافالون والكامري والاوريون

[ANONYMOUS]

مشكورين يا اخوان و اخوات

اجل ايش رايكم في البرادو


بعد سياره حلوه

ولكن تعال للسعر

اعتقد الفل اوبشن فوق او قريب من 200 الف --- مش متاكد من السعر

بس استحمل كلام الناس :p

[كتكوت الوحش]

اخوي العزيز
نصيحة المناسب لها برادوا
ولا تقترب من الكامري الجديده نهائيا نصيحة اخ لاخيه
اذا فكرت بالكامري تقدر تاخذ بديل عنها هيونداي يمكن اشرف

[QATAR-2006]

اخوي العزيز
نصيحة المناسب لها برادوا
ولا تقترب من الكامري الجديده نهائيا نصيحة اخ لاخيه
اذا فكرت بالكامري تقدر تاخذ بديل عنها هيونداي يمكن اشرف


هههههههههههههههه اضحك الله سنك .. وصادق ان الهيونداي اشرف من الكامري:victory::victory:

[اللوز]

من خلال متابعتي للسوق
انصح بالجديد احسن لك من المستعمل وبالذات في التويوتا
بالبرادو اقل اوبشن ب 150 ألف ريال 6 سلندر
وعندك البرادو 4 سلندر 125 ألف طبعا المكيف مع 4 سلندر ما يعطي عزم قوي للسيارة
عندك الفورتشنر من تويوتا
ب 92 ألف ريال

عندك الهوندا crv الستاندر منها على 95 ألف تقريبا

يعني تدفع 100 الف والباقي اقساط على البنك

وبالتوفيق

[بومحمد المطاوعه]

السلام عليكم ورحمه الله وبركاته

من وجهه نظري الافالون وايد كبيره

فيها طول غير طبيعي

ماتنفع للنسوان

لان صعبه في المواقف واليوتيرن واللفات

انا اشوف لو تزيد المبلغ وتاخذ

مرسدس c200 نسائيه بحته

4 سلندر


عن تجربه طال عمركم

وشكرا

[حراير قطر]

صباح الخير

اخوي عندك البرادو والراف فور من تويوتا

وعندك Kia والهونداي عندهم فورويل

اخذ لها سيارة وسط لا هي صالون ولا فورويل

لو عندك اكثر من 100 الف جان نصحتك بالانفنتي FX 35 ...

[دااانة قطر]

اذا السيااره للبيت ولشيل الاغرااض انصحك بالفورويل وانتي وامكاانيتك
ادفعي الـ100 مقدم
والبااقي بيكون قسط بسيط
او اختااري سيااره من اللي ذكروها اللي قبلي في حدود 100الف


اول سياره خذتها كاانت راف4 على القد والعياال صغاار الحين عندي الاف جي والحمدلله مرتااحه فيها



بعد سياره حلوه
ولكن تعال للسعر
اعتقد الفل اوبشن فوق او قريب من 200 الف --- مش متاكد من السعر
بس استحمل كلام الناس :p



ليش الكلاام على البراادو؟؟
مع انها مريحه

[ضوى]

جربت اسوق البرادو خفيفة وايد حلوة والصراهة رهيبة

الكزس الصغيرة رهيبة وعملية واقتصادية

[قطري !]

تويوتا وبس



انصحك في لبرادو 4 سلندر ...

[sout qatar]

نيسان مكسيما الفول اوبشن اصفار على 120 ألف وكل شي فيها (كيمرة ريوس + فتحة + خرائط + جلد ...)

[دروب]

افضل سيارة للنساء لكزس آر إكس

[ahmed203949]

مرسيدس c300 ما عليه كلام ... بس غالي شووي

[ساس الوفا]

انا انصحك بالفورتشنر

[Riku3]

نيسان مكسيما الفول اوبشن اصفار على 120 ألف وكل شي فيها (كيمرة ريوس + فتحة + خرائط + جلد ...)

نفس الشي نيسان مورانو ..

خذت وحده للاهل بس مستعمله .. الجديدة لما سألت كانت 2011 بـ 135 جلد ، فتحتين سقف ، شاشه بخرايط وشاشات للكراسي وكيمرات امام وخلف وسينسر امام وخلف .. كل وسائل الراحه فيها وسعرها خيالي بالمقارنه مع البرادو .. والعزم قوي ما شاء الله ..

هذا سعر مبدئي وما فاوضتهم للحصول على خصم .. وغير ان بزيادة 2000 ريال بيصير الضمان من 3 سنوات الى خمس سنوات عداد مفتوح ..

والاهل كانوا يبون برادو في البداية بس بعد ما شافوها من داخل وشافوا المورانو غيروا رايهم .. البرادو وسيارات تويوتا في العادة ستاندرد من داخل وتجيب الهم ..

مشكلتها ان سعرها يطيح بسرعه وبيعتها صعبه مع ان السيارة قوية وما تخترب .. واسعار قطع الغيار نار بس انا اجيب القطع من وكالة النيسان في الامارات بربع سعر وكالة قطر ههههه .

[Dana’1]

طبعا على حسب رغبتها اذا كانت تفضل سيارة سيدان "صالون ارشح لها هوندا اكورد عن تجربة
ارسى من الكامري ..ومتماسكة اكثر ما تخلل كثير تجربتي للهوندا 2006 هذا بالرغم م الدعمات الي جاتها واحد هالدعمات من متوسط إلي قوي إلا انها مشاءلله تبارك الا انها زينة

عيبها قطع الغيار مرتفعة مقارنة بالتيوتا!!

*****
اذا بتاخذ لها سيارة مرتفعة دفع رباعي ومصمم على برادوا بالذات..فأشوف من وجهة نظري الباجيرو متسوبيشي اتوقع قريبة منها بالسعر واطلق منها شكل وجربت فيها كم لفة حلوة بالسواقة

اما اذا بتشوفون سيارات غيرها فالسوق مليان من هالمواتر الفلتة ..الي حتى انا محتارة شاخذ واذا قررت تعتمد عالفلوس :)
وانصحك انك تاخذ شي مرتفع لان شوارع الدوحة "روووعة مرررررة"
والافضل تخلي المدام او من تبغى السيارة ..تحط كذا خيار وتطلب تجربة السواقة وتجرب وتستخير الله سبحانه وتعالى ..والخيرة فيما اختاره الله سبحانه وتعالى

وبالتوفيق لك ولها في مشوار البحث عن سيارة:)

[حمد 2002]

يوكن مستعمل بتحصل موديل 2008 ولا 2009 وممشاها شوي

[حمد 2002]

بس الصالون مانصحك فيه ، لان شوارع الدوحه مايصلح لها الصالون

[Aaziz]

هايونداي فورويل

http://static.cargurus.com/images/site/2008/01/23/07/58/2006_hyundai_santa_fe_limited_awd-pic-17652.jpeg