بخصوص الاستراحات اللي مع برجة السباحه

[الخيالة]

حبيت استفسر اذا حد منكم خلال الفترة اللي راحت جرب الاستراحات
وشنو الأحسن وانظف و وين المكان وبكم؟؟؟
دوم مهم يكون عند البحر اهم شي ابي مع برجة السباحة

[الخيالة]

؟؟؟؟؟؟؟؟؟؟؟؟؟؟؟؟؟؟

[طير]

ان شاء الله يفيدونج الاخوان

[بصمة قطرية]

ما اعرف عن الاستراحات
بس بما ان العيال وايد يحبون السباحة
جربت شرق حلو
فندق الهيلتون ان شاء الله بنروحه قريب
البرجة وايد حلوة
فندق جراند هيرتاج
اللي عند اسباير
رحت لهم و استفسرت
احجز ليلة مثلاً من حقي احجز البرجو برايفت
من بعد العشر بالليل
هالوقت اقدر اجيب العيال
مب شرط يكونون معاي في الفندق
المهم اكون انا حاجزة في الفندق ،،
أتمنى يفيدونج الاعضاء عن الاستراحات ،،

[الخيالة]

لا مابي الفنادق
ابي استراحات أحسن
مشكوره اختي

[اللوز]

اعتقد بتلاقين طلبج
في قسم السياحة والسفر
عندج استراحة الريم
وان شاء الله الاعضاء بيفيدونج

[بومحمد المطاوعه]

اغلب الاستراحات بدون برجه

وتكون الاستراحه شاليه

مطله على البحر وفي حصى كبار داخل البحر

يكون صاد اشوي ومايبين لو الحريم تسبحو

يقولون ان البرجه خطره على اليهال

من جذي اصحاب الاستراحات مايبون يتحملون

المشاكل مع الاطفال والبرج لأن الصراحه

انا اشوف ان البرجه خطره

وشكرا

[qatari-vip]

ام عبيريه متروسه استراحات عندك استراحه الريم فيه بركه داخليه مغطااهرقم الحجز 66788678

واستراحه الربيع هذي جديده للحين ماحجزت فيها بس ناس وااجد يمدحونها 55479266

الله يعينك تحصل حجز وكلها فيها برك

[Riku3]

استراحة الشيب فيها برجه ممتازة كبيرة ومغطاة ..

رقم راعي الاستراحه : 55514546

البرجه ممتازة بس المكان يفتقر للاهتمام بشكل واضح خصوصاً بالفترة السابقة .. فيها ملعب كرة قدم جيد بس الحشيش مع الصيف صاير غريب شوي .. وفي خيمة لا تذكر لانها وصخه والصاله كبيرة بس تفتقر النظافه و3 غرف نوم بس دايم في مشكلة في احد الحمامات .. والعمال الي شغالين معاه وقحين اخر مره كنت رايح بثياب رياضة للمره الاولى الا اشوفه ما يتعامل باحترام مثل كل مره، كنت بعصب عليه بس مسكت اعصابي لان عندي ضيوف ! ..

رحت هالاستراحه مرات كثيرة بس بالفترة السابقة ما عجبني المكان وبعد اخر موقف ما اعتقد بروحله مره ثانيه .. ولج القرار .

السعر مبالغ فيه لان المكان صاير ما يسوى .. 1500 لايام الاسبوع و 2000 لاخر الاسبوع .. وتقدرين تشوفين فيديو قديم للمكان في يوتيوب فقط اكتبي استراحة الشيب .