من وين جبتو رقم سيارتي يا اللخويا)))))))))))

[البحار00]

جاني مسج من مطراش مخالفه حزام على سيارة البيت

الغريب ان المخالفه بتاريخ 30 / 8

والسيارة صار لها واقفه في البيت اكثر من شهرين ماطلعت

ومفتاحها عندي مب عند السواق ولا حد من اهل البيت

راجعت المرور قالو لي ان الي مخالفيني هم اللخويا وقالو راجعهم

بكرة الأحد

الحين الي ابي اعرفه شلون يسجلون مخالفه على سيارة وهي اصلا

ماتحركت من البيت طول هالفترة

ولا الي سجل المخالفه سجل رقم سيارة من مخه

لو انا صج غلطان بدفع ال 500 ريال مب عيزان عنها

لكن شلون ادفع مخالفه اصلا ما رتكبتها

المفروض يشوفون لهم حل ويا هالسالفه مايصير يسجلون مخالفات على

سيارات متحركه بدون إثبات للمخالفه

[رحال]

نفس الشيء آنه بعد جاني اليوم مسج بمخالفة مرورية 500 ريال - بتاريخ 30/8/2012م

الأخويا .. دون أشعاري أو علمي أو أستلام أي أيصال ولا أدري

أيش السالفة ومتى ، مع أني ملتزم وماعمري خالفت وأصلا

أحترم قواعد السير والمرور وألبس احزام الأمان قبل لا يضعونه

لكن حسبي الله ونعم الوكيل عليه ..

[Gmail]

بعض الاحيان يكون الخطأ من الشرطي .. يخطئ في كتابة رقم السيارة .. صارت لي وراجعتهم وشلوا المخالفة

[MAZEN37]

مره صارت معاي وطلع نفس الرقم لنقل خاص

[البحار00]

نفس الشيء آنه بعد جاني اليوم مسج بمخالفة مرورية 500 ريال - بتاريخ 30/8/2012م

الأخويا .. دون أشعاري أو علمي أو أستلام أي أيصال ولا أدري

أيش السالفة ومتى ، مع أني ملتزم وماعمري خالفت وأصلا

أحترم قواعد السير والمرور وألبس احزام الأمان قبل لا يضعونه

لكن حسبي الله ونعم الوكيل عليه ..

غريبه اظاهر فيه خطا في السستم عندهم !!!

[البحار00]

بعض الاحيان يكون الخطأ من الشرطي .. يخطئ في كتابة رقم السيارة .. صارت لي وراجعتهم وشلوا المخالفة

نفرض لو خطا

مب مشكلتنا نتحمل غلطته

يكفي بس هم الروحه والمراجعة في هالحر واللواهيب

[البحار00]

مره صارت معاي وطلع نفس الرقم لنقل خاص


احتمال مثل ماقلت

بس المفروض مايغلط غلطه كبيرة مثل هاذي

[ابوالعبد]

لاتتدفع ولا شي ترى كلامك صحيح زادو في المخالفات حتى الواحد مايخالف قاموا يخالفونه

شسالفه ترى ماباقي يحطون رادار الا في سطح بيتنا هههههههه

[البحار00]

لاتتدفع ولا شي ترى كلامك صحيح زادو في المخالفات حتى الواحد مايخالف قاموا يخالفونه

شسالفه ترى ماباقي يحطون رادار الا في سطح بيتنا هههههههه

ومن قال اني بدفع ريال واحد

لا والله مب دافع لو شيصير

شيء انا ماسويته مب دافع عليه ولا ريال

[لاجل QT]

دام مخالفة حزام يفضل تراجعهم يمكن الشرطى من العيلة غلط في رقمك

لاتعديها لهم ...على شان ماتكرر سالفة سقط سهو وايد..ماتدري الذمة صارت هالايام اش وسع عند البعض

[مضارب جديد]

عندنا سيارة صغيرة ضايع مفتاها من سنة ومحد يستعملها

قررنا نبيعا ، راح السواق يطلع لها ورقة لتصليح المفتاح

اقسم لك بالله ان المرور مسجل عليها مخالفات طول السنه وهي واقفه في البيت ما تحركت



عادي اخوي : هذي ضريبة و بتدفعها

[لاجل QT]

عندنا سيارة صغيرة ضايع مفتاها من سنة ومحد يستعملها

قررنا نبيعا ، راح السواق يطلع لها ورقة لتصليح المفتاح

اقسم لك بالله ان المرور مسجل عليها مخالفات طول السنه وهي واقفه في البيت ما تحركت



عادي اخوي : هذي ضريبة و بتدفعها

سؤال اخوى مسجات المخالفات ماكانت تجيك؟؟؟

[المسك1969]

شرية البلية ما يضحك... :)

يمكن مقالب الكاميرا الخفيه بس لين الحين ماسوى مع أحد لقاء:rolleyes2:

[البحار00]

دام مخالفة حزام يفضل تراجعهم يمكن الشرطى من العيلة غلط في رقمك

لاتعديها لهم ...على شان ماتكرر سالفة سقط سهو وايد..ماتدري الذمة صارت هالايام اش وسع عند البعض

هذا الي بيصير بكرة براجعهم وأشوف حل لهالمخالفه

[البحار00]

عندنا سيارة صغيرة ضايع مفتاها من سنة ومحد يستعملها

قررنا نبيعا ، راح السواق يطلع لها ورقة لتصليح المفتاح

اقسم لك بالله ان المرور مسجل عليها مخالفات طول السنه وهي واقفه في البيت ما تحركت



عادي اخوي : هذي ضريبة و بتدفعها

سلامتك يا الشيخ مب دافعها لو على قص ارقبتي

[البحار00]

شرية البلية ما يضحك... :)

يمكن مقالب الكاميرا الخفيه بس لين الحين ماسوى مع أحد لقاء:rolleyes2:

شاكر لج مرورج اختي المسك

[طير]

بالغلط هاي وانشاء الله ما يصير الا كل خير<< صارت لي من قبل

[fhd4]

انا نفس الحال …

جاتني مخالفة ممنوع الوقوف مع ٣ نقاط والسيارة واقفة في البيت …


مادري اذا صاروا يخالفون والسيارات في الكراج !!!


راجعت المرور وقدمت شكوى … قالوا المشكلة ان المخالفة من اللخويا … وللحين ما جاهم دفتر المخالفات …

المرور ما قصروا … قالي الموظف لو المرور اللي ماخذ المخالفة كانوا صوروا السيارة …

لكن اللخويا يخالفون عمياني …

والحين صار لي خمس شهور ننتظر رد الشرطي اللي خالف … او دفتر المخالفات !!!

واذا الشرطي مصر ان مواصفات السيارة اللي خالفها تنطبق على سيارتي …

مالنا حل إلا النيابة … !!!

[قطر70]

اخوي ترا اخطاء المرور كثير ومتكرره

انا مره تخالفة مخالفتين حزام امان والمضحك ان كلهم في نفس الوقت ونفس التاريخ بس المخالفه الاولى اشارات استاذ خليفه والثانيه دوار التلفزيون راجعتهم قلولي يمكن غلط بس بنشيل لك مخالفه وحده بس ودفعتها

[(بوطلال)]

اذا لك حق مايضيع وتأكد في هالبلد ماتدفع ريال واحد زياده عن المطلوب منك .

[ANONYMOUS]

الله يعينك

جتني مره مخالفه غريبه حتى الوصف مالها يخرع بس يوم شفت الفريج انه فريجنا دفعتها مع ان وقتها عادة ومتأكد اني في الدوام لان اصلا ما اظهر الا اخر الوقت

اذا فيك شده تراكض لاتخلي حقك

[البحار00]

بالغلط هاي وانشاء الله ما يصير الا كل خير<< صارت لي من قبل

الخير بويهك

[البحار00]

انا نفس الحال …جاتني مخالفة ممنوع الوقوف مع 3 نقاط والسيارة واقفة في البيت …
ادري اذا صاروا يخالفون والسيارات في الكراج !!!
راجعت المرور وقدمت شكوى … قالوا المشكلة ان المخالفة من اللخويا … وللحين ما جاهم دفتر المخالفات …المرور ما قصروا … قالي الموظف لو المرور اللي ماخذ المخالفة كانوا صوروا السيارة …
لكن اللخويا يخالفون عمياني …
والحين صار لي خمس شهور ننتظر رد الشرطي اللي خالف … او دفتر المخالفات !!!
واذا الشرطي مصر ان مواصفات السيارة اللي خالفها تنطبق على سيارتي …
مالنا حل إلا النيابة … !!!

الله كريم وان شاء بتنحل

[البحار00]

الله كريم وان شاء بتنحل


اذا لك حق مايضيع وتأكد في هالبلد ماتدفع ريال واحد زياده عن المطلوب منك .

أكيد مايضيع حق وراة مطالب

[البحار00]

أكيد مايضيع حق وراة مطالب


الله يعينك

جتني مره مخالفه غريبه حتى الوصف مالها يخرع بس يوم شفت الفريج انه فريجنا دفعتها مع ان وقتها عادة ومتأكد اني في الدوام لان اصلا ما اظهر الا اخر الوقت

اذا فيك شده تراكض لاتخلي حقك

ابشرك اني براكض وحقي مب مخلية

[الحاقول]

مخالفة الحزام يجب ان تكون فوريه ... اما المخالفه التي بعد شهر وشهرين فهذي تولد في النفس الشك

[بريق الحق]

الله يعينك اخووي
والله يالغالي انا صارت معااي نفس الحركة
مرة كنت رايح سيلين وانا طوول اليوم هناااك الا جيكت على النت الا اجووف مخالفيني فمنطقه والله عمري مارحتها في نفس اليوم الي كنت فيه في سيلين

[CH Engineer]

طيب وانا علي مخالفة شلون اعرف انها صحيحه او مثلك مسجليني بالغلط؟
انت موترك صادف وكان فالبيت انا موتري الوحيد واطلع فيه كل يوم

والحل؟

[cavok]

Good luck

[حسن]

الاخطاء وارده في كل مجال راجعهم وبحلونلك الموضوع واذا مانحل حولها قضيه والمحكمه بتفصل بينكم

الكل معرض للخطاء

[الخزرجي قطر]

المشكله انك ملتزم مع قوانين المرور وتجيك مخالفه
والمشكله الثانيه انك تراجع علشان تثبت ان المخالفه
مسجله عليك بالخطاء وتعال دور على رفيجك بين لخويا والمرور

[كتكوت الوحش]

انا مره صادني موقفين بوقت واحد
ولكن من ادارة المرور مش من لخويا
واول واحد :anger1:

جاتني مخالفه مروريه والي هي رادار على طريق الكرنيش الي قدام حالول وللعام يوم المخالفه كان يوم جمعه
وهالشي الوحيد الي خلاني اشك بالمخالفه يمكن لو بيوم عادي كان دفعتها وحركت ولا شيكت
مسكت هاي النقطه انه يوم جمعه وانا ساكن اصلا بالوكره وقت المخالفه الضهر يمكن الساعه 11 ونص
على سياره رقم 6387 وانا مستحيل اطلع الصبح يوم الجمعه ومتاكد انها ما تحركت
يوم رحت ادارة مرور المعموره
عطيتهم رقم السياره وقلت لهم شيكوا علها
قالةا لي اي نعم عليك مخالفه رادار بالتاريخ الفلاني يوم الجمعه طيب يا اختي انا ما طلعت قالت لي مادري روح شيك مرور مدينة خليفه ورحت شيكت وطلعت الفلاش تتوقعون من الي مخالف اطلعت سياره عسكريه من سيارات الحراسات العامه هي الي مخالفه وحاطين المخالفه على سياره مدنيه طيب ؟ أتسأل لو انها جاتني بيومم ثاني والله يا جماعه كان ما جاني هالشك وقلت يمكن اني انا مخالف بس انا شيكيت بسسبب اليوم والله غيري ما راح يشيك بيدفع وبيحرك فحرام ويوم سألت من الي دخل البيانات في الكمبيوتر تعذروا لي وقالوا احنا اسفين ومغلطين وهاي خط احدى البنات الي يدخلون المخالفات بالكمبيوتر ؟؟
والله يا جماعه ياما في مخالفات ظلم والسبب ايضا مش على كلامكم انه الشرطي الي مغلط لاء يمكن يكون الخطء من البنات الي يدخلون البينات بالكمبيوتر ؟والسالفه الثانيه

جاتني مخالفه بعمان والسياره اساسا ما دخلت عما ولا مره رحتها يمكن احد الاخوان بيقول يمكن المالك الاول للسياره راح
بس للعلم السياره والرقم مالك اول ؟ شنو هالاغلاط الي تصير حرام والله
انا الي غلطان
المفروض خذت الفلاش الصوره الي عطوني اياها وفيها رقم سيارة الدوريه وخذت صوره عن المخالفه الي متسجله عالسياره وووديتهم الجريده راحت

[jassas]

ماشاء الله الكل عنده مواقف الظاهر المخالفات كلها غلط يعني المرور واللخويا ضايعين

[بنت المطر]

حتى أنا سيارتي اليديدة من الوكالة ورقمها يديد
دشيت موقع الداخلية اجيك جان احصل مخالفة ف تاريخ

وهالتاريخ قبل مأشتري السيارة



مادري شنو الحل ؟؟؟؟ *

[hot2000]

الله يعين الجميع

الخطأ وراد في كل المجالات

وبكل إدارة مجردتغير رقم واحد بلوحات السيارة يتغير كل شي

وتسجل على شخص ثاني

واللي له حق بياخذه. والجماعة اللي في المرور والخويا ما يقصرون

والأخطاء واردة

تحية لهم اينما وجدوا ويعطيهم العافيه

تقبلوا مروري

[غير عنهم]

ولد عمي جاته مخالفه وهو كان مسافر والسياره في البيت بعد ماراجع المرور واستاذن من الشغل ويالله حصل موقف قالو ماعليش المخالفه بالغلط السياره نفس رقم سيارتك بس الفرق امارتيه ابوظبي وشالوعنه المخالفه

[@فارس@]

وشرايكم بالي خالفوه اللخويا وهو في السيارة واقف انتظار عند باب المحل ومب واقف فوق رصيف ولا في وسط الشارع وينزل الشرطي ويكتب ويوم عاتبته ليش يكتب مخالفة قال القلم ما يمسح خلاص انكتبت !!!
يعني ادفع وبس وحسبنا الله ونعم الوكيل

[السيف5]

بعض الاحيان يكون الخطأ من الشرطي .. يخطئ في كتابة رقم السيارة .. صارت لي وراجعتهم وشلوا المخالفة


هذا الكلام الصحيح وقد حصل معي بالذات من قبل شرطي مرور
وعند مراجعتي للمرور تم الغائها

[][ Q6r ][]

نفس الشي صار لي صوب اشارات الغرافه من كم سنه
وانا في هذا المكان ماجيته ،،
ورحت لهم المعمورة اتاكد قالو مسجله المخالفه برقم سيارتك
وبعض الضباط اللي هناك الصراحه مب مال شغل ونفيسه وسوالف مع اللي معاهم او يقول لك روح مكتب فلان وكل ماادخل مكتب واحد يقول انت مخالف ادفع المخالفه بتبلا عليك شوف الرد ،، وانا ماخالفت ،،
وهاي السالفه اللي صايره سوداني منخش ورى الاشاره وسجل الارقام منها صح ومنها غلط والضحيه انا ووغيري وكل مااسئل عن السوداني اللي يقول لك انقلوه مكان ثاني ودوره اذا حصلته

وليش مايوقفني ويخالفني ؟؟؟؟ اذا انا اللي مخالف ،، ؟؟؟

وطلعت من عندهم قلت قدرهم ٥٠٠ ،،، حسبي الله ونعم الوكيل

[بومحمد المطاوعه]

اخوي بارك الله فيك

راجعهم

لأن بعض الاحيان تحدث اخطاء

واحنا ناكلها ونتلته في المراجعات

واخرتها يقولون لك السموحه

غلط في رقم ولا شي

الله كريم صج عوار راس بس يالله

مانقول غير الحمدلله على كل حال

[catqat]

حتى أنا سيارتي اليديدة من الوكالة ورقمها يديد
دشيت موقع الداخلية اجيك جان احصل مخالفة ف تاريخ

وهالتاريخ قبل مأشتري السيارة



مادري شنو الحل ؟؟؟؟ *

@@ قوية ,,,,, أتمنى انج تكتبين شكواج ف تويتر، هم يحترمون هالمواقع اكثر من المنتديات

[شبح الصمت]

حتى أنا سيارتي اليديدة من الوكالة ورقمها يديد
دشيت موقع الداخلية اجيك جان احصل مخالفة ف تاريخ

وهالتاريخ قبل مأشتري السيارة



مادري شنو الحل ؟؟؟؟ *





يعطيج خيرها ويكفيج شرها

عندج تحليلين

التحليل الاول الله يسلمج انه مغلطين في رقمج !!

التحليل الثاني الله يسلمج انه قبل لا يسلمونج الموتر ويركبون لج اللوح دام تقولين السيارة جديده وعن طريق الشركه السائق الي كان يسوقها كان يسوق وسجلوا عليه المخالفه !!!

فلا تسكتين عن حقـج وشوفي هالوقت انتـي وين كنتي اذا يوافق وقت خروج السيارة من الشركه فعليه بالشركه تحاسبينهم أهم وهم يدفعون الغرامه وهم يضحكون بعد

[بوخالد911]

جل من لا يسهو

ويصير انهم مغلطين برقم

[غايه الطواش]

شالفرق بين اللخويا والمرور ؟

[شبح الصمت]

شالفرق بين اللخويا والمرور ؟




كلهم يخدمون المجتمع ومكملين لبعض

يعني ما نقدر نقول الخويا ما يتدخلون مع الفزعه والا ما يتدخلون مع المرور

الله يقويهم ويعطيهم العافيه

بس يخفون علينا بالمخالفات

:victory:

[طير حوران]

يعطيج خيرها ويكفيج شرها

عندج تحليلين

التحليل الاول الله يسلمج انه مغلطين في رقمج !!

التحليل الثاني الله يسلمج انه قبل لا يسلمونج الموتر ويركبون لج اللوح دام تقولين السيارة جديده وعن طريق الشركه السائق الي كان يسوقها كان يسوق وسجلوا عليه المخالفه !!!

فلا تسكتين عن حقـج وشوفي هالوقت انتـي وين كنتي اذا يوافق وقت خروج السيارة من الشركه فعليه بالشركه تحاسبينهم أهم وهم يدفعون الغرامه وهم يضحكون بعد

فد يكون الرقم قديم ومعاد تركيبه والمخالفه عليه من السابق وليس على السياره الجديده

[شبح الصمت]

فد يكون الرقم قديم ومعاد تركيبه والمخالفه عليه من السابق وليس على السياره الجديده



ما اتوقع اخوي لانه بيكون نازل في المرور ما يصير !!

صعبه

[غايه الطواش]

كلهم يخدمون المجتمع ومكملين لبعض

يعني ما نقدر نقول الخويا ما يتدخلون مع الفزعه والا ما يتدخلون مع المرور

الله يقويهم ويعطيهم العافيه

بس يخفون علينا بالمخالفات

:victory:

يعني الحين شرحت :shy: ههههههههههه

ابي افهم الفرق بينهم :anger1:
شنهي اختصاصات المرور وشنهي اختصاصات اللخويا ؟

[chillis]

يعني الحين شرحت :shy: ههههههههههه

ابي افهم الفرق بينهم :anger1:
شنهي اختصاصات المرور وشنهي اختصاصات اللخويا ؟

كله من الحريم :secret:

المرور يمكن لين صارت حوادث ولخويا علشان يمشون الزحمه ووقت الازمات :secret:

[شبح الصمت]

يعني الحين شرحت :shy: ههههههههههه

ابي افهم الفرق بينهم :anger1:
شنهي اختصاصات المرور وشنهي اختصاصات اللخويا ؟




الخويا عندهم مهام كثيرة

موكب سمو الامير الله يطول بعمره ويحفظه

المؤتمرات

يشاركون في حملات كثيرة تخدم المجتمع

المرور الله يسلمج بس تنظيم السير ومخالفات وحوادث وسلامن عليكم

اوضحت الصورة يا ختيره

:nice:

[كازانوفا]

بيكون اللى خالفك كتب الرقم بالغلط
وتصير وصارت كثيررررررررررر

[البحار00]

شاكر لكم مروركم وتعليقاتكم

اليوم راجعت اللخويا وعلا كلامهم انهم بيشيلون المخالفه

نصبر ونشوف

[محاسب]

شكرااا لصاحب الموضوع
وشكرراا لكل من شارك
ــــــــــــــــــــــ والمهم صاحب القرار ينتبه/// ويساهم في الحد منها ـــــــــــــــــــــــــــ

[الرويـس]

لعله خير

[مرحوم قطر]

اخوي حزات يكون في اخطاء


و هلشي ترى نادر ما يصير كل يوم ان يغلطون

يمكن العسكري غلط ابرقم او شي

او يمكن الي دخل المخالفه غلط ابرقم و جل من لا يسهو

و على فكره انا اعرف الشباب كلهم صدقني ما بيخالفون احد مني و الدرب

و دامك تقول السياره صافه صدقني في شي غلط في الموضوع

راجع بو سلمان و ان شاء الله امورك طيبه لا تحاتي و ترى شباب لخويا كفو و فيهم خير


انا الصبي قبل اسبوع تقريباً خالفه واحد من لخويا ماعرف منهو

و مخالفه قطع اشارة دوار و تم يحلف و يتلف و العمال الي كانو معاه في السياره يحلفون و يتلفون انه مب غلطان


كلمتين قلتها لهم و اسكتو ولا واحد فيهم بطل حلجه ابكلمه


الشرطي مجنون ولا يعرفك عشان يترصد لك ولا يتبله عليك و انت ماسويت شي

(( طبعاً بتغيير اللهجه خخخخخخخخخخخ ))

قالي لا بابا قلت له عجل ليه بيخالفك و انت ماسويت شي سكت

و بعدها اعترف قالي لا الاشاره كانة تبرق اصفر


لا حول ولا قوه الا بالله




بس في نقطة نظام اهني على المرور

يالربع الحين الي حط قانون المرور بغض النظر منهو الخرجي او الي اعلى من الخرجي

يوم حطه ما فكر ان لما انت تخالف دريول ابسيارة الكفيت تفرق عن انك لما تخالف راعي السياره القطري

راعي السياره لما يقطع اشاره هو غلطان وهو يتحمل نتيجة غلطته

انا عن نفسي قد قطعت اشاره اول ما نزلو القانون و دفعتها و تميت ساكت ماتكلمت

لاكن مافكر ان لما الدريول يغلط و يقطع الاشاره سواء كان متعمد او غير متعمد

كفيله هو الي بيتحمل نتيجة غلطة السواق لان السواق مستحيل يدفع المخالفه

انا دريولي راتبيه 700 ريال هندي و اذا المخالفه 6000 يبيلي ما اعطيه راتب 9 شهور عشان اسدد المخالفه

ابسط شي بيسويه بيشرد و بيقولي اذلف لان ما بيشتغل 9 شهور بدون راتب هذا واحد

اثنين انا اهني خسران من الصوبين خسرت دريولي الي اعتمد عليه في اشياء وايد

و فوق كل ذي بدفع الغرامه الي انا ما ارتكبتها غصب عني




بصراحه لازم يشوفون شي حق هلموضوع ولا شقولكم ؟.؟





يالربع المرور اي اقولكم ممكن لان هو يستفيد كل ما يخلص دفتر و الي يقول غير هلكلام غلطان

و الحين المرور كنه خلاص كنسلو الدفاتر الحين بالجهاز يسجل المخالفه



اما لخويا مايستفيدون شي سواء خلصو الدفتر او ما خلصووه و هلشي انا متاكد منه

و بالعكس الي اشوفه ان شباب لخويا شغالين اكثر شي على التريلات و العمال المخالفين

[الكاسب]

ديرتنا...فوضى على البركة مااااااشين وكل مسؤول يبي يقول سويت وفعلت...الخويا المفروض مالهم خص في المخالفات. شغلتهم تسهيل حركة الأمير الله يطول بعمره و ولي العهد الأمين والشخصيات المهمة سواء في الداخل أو الزائرين للدولة من الخارج..المخالفات شغل المرور والفزعة(النجدة سابقااااااااااا).أصلا.

على فكره الكلام ينطبق على جهات أخرى.