هل يوجد بدل بطاله؟؟؟؟

[Mo7a]

السلام عليكم

عندي استفسار سمعت ان الحكومه تصرف رواتب للعاطلين عن العمل من تاريخ التخرج لتاريخ المباشره بالعمل ؟؟؟ هالكلام صح ولا لا؟؟؟؟ واذا صح ايش الشروط وشو المطلوب مني؟

شكرا لكم

[captin]

هل يوجد بدل بطاله؟؟؟؟

يوجد بدل بطاطه :nice:


لا الله يسلمك لايوجد بدل بطاله لمن لايعمل
عليك انك تجتهد وتدور لك شغل وتطرق كل الأبواب
وتحاول مرة ومرتين وألف والفين
خصوصا في المجال البترولي والصناعي والشركات التابعة لقطر للبترول

وعندك البنوك أيضا إذا كنت جامعي أو حتى من حملة الثانوية

وربي يوفقك تحصل لك شغل

[الخزرجي قطر]

لايوجد بدل بطاله القرارالي ذكرته مطبق في السعوديه حسب علمي
اتمنى لك التوفيق والنجاح في الحصول لك على فرصه للعمل ابرك لك

[جمال اليافعي]

انا خست 3 سنين من 2004 الى 2007 وانا ادور وظائف بعد استقالتي من وظيفتي السابقة بعد ظلم دايركتر لي في جهه مرموقة بس الحمدالله توفقت بعده وظائف بعدها

[اوف ليميت]

مطبق فالسعوديه لمده معينه فقط مدتها سنتين على حد علمي فقط
وتوهم بدوا بتطبيقها من بداية السنه

:]

[حميداني]

هالقانون يتطبق في امريكا ومثلها من هالدول على ما اذكر

[ام ناصر1]

خل حد من الاهل يصرف عليك لين تشتغل ...والله يعينك

[اوف ليميت]

هالقانون يتطبق في امريكا ومثلها من هالدول على ما اذكر

مافي شي بالولايات المتحده اسمه بدل بطاله

في شي اسمه unemployement benefits
فوايد فقط

ومدتها 99 اسبوع قانونيا
لكن معظم الناس بعد مرور من 65 الى 75 اسبوع تنقطع عليه

والستاندر للعام الجديد اللي بدت بعض الولايات تتبعه بسبب هبوط الاقتصاد 26 اسبوع

وقيمتها كم؟ 340 الى 400 دولار

الغرض منها مساعدتهم للحفاظ على ايجار منازلهم والشقق الى ان يجدوا وظائف تساعدهم عالدفع والمعوله..لكن البعض يجد والبعض مايقدر بسبب قلة التوظيف بسبب الاقتصاد والبعض اصلا ماتفرق عنده ياخذ فلوس اكل وشرب ويسكن في بورتوكابين وخلاص..وضيع نفسه وعياله

:]

[قطرية مثقفة]

اعتقد البحرين بعد عندهم بدل بطالة

[عزووز قطر]

اتمنى تطبيقه في قطر

والقانون مطبق في السعودية بإسم (( حافز ))

ويكون بعد التخرج لمدة سنة او سنتين مب اكثر والمبلغ 2000 ريال

والله يعين الباحثين عن الوظايف ويوفقهم

[بن غيث]

معظم الدول فيها هذا النظام
ويكون للمتقدم الاولوية في التوظيف عن اي شخص اخر
بالنسبة لدول الخليج ... مرة قريت قانون العمل في الكويت وهذه المادة كانت موجودة
قدم في وزارة العمل اذا كنت متعطل ويبحثونلك عن وظيفة تناسبك
والله يوفقك

[Mo7a]

مشكورين عالردود اكيد بدورلي شغل مب معقوله اتم فالبيت واخد هالبدل اللي مب موجود هههه بس قلت استفسر بما اني خريج عاطل وتعبت من هالوعود الفاضية !!!!! قبل ما اتخرج كنت ااخر التفديم عاساس ما اتوظف بسرعه من كثر ما سمعت عن التقطير والتقطير يوم بديت اقدم اكتشفت الواقع المريررر والوعود الفاضيه من الشركات !!!! الله ييسر لكل عاطل شغل

[رُفق المجنّا]

لا اعتقد ان مثل هذا القانون مطبق ولا أؤيد تطبيقه الا لضرورة كمرض او إعاقة
لانه مدعاة للتراخي