لخبراء لاند كروزر

[حسن الاحمد]

السلام عليكم ورحمة الله وبركاته
عندي سيارة gx موديل 2009 سافرت شهرين وتركتها واقفة . ولما رجعت ومشيت فيها احس السيارة فيها رقلة _رجفة _ هزة_ (مثل رقلة عمود الشيفت)
المهم رحت لكراج دكا قال لي القير . روح بدل زيت الجير والفلتر وامورك طيبة. وبدلتهم وللحين السيارة نفس الشي.
للعلم ان هالشي يصير بس لما اكون ماشي بشويش وابغي اسرع مثلا أو لما ألف يمين او يسار.
علما ان التواير جديدة والميزانية مسويها من اسبوع تقريبا
معقول الكارونة لها علاقة ؟؟

هل من ناصح يا اخوان ؟؟

[اللوز]

راجع الوكالة احسن او مركز الخبراء الالمان او مركز الطاير لفحص السيارات - طريق سلوى
وخلك من اللي مسوين نفسهم بعض الكراجات خبراء
واخرتها حتى ما يعرفون اي شي للاسف

[كتكوت الوحش]

قولي السياره كم ماشيه الله يخليك وبحاول افيدك

[حسن الاحمد]

قولي السياره كم ماشيه الله يخليك وبحاول افيدك

السيارة ماشية لين الحين 200 الف كم

[حسن الاحمد]

راجع الوكالة احسن او مركز الخبراء الالمان او مركز الطاير لفحص السيارات - طريق سلوى
وخلك من اللي مسوين نفسهم بعض الكراجات خبراء
واخرتها حتى ما يعرفون اي شي للاسف

شكرا لك ويعطيك الف عافية

[البحار00]

غريبه

كان عندي جكسار ٢٠٠٩ والله كان يتم واقف بالثلاث شهور في الطبيله

مايتحرك الين بعته ماقد اشتكيت من شيء

روح لمحلات الفحص مثل الطاير في شارع سلوى

وان شاء الله يعطونك الزبدة

[وثائقي]

المشكلة من التواير جرب بدل التواير على شكل x وان شاء الله تضبط معك^^

[أسد الجزيرة]

شيك كراسي المكينة

[ahmed203949]

راجع الوكالة ابرك لك ..

[حسن الاحمد]

غريبه

كان عندي جكسار ٢٠٠٩ والله كان يتم واقف بالثلاث شهور في الطبيله

مايتحرك الين بعته ماقد اشتكيت من شيء

روح لمحلات الفحص مثل الطاير في شارع سلوى

وان شاء الله يعطونك الزبدة

شكرا عالرد

[حسن الاحمد]

المشكلة من التواير جرب بدل التواير على شكل x وان شاء الله تضبط معك^^

التواير جديدة وميزانية التواير والسيارة بعد جديدة ماظن العوق من التواير

وشكرا لك ولاهتمامك

[حسن الاحمد]

شيك كراسي المكينة

كراسي المكينة حالتهم زينة
شيكت عليهم
اشكرك يالغالي

[حسن الاحمد]

راجع الوكالة ابرك لك ..

هذا اللي بسويه
لكن لو قالولي مثلا المشكلة في القير شسوي؟؟
اخليهم يصلحون القير ولا ابدله ؟؟

[وثائقي]

التواير جديدة وميزانية التواير والسيارة بعد جديدة ماظن العوق من التواير

وشكرا لك ولاهتمامك


عارف انها جديدة خيووو بس احيان من الوقوف يتأثر أحد التواير بدلها على شكل x جرب قبل تخسر وتدفع قروش على الفاضي^^

[وثائقي]

هذا اللي بسويه
لكن لو قالولي مثلا المشكلة في القير شسوي؟؟
اخليهم يصلحون القير ولا ابدله ؟؟


ياخوي القير مافيه شيء لايخربون سيارتك اذا السيارة نظيفة واستخدامك القير مايخربه اي شي واعطالة واضحة ^^

[مثير للجدل]

عمود الشفت

[كان فيه وخلص]

السلام عليكم ،،
اخوي كان عنده لاند كروزر ، وفيها نفس المشكله تحس أن في القير فيه فراغ ،،

ما خلى مكان ما خلى ميكانيكي ، ما خلى خبير ، ما حصل حل ، نزل القير ، بعد نفس الشي ،

بشكل عام اذا كان الموضوع مثل موضوع اخوي ، ما يأثر على السياره لا على المدى القريب أو البعديد ،

ومثل ما قالوا الاخوه اذا أنت متوسوس من هذا الموضوع ودها الوكاله ،

وإن شاء الله ما يطلع فيها إلا كل خير ،،

[ajabor]

اخوي شيك على كرسي القير بالتوفيق

[يراعٌ فراتي]

نبدا من التواير وحن طالعين

ميزانية تواير وميزانية رودات

فحص التواير لا يكون محبل او تعبان
لان هذا ما يبين فالترصيص لازم ينتبه العامل على التاير ويفحصه

تاكد من الرنقات مافيهم طعوج

تاكد من الجمبينات والطيات
تاكد من البيرنغ ( رمان التواير)

الدرامويلات

كرسي القير

كراسي المكينة

عمود الشفت

تشييك على العضلات مثل العكوس و الربلات والبوشات و اعمدة التوازن

[يراعٌ فراتي]

اذا تبي تتاكد من المشكلة هل هي فالقير ام لا

حط القير على نمرة 1
وشوف الموتر وعلى نمرة 2
وهكذا

شوف في اي نمرة تجي الرجة

مثلا جات الرجة في النمرة 2 سرعة 70

حط الموتر 3 وامش على 70 شوف الرجة تروح ولا بتم

[بومحمد المطاوعه]

وده للوكاله أبرك والله

قبل لاتبدل اي شي *

[الكواري 1972]

انا انصح بكراج المضمار

واذا رحت الوكالة عطنا خبر

بالتوفيق ان شاءالله