الفزعه يربع بخصوص رش البيت قبل السراميك المضاد للحشرات×××^^^

[حمد بن سعد]

بسم الله الرحمن الرحيم


قبل لا اركب السراميك قالولي رش البيت بمواد كيماوية عشان النمل الابيض والحشرات يليت حد يفيني بالشركات او الطريقة الصحيحة .


والله يوفقنا وياكم

[Chambray]

اخوي بلدية الدوحة .. مجاناً ..

[حمد بن سعد]

اخوي بلدية الدوحة .. مجاناً ..

عندهم رش وحق بعد ولا رش بس

[Chambray]

لا رش اخوي .. اتصل فيهم وتأكد منهم اكثر افضل

http://www.baladiya.gov.qa/cui/view.dox?id=405&contentID=218&siteID=1

[حمد بن سعد]

بيض الله وجهك وجزاك الله الف خير

[PGR]

الشيخ ارضيت بيتك انصبت اكيد صح؟؟؟ اذا مانصبت اتصل في شركة محترمه خل يرشون لك ارض البيت بالمواد الخاصه بيكلفك يمكن 3 الاف

اذا صبيت ارض البيت الصبيه الاوليه (والمفروض تكون انصبت بما انك في التشطيبات) فما راح ينفع انك ترش الصبيات لانه ما بيأثر,, الطريقة الوحيدة واللي انا استخدمتها لاني صادفت نفس المشكلة رحت حق شركة متخصصه ,, يحفرون لك في جوانب البيت بدرييل بين كل حفره وحفره قول نص متر الى متر وهالحفره توصلك لين طبقة الرمل تحت الصبيه,, يسوونلك اياه في كل البيت من الداخل في الطابق الارضي ,, وعقبه يحقنون الماده داخل الحفر وعقب يسكرونها ,, طبعا هاي تكلفتها عاليه حوالي ال 10 الاف بس مافي اي طريقة ثانيه ممكن تسويها عقب الصبيه الا هاي ,, ولا تتهاون اخوي بالنسبه للنمل الابيض لانه ياكل اي شي لو ظهر في بيتك وبيسوي لك مشاكل وايد ,, الله يبعدك عن المشاكل وبالتوفيق

[ابو رها]

بسم الله الرحمن الرحيم


قبل لا اركب السراميك قالولي رش البيت بمواد كيماوية عشان النمل الابيض والحشرات يليت حد يفيني بالشركات او الطريقة الصحيحة .


والله يوفقنا وياكم

هلا اخوي حمد

بعد ماترشه بالمبيد رش الارض بملح خشن

وحلوق الابواب اذا خشب صب عليها مكان الدفن والتبليط ديزل

كمان رش ديزل حوالين غرف التفتيش بالحمامات والمطبخ

الديزل مميز يعيش فتره طويله وبدون رائحه ويحارب النمل والحشرات


تقبل تحياتي

ابو رها

[حمد بن سعد]

جزاكم الله كل خير

[معماري قطري]

الشيخ ارضيت بيتك انصبت اكيد صح؟؟؟ اذا مانصبت اتصل في شركة محترمه خل يرشون لك ارض البيت بالمواد الخاصه بيكلفك يمكن 3 الاف

اذا صبيت ارض البيت الصبيه الاوليه (والمفروض تكون انصبت بما انك في التشطيبات) فما راح ينفع انك ترش الصبيات لانه ما بيأثر,, الطريقة الوحيدة واللي انا استخدمتها لاني صادفت نفس المشكلة رحت حق شركة متخصصه ,, يحفرون لك في جوانب البيت بدرييل بين كل حفره وحفره قول نص متر الى متر وهالحفره توصلك لين طبقة الرمل تحت الصبيه,, يسوونلك اياه في كل البيت من الداخل في الطابق الارضي ,, وعقبه يحقنون الماده داخل الحفر وعقب يسكرونها ,, طبعا هاي تكلفتها عاليه حوالي ال 10 الاف بس مافي اي طريقة ثانيه ممكن تسويها عقب الصبيه الا هاي ,, ولا تتهاون اخوي بالنسبه للنمل الابيض لانه ياكل اي شي لو ظهر في بيتك وبيسوي لك مشاكل وايد ,, الله يبعدك عن المشاكل وبالتوفيق

هذي الطريقة صح بس مبالغ فيها والشركات اللي تنصح بها تهتم بالمادة أكثر من علاج المشكلة.

الأرضة تاكل الخشب ولها تأثير بسيط على الإسمنت بس ما تخترقه، لكن ممكن تدخل من الفجوات لو صبية الإسمنت ضعيفة وتدخل بسهولة من الأطراف اللي تكون معمولة من ألواح أساسها خشبي قابلة للإنضغاط، وهنا تكمن المشكلة الأكبر لأن الصبية في العادة محمية بعازل بلاستيكي سميك وتأثير الأرضة على الإسمنت قليل، والأطراف توجد حولها الأبواب الخشب والفريم اللي مغموس في الأرضية، ، ،

ونجي للحل الأمثل اللي يتلخص في أخذ دوا خاص لحماية ال " compressible board " اللي أساسه من الخشب الخفيف سهل التمرير للأرضة ، وهذا الدوا قوي جداً وممكن قطرات بسيطة منه تعطينا الحماية المطلوبة ويباع كعبوات غالون وسعره بحدود 100 ريال للعبوة، ويباع عند محلات مواد البناء مثل شركة الدرويش للتجارة وغيرها، ومن الأفضل غمس الأطراف الخشبية للأبواب في هذا السائل قبل تركيبها ملامسةً للدفان، وبعدين لو بيكون فيه دفان فوق صبية الأرضية يفضل أن يكون برمل مغسول أو بلاستر برمل مغسول حتى نضمن عدم وجود بيض النمل الأبيض وغيره من الآفات، ويفترض عمل معالجة لهذا الدفان بالأدوية الخاصة، وهذا الحل عملته في بيتي والحمد لله أثبت نجاحه للآن.

[حمد بن سعد]

هذي الطريقة صح بس مبالغ فيها والشركات اللي تنصح بها تهتم بالمادة أكثر من علاج المشكلة.

الأرضة تاكل الخشب ولها تأثير بسيط على الإسمنت بس ما تخترقه، لكن ممكن تدخل من الفجوات لو صبية الإسمنت ضعيفة وتدخل بسهولة من الأطراف اللي تكون معمولة من ألواح أساسها خشبي قابلة للإنضغاط، وهنا تكمن المشكلة الأكبر لأن الصبية في العادة محمية بعازل بلاستيكي سميك وتأثير الأرضة على الإسمنت قليل، والأطراف توجد حولها الأبواب الخشب والفريم اللي مغموس في الأرضية، ، ،

ونجي للحل الأمثل اللي يتلخص في أخذ دوا خاص لحماية ال " compressible board " اللي أساسه من الخشب الخفيف سهل التمرير للأرضة ، وهذا الدوا قوي جداً وممكن قطرات بسيطة منه تعطينا الحماية المطلوبة ويباع كعبوات غالون وسعره بحدود 100 ريال للعبوة، ويباع عند محلات مواد البناء مثل شركة الدرويش للتجارة وغيرها، ومن الأفضل غمس الأطراف الخشبية للأبواب في هذا السائل قبل تركيبها ملامسةً للدفان، وبعدين لو بيكون فيه دفان فوق صبية الأرضية يفضل أن يكون برمل مغسول أو بلاستر برمل مغسول حتى نضمن عدم وجود بيض النمل الأبيض وغيره من الآفات، ويفترض عمل معالجة لهذا الدفان بالأدوية الخاصة، وهذا الحل عملته في بيتي والحمد لله أثبت نجاحه للآن.



جزاك الله كل خير

[معماري قطري]

الله يجزيك كل خير أخ حمد

معليش المسامحة ما وضحت الحل .. لو تجي للأطراف تحصل هذا البورد مبتل بالماي وهش وبسهولة يكون فجوة وممكن يزال بسهولة بقطعة خشب أو حديد .. والمفروض نشيل منه شوي بعمق 2 سم تقريباً ونرش عليه من دوا الأرضة، وبعدها بفترة نحط ماستك يسكر هذي الفتحة بالكامل .. وطبعاً تتركب بايبات الكهربة وتنصب الأرضية أو الرمل المغسول فوق هذي الصبية ومهم نسوي لها معالجة أو نكون ضامنين خلوها من الآفات وبيوض الحشرات، وبعدها الحماية الأخيرة عندنا السيراميك أو البورسلان أو الرخام واللي بيغطي كل الفجوات وتبقى عندنا بس أماكن الأبواب .. وهذي حلها سهل لو ركبنا أول السآب فريم وكان من نوعية جيدة مارين بلايوود مثلاً، وركبنا الأرضيات تسكر على هذا البلايوود وخذنا احتياطنا بملء فجوات الحائط حول الأبواب بالخرسانه، فبيكون سهل نركب الأبواب في الأخير بعد ما نسوي عزل كامل للدفان تحت ومعاه الأرضة، وحتى فريم الباب يكون فوق البلاط ومركب ببراغي طوال تدخل في الطابوق والخرسانه.. فبهذي الطريقة نكون ضمننا حماية مضاعفة.

وكحل أرخص للي توهم ما صبوا فوق الدفان ممكن إستخدام شوي من الكاز وتركه معرض للهوا فتره لين تروح ريحته أو طلب معالجة الدفان من البلدية، والدفان إن كان نظيف ما عندنا مشكلة تقريباً لكن المشكلة الأكبر في البودره اللي فيها الأرضة بحدود 80% وصعبه معالجتها الا أثناء الدفان وبرش الدواء على طبقات وبكميات كبيره.

[حمد بن سعد]

الله يجزيك كل خير أخ حمد

معليش المسامحة ما وضحت الحل .. لو تجي للأطراف تحصل هذا البورد مبتل بالماي وهش وبسهولة يكون فجوة وممكن يزال بسهولة بقطعة خشب أو حديد .. والمفروض نشيل منه شوي بعمق 2 سم تقريباً ونرش عليه من دوا الأرضة، وبعدها بفترة نحط ماستك يسكر هذي الفتحة بالكامل .. وطبعاً تتركب بايبات الكهربة وتنصب الأرضية أو الرمل المغسول فوق هذي الصبية ومهم نسوي لها معالجة أو نكون ضامنين خلوها من الآفات وبيوض الحشرات، وبعدها الحماية الأخيرة عندنا السيراميك أو البورسلان أو الرخام واللي بيغطي كل الفجوات وتبقى عندنا بس أماكن الأبواب .. وهذي حلها سهل لو ركبنا أول السآب فريم وكان من نوعية جيدة مارين بلايوود مثلاً، وركبنا الأرضيات تسكر على هذا البلايوود وخذنا احتياطنا بملء فجوات الحائط حول الأبواب بالخرسانه، فبيكون سهل نركب الأبواب في الأخير بعد ما نسوي عزل كامل للدفان تحت ومعاه الأرضة، وحتى فريم الباب يكون فوق البلاط ومركب ببراغي طوال تدخل في الطابوق والخرسانه.. فبهذي الطريقة نكون ضمننا حماية مضاعفة.

وكحل أرخص للي توهم ما صبوا فوق الدفان ممكن إستخدام شوي من الكاز وتركه معرض للهوا فتره لين تروح ريحته أو طلب معالجة الدفان من البلدية، والدفان إن كان نظيف ما عندنا مشكلة تقريباً لكن المشكلة الأكبر في البودره اللي فيها الأرضة بحدود 80% وصعبه معالجتها الا أثناء الدفان وبرش الدواء على طبقات وبكميات كبيره.

جزاك الله كل خير

ومشكلتي اني مارشيت في مرحلة الدفان الله يكون في العون ان شاء الله

الله يوفقنا وياك