كيوتل وخدماتها ورسائلها

[bo_s3ood]

السلام عليكم ورحمة الله وبركاته

تارخ 27/8 اشتركت في باقة لكيوتل للانترنت الجوال 1 قيقه ب 100 ريال

يوم 31/ 8 وصلني مسج خلصت الباقه وانا معظم وقتي اشغل النت على الوايرلس

اتصلت فيهم طبعا كذى مره كل مره يقولون لي خلك على الخط وماسمع الا صوت القطار قلت معليه غلطه بس مره مرتين ثلاث كل هذا غلط ماعلينا

حاولت ابي اعرف شنو الي استخدمته كله يقولون مايبين عندنا

وانت الحين ماراح تستفيد من الباقه لانا خلص اشتراكك في الباقه لازم تنتظر لين تجي الفاتوره الجديده عشان يتجدد الاشتراك ولا راح يحسب عليك انزين انتم مسوين باقه ب 100 مدتها شهر اذا خلصت بعدين تسحبون لي

امس المسوال كلمني قال لا احنا نفعل لك الخدمه وينحسب لك لين وقت الفاتوره واي شي تستخدمه بينخصم عليك مب من الباقه

يعني الي مشترك في باقه الحين وفاتورته تنزل بتاريخ 18 يعني بيدفع 100 ريال حق استعمال 18 يوم انا لاني مب مفعلها مع تاريخ الفاتوره راح نخصم عليك جزء من الي استخدمته والباقي لين تبي تستخدم الخدمه مره ثانيه انتظر لين تنزل الفاتوره وفعل الخدمه من تلفونك احسن عشان لاينخصم على حساب التلفون انزين ليش تقنعون الناس بباقه شهريه المفروض تنحسب علي شهر من يوم افعلها مب من تاريخ الفاتوره مالها خص

+

مسجاتكم الي ترسلونها كل ابوها انقليزي انا واحد ثقافتي عربيه وماعرف انقليزي عدل ارسلو عربي وارسلو انقليزي ليش كل ابوها انقليزي :anger1:

في شياب وفي عجايز مايعرفون انقليزي لازم يتسلفون لهم واحد من الشارع يترجم لهم يعني :anger1:

وانتم ياكيوتل في دوله لغتها العربيه ياريت تعدلون من مسجاتكم اكثر
اتمنى حد من كيوتل يوصل لهم انا مب الكل يحب توصل له المسجات بالانقليزي :anger1:

[كبير المتداولين]

انا مسوين فيني نفس المشكله ويقولك الموظف مغلط



يعني بالعربي يبوقونك بأسم انه الموظف يتحملها وانت بتتنازل عشان الموظف وكل العالم تصير لهم نفس الطريقه ....



الى متى ياكيوتل تبوقون بأسم الموظف ...؟

[bo_s3ood]

انا ماحب فودافون بس شكله بحول صووبهم

[الدوحة قطر]

من تجربة شخصية انصح بشدة بكرت فدوفون الي يتعبى

اعبية اب 100 ريال ويعطوني 1 غيغا على اساس استخدمها في 30 يوم

والامور تمام وتقدر تشيك على رصيدك عادي #129* ويبين لك اشكثر باقي لك

[الجوكر90]

السلام عليكم
صحيح يوم فاتورك تكون تاريخ ١٨ وانت تشترك تاريخ ١٠ مب الباقه كامله تنزل هاي شي بديهي مايبيلها ذكاء
نصيحتي حق الانترنت روح صوب فودا فون راح تزهق من النت وماراح تدفع زياده
وبالتوفيق

[bo_s3ood]

من تجربة شخصية انصح بشدة بكرت فدوفون الي يتعبى

اعبية اب 100 ريال ويعطوني 1 غيغا على اساس استخدمها في 30 يوم

والامور تمام وتقدر تشيك على رصيدك عادي #129* ويبين لك اشكثر باقي لك


جاري البحث عن رقم فودافون



السلام عليكم
صحيح يوم فاتورك تكون تاريخ ١٨ وانت تشترك تاريخ ١٠ مب الباقه كامله تنزل هاي شي بديهي مايبيلها ذكاء
نصيحتي حق الانترنت روح صوب فودا فون راح تزهق من النت وماراح تدفع زياده
وبالتوفيق




وعليكم السلام

بس لو تدخل على عرض الباقه مكتوب عليها لمدة شهر مش مكتوب عليها من الفاتوره

يعني اخوي انت تشترك في شي عشان تعرف لو استخدمة الباقه او ماستخدمتها راح تدفع 100 لاغير مب تستخدم وتنصدم انهم ياخذون شي انت مالك دخل فيه

[chillis]

انا مشتركه والوضع طبيعي :) في ناس تقول واير لس ويكون مهب شغال

[bo_s3ood]

انا مشتركه والوضع طبيعي في ناس تقول واير لس ويكون مهب شغال


عاارف انا الوضع طبيعي كنت مشترك فيها قبل فتره بس اقصد انتي تشتركين اليوم هي خدمتها 30 يوم مثل ماموضحين

بس لين تكلمينهم يقول لج لا خدمتها لين الفاتوره عرفتي ولا يعني لو انتي مفعلتها اليوم وفاتورتج بعد اسبوع راح تستخدمين بس اسبوع واحد وتتجدد بعد الفاتوره خدمه ثانيه

[الجوكر90]

اي بس لو فاتورتك ١٨ وانت مشترك ١٠ راح تدفع بس حق ٨ ايام يعني ماراح تدفع ١٠٠ ريال
وتقدر تتاكد من هالشي

[H B A]

أخوي انت مافهمت عليهم عدل الظاهر

مثل ماقالك الأخ الجوكر ..

اذا ان سجلت تاريخ 10 .. وفاتورتك 18
راح يخصمون لك المبلغ عن ال8 ايام بس .. يعني مو 100 ريال
ممكن تطلع 30 ريال مثلا

فمبدئيا تبتدي من تاريخ 10 من الشهر لين 18 .. وينزلون لك اقل من 1 جيجا ..
وبعدها من تاريخ 18 الشهر تنزل لك الباقه كامله ب100 ريال
ومدتها من 18 لي 18

هذا اللي صار معاي .. سواء بخدمة النت او البلاك بيري

[ابوفارس]

من تجربة شخصية انصح بشدة بكرت فدوفون الي يتعبى

اعبية اب 100 ريال ويعطوني 1 غيغا على اساس استخدمها في 30 يوم

والامور تمام وتقدر تشيك على رصيدك عادي #129* ويبين لك اشكثر باقي لك

احسن شيء سويته
فودافون احسن بكثير من كيوتل
ولا تجيك يوم حسرة
كيوتل استغلاليين جدا
انا بعد غيرت على فودافون وكنسلت كيوتل بالمره .. ومرتاح وبلاش وجع راس من كيوتل .

[bo_s3ood]

اي بس لو فاتورتك ١٨ وانت مشترك ١٠ راح تدفع بس حق ٨ ايام يعني ماراح تدفع ١٠٠ ريال
وتقدر تتاكد من هالشي







فاهم على هالنقطه بس اقصد الحين بتم لين توصل الفاتوره بااقي لها 14 يوم ليش اتم وانا مفعل خدمه بدون لمدة 18 يوم


أخوي انت مافهمت عليهم عدل الظاهر

مثل ماقالك الأخ الجوكر ..

اذا ان سجلت تاريخ 10 .. وفاتورتك 18
راح يخصمون لك المبلغ عن ال8 ايام بس .. يعني مو 100 ريال
ممكن تطلع 30 ريال مثلا

فمبدئيا تبتدي من تاريخ 10 من الشهر لين 18 .. وينزلون لك اقل من 1 جيجا ..
وبعدها من تاريخ 18 الشهر تنزل لك الباقه كامله ب100 ريال
ومدتها من 18 لي 18

هذا اللي صار معاي .. سواء بخدمة النت او البلاك بيري




عاارف ياالغالي بس انت تفعل خدمه عشان ترتاح مب عشان تدفع على شي ماله خص في الخدمه

الحين الي قاله المسؤؤل امسح كل شي موجود الفي ي بين عشان مايشتغل النت عندك الا على الوايرلس لين تنزل الفاتوره فعل الخدمه من جديد

[اوف ليميت]

فديت كيوتل
مافي شي غلط
كلامهم صحيح

واذا في شي صج..اجمع فواتيرك اللي محتج عليها واحسبها واجمع اللي مش محسوب من ضمن الفاتوره ايضا واحسب الاشتراكات واحسب مبالغ المتأخرات وجذي..كل شي
واذا طلع لك ريال واحد..روح اللجنه القانونيه وبيرجعونه لك

بالنسبه للمسجات..كيوتل يطرشون مسجاتهم كلها باللغتين العربية + الانجليزيه

اذا وصلك بس باللغه الانجليزيه فهذي مش كيوتل..انما شركات او خدمات امأجره خط من كيوتل وتسوي اعلانات خاصه فيها..طبعا كيوتل ماراح تقعد اترجملهم او اترجملك مسجات غيرها

ف اذا اتعرفهم هالججه..كلمهم وقولهم ابي بالعربي او حل المشكله معاهم بطريقتهم
واذا ماتعرفهم اصلا ولاعمرك جلت معاهم..الله لايهينك.سو عليهم بلوك فالجوال

:]

[كبير المتداولين]

بوسعود

يوم كنت كيوتل كل شهر ادفع من 800 الى 1500 فاتوره


الحين فودافون صار لي 4 شهور دافع 400 ريال
وحاك النت بلاك بيري مكالمات محليه دوليه ووووو


ياخوك حسيت نفسي كنت مقصاصه عند كيوتل

[almobashera]

شي اكيد ان فودافون خدمتها احسن 100 مرة من كيوتل


وبالنسبة للرسائل أأكد ان اكثرها من كيوتل بالانجليزي فقط موب بالعربي
عكس فودافون وعروضهم واضحة جدا
اما كيوتل اذا حطوا عرض لازم تتصل وتستفسر عنه ولا ما راح تكون فاهم شي (نفس خدمة النت الشهري اللي ذكرها صاحب الموضوع مثلا)

حتى الرسالة اللي تجيك بعد المكالمة اللي مارديت عليها
(ملاحظة مهمة)

[bo_s3ood]

فديت كيوتل
مافي شي غلط
كلامهم صحيح

واذا في شي صج..اجمع فواتيرك اللي محتج عليها واحسبها واجمع اللي مش محسوب من ضمن الفاتوره ايضا واحسب الاشتراكات واحسب مبالغ المتأخرات وجذي..كل شي
واذا طلع لك ريال واحد..روح اللجنه القانونيه وبيرجعونه لك

بالنسبه للمسجات..كيوتل يطرشون مسجاتهم كلها باللغتين العربية + الانجليزيه

اذا وصلك بس باللغه الانجليزيه فهذي مش كيوتل..انما شركات او خدمات امأجره خط من كيوتل وتسوي اعلانات خاصه فيها..طبعا كيوتل ماراح تقعد اترجملهم او اترجملك مسجات غيرها

ف اذا اتعرفهم هالججه..كلمهم وقولهم ابي بالعربي او حل المشكله معاهم بطريقتهم
واذا ماتعرفهم اصلا ولاعمرك جلت معاهم..الله لايهينك.سو عليهم بلوك فالجوال



اخيو شكلك تشتغل وياهم

ولا مضيع المسجات جايتني باسم كيوتل وباسم فاتورتي ماراح اقول انا وصلني مسج احصل على مادري شنو

جاني فاتوره بالانقليزي لو شركات دعايه بكتب مب فاتوره الله يهديك اعرف اقرى انقليزي بس ماحب الفاوتير واكلام يجيني انقليزي ابيها عربي

وشكله عندك كرت هلا لانا كرت هلا الي يوصل كله عربي

وزمان مع كيوتل وعارف شنو الي فيها وشنو الي مافيها بس خدمه كلام والي صار كلام ثاني هذا الي ضايقني فيهم

مب تجي وتقول لي بلوك مابلوك ماله خص لو تبي عطني رقمك وارسل لك صووره من المسج عشان يمكن بعد تقول دعايه ولا شي .؟

[كبير المتداولين]

شي اكيد ان فودافون خدمتها احسن 100 مرة من كيوتل


وبالنسبة للرسائل أأكد ان اكثرها من كيوتل بالانجليزي فقط موب بالعربي
عكس فودافون وعروضهم واضحة جدا
اما كيوتل اذا حطوا عرض لازم تتصل وتستفسر عنه ولا ما راح تكون فاهم شي (نفس خدمة النت الشهري اللي ذكرها صاحب الموضوع مثلا)

حتى الرسالة اللي تجيك بعد المكالمة اللي مارديت عليها
(ملاحظة مهمة)

اذا الموظفين مب فاهمين شي احا نفهم لا وتشتكي يقولون لك الموظف غلطان تبي تحملها الموظف ولا تنازل

واحنا طبعا مساكين ومانحب نظر احد نتنازل على طول

لاكن انكشفت اللعبه ياكيوتل
:anger1: