حسبي الله ونعم الوكيل بس :.. ـــــــــــــــــــــــــــــ !

[بو الجوري]

السلام عليكــم :..

يعني وبعدين مع إدارة المرور :anger1:

من سنتين تقريباً الخرجي صرح إنه مافي مخالفات صوب الأبراج :..
والحين رجعوا يخالفون مره ثانيه بحجة إن في مبنى للمواقف

اللي بينه وبين البرج اللي أنا فيه 4 أبراج وإشاره :anger1:

يعني في هالحـر أمشي كيلو من المبنى لـ دوامي !!!
:anger1:

والله إنه إحنا نصف ولا عمرهـا صارت عرقلة سير :anger1:


اللي قهرني وخلاني أكتب هالموضوع

إنه في أقل من ساعه خالفوني 2 !!!
واحد الساعه 1:26 والثاني الساعه 2:20

والموتر طبعاً واقف مكانه ماتحرك :..

يعني الثاني اللي خالف ماشاف أو تأكد إذا في واحد خالفني وإلا لأ !! :anger1:

يعني الحين عليّ مخالفتين 300+300 و 6 نقاط !!!
يعني لو أخلي الموتر الحين بعد يمكن تجي دوريه ثالثه وتخالفني بعد :anger1::anger1::anger1::anger1::anger1:

والحل يعني !
طبعاً لحد يقولي روح المرور وقولهم يشيلونهـا :..
لأنه محد بيعطيني ويه :anger1:

حسبي الله ونعم الوكيل بس :anger1:

[intesar]

الله يعينكم.. لازم يحلون مشكلة المواقف اللي بالأبراج..

[غايه الطواش]

http://www.alarab.net/data/news/2010/09/14/lemon329.jpg


حصل خير اخوي الكريم بو الجوري ...

ممكن تاخذ نسخه من قرار الخرجي وتراجع فيه اداره المرور :)


بس حسيتك معصب وايد وانت تكتب ههههههههه

[بو الجوري]

الله يعينكم.. لازم يحلون مشكلة المواقف اللي بالأبراج..

ويعين الجميع

[بو الجوري]

هههههه و الله صادقه إختي غايه صج مقهور :..

يعني تخيلي طالع من إجتماع ألاقي مسجين من مطراش بنفس المخالفه
قلت يمكن بالغلط جاووني مرتين
دخلت الموقع إلا مخالفتين 300 و 300 و6 نقاط !!!!

يعني شي يقهر الصراحــه

وين نصف مثلا !!!

المشكله دوامي 7 ونص
والبترول 6 ونص وبعض اللي حوالينا 7
يعني أنا أوصل 7وربع المواقف فل

قهر و الله :(

[البحار00]

المرور من جهه تطبق القانون

الى جهه ربحيه همها تجمع في هالفلوس

والله ماشفت مرور مثل مرور قطر ولا بشوف

[ZURICH]

لو منك اخلي السيارة مكانها

منها تزيد المخالفات

ومنها تضمن حقك في التعبير بقوة على طاولة الخرجي

ويحيى العدل :)

[شموخ دائم]

,

,


مرحبا


معوض خير اخوي الكريم

في قانون المرور ( ما يجوز مخالفتين لنفس المخالفه )
:)
تطمن بيحسبون وحده ان شاء الله بس
اذا شرحت لهم


,

,


اخوك


شموخ دائم

[almaf1a]

يمكن مسوين عرض

[khaldoon]

,

,


مرحبا


معوض خير اخوي الكريم

في قانون المرور ( ما يجوز مخالفتين لنفس المخالفه )
:)
تطمن بيحسبون وحده ان شاء الله بس
اذا شرحت لهم


,

,


اخوك


شموخ دائم

صحيح كلامك 100% لانها بنفس اليوم

و سبقتني و الله و هالكلام مب بس في قطر....ايضا خارج قطر

الله يعوضك خير يا الغالي بو الجوري و طهور ان شاء الله

[النهار]

يمكن مسوين عرض

خذ مخالفه والثانيه مجانا :nice:

[ahmed1111]

هد اعصابك هذي 600 وجذي لو 6000 الله يعين المنتدى هههههه

والله ابوي المشي زين والقانون علا الجميع يعني الي خالفك مايدري دوامك متا فماله خص

بس مخالفتين والله غرريبه

علا غكره عندي زر الكيبورد مالك طار من بيكم لين عندي وانته معصب ههههه

الله يعينك

[ahmed203949]

خذ مخالفه والثانيه مجانا :nice:

هههههههههههه :nice:

الله يعينك اخوووي ...

[الشيخة شيوخة]

عادى روح مشي رياضة

[مرحوم قطر]

الشيخ انا ما اظمن لك يشيلون المخالفتين

بس اظمن ان يشيلون مخالفه

ترى انا مسويها و مب مخالفة موقف الا مخالفة رادار

اذا صادق رادار على شارع واحد مرتين في نفس الوقت يشيلون لك وحده منهم


يعني انت بيشيلون لك وحده من المخالفات و انا ما رحت كلمت احد

الضابظ نفسه الي على الكاونت قلت له كذا كذا قالي طيب و شالها عني على طول


و مالهم اي حق يخالفونك مخالفتين في نفس الوقت



المهم اخوي انت هل اعصابك و ريح نفسك و الامور طيبه

في تصريح من الخرجي و قرار و قاله في التلفزيون اخبر في برنامج

حاججهم ابهلشي و اكيد بيشيلونها ولا روح له الصبح و ازقره


الكلام مب على المخالفه 300 سهالات الكلام على النقاط تعور القلب

[عيون الدوحة]

لو الوزاراة الي أهناك مثل البيئة والخارجية تقوم بعمل المواقف الخارجية لها ل 3 أداور بدل موقف أرضي
بيفكون الناس من المرور
بس أيش الي معطلهم ؟؟

[عزووز قطر]

القهر ان جميع الابراج فيها مواقف b1 + b2

بس المواقف مسكرة ومحد يدخلها الا المدراء

اكيد كل مدير يستاهل موقف بس مب طابق كامل ،،، ويطبقون مبدأ اللي يجي قبل هو يصف علشان يشجعون الموظفين على الحضور المبكر للدوام

شرايك في الحل

[بو الجوري]

هد اعصابك هذي 600 وجذي لو 6000 الله يعين المنتدى هههههه

والله ابوي المشي زين والقانون علا الجميع يعني الي خالفك مايدري دوامك متا فماله خص

بس مخالفتين والله غرريبه

علا غكره عندي زر الكيبورد مالك طار من بيكم لين عندي وانته معصب ههههه

الله يعينك

:)
و الله أنا مب زعلان على ال600 كثر ما أنا متضايق على الغباء
أنا ما أرضى بالظلم ، حتى لو 10 ريال

وفوق هاي أروح المرور وأقعد أكلم فلان وعلان
وشحططه !!!

وأنا ماقلت يشيلون المخالفتين ، أنا معترف بوحده ، لكن دبل !!!!!

وندري إن المشي زين والقانون عالجميع !
ليكون أنا قلت ليش يخالفني !!!!

إفهم الموضوع عدل وليش أنا طرحته وعقب جاوب :)

ولو سمحت رجع زر الكيبورد اللي طار لبيتكـم :telephone:


عادى روح مشي رياضة

إن شاء الله بروح :.. وياريت إنتو بعد تروحون مشي :..
زين حق الريجيم :nice:

[بو الجوري]

وتسلمون جميعاً عالردود ، و إن شاء الله بحاول أمر عليهم اليوم بشوف :..

[بوخالد911]

الله يهونها عليك

تحياتي قبل دفع مخالفاتي:)

[دااانة قطر]

الله يعينك أخوي
صج قهر




بس عليك بالليموناااضه

[كازانوفا]

بالفعل قهررر الله يكون بعونك

[اوف ليميت]

الخرجي حشم الناس اكثر من مره
وتساهل بأمور كثيره
لكن اذا الخرجي بياخذكم على عقولكم اكثر من كذا او بيمشيلكم الامور اكثر بعد؟ عيل اختربت السالفه..لان في ناس ماتحشم مهما اكبرت ومها طال الزمن
ولا تنسى ان في ناس اتحاسب الخرجي بعد..مديره ومدير مديره الى فوق ..

نفسك انت بدوامك..مش اللي تبيه بس او ماتصير مشكله منو بيحاسبك؟ حتى لو كان قصدك مساعده لشخص...

فاللي قاعد يصير الحين بالمرور شي طيب .. يسن قانون ويجري العمل به وخلاص

الخرجي سوى اللي عليه واكثر
وتنحسبله جميع الايجابيات اللي صارت

أما السلبيات فتنحسب عليكم


المرور ماقال للشركات فالكورنيش (لاتبنون باركنات عشان ابي اخالف الناس)
الكلام انت وجهه للشركات والبلديه وغيرهم..مش للمرور
المرور جهه منفذه لمايخالف القانون فقط وليست جهه "مدبره" لامور الشركات واجراء تسهيلات

محد من هالشركات يمشي كلمته عالمرور والداخليه..بالعكس..الداخليه هي تمشي كلمتها عالجميع بلا استثناء
سوالف امام الامر الواقع وغيرها طافت عالزمن..والجهات الامنيه تقدر تخليك امام الامر الواقع ايضا
مشكلتك انت وموظفينك فالباركينق..حلوها بنفسكم..وان طلبتم مساعده من الداخليه او اي جهه امنيه..هم قدها وقدود وفي الواجب باي لحظه ووقت
لكن المرور يهتم بحركة المرور..اي شي يشوه المنظر + يخالف اي بند من بنود القانون والمرور + خطأ في الشوارع .. فهذا يعنيهم ولا يعنينا

:]

[بومحمد المطاوعه]

الله يعينك اخوي

بس راجع لا تسكت

لأني انا في مخالفه حاطينها علي

بقيمه 200 ريال وانا ماخالفت

وقت التجديد دفعت مخالفاتي تقريبأ 4000 وشوي

ماقلت ليش ولا مب انا

يعني بدفع 4000 مب عجزان ادفع 200

بس ليش ادفع 200 وانا مب مخالف....

لو 20 ريال مب دافع

انت راجعهم وان شاءالله خير

وكل يوم قانون يطلع

الله كريم

[بو الجوري]

أخوي أوف ليميت

ردك في صوب وموضوعي في صوب :..

أنا مب معترض على قراراتهم :..

وللعلم توني راجع من برع ولقيت جوريه تخالف
قلتله أمس خالفتوني مرتين ، قال السموحه أكيد الشرطي الثاني ما إنتبه إنه حد خالفك من نص ساعه
قالي روح المرور وبيشيلونهـــأ :..

أنا موضوعي إنه لازم يكون في تركيز + لازم يراعون المنطقه هذي
ويخالفون بس اللي معرقل السير أو صاف على الرصيف :..

لكـن واقف على جنب صوب الأبراج والشارع ماشي ولا في عرقلة سير ، ليش يخالفني
على الأقل يتسامحون وهم عارفين الوضع :..

أعتقد اللي يده فالماي مب مثل اللي يده فالنار :..

أنا مع مخالفة اللي يعرقلون السير ، لكـن اللي يوقف على الجنب والأمور صارلها سنين ماشيه
خلوه لا تخالفونه :..

على العموم شكراً لمرورك :)

[الزعفراني]

عفوا لقيت القرار او الخبر :

كشف العميد محمد الخرجي مدير ادارة المرور عن وجود تعليمات لرجال المرور بعدم تحرير مخالفات الوقوف في الممنوع لاصحاب السيارات الذين يقفون في الاماكن غير المخصصة للوقوف في منطقتي السفارات والأبراج بالدفنة بشرط عدم إعاقة حركة السير أو الركن على الرصيف.

http://www.qatarshares.com/vb/showthread.php?t=443975

[عزووز قطر]

أخوي أوف ليميت

ردك في صوب وموضوعي في صوب :..

أنا مب معترض على قراراتهم :..

وللعلم توني راجع من برع ولقيت جوريه تخالف
قلتله أمس خالفتوني مرتين ، قال السموحه أكيد الشرطي الثاني ما إنتبه إنه حد خالفك من نص ساعه
قالي روح المرور وبيشيلونهـــأ :..

أنا موضوعي إنه لازم يكون في تركيز + لازم يراعون المنطقه هذي
ويخالفون بس اللي معرقل السير أو صاف على الرصيف :..

لكـن واقف على جنب صوب الأبراج والشارع ماشي ولا في عرقلة سير ، ليش يخالفني
على الأقل يتسامحون وهم عارفين الوضع :..

أعتقد اللي يده فالماي مب مثل اللي يده فالنار :..

أنا مع مخالفة اللي يعرقلون السير ، لكـن اللي يوقف على الجنب والأمور صارلها سنين ماشيه
خلوه لا تخالفونه :..

على العموم شكراً لمرورك :)


اخوي لاتنسى ان المنطقة قيد الانشاء
وفي شاحنات تمر في هالشارع لاكمال اعمال الانشاء
ووقوف السيارات على جنب الشارع يعرقل مرور الشاحنات
والحين فتحوا برج من 8 طوابق للمواقف
ولو كل واحد يوقف موتره هناك محد بيتخالف
ادري ان المسافة بعيدة بس مالك الا الصبر

[بو الجوري]

اخوي لاتنسى ان المنطقة قيد الانشاء
وفي شاحنات تمر في هالشارع لاكمال اعمال الانشاء
ووقوف السيارات على جنب الشارع يعرقل مرور الشاحنات
والحين فتحوا برج من 8 طوابق للمواقف
ولو كل واحد يوقف موتره هناك محد بيتخالف
ادري ان المسافة بعيدة بس مالك الا الصبر

أخوي
أنا فالمنطقه من 2009 وعمر السيارات اللي توقف عالجنب عرقلت السير :..

لين يومك هذا :)

لكن الله كريم

[بو الجوري]

عفوا لقيت القرار او الخبر :

كشف العميد محمد الخرجي مدير ادارة المرور عن وجود تعليمات لرجال المرور بعدم تحرير مخالفات الوقوف في الممنوع لاصحاب السيارات الذين يقفون في الاماكن غير المخصصة للوقوف في منطقتي السفارات والأبراج بالدفنة بشرط عدم إعاقة حركة السير أو الركن على الرصيف.

http://www.qatarshares.com/vb/showthread.php?t=443975

صحيح كلامك يالزعفراني

وهذا اللي قلته للشرطي
قال عقب ما إفتحوا المواقف قالونا نروح نخالف :)

[Abdulraman]

دفعة بلا:weeping:

[الدوحه1]

"المرور" جهه تنفيذيه يعني جهه تنفذ القوانين , ومهب "جهه تشريعيه"!! فشرطي المرور ينفذ القوانين..
الخلل والمشكله في عدم توفر مواقف للسيارات والمسئول عن هذا التخبط والعشوائيه هي الجهه المسئوله عن اصدار رخص المباني والتخطيط(البلديه والتخيط العمراني)..

امس مريت على شارع "الاصمخ" وهالشارع عليه "بلوك" لاي مباني او مشاريع جديده يعني البنيان ممنوع في هالشارع ولكني شفت انه تمت ازاله احدى الاسوق القديمه من اجل بناء عماره جديده؟؟؟؟ اشلون ياجماعه هالشارع عليه "بلوك"؟؟؟؟؟
طبعا السبب معروف واللببيب بالاشارة يفهم!!

[اوف ليميت]

1- اذا ماتصفون بالمواقف اللي بنوها..عيل شتبيهم يعاملونكم؟ عيل مافي الا اجبار الناس في هالحاله انهم يتعاونون مع المرور بانهم يكونون قدوه لغيرهم بالوقوف في الاماكن الجديده
لان الحال ماراح يدوم مثل ماهو سنين
ومثل ماتقول من 2009 جذي..ومستانسين؟..لو صار شي ف موترك من خدش وغيره بسبب سياره اخرى او شاحنه لا تروحون المرور وتقولون نبي اوراق تصليح..انا اشجع عيل المرور يبدأ ياخذ 500 ريال على كل ورقة تصليح (ضد مجهول)

2- من 2009 وللحين ومحد فيكم تجرأ يكلم شركته او البلديه وغيرهم على حل الوضع..وبس كل دقيقه وثانيه تقولون مرور ومرور

3- ات بينت النقطه اللي شرحتها لك قبل..يوم تكلمت عن الشرطي بالمرور وايش اللي قالك..معناها انهم امحشمين الناس..لكن غيرك يا فلان .. تعتقد بيحترم نفسه وبيتعب مخه لو دقيقه ويقول (ياخي عيب كل يوم اصف كذا) ليش ما اجرب اصف بعيد وشفيها لو مشيتاو ليش ماجرب اقعد بدري واصف مع العالم صح..وللا بس عشان افتحولكم درب خلاص اعتمدتوها قانونيه
هذا تسهيل منهم لكم..فقط..لانهم يحبونكم..وللا مثل ماسهلوها لكم يقدرون يسحبونها منكم..اذا كان حبيبك عسل، لاتلحسه كله
مثل مااضمنوا لكم التهيل (اللي بالاساس غير قانوني) ولكن مشروع من قبلهم .. عيل يقدرون يسحبونه منكم ويخالفونكم عليه..وهذا ايضا مشروع اكثر

ومايترتب على ذلك من تأثيرات سلبيهمن خناق مروري وخناق نظري وخناق نفسي وتكتل سيارات وكثافه للدخان بمكان واحد .. و .. و..

:]

[بو الجوري]

1- اذا ماتصفون بالمواقف اللي بنوها..عيل شتبيهم يعاملونكم؟ عيل مافي الا اجبار الناس في هالحاله انهم يتعاونون مع المرور بانهم يكونون قدوه لغيرهم بالوقوف في الاماكن الجديده
لان الحال ماراح يدوم مثل ماهو سنين
ومثل ماتقول من 2009 جذي..ومستانسين؟..لو صار شي ف موترك من خدش وغيره بسبب سياره اخرى او شاحنه لا تروحون المرور وتقولون نبي اوراق تصليح..انا اشجع عيل المرور يبدأ ياخذ 500 ريال على كل ورقة تصليح (ضد مجهول)

أولا أنا عن نفسي ماراح أمشي في هالحر كيلو عشان أوصل دوامي :..
وبعدين لو موتري جاته حكه بطلع ورقه و أنا المسؤول ، هل المرور بيدفع من جيبه !


2- من 2009 وللحين ومحد فيكم تجرأ يكلم شركته او البلديه وغيرهم على حل الوضع..وبس كل دقيقه وثانيه تقولون مرور ومرور

لو كلمناهم مثلا بيسوون لنا بيسمنت ! :)
الأبراج القديمه مالها حل فالمواقف ، والحل في يد المرور إنه يتساهل مع اللي يوقفون بدون عرقلة سير

3- ات بينت النقطه اللي شرحتها لك قبل..يوم تكلمت عن الشرطي بالمرور وايش اللي قالك..معناها انهم امحشمين الناس..لكن غيرك يا فلان .. تعتقد بيحترم نفسه وبيتعب مخه لو دقيقه ويقول (ياخي عيب كل يوم اصف كذا) ليش ما اجرب اصف بعيد وشفيها لو مشيتاو ليش ماجرب اقعد بدري واصف مع العالم صح..وللا بس عشان افتحولكم درب خلاص اعتمدتوها قانونيه

ومايترتب على ذلك من تأثيرات سلبيهمن خناق مروري وخناق نظري وخناق نفسي وتكتل سيارات وكثافه للدخان بمكان واحد .. و .. و..

محد قال إنهم مايحشمون ، مع إن في ناس مايحشمونك وجنك تشتغل عندهم
وبخصوص إني آجي بدري ، شكلك ماقريت أنا وش قلت فالبدايه :)
وأصلا مالنا مواقف ،
كل برج مسوي كذا موقف للمدراء

والحمدلله أنا مب من النوع اللي يعرقل السير

:]

وبـــس :)

[شبح الصمت]

الله يعوضك خير بوالجوري

شاقول لك

شيء عجيب غريب

أقل ما فيها هالمواقف يوفرون باصات مريحه توصل الناس وترجعهم

أتمنى يطبق دام المسافة كيلوا عسى ما شر جاي اشتغل ودش بريحة حلوه

والا جاي اشتغل وخيس العالم

[بو الجوري]

الله يعوضك خير بوالجوري

شاقول لك

شيء عجيب غريب

أقل ما فيها هالمواقف يوفرون باصات مريحه توصل الناس وترجعهم

أتمنى يطبق دام المسافة كيلوا عسى ما شر جاي اشتغل ودش بريحة حلوه

والا جاي اشتغل وخيس العالم

وإلا يوفرون نفس سيارات القولف تاخذك من الموقف لين الدوام هههههههه
ويخلونهـا بفلوس مب مشكله
مثلا ريال رايح وريال راجع خخخخخ و الله مشروع مضبوط :..

يبيله :telephone: شرايك !!!

[بيتي بوب 23]

معليه احتسبها دفعه بلاء عنك

[المواطن]

إلا ما تقول سالفة الرادار اللي حاطينه على طريج الشحانية -دخان وطايح في خلق الله ضرب رادارات عى 95 و 100 كيلو والسرعة في الشارع 120
على قوللتهم في تصليحات في الشارع والسرعه محدده عى 80
بس الردار محطوط بعد الجزء اللي فيه تصليحات

[hot2000]

وحده بس اخوي

مشكلتنا نبي المواقف قدام شغلنا من نبي نمشي خطوة وحده

وتعدي على مواقف الاحتياجات الخاصة

وقطع إشارات
عدم إعطاء أولويات عبور المشاه للعبور
والسبب مستعجل


اول امس راجع من الدوام قبل إشارات السودان ولا واحد جاي مسرع من اليمين ويتجاوز وبدون حزام الأمان من سوء حظه وقف جنبي قتله خير اخوي شكلك مستعجل قالب اي والله مأخذ سيارة اخوي وعنده دوام. قتله إيه يعني حاله مستعجله. قتله بس طوف الاشارة ووقف يمين. خذت الرخصة وراجع مدينة خليفه


اخي السائق إعطاء فرصه للمتجاوزين من اليمين تشجيع على المخالفات وعطلت السيارات للي خلفك بالمرور

صج طيبين وكريمين حنا