محلي في النت أحسن ..

[mimz]

عندي مشروع قائم وناجح والحمد لله .. طلبات مش ملحقة .. وعلاقات حلوة مع الزبونات تحولت لصداقات .. صرت مشغولة بعد ماكنت أعاني الملل

بس كانت مشكلتي مثل باقي تجار قطر المساكين وهي الحصول على محل أو حتى كشك .. لأن أسعار الإيجارات ناااار

فنصحتني وحده من صديقاتي بأن أستغل معرفتي في النت لنشر منتجاتي
.. والحمد لك يا رب ..


الكل عرف كيف يتواصل معاي .. والكل صار يشوف الجديد اللي عندي من تصميمات ونكهات


الحل يا أخواني وأخواتي هو النت ... وخاصة خدمة الفيس بوك والأنستغرام

فشكراً لمن نصحني ..

وداعاً للأيجارات والخلوات وواسطات من أجل الحصول على محل بمول

[captin]

مرحبا mimz

شيء طيب جدا اللي سويتيه وهذا المطلوب وهذا عين العقل
مطلوب من الكل أنه ما يقعد متكوف الإيدي ويشتكي
من الملل ويقول ما أقدر أفتح نشاط وماعندي راس مال
أوغيرها من أعذار.

ولا يضيع وقته او وقتها في السوالف اللي ما منها فايدة
هاذي تزوج وهاذيك تطلقت ما شفتي فلانه حاطه
مكياج هذاك شراء سيارة بنص مليون الخ من السوالف
اللي تضيع الوقت من غير فايدة .

عموما أنا أنصح ايضا إذا قدرتي تسوين الاتي :


1
حاولي انج تلاقين لج كشك أو زاوية بأحد المولات وتاخذين رخصة رسمية
للنشاط اللي تمارسينه ويكون لج أيصالات وأوراق رسمية تمثل المحل
وتحطين لج موظفة أجنبية مرتبة يفضل فلبينية وعندها مهارة
التسويق والتواصل مع الزبائن.

2
أنشيء حساب بنكي منفصل للنشاط تودعين فيه الايرادات وتصرفين منه
للمواد اللي تشترينها والمصروفات عشان تعرفين كل شهر كم المصروفات
بالنسبة للإيردات وهذا يعطيج قياس للبزنس هل المصروفات ازيد من الايرادات
معناته في هدر في مكان ما ولازم توقفينه
هل فيه متاخرات من بعض الزبائن ما دفعوا الخ.
التنظيم المحاسبي والمالي مهم جدا .

3
تخصصين لج صفحة مستقلة على الإنترنت غير الفيسبوك والتويتر
يكون في صور ووصف للمواد والأسعار حتى تكون للموقع مصداقية
عند الزبائن ترى السلعة بدون سعر ما تخلي الزبون جاد في الشراء.

4
تحطين لج مندوب او سائق لتوصيل الطلبات بدال ما هم يجون لج أنتي
قدمي خدمة التوصيل حتى تكونين كسبتي كل الفئات اللي عندهم سائق
واللي ما عندهم.

5
أستعملي شبكة العلاقات اللي كونتيها وتواصلي معاهم وقدمي تخفيضات
للمناسبات في المدارس وبعض الحفلات.

6
إذا بعض الأصناف تبيع بكميات كبيرة أحسن جيبيها من المصدر
سواء كان الإمارات أو الصين لان ما عليها خوف وهامش
الربح بيكون فيها كبير.

لكل مجتهد نصيب بالتوفيق ان شاء الله

[بنت المطر]

الله يوفقك اختي

وحاولي تطورين ف المشروع

[mimz]

مشكورين والله على أهتمامكم يا أخواني ..صج صج رفعتوا معنوياتي وفدتوني وايد

ياليت تدخلون موقعي وتعطوني رأيكم في شغلي





Mimzsbakes@

هذا عنواني على الأنستغرام والتويتر


ترى عندي توصيل منازل يا كابتن

[محمد الجفيري]

الله يوفقج اختي واناا دايما انصح الشباب التوجه الى مشاريع الانترنت وباذن الله فيها خير كثير

[غرِيبهـ]

الله يوفقك اختي

دخلت حسابك بالانستغرام روعة الكيكات تجنن

ماشاء الله
كنا نشوف هالشغلات في فتافيت ونقول متى توصل لنا
بدل الكيكات المعتادة

[a.s]

انا ذقت كب كيكج وصرااااااااااااااااااااااااااحه تفجير ...


keep it up :)

[اهل قطر]

الله يوفقك ,
العمل عباده , احتسبي اجر عمارة الارض

[الكيلاني]

ما شاء الله شي مميز , طبعا بس شفت الصور لأني برا قطر.

[ALDIWAN]

الانترنت هو البديل الناجح للمحلات التجاريه الغاليه في قطر المحل على 10الف اوكثر شهريا يعني فالسنه 120الف ريال من الارباح اطير في جيب شخص ثاني
وبالاخص للتجارة في المستلزمات النسائيه او الرجاليه

[اهل قطر]

بعد مروا على اسمي في الانستجرام (atayebqatar)

[Om Majed]

الله يوفقج أختي ويبارك في عملج
انا وحده من الي مسويين لج فولو بالانستغرام واجد معجبة في اعمالج وسويت
لج دعايه عند الأهل واصلي عزيزتي والله يوفقج

[ع الهاجري]

ربي يوفقك يا أختي .. بصراحة شغلكم أشوي عليه كلمة
رووووعة

بس مشكلتي يا طويلة العمر أن أنشطتي لا أستطيع ممارستها بنفس طريقتك .. فمنتجاتي يجب أن تكون ثابته بالمحل .. حتى أستطيع أن أشرح للزبون طريقة عملها ومزاياها

[غاردينيا]

صحيح مجال الطبخ والاكل احسن تسويق له الانترنت

والتوصيل لغاية المنزل اهم نقطه للنجاح

المعارض بعد فرصه للانتشار

لو يتفقون كم تاجرة وياجرون قاعه في فندق ويتم الاعلان عنه
وتجهيز عينات للتذوق

بيزيد النجاح

[احلى دنيا]

روعة الشغل ماشاء الله

[الجووري]

أتمنى لج التوفيق وواصلي أنا كنت نفسج عن طريق النت بس نشاطي يحتاج لمكتب ولله الحمد وصلت للي أبيه وأكثر هذا لان عند امل بالله كبيييير ان مافيه شي اسمه مستحيل مع الإراده وبإذن الله راح تفتحين اكبر محل وله اكثر من فرع إن شاءالله وعسااااج ع القوه دووووم .

[نووون]

أتمنى لج التوفيق وواصلي أنا كنت نفسج عن طريق النت بس نشاطي يحتاج لمكتب ولله الحمد وصلت للي أبيه وأكثر هذا لان عند امل بالله كبيييير ان مافيه شي اسمه مستحيل مع الإراده وبإذن الله راح تفتحين اكبر محل وله اكثر من فرع إن شاءالله وعسااااج ع القوه دووووم .

كلماتج مشجعة ..

بالتوفيق لكم :)