لجنه الزواج .. وسوء تعاملهم ... والابتسامه مقطوعه

[محمد_ قطر]

للاسف الشديد في لجنه لزواج ((قسم الاستقبال ))الموظفين والقائمين عليها تدخل عليهم يطالعونك بنظرات غبيه واغبه مافيها ماتحصل حد يستقبلك انت لازم تدور او تختار شخص تروحله وهم كلهم يطالعونك... طبعا انسه تشوف ابتسامه في وجوههم الابتسامه بعيده عنهم كل البعد ...تعتقد انت داش في جنازه ولا احد متوفي منهم ؟؟؟؟
بخصوص قسم الحريم نفس الشباب واسئلتهم سخيفه واستقبالهم لك زي الزفت ..يحسسونك انك بطر منهم
شي غريب وعجيب واول مره اشوفه في حياتي ...

لين تدخل اي مكان تحصل الاستقبال او علقل الابتسامه ..الي تفتح النفس

واللاسف سئلت اكثر من شخص كلهم يشتكي من سوء تعاملهم ..

هل في اداره في الدوله نفس نوعيه مثل هذيلا الموظفين .. وللاسف هم قطريه لاكن لايحملون اي صفات القطري من الكرم والابتسامه وحسن المعامله

[بن غيث]

يمكن هذه استراتيجية يتبعونها لتطفيش الناس للتقديم او المراجعة ..
واذا ما يبون الناس اتقدم طلبات .. يسكرون اللجنة احسن وارحم للعالم من هذه الاشكال الي تقول عنها

[بريق الحق]

يالغالي شتبي في ابتسامتهم خلص شغلك وماعليك منهم الحين اذا جفت واحد وابتسمت له بقول اشفيه هاي

[بنت المطر]

جوف اذا عندهم موقع ف النت وفيه مكان حق اقتراحات والشكاوي اكتب انك حاب تجوف ابتسامة الموظفين

او اذا كنت بتراجعهم مرة ثانية قابل المسئول واشرح له عطه هالملاحظة وصدقني بينبهم بخصوص تكشيرتهم وملامحهم الجامدة


وبعدين الابتسامة صدددددددقة

انت ابتسم لهم

[(بوطلال)]

ياخوفي بكره الموظفين يطالبون ابدل ابتسامه !

[الزعفراني]

وين مكانها لجنة الزواج ؟

اخبر كانت في السد مكان الادعاء العام سابقا .

[حسن]

ياخوفي بكره الموظفين يطالبون ابدل ابتسامه !

يستاهلون الربع



شوف ياخوك مافي حد يرضي ياخذ على بنت يلاده واعتقد انهم مكشرين لهذا السبب

وهو نوع من انواع الضغط طبعا غير المماطله وانا اتفق معاهم ذي ذالك


علشان سلالتنه ماتختلط :)

لكن لو هم درسو ووبحثو في علاج ظاهره الزواج من الخارج كان احسن

لكن يالله كلوماشي

[حسن]

وين مكانها لجنة الزواج ؟

اخبر كانت في السد مكان الادعاء العام سابقا .

انت الظاهر مقدم من زمان يالزعفراني

:victory:

[الزعفراني]

انت الظاهر مقدم من زمان يالزعفراني

:victory:

:shy:

وين مكان اللجنة حاليا ؟ :secret:

[BoFahed]

يستاهلون الربع



شوف ياخوك مافي حد يرضي ياخذ على بنت يلاده واعتقد انهم مكشرين لهذا السبب

وهو نوع من انواع الضغط طبعا غير المماطله وانا اتفق معاهم ذي ذالك


علشان سلالتنه ماتختلط :)

لكن لو هم درسو ووبحثو في علاج ظاهره الزواج من الخارج كان احسن

لكن يالله كلوماشي

صادق اخوي حسن خصوصا بانه عدد المتقدمين لهم وايد ولازم يحطمونهم شوي يمكن يتراجعون

[الدوحي7]

شنهي الاجراءات ، وشلمطلوب من الواحد من اوراق ، شكلي بقدم عندهم ،،

[حسن]

صادق اخوي حسن خصوصا بانه عدد المتقدمين لهم وايد ولازم يحطمونهم شوي يمكن يتراجعون

والله انا معاك مثل ماقلت ومع اللجنه يعني خصوصا لما تشوف اكثر المتقدمين شباب

ليش وصلنا الى هذا الحد يعني هم مايسون حل ليش ماتدرس هذه الظاهره واسبابها

البنات في قطر طافحين وعنسو المحاكم الطلاق فيها على بيزا وتجيك لسانها يلوط اذانها

وتقولك ليييييييييييش الحكومه ماتوفر لي بيت مستقل:eek5: وينهلك وين ابوك وين اخوانك

المره في وقتنا الحالي فتنه والله العظيم الكثير منهم علشان محد يقول لاتعم

لاحول ولا قوه الا بالله

[حسن]

شنهي الاجراءات ، وشلمطلوب من الواحد من اوراق ، شكلي بقدم عندهم ،،

قولي اي يوم بتقدم علشان اوصيهم يخيسون النفس عليك
:nice:

[الدوحي7]

قولي اي يوم بتقدم علشان اوصيهم يخيسون النفس عليك
:nice:

ككككك، لاياخوي يكفى صاحب الموضوع،، انا بقدم وبشرد من عندهم ،، ولاتنسى انا عمري جاهز مايحتاج موافقه،،

[شبح الصمت]

الله يوفقكم يالربع ولحدن ينسى يعزمنا على عرسه

[الدوحي7]

يجزاك خير يالشبح، بس وين تجى لشام ،، مابتخاف(بتكلم شامي )هههه

[مرحوم قطر]

هلا الشيخ

يارجال شلك فيهم و في ابتسامتهم

يقولك الابتسامه في وجه اخيك صدقه

ما يبي الاجر خله عنك ادخل سلام عليكم خلص شغلك سلام عليكم و انت طالع



بخصوص الحين كم صارة الهبه للحين 50 الف توصلك 20 او 15 ولا الحين زادة ؟.؟

[محمد_ قطر]

جزاكم خير على الردود ... تصدقون اول مره احس بقيمه الابتسامه ... من يوم مادشيت عندهم
ماقول يا الله يصلحهم ... وان شاءالله احد من المسوولين يشوف هذه الشكوه ويقدر يضبطهم ... والابتسامه وطيبه الشخص ترجع في بيئه الشخص وتربيته ..

[Bin Hood]

ذكرتني بأول ايامي في الشغل شكاوي لي راسي لان ما ابتسم

بس انا معذور نوعا ما ( من وجهة نظري )

الله يوفقك ومبروك مقدما

وابتسامة ناس ما بتشوفهم الا مرة وحده في العمر مش لزمة

[مافيا قطر]

ياخوي قدم عندهم وخلاص اهم شي تعرف احد فيهم امورك طيبه

وبعدين اللي يقولون ليش ما ياخذ من البلاد كل واحد يعرف نفسه قد الزواج من الخارج ولا

[الأصيلة]

لأن اللي يهد بنت بلاده ويدور على الأجنبية
لأسباب واهية..
يستاهل من يكشر في وجهه...
مالقيت في الخليج زوجة تناسبك غير الشامية أو المغربية أو...أو....الخ

[منابر خالده]

لأن اللي يهد بنت بلاده ويدور على الأجنبية
لأسباب واهية..
يستاهل من يكشر في وجهه...
مالقيت في الخليج زوجة تناسبك غير الشامية أو المغربية أو...أو....الخ

اي مالقينا خليجيه تناسبنا

[captin]

مرحبا أخوي ,,,

العمل امانة والموظفين محاسبين عليها والإبتسامة مطلوبة
مع الكافر فما بلك شخص قطري منك وفيك ومسلم

ماله علاقة سلوك الموظف وانه لازم يكون مكشر
في وجه مقدم الطلب أو المراجع لأن المراجع
مقدم على طلب للزواج من اجنبية.

عيل ليش مسوين اللجنة يلغونها وخلاص.
ما دامهم كارهين ان الناس تقدم عليها .

وكلن له ظروفه الخاصة لما قدم على اللجنة يطلب الزواج من أجنبية
والدولة لما قننت الموضوع وحطت له قانون وشروط وضوابط المفروض
أن القائم على ذلك القانون ينفذه بدون تحامل أو كره لصاحب الطلب.

[العنيده]

اي مالقينا خليجيه تناسبنا


اسمحلي في مناسبين بس يمكن انتوا ماتناسبون اللي تروحون لهم والله ييسر لكم :nice:

هو بس لو تتيسر امور ابناء القطريات جان ماكبر راس البعض على الحريم بس مافي مساواه :telephone: ..



وشكرا

[العلم]

السلام عليكم

ياخوي الله يعينك :shy::shy:

الحين اللجنة فاتحينهاوشغالة ليش هالاسلوب التعبان يا أما يشتغلون من قلب وضميروالا يجلسون في بيوتهم .
:omen2:


هذا غير التأخير الحاصل في المراجعه تتنقع سنتين وازود .


وشكرا :secret:

[dohat]

للأسف اسلوب تعامل بعض الموظفين مع الجمهور في اكثر الداوئر ولاتقول كنك قاعد في مجلسه ولين سالته عن موضوعك والله ماتدري وين الله حاطه ولين يفتي تتحسف انك رحلته طبعا هذا اذا ماخلاك تفتر المبنى كله وتروح اتكمل بعد ع المبنى الثاني ....الاداره فن ... واسلوب التعامل مع الجمهور فن ...فاللي مو قدها يتركها لغيره لان فيه شباب والله العظيم يخدم الصغير والكبير والمواطن والمقيم وبكره لين شفته في مكان ونت بعيد صدقني تتعنى تروح اتسلم عليه والعكس صحيح....

[محمد_ قطر]

والله اجراء الزواج الي تصير عندهم كله خربطه في خربطه ... ويدخلون في اشياء ماتخصهم ..وحطين قوانين بالهوا ..
مثال بسيط في شخص عمره 80 بيتزوج من اجنبيه قالوله لازم فحص طبي ... قالهم عمري 80 اي فحص يرحمهم والديكم ..
في امور غلط في غلط ...
وياليت تحصل علقل معامله طيبه وطيبه نفس حتى لو كانت القوانين خرابيط

[محمد_ قطر]

للأسف اسلوب تعامل بعض الموظفين مع الجمهور في اكثر الداوئر ولاتقول كنك قاعد في مجلسه ولين سالته عن موضوعك والله ماتدري وين الله حاطه ولين يفتي تتحسف انك رحلته طبعا هذا اذا ماخلاك تفتر المبنى كله وتروح اتكمل بعد ع المبنى الثاني ....الاداره فن ... واسلوب التعامل مع الجمهور فن ...فاللي مو قدها يتركها لغيره لان فيه شباب والله العظيم يخدم الصغير والكبير والمواطن والمقيم وبكره لين شفته في مكان ونت بعيد صدقني تتعنى تروح اتسلم عليه والعكس صحيح....

كلامك يدل على فهمك واسلوبك الراقي ...

وموظف تسئله سوال تعتقد انت اول مره هاي السوال يمر عليه :eek5:

تصدق وانا جاي استفسر طبعا تم يشرحلي المتطلبات هو(( قاعد)) يشرحلي وانا ((واقف ))انطره بس يقولي اقعد... هاي الشي ما يحتاج دراسه يحتاج تربيه من اول وجديد:eek5:

[قطريه ماركه]

الموظف لازم يكون لبق و بشوش في كل مكان مب بس ف هالمكان ...

موفق ان شااااء الله ...

[Cooki]

يستاهلون الربع



شوف ياخوك مافي حد يرضي ياخذ على بنت يلاده واعتقد انهم مكشرين لهذا السبب

وهو نوع من انواع الضغط طبعا غير المماطله وانا اتفق معاهم ذي ذالك


علشان سلالتنه ماتختلط :)

لكن لو هم درسو ووبحثو في علاج ظاهره الزواج من الخارج كان احسن

لكن يالله كلوماشي

بالعكس ياخوي ..

هو يوم انه يدخل الاستقبال ويشوف هالوجيه المعنفشه والكشره ..

بيقول لنفسه مانلاااااام دام هاذي ويووه بنات ابلادي وهاذي معاملتهم ..

لكن لو انه دخل المكتب ولقى المعامله السنعه والبشاشه والاحترام والاخلاق الراقيه... يمكن يهون :)

وبالنهاااااايه كلها ارزاق ومكتوبه

[منابر خالده]

اسمحلي في مناسبين بس يمكن انتوا ماتناسبون اللي تروحون لهم والله ييسر لكم :nice:

هو بس لو تتيسر امور ابناء القطريات جان ماكبر راس البعض على الحريم بس مافي مساواه :telephone: ..



وشكرا

معاج حق الحين مايناسبهم الشاب الملتزم الخلوق الطيب المؤدب مثلي
:whistling:

[زمن الغربة]

لأن اللي يهد بنت بلاده ويدور على الأجنبية
لأسباب واهية..
يستاهل من يكشر في وجهه...
مالقيت في الخليج زوجة تناسبك غير الشامية أو المغربية أو...أو....الخ


ليش الشامية والمغربية والتونسية والمصرية والجزائرية مب
مسلمات!!!!سبحان الله!!!! اي اكيد القطرية راح تدخل الجنة قبلهم
ب500 عام!!!!!

[الخيالة]

الموضوع شي وبعض الردود عن شي ثاني
خلاص كل واحد حر يختار شريكة حياته محد يقدر يغصب احد ع الزواج واللي يقدمون في اللجنة أكيد لهم ظروفهم وأسبابهم ومب شرط يكون ماخذين من بره يمكن من مواليد الدوحه وحتي لو من بره اهمه حر هاي حياتهم
وبلنسبة للي يشتغلون واهمه دوم مبوزين هاي غلط مفروض يبتسمون ويخلصون أمور الناس الشغل عبادة لازم يحللون رواتبهم ويشتغلون بذمة وضمير
والله يوفق الجميع والزواج قسمة ونصيب

[elders]

معاج حق الحين مايناسبهم الشاب الملتزم الخلوق الطيب المؤدب مثلي
:whistling:

نسيت تحط المتواضع بين الصفات :funny:

[الخزرجي قطر]

الله يصلح حالنا وحال المسلمين
الله يعينكم على الاجراءت والمتطلبات
وهذا غير المصاريف الاخرى اذا تمت موافقة اللجنه

[اداري]

المفروض يستقبلونهم بعسو عند الباب

عيل هاد بنات بلادك وراح تاخذ من الخارج

وهالبنات عيل خل يسمحونلهم ياخذون من الخارج من باب المساواه

[منابر خالده]

نسيت تحط المتواضع بين الصفات :funny:

هذي شهاده منج اعتز فيها :shy:

[tawareq]

المفروض يستقبلونهم بعسو عند الباب

عيل هاد بنات بلادك وراح تاخذ من الخارج

وهالبنات عيل خل يسمحونلهم ياخذون من الخارج من باب المساواه

ومن قاللك انه مافي بنات قطريات ياخذون اجانب

اعرف كم وحدة في الشغل اللي ماخذه لبناني وللي ماخذه سوري
جات على الشباب المساكين

يكون في علمك واحد من الاهل ماخذ وحدة من بنات هالقطر ولين الحين واصل مصاريفه تقريبا قريب 550 الف ريال ولين الحين ما خلصوا شرايك

[tawareq]

الام تبي والعروس تبي وكله مسكين على ظهر المعرس

الله يكون في عونه

[darkmoon]

ممكن بعض الاحيان الموظفين يكشرون بسبب غط العمل لان تدرن الطلبات وااااااايد
بصراحه الله يوفقك وتطلع لك الموافقة يا الغالي لان عشت الوضع
١. الاختيار الاول و الاخير للرجل
٢. و صعبه تلقي البنت اللي في مواصفات زوجة المستقبل الا و تكون يا متزوجه او مخطوبه يعني انسي
٣. الاجنبيه او العربيه ممكن تكون احسن من بنت بلادك اللي ممكن تطين عيشتك
٤. لو كان فيه اللي تناسب ما كانوا الشباب تقدموا بهذي الطلبات
٥. اكثر حالات الطلاق اسالوا وبتعرفوا علي من .......

[النهار]

شنهي الاجراءات ، وشلمطلوب من الواحد من اوراق ، شكلي بقدم عندهم ،،

خذني معاك يالذيب يبتسمون ويبتسمون ماعلينا منهم المهم يعوطنا الموافقه شكلي بأخذ الثانيه :nice:

[ANONYMOUS]

ومن قاللك انه مافي بنات قطريات ياخذون اجانب

اعرف كم وحدة في الشغل اللي ماخذه لبناني وللي ماخذه سوري
جات على الشباب المساكين

يكون في علمك واحد من الاهل ماخذ وحدة من بنات هالقطر ولين الحين واصل مصاريفه تقريبا قريب 550 الف ريال ولين الحين ما خلصوا شرايك

ماشالله G55 :p

عموما الابتسامه صدقه بغض النظر عن مكان العمل

[الدوحي7]

خذني معاك يالذيب يبتسمون ويبتسمون ماعلينا منهم المهم يعوطنا الموافقه شكلي بأخذ الثانيه :nice:

بوديك معي، بس مايصير تاخذ شاميه على قطريه يزعلون وماانقدر على زعلهم،، لكن تاخذ على الشاميه قطريه مب مشكله وهذا الى نفكر فيه خبرك خخخخخ،،بس خل اوراقك جاهزه هههههههه

[الأصيلة]

اي مالقينا خليجيه تناسبنا

عذر أقبح من ذنب
الخليجية تبغي من يستاهلها...

[لولو2022]

ممكن بعض الاحيان الموظفين يكشرون بسبب غط العمل لان تدرن الطلبات وااااااايد
بصراحه الله يوفقك وتطلع لك الموافقة يا الغالي لان عشت الوضع
١. الاختيار الاول و الاخير للرجل
٢. و صعبه تلقي البنت اللي في مواصفات زوجة المستقبل الا و تكون يا متزوجه او مخطوبه يعني انسي
٣. الاجنبيه او العربيه ممكن تكون احسن من بنت بلادك اللي ممكن تطين عيشتك
٤. لو كان فيه اللي تناسب ما كانوا الشباب تقدموا بهذي الطلبات
٥. اكثر حالات الطلاق اسالوا وبتعرفوا علي من .......


ماشاءالله تبارك الرحمن
انت واضح انك مش قطري
وبعدين يا بابا اسلوبك رخيص يدل على الغيرة والحسد
اولا : القطرية لايوجد مثلها .. فهي عز وشرف وفخريعتزبها القطري
يمشي وهو رافع راسه باصلها واخلاقها وجمالها ودينها وتربيتها
وكل واحدياخذ اجنبيه معروف انه مرفوض من جميع القطريات
ولكن الاخريات يعتز بهم القطري على ماذا؟؟
على سحب المصاري لها وللعيلة الي خارج قطر
ولا على اخلاقها وبعدين تطين العيشه عندكم واسال مجرب
تاخذ وتكوش وتقول مع السلامه

[منابر خالده]

عذر أقبح من ذنب
الخليجية تبغي من يستاهلها...

وين الذنب القبيح في الموضوع ؟
لاهو حرام ولا مكروه في الشرع

الخليجيه تبغي من يستاهلها...
مممممم عليها بالعافيه الخليجيه. والخليجي يبغي من تستاهله بعد
:deal:

[captin]

يقال والله اعلم
يوجد 400 طلب لزواج
قطريين من مغربيات
بخلاف الجنسيات
العربية والأجنبية الأخرى

[Stranger Man]

السلام عليكم
يعطون موافقة على البوسنه ؟
اذا يوفقون عطونا العنوان والاوراق المطلوبة الله لايهينكم

[بصمة قطرية]

يستاهلون الربع



شوف ياخوك مافي حد يرضي ياخذ على بنت يلاده واعتقد انهم مكشرين لهذا السبب

وهو نوع من انواع الضغط طبعا غير المماطله وانا اتفق معاهم ذي ذالك


علشان سلالتنه ماتختلط :)

لكن لو هم درسو ووبحثو في علاج ظاهره الزواج من الخارج كان احسن

لكن يالله كلوماشي

و هل هاي مبرر عشان يكشرون في ويوه العالم ..!!!
الابتسامة صدقة ..!!!

[قطرية فله]

ليش يكشرون المفروض اييسرون حق الشباب اللي منرفضين من بنات البلاد :)


لأنه المعروف ما يروح يدور و يبي من برا الا اللي سائلين عنه و رافضينه ومحد مقربه من أهل البلاد :shy:



و الله يوفق الجميييع

[شبح الصمت]

عندي نقطة بوضحها

وخلونا واقعيين وكلامي متأكد منه ومهب عشان اني احرض على الزواج من الخارج

كلن ياخذ من ثوبه

الحين البنات زعلانين وقايمين قومه على الشباب ليش !!! :omen2:

الحين عارفين انه في قبايل ما تعطي الا من اهلها او من قبايل قريبه منهم ..

وفي ناس ما تعطي إلا فلان ولد فلان

وفي ناس ما تعطي الا الي عنده فلوس

وفي ناس تعطي صاحب الخلق والدين

وفي وفي وفي يا كثرهم

يعني يالبنات الحين انتم زعلانين وكل وحده قامت تششك في وطنية الشباب والنغزات انهم وانهم وانهم ليش يبه .

يمكن تقدم ورفضوا يمكن الرجال فيه عيوب ماديه خلقيه جسديه !!

انا اعرف رجال مسكين على كرسي قطري واصل وفصل ورجال على الدين وسنافي بس مسكين صار عليه حادث وصار مقعد على الكرسي تقدم لاهل وبنات قطر محدن جاوبت راح يتزوج من برى !!

في ذمتكم في ذمتكم يالبنات الي تتكلمون بتصبرين على رجال وتقدرين تشلينه ما نقول ما تقدرون وما تسوون بس كل بنت تبي الرجال الي يشيلها مهب اهي تشيله إلا الي تبي الاجر ..


بتقولون عني بتذمون فيني

هذه كلمة الحق واقولها

الي يبي بنت ديرته لو وقفوا بنات الدنيا كلهم قدامه والا بيشوفهم بيختارها

والي رافضينه لا تلومونه ما ندري شنهي ظروف البشر وإلا شنهي امكانياتهم


وفي الاول والاخير القلب وما يهوى ودامه ماخذ مسلمه وتشهد بان لا اله الا الله وانا محمدا رسول الله .. ما اتوقع الرجال اجرم والا سوى شيء يدخل في المحضور

واسمحوا لي عالاطالة

[لولو2022]

صباح الخير يا الشبح
كلامك كله صح .. لقطري اذا له ضروف خاصه معذور انه يتزوج من برع
بس هل الي قبلت فيه علشان سواد عيونه , او لها اهداف خاصه
بس الصج هدفها حلال لانها تعتبر مجاهدة
لاكن الي يذم في لقطريه ويمدح الاجنبيه نقول له وقف عند حدك
وفي النهايه مدام الله محلل له عليه بالعافيه
والرجال مايعيبه شي

[بو الجوري]

الإبتسامـه مطلوبـه و الله يهديهـم ويبتسمون :)


وبخصوص إنكـم طلعتوا عن الموضوع :..

لحد يقول القطريه أحسن وإلا الأجنبيه أحسن
الزواج قسمه ونصيب :..

و السنـع والدين والأخلاق والتربيه الصحيحه مالهم جنسيه :..
:)

كل بلد فيها الشين وفيهـا الزين ، ومثل ماقلت الزواج قسمه ونصيب :..

في قطريات ينحطون عالجرح يبرى وفي العكس :..
وفي أجنبيات محترمات وبعد ينحطون عالجرح يبرى :..

لحـد يتطاول على الناس ويذم فالجنسيات الأخرى :)

طبعاً تقريباً ( حلاة الثوب رقعته منه وفيه )
لكـن في ناس لهـا ضروف ، فخلكـم في موضوع الإبتسامه أحسن :)


أختم كلامي بأن كل جنسيه فيها الزين وفيها الشين :..
القطريات على عيني وراسي ومنهم أمي وخواتي وخالاتي :)

الله يستر على بناتنا وبنات المسلمين

[العنيده]

اللي يضحكني في الموضوع ردود الشباب ههههههههههههههههههههههه الله يعطيكم على قد نيتكم بس هاذي احلى دعوه مني لكم ان شاء الله عاد كلن ونيته :)

[شبح الصمت]

صباح الخير يا الشبح
كلامك كله صح .. لقطري اذا له ضروف خاصه معذور انه يتزوج من برع
بس هل الي قبلت فيه علشان سواد عيونه , او لها اهداف خاصه
بس الصج هدفها حلال لانها تعتبر مجاهدة
لاكن الي يذم في لقطريه ويمدح الاجنبيه نقول له وقف عند حدك
وفي النهايه مدام الله محلل له عليه بالعافيه
والرجال مايعيبه شي




أختي محدن يذم في بنت ديرته
النقد موجود في ناس تنقد على هالشيء ان شافت شيء ان صادها موقف تنقد معروف

يعني بيبان البيوت مفتوحه

والدور والباقي على الاهل وبنتهم

:)

[العنيده]

معاج حق الحين مايناسبهم الشاب الملتزم الخلوق الطيب المؤدب مثلي
:whistling:



لانك مارحت حق وحده مؤدبه وخلوقه مثلك :victory:

[بورصواوي]

وين اقرى الردود محد دلاني مكانهم .....ابي اقدم اجرب اتزوج فلبينيه مسلمه مثقفه علشان تحسن وضعها كاسره خاطري

[اوف ليميت]

انزين سؤال

اذا الشخص متزوج 3 قطريات ووحده غير قطرية ..يعني اربع

هل يحق انه يطلق قطريه من بين ال 3 من غير سبب عشان ياخذ وحده يديده ؟

او هل ممكن الموافقه على زواجه بأكثر من 4 اذا كانت هالخامسه (غير مسلمه) ؟ .. غير المسلمه ماينطبق عليها الشرط الديني ال 4..صح؟

حد يعرف وجزاكم الله خير

:]

[العنيده]

الإبتسامـه مطلوبـه و الله يهديهـم ويبتسمون :)


وبخصوص إنكـم طلعتوا عن الموضوع :..

لحد يقول القطريه أحسن وإلا الأجنبيه أحسن
الزواج قسمه ونصيب :..

و السنـع والدين والأخلاق والتربيه الصحيحه مالهم جنسيه :..
:)

كل بلد فيها الشين وفيهـا الزين ، ومثل ماقلت الزواج قسمه ونصيب :..

في قطريات ينحطون عالجرح يبرى وفي العكس :..
وفي أجنبيات محترمات وبعد ينحطون عالجرح يبرى :..

لحـد يتطاول على الناس ويذم فالجنسيات الأخرى :)

طبعاً تقريباً ( حلاة الثوب رقعته منه وفيه )
لكـن في ناس لهـا ضروف ، فخلكـم في موضوع الإبتسامه أحسن :)


أختم كلامي بأن كل جنسيه فيها الزين وفيها الشين :..
القطريات على عيني وراسي ومنهم أمي وخواتي وخالاتي :)

الله يستر على بناتنا وبنات المسلمين

الله يجزيك خير ويكثر من امثالك يارب فعلا رد ينحط على الراس :victory:

[زمن الغربة]

وين الذنب القبيح في الموضوع ؟
لاهو حرام ولا مكروه في الشرع

الخليجيه تبغي من يستاهلها...
مممممم عليها بالعافيه الخليجيه. والخليجي يبغي من تستاهله بعد
:deal:


خشمك طال عمرك :nice:

[بصمة قطرية]

انزين سؤال

اذا الشخص متزوج 3 قطريات ووحده غير قطرية ..يعني اربع

هل يحق انه يطلق قطريه من بين ال 3 من غير سبب عشان ياخذ وحده يديده ؟

او هل ممكن الموافقه على زواجه بأكثر من 4 اذا كانت هالخامسه (غير مسلمه) ؟ .. غير المسلمه ماينطبق عليها الشرط الديني ال 4..صح؟

حد يعرف وجزاكم الله خير

:]

دينه يرفض زواجه من اكثر من اربع
( مثنى و ثلاث و رباع )
حتى لو غير مسلمة
هو مسلم ....!!!!!

[محمد_ قطر]

مادري ليش الموضوع ابتعد كل البعد ... صار هجوم البنات على الشباب ..والعكس صحيح ...
للاسف ابتعدنا عن الموضوع

اول شي اذا قطري بياخذ اجنبيه يكون هناك لجنه خاصه يتم فيها مناقشه الموضع وطبعا يسئلونك اسباب ليش تاخذ اجنبه وكلن له ضروفه الخاصة الي ماعنده ظروف ماعتقد يوافقون عليه ..
وثاني شي اذا اجنبي ياخذ قطريه مهما يكون الاجنبي مواليد قطر او وثيقه قطريه او عايش بقطر .. يكون هناك لجنه خاصه للبنت القطريه للتحري بالموضوع من جميع النواحي ..

للاسف انتوا خرجتوا من صلب الموضوع .. الموضع كلها انه موضوفين اللجنه الي يستلمون الطلبات معاملات للشخص كرهيه مافي اي احترافيه للتعامل لا ابتسامه ولا حياك تفضل تشوفهم ويشفونك انت بنفس تقط ويهك على اي شخص علشان تقدم او تسئل ماهي الاجراءات .. لين تخلص من الاجراءات المطلوبه التاخر في الاجتماع بالجنه وطبعا لين تسئل شسالفه محد يعطيك ويه ومته تكون اللجنه يقولون بنتصل فيك ومحد يتصل وتم الغرباله لين الله يفتح عليك او تشفلك واسطه

[بصمة قطرية]

ما أعتقد اللجنة بتوافق على أي طلب زواج ..!!!
في شروط و أمور يمشون عليها ..
اللي عنده ظروف خاصة
إعاقة أو أي شي ثاني ..
مثل ما قال اخوي شبح ..
إذا بنات البلد يرفضونه وين يروح ...!!!!

[ANONYMOUS]

انزين سؤال

اذا الشخص متزوج 3 قطريات ووحده غير قطرية ..يعني اربع

هل يحق انه يطلق قطريه من بين ال 3 من غير سبب عشان ياخذ وحده يديده ؟

او هل ممكن الموافقه على زواجه بأكثر من 4 اذا كانت هالخامسه (غير مسلمه) ؟ .. غير المسلمه ماينطبق عليها الشرط الديني ال 4..صح؟

حد يعرف وجزاكم الله خير

:]

انا فهمتكم

انت قصدك ملك اليمين

:eek2:

[قطرية فله]

انزين سؤال

اذا الشخص متزوج 3 قطريات ووحده غير قطرية ..يعني اربع

هل يحق انه يطلق قطريه من بين ال 3 من غير سبب عشان ياخذ وحده يديده ؟

او هل ممكن الموافقه على زواجه بأكثر من 4 اذا كانت هالخامسه (غير مسلمه) ؟ .. غير المسلمه ماينطبق عليها الشرط الديني ال 4..صح؟

حد يعرف وجزاكم الله خير

:]


:eek5:

أول شي انت من صجك تسأل ولا تبي تلطف جو الموضوع !!




نص الشرع واااضح الله يهديك ويرضى عليك

الله سبحانه و تعالى قاااال :

مثنى و ثلاث و ربااع

و لو هي مب مسلمه ترى انت مسلم :secret:

[قطرية فله]

انا فهمتكم

انت قصدك ملك اليمين

:eek2:

:nice: خخخخخخ

[bu 3li]

عندي نقطة بوضحها

وخلونا واقعيين وكلامي متأكد منه ومهب عشان اني احرض على الزواج من الخارج

كلن ياخذ من ثوبه

الحين البنات زعلانين وقايمين قومه على الشباب ليش !!! :omen2:

الحين عارفين انه في قبايل ما تعطي الا من اهلها او من قبايل قريبه منهم ..

وفي ناس ما تعطي إلا فلان ولد فلان

وفي ناس ما تعطي الا الي عنده فلوس

وفي ناس تعطي صاحب الخلق والدين

وفي وفي وفي يا كثرهم

يعني يالبنات الحين انتم زعلانين وكل وحده قامت تششك في وطنية الشباب والنغزات انهم وانهم وانهم ليش يبه .

يمكن تقدم ورفضوا يمكن الرجال فيه عيوب ماديه خلقيه جسديه !!

انا اعرف رجال مسكين على كرسي قطري واصل وفصل ورجال على الدين وسنافي بس مسكين صار عليه حادث وصار مقعد على الكرسي تقدم لاهل وبنات قطر محدن جاوبت راح يتزوج من برى !!

في ذمتكم في ذمتكم يالبنات الي تتكلمون بتصبرين على رجال وتقدرين تشلينه ما نقول ما تقدرون وما تسوون بس كل بنت تبي الرجال الي يشيلها مهب اهي تشيله إلا الي تبي الاجر ..


بتقولون عني بتذمون فيني

هذه كلمة الحق واقولها

الي يبي بنت ديرته لو وقفوا بنات الدنيا كلهم قدامه والا بيشوفهم بيختارها

والي رافضينه لا تلومونه ما ندري شنهي ظروف البشر وإلا شنهي امكانياتهم


وفي الاول والاخير القلب وما يهوى ودامه ماخذ مسلمه وتشهد بان لا اله الا الله وانا محمدا رسول الله .. ما اتوقع الرجال اجرم والا سوى شيء يدخل في المحضور

واسمحوا لي عالاطالة


كفيت ووفيت طال عمرك


ملاحظه لـ الجماعه اللي قايمين على العالم ..

ترى لاتنسون ان اهل الوثايق القطريه يمرون على اللجنه سواء شباب من حملة الوثايق او قطريين يبون ياخذون بنات من حملة الوثايق

يعني مب كل من دخل هناك قطري ولا كل قطري دخل هناك يبي حد من جنسيه عربيه

[بيتي بوب 23]

يالغالي شتبي في ابتسامتهم خلص شغلك وماعليك منهم الحين اذا جفت واحد وابتسمت له بقول اشفيه هاي

:nice:

على فكره ما يبتسم لك الا الاماكن الي تدفع لها فلووس مثل فنادق مطاعم وغيره

[hot2000]

اي والله وايد وزادوا ويزيدون

[روح الاطلس]

الريال يتكلم عن الابتسامة وانتو طفحت العنصريه عندكم!!!! اشعرفكم بظروف اللي يقدمون باللجنه؟؟؟ حطيتوهم مرفوضين وفيهم عيوب! الله واكبر يالكاملات! بعضهم يبي مقيمات بالبلد عجبته ويبيها مب شرط يكون فيه عيب عشان يتقدم للجنه! وبعضهم متعقد جرب من بنات بلاده لين اكل على راسه قال بجرب غيرهم كلن حر باختياره دام ماتعدا عليكم ولا اذاكم بشي،، لين الحين اتذكر القطري اللي قلبه عشق له فلبينيه وعمره صك 45 سنه وهو يحاول باللجنه عورني قلبي والله خلوه يتزوج اللي يحبها ليش مانعينه وهو مايبي يتزوج غير اللي حبها.. ابتسموا وعيشوا حياتكم ولا تتعدون حريات غيركم دام ماتعدوا حرياتكم :)

[محمد_ قطر]

ياخذ قطريه او جنسيه ثانيه لكن نبي نوصل معلومه لاصحاب الاختصاص ... في لجنه الزواج ياريت يكون هناك تطوير يشمل فيها كل شي القوانيين الموضوعه التي اكله عليها الدهر ..
وايضا الموضفين للاسف اسلوب تعاملهم اسخف مما يكون...
والامور هناك ماتخلص الا بواسطات ... شنو ذنب المسكين الي ماعنده واسطه ..
ولا حتى مكانهم غلط ؟؟؟

[لولو2022]

باين عليج اقطريه اصل وفصل :nice:



تبيني اقولك اسمي واسم عيلتي واسم امي بعد
اسويها والله لاني وايد افتخر بأصلي

[لولو2022]

تسلم ع الرد يا الذيب
خشمك طال عمرك :nice:


اتصدق انك مسكين وتكسر الخاطر
صج الي ماعندة ثقه بنفسه يفكر كل الناس مثله

[خليفـة]

انا ما تهمني ابتسامة الموظف من عدمها طالما ان شغلي ماشي على أكمل وجه
صحيح ان الابتسامة من الموظف لها تأثير طيب على نفس المراجع
ولكن هذا الموظف في النهاية انسان .. بشر
الله وحده العالم شنو الي بقلبه .. وشنهي ظروفة !
المهم عندي يخلص مصلحتي ويخلص لي اموري
:)

خليفــة

[darkmoon]

ارجوك نصيحه .. تحمل تفكر تزوج قطريه
لانها مراح تطلب الطلاق .. راح تنتحر


و هذا التفكير اللي بسبته زادت نسبة الطلاق

[مزايين]

هذي للأسف مشكلة شبابنا يدورون أي سبب أو باب لإنتقاد القطريات وليش ؟ ماندري
لاحظوا .. هل موضوع بدل ماتقولون بناتنا لهم المعزة والكرامة والقطرية حق القطري وهذا المفروض مثل ماعرفنا وتعودنا وهذا سلكنا وسلك جدودنا جايين تشجعون الزواج من الأجانب
عمره الزواج من الأجنبية مايسعد لاالزوج والعيال وبيحملونك عيالك لي كبروا مسؤولية من خوالهم لي صاروا يقارنونهم مع خوال باقي عيال العايلة وهذا مهم عندنا ولا تكابرون وتقولون هذا مب مهم
إختيار الزوجة وإختيار أهل الزوجة بعد مهم
يعني السالفة مب لعبة مثل ماإنتو قاعدين تغشمرون بها ولا بسيطة أروح برع وأختار زوجة وتكون أم لعيالي وأجيبها
إحنا نجي بنزوج عيالنا هنا في البلاد يدور راسنا ولين انخطبوا بناتنا يدور راسنا بعد يعني الواحد لازم يتأكد من كل شي

[الخيالة]

هذي للأسف مشكلة شبابنا يدورون أي سبب أو باب لإنتقاد القطريات وليش ؟ ماندري
لاحظوا .. هل موضوع بدل ماتقولون بناتنا لهم المعزة والكرامة والقطرية حق القطري وهذا المفروض مثل ماعرفنا وتعودنا وهذا سلكنا وسلك جدودنا جايين تشجعون الزواج من الأجانب
عمره الزواج من الأجنبية مايسعد لاالزوج والعيال وبيحملونك عيالك لي كبروا مسؤولية من خوالهم لي صاروا يقارنونهم مع خوال باقي عيال العايلة وهذا مهم عندنا ولا تكابرون وتقولون هذا مب مهم
إختيار الزوجة وإختيار أهل الزوجة بعد مهم
يعني السالفة مب لعبة مثل ماإنتو قاعدين تغشمرون بها ولا بسيطة أروح برع وأختار زوجة وتكون أم لعيالي وأجيبها
إحنا نجي بنزوج عيالنا هنا في البلاد يدور راسنا ولين انخطبوا بناتنا يدور راسنا بعد يعني الواحد لازم يتأكد من كل شي




مب معناته كل اللي يقدمون في اللجنة يعني ماخذين وحده من بره يمكن مختارين وحده من مواليد الدوحه اللي تربوا في هالبلد ويعتبرون من عيال البلد ويا ما ناس أعرفهم ماخذين من مواليد الدوحه والحمدالله عايشين
الزواج مب غصب كل واحد حر يختار شريكة حياته

[chillis]

هذي للأسف مشكلة شبابنا يدورون أي سبب أو باب لإنتقاد القطريات وليش ؟ ماندري
لاحظوا .. هل موضوع بدل ماتقولون بناتنا لهم المعزة والكرامة والقطرية حق القطري وهذا المفروض مثل ماعرفنا وتعودنا وهذا سلكنا وسلك جدودنا جايين تشجعون الزواج من الأجانب
عمره الزواج من الأجنبية مايسعد لاالزوج والعيال وبيحملونك عيالك لي كبروا مسؤولية من خوالهم لي صاروا يقارنونهم مع خوال باقي عيال العايلة وهذا مهم عندنا ولا تكابرون وتقولون هذا مب مهم
إختيار الزوجة وإختيار أهل الزوجة بعد مهم
يعني السالفة مب لعبة مثل ماإنتو قاعدين تغشمرون بها ولا بسيطة أروح برع وأختار زوجة وتكون أم لعيالي وأجيبها
إحنا نجي بنزوج عيالنا هنا في البلاد يدور راسنا ولين انخطبوا بناتنا يدور راسنا بعد يعني الواحد لازم يتأكد من كل شي

كفيت ووفيت :nice::victory:

[النهار]

هلا مدحوب
شفت الي يصلح اخطائي لازم اكتب ( اقطري) مايصير قطري
واحد مش مركز ولايعرف يدقق الظاهر ماسافر في العطله تعبانه نفسيته الحمدلله
وشكرا مدحوب يعطيك الف عافيه



اذا بتكتبين بالعاميه عليج نطق الكمله مثل ماتقال بس مصاري ماقد سمعنا فيها
شيبانا لين الحين يقولون روبيه والعيايز يقولون بيزات
يأتج تكبين بالعاميه اوتكتبين بالعربيه الفصحى لان اي خطاء يشوه المعنى في العاميه وينكشف صاحبه من الحرقه :nice:


الحمدلله سافرت وستانست

[الدوحي7]

اذا بتكتبين بالعاميه عليج نطق الكمله مثل ماتقال بس مصاري ماقد سمعنا فيها
شيبانا لين الحين يقولون روبيه والعيايز يقولون بيزات
يأتج تكبين بالعاميه اوتكتبين بالعربيه الفصحى لان اي خطاء يشوه المعنى في العاميه وينكشف صاحبه من الحرقه :nice:


الحمدلله سافرت وستانست

خخخخخخخخ،، متسبب يالنهار هههههههههه،،وين سافرت ورجعت ههههههه

[chillis]

اذا بتكتبين بالعاميه عليج نطق الكمله مثل ماتقال بس مصاري ماقد سمعنا فيها
شيبانا لين الحين يقولون روبيه والعيايز يقولون بيزات
يأتج تكبين بالعاميه اوتكتبين بالعربيه الفصحى لان اي خطاء يشوه المعنى في العاميه وينكشف صاحبه من الحرقه :nice:


الحمدلله سافرت وستانست

البنت يمكن قصدت المداعبه والغشمره بكلمه مصاري احنا مرات نقط كلمه بالنص من باب الغشمره :secret:

[النهار]

خخخخخخخخ،، متسبب يالنهار هههههههههه،،وين سافرت ورجعت ههههههه


:nice: قريب بدو وانا اخوك

[محمد_ قطر]

ياليت نبتعد من المشاجرات التي مامنها فايد...

خلونا نتكلم بالمهم

نبي نحل مشكله التعقيدات التي صارت في لجنه الزواج وتاخير في المعاملات والتخليص في امور الزواج ... للاسف الشخص يتم بالشهور لين تطلع الموافقه ... ليش كل هذا نبي تقيم سريع يا بالموافقه ام لاء ليش الواحد يتم على نار بين شهر شهرين توصل الي 3 شهور او سنه ...
ليش الواحد يدور على الف واسطه حتى يوصل الي مبتغاه هاي زواج لازم يراعون الناس .. عمليه التاخير والمباطله ينقص من حقوق الشخص ...ويسبب ارباك نفسي ومعنوي للزوجين ويكون في دوامه لجنه الزواج ... عمليه الضغط والتنقيع التي يمارسونها في لجنه الزواج مراح تنفع في اصرار البنت اوالولد في الزواج ..

في النهايه محد رايح ياخذ الا نصيبه

[بصمة قطرية]

أخوي محمد ،،
طول بالك مع ( بعض الأعضاء )
كأنهم داخلين حرب الله يهديهم ،،
يا عالم موضوووووووع
ابدي رايك و قول اللي عندك و خلاص ..
ليش تغيرون مسار الموضوع ...!!!!!

لجنة الزواج
اللي أعرفه إن الطلبات عندهم تطول واااايد
ممكن تاخذ سنه سنتين أو أكثر ...!!!
ليش هالفترة الطويلة ...!!!؟؟

[محمد_ قطر]

أخوي محمد ،،
طول بالك مع ( بعض الأعضاء )
كأنهم داخلين حرب الله يهديهم ،،
يا عالم موضوووووووع
ابدي رايك و قول اللي عندك و خلاص ..
ليش تغيرون مسار الموضوع ...!!!!!

لجنة الزواج
اللي أعرفه إن الطلبات عندهم تطول واااايد
ممكن تاخذ سنه سنتين أو أكثر ...!!!
ليش هالفترة الطويلة ...!!!؟؟

هههههههههه بالي طويل ... بس نبي نوصل لحل او علقل صوتنا يسمع للمسوولين

لجنه الزواج .. والموضوع يطول ... ليش الموضوع يطول ...

لازم يكون هناك سلاسه بالمواضيع لازم يكون لنا وقفه لين مته نكون تحت رحمه اللجنه ...
المفروض تكون للجنه اكبر شفافيه بين الناس ليش التنقيع وحرقه الاعصاب والانتظار بالشهور ليش داشين على حرب مثلا ..

وهذا الشي ينقص من حقوق الناس :anger1:

واتمنى من لجنه حقوق الانسان التتدخل ..:eek5:

[bos3eed]

ليش يكشرون المفروض اييسرون حق الشباب اللي منرفضين من بنات البلاد :)


لأنه المعروف ما يروح يدور و يبي من برا الا اللي سائلين عنه و رافضينه ومحد مقربه من أهل البلاد :shy:



و الله يوفق الجميييع

والله الحين من غير ما يسالون عنه, بس من اسم القبيله ينرد حتى لو كان ذو اخلاق ودين وماقاصره شي من امور الدنيا

[قطري 777]

الله المستعان ..........

[الخيالة]

ياليت نبتعد من المشاجرات التي مامنها فايد...

خلونا نتكلم بالمهم

نبي نحل مشكله التعقيدات التي صارت في لجنه الزواج وتاخير في المعاملات والتخليص في امور الزواج ... للاسف الشخص يتم بالشهور لين تطلع الموافقه ... ليش كل هذا نبي تقيم سريع يا بالموافقه ام لاء ليش الواحد يتم على نار بين شهر شهرين توصل الي 3 شهور او سنه ...
ليش الواحد يدور على الف واسطه حتى يوصل الي مبتغاه هاي زواج لازم يراعون الناس .. عمليه التاخير والمباطله ينقص من حقوق الشخص ...ويسبب ارباك نفسي ومعنوي للزوجين ويكون في دوامه لجنه الزواج ... عمليه الضغط والتنقيع التي يمارسونها في لجنه الزواج مراح تنفع في اصرار البنت اوالولد في الزواج ..

في النهايه محد رايح ياخذ الا نصيبه




صح كلامك وهالشي راح يكون في ذمتهم لان ناوين يتزوجون علي سنة الله ورسوله مامسوين شي غلط عشان ينقعونهم سنين حرام يضيع عمرهم عشان ورقة وتوقيع بدال ما ينقعون هالمساكين اللي ناوين يتزوجون علي سنة الله ورسوله خل يروحون يمسكون الناس اللي طايحين في الحرام .....

الله يكون في عون الجميع

[حسن]

الله كريم

[منابر خالده]

ارجو من الاداره حذف الموضوع وذلك لوجود مداخلات غير لائقة

اخوي الكريم
ماشفت مداخلات غير لائقة في الموضوع واعتقد شبابنا صبورين ويتقبلون النقد حتى لو كان جارح
:victory: حق الشباب

[محمد_ قطر]

للاسف الموضع طلع من مفهومه ..

نبي نوصل صوتنا لاداره لجنه الزواج او المسوولين .. علقل يحسون بدمهم شوي ... وكفايه مهزله في لجنه الزواج ويراعون الناس

[vipqtr]

هلا اخوي محمد_قطر
تدري عندي وصل مراجعة حق احد من الاخوان من 2008 ولاجاه اي رد .. وكلمني على معاناته وعن الواسطه ومافي اي نوع من الابتسامه .. مع ذلك طلبه مستوفي الشروط ..ومتزوج اقطرية من زمان وحاب ياخذ الثانية ..لاحول ولاقوة الا بالله..

[بوعبدالرحمن5]

اشكره مطرشينك تكمل المسرحيه الي تفشلو
الكلام مكتوب من سبوع توك ترد
عيب والله عيب ..انا عمري ماصادفت هذه النوعيه في حياتي
المشكله انك تهين نفسك .. الكل عرف انك بدون اصل وزعلان من الي يفتخر بأصله
بس ماشره عليك اشره على الاداره الي ماتوقف هالاشكال عند حدها
والله احس نزل مستواي في هالموضوع

الله يعين اللي بتكونين من نصيبه !!

[THE PILOT]

شوي شوي شباب

[bo_hamad]

ازهقوا من كثرة تقديم طلبات الزواج من الاجانب ،،، بس الابتسامة لناس وناس افهموها

[محمد_ قطر]

هلا اخوي محمد_قطر
تدري عندي وصل مراجعة حق احد من الاخوان من 2008 ولاجاه اي رد .. وكلمني على معاناته وعن الواسطه ومافي اي نوع من الابتسامه .. مع ذلك طلبه مستوفي الشروط ..ومتزوج اقطرية من زمان وحاب ياخذ الثانية ..لاحول ولاقوة الا بالله..

الله يعينه احنا نناقش الموضوع لعله وعسى انه المسوولين يعدلون من القوانين ... والتنقع في امور الزواج ..

خله يشوفله اقرب واسطه والله يوفقه

[بوحمد111]

صبحكم الله بالخير

وش سالفة الموضوع كل شوي يبتعد عن محتواه الرئيسي وهو تكشر الشباب في وجوه المراجعين ومن وجهة نظري انا اقول وأجزم ان هذا الكلام غلط غلط غلط وانا من تقدم بطلب لشخص قريب مني للزواج من اجنبيه وبكل امانه اقولها ان الموظفين محترمين ومبتسمين ومتعاونين وتم تسهيل طلبي والانتهاء منه في اقل من شهر وانا مستغرب من اللي يقول الطلبات تتأخر وأكيد فيها اشياء ناقصه او فيها اشياء تعجيزيه لطلب الزواج من الاجانب ويا اخواني واخواتي انتو ابتسمو في دخولكم على الموظفين وصدقوني هم بينحرجون وبيتسمون لكم ولو مجاملة ولكن كونو انتم من يبادر بالابتسامه وكل اموركم راح تتسهل وبدون تعقيدات وأخيرا اقول

الزواج قسمة ونصيب والله يعين كل شخص يفكر بالزواج ويرزقه الزوجه الصالحه والذريه الصالحه

اخوكم بوحمد111

[عالم المحيطات]

السلام عليكم ورحمة الله وبركاته ...

اولا اخوي بخصوص موضوعك .. من المفروض يكون الموظف عنده حسن اسلوب وفن التعامل مع الجمهور لاني ماطر من عنده ودامه في وظيفته من المفروض يقدم لي خدمة جيدة بما انه يمثل مؤسسته ويستلم راتبه منها ... من حقك تشتكي وتطالب من المسؤول تعامل افضل..

وعندي مداخلة بسيط وعريضة طويلة...

بخصوص البنات وبشكل عام اقول وعليها خط احمر الشاب القطري المسكين لو تقدم حق بنت من بلاده اقل شي بيصرف 500 الف ريال ووكلها فتره وتكون الحرب بينهم في المحاكم وكلامي اذا مش منطقي يقدر اي شخص بنفسه يشوف الزحمة في المحاكم وفي الاستشارات العائلية.. الموضوع بختصار صعب تلقى بنت ترضى بالواقع ترا كل الشباب مش سوا يمكن يجي الوسيم او الفقير او الي وضعه صعب انا اشوف البنات مايقتنعون بهالشي ويعنسون بسبب شروطهم .. سؤوال يابنات قطر ماسألون نفسكم ليش الشباب يتزوجون من الخليج او الدول الغربية وماعمرهم اشتكوا والبنت تاركه اهلها ومتغربة في بلاد ثانية وصاينة زوجها .. بس انتو مشكلتكم تحبون الفشخره والزبو على الفاضي ماشوف بنت تقول باشتغل وبساعد زوجي تبي تروح تكشخ وتفلس وبعدها تضغط على زوجها لين ماينفجر اتمنى احصل بنت اقولها شاريج املج عليج واسوي عشا وخلاص لانه ظروفي ماتسمح هذا شي صعب ومن الخيال .. دام بنت بلادي ماتقدرني ولا شايله همي ليش افكر فيها اصلا واتزوج من الغريبة افضل واستر لي لانه الزواج راحة واستقرار ومش هم ونكد طول الحياة ...

في بنات وايد يزعلون من الكلام ويقولون انه في بنات يبون الستر وانا اقول هذا الكلام كله كذب في كذب لانه وقت الصدق تطلع افكار في راس البنت لو ودها بتسوي العرس في المريخ .. ورفيجاتها والمقربين منها بيقولون لها هاذي الجمله الي دمرت ازاوج ووصلتهم محاكم ... اذا هو شاريج بيسوي كذا وكذا ..

في النهاية لو في جمال يستاهل او تقدير ومساعدة الزوج واستقرار .. كان بنقول يمكن لكن للاسف .. يوصلون سن اليأس ويجون يفكرون يتزوجون من اجانب ,,

انتهيت ..

[النهار]

السلام عليكم ورحمة الله وبركاته ...

اولا اخوي بخصوص موضوعك .. من المفروض يكون الموظف عنده حسن اسلوب وفن التعامل مع الجمهور لاني ماطر من عنده ودامه في وظيفته من المفروض يقدم لي خدمة جيدة بما انه يمثل مؤسسته ويستلم راتبه منها ... من حقك تشتكي وتطالب من المسؤول تعامل افضل..

وعندي مداخلة بسيط وعريضة طويلة...

بخصوص البنات وبشكل عام اقول وعليها خط احمر الشاب القطري المسكين لو تقدم حق بنت من بلاده اقل شي بيصرف 500 الف ريال ووكلها فتره وتكون الحرب بينهم في المحاكم وكلامي اذا مش منطقي يقدر اي شخص بنفسه يشوف الزحمة في المحاكم وفي الاستشارات العائلية.. الموضوع بختصار صعب تلقى بنت ترضى بالواقع ترا كل الشباب مش سوا يمكن يجي الوسيم او الفقير او الي وضعه صعب انا اشوف البنات مايقتنعون بهالشي ويعنسون بسبب شروطهم .. سؤوال يابنات قطر ماسألون نفسكم ليش الشباب يتزوجون من الخليج او الدول الغربية وماعمرهم اشتكوا والبنت تاركه اهلها ومتغربة في بلاد ثانية وصاينة زوجها .. بس انتو مشكلتكم تحبون الفشخره والزبو على الفاضي ماشوف بنت تقول باشتغل وبساعد زوجي تبي تروح تكشخ وتفلس وبعدها تضغط على زوجها لين ماينفجر اتمنى احصل بنت اقولها شاريج املج عليج واسوي عشا وخلاص لانه ظروفي ماتسمح هذا شي صعب ومن الخيال .. دام بنت بلادي ماتقدرني ولا شايله همي ليش افكر فيها اصلا واتزوج من الغريبة افضل واستر لي لانه الزواج راحة واستقرار ومش هم ونكد طول الحياة ...

في بنات وايد يزعلون من الكلام ويقولون انه في بنات يبون الستر وانا اقول هذا الكلام كله كذب في كذب لانه وقت الصدق تطلع افكار في راس البنت لو ودها بتسوي العرس في المريخ .. ورفيجاتها والمقربين منها بيقولون لها هاذي الجمله الي دمرت ازاوج ووصلتهم محاكم ... اذا هو شاريج بيسوي كذا وكذا ..

في النهاية لو في جمال يستاهل او تقدير ومساعدة الزوج واستقرار .. كان بنقول يمكن لكن للاسف .. يوصلون سن اليأس ويجون يفكرون يتزوجون من اجانب ,,

انتهيت ..



:victory::victory::victory:
وفيت وكفيت