صيانة تويوتا للكروزر ملاحظة

[khk]

السلام عليكم ورحمة الله وبركاته

مع تطور الخدمة بشكل بسيط في خدمة صيانة تويوتا ع الفترة السابقة

لاحظت أمر غريب وهو أن لي صديق عنده vxr 2009 لما راح شركة تويوتا للصيانة العادية شيكوا على السيارة وكلموه بأن عمود الشفت فيه مشكلة وبنصلحه على الضمان

وبعدها بشهر تقريبا جاء موعد سيارتي للصيانة وهي من نفس موديل سيارة زميلي اتصلوا علي وقالوا لي نفس الكلام بأن عمود الشفت فيه مشكلة وبنصله على الضمان

هنا طرأت علي عدة تساؤلات

- هل صادف أحد آخر عنده سيارة من نفس النوع تغيير عمد الشفت مجانا ؟؟
- هل هناك خلل في موديل هذه السيارة ؟؟
- هل كانت صيانة تويوتا تغيير شي مجانا سابقا ؟؟
- هل الأمر له علاقة بالعيوب التصنيعية في الفترة الأخيرة المنتشرة في العالم ؟؟
- هل الحوادث التي تحدث في سيارات اللاندكروزر والتي راح ضحيتها العديد من الشباب له علاقة بالعيوب التصنيعية (قد يكون سبب ولكن الأعمار بيد الله)

أم هي مجرد وساوس ليس لها أي داعي وأن أبالغ في الموضوع

الموضوع مطروح للنقاش

[Nasser2006]

يالطيب أنا صلحوا موتري vxr 2009 عمود الشفت مجانا من وكالة عبدالغني بس خذاو علي شغل اليد لا و الوتر بمب مال الراديتر كان يسرب ماي وغيروه لي مجانا بس خذوا علي شغل اليد كله علي الضمان ! اما باقي الاسألة ما أدري !

[@ بوفيصل@]

عندي ٢٠١٠ وفيه نفس العيب
وبدلو عمود الشفت على الضمان

[عزووز قطر]

عندي 2011 وبدلوه مجاناً يوم كان ماشي 5 آلاف تقريبا

وتبديل الشفت علشان الطقة اللي تكون في القير

وكان عندي جي اكس 2006 ومن شريته لين مابعته وفيه الطقة وماغيرت العمود والحمدالله الامور كانت طيبة

[بوخالد911]

يا حبذا فروع الصيانة لو تفتح 24 ساعة
بيكون افضل

كما هو الحال بالسعودية

[BoFahed]

لو صج هالكلام نتمنى من الداخلية اعادة فتح تحقيق عن كل الحوادث المميتة اللي صارت في نفس هذا الموديل والطراز

[heavy duty q]

عندي لكزس ٢٠٠٩ وفيه طقه بالشفت وكل ٨ آلاف أغير ايل واسوي له قريس بالتيسير وتروح الطقه


وينكم يا حمايه المستهلك

[اوف ليميت]

نعم
في عيوب بس مايقولون..هم يتابعون مع التويوتا وياخذون ال ابديتس اول باول
وقبل لاتصير سالفه..يقولون لك يبيله تصليح وبنعدله عالضمان

السبب: 1- بيغطون على العيب بسرعه
2- يستفيدون ياخذون عليك شغل يد بدال ماتصير فضيحه وقتها وتطلع العيوب وعقبها يبدلون لك كل شي بلاش + شغل يد بلاش..بس الحين مستفيدين ياخذون شغل اليد بغير حق

:]

[N7eEeS]

دام الموضوع تأكد من أكثر من شخص يجب فتح تحقيق :)
الوووو حماية التاجر شخباركم :)

[العميد الركن]

يقولون تيوتا مافي خربات ومستحيل يخترب افاا

على اسعاره الغير مستحقه المفروض يطورون من دور الصيانه عندهم

[عزووز قطر]

يا حبذا فروع الصيانة لو تفتح 24 ساعة
بيكون افضل

كما هو الحال بالسعودية

فرع اللاند مارك فاتح 24 ساعة
بس استقبال العملاء من الصباح وحتى 12 من منتصف الليل

[Marriott]

أنا نفس شي ، Luxes LX 2009
بدلوا لي عمود الشفت في فحص 30000 الف
والشفت اللي ركبوه ( معدل ) Modified

بالفعل يجب فتح تحقيق عملي ومن جهة محايدة.

[Scout Sniper]

افاااااا
واللي موتره خارج الضمان ؟ وضارب عنده عمود الشفت ؟

[alsoq]

اكثر الحوادث تويوتا بكل انواعها لان السلامه معدومه فيها
وانتوا من خليتو وكيل التويوتا يتفرعن في اسعار السيارات لو سويتو مثل دوله مجاوره لا صار في سياره عيب كتب عليها العيب وقفها برا الوكله وانكم على يد وحده ما صار تلاعب في الاسعار

[سكتون]

اخوي
الموديلات من 2008 الين 2010 بعد مايمشي الموتر 15000 تقريبا اتجي طقه في الجير
طبعا ال8 سلندر بس
وهذي الطقه من عمود الشفت بدلوها لي بلاش وموتري 2010 واخوي اشترى 2009 وفيه طقه في الجير
كلم الشركه قالوا له راعيه القديم مابدل تعال بدل بلاش
وراح وبدل الشفت
كان فيه عيب مصنعي في هذي الموديلات

[CH Engineer]

خذت اكثر من فكسار ونفس المشكله

الموتر فيه حنه قويه و مب طبيعي في الحر
الحنه تخليه باليله يمشي توديه الشركه مايعلمونك بالضبط شفيه يخربط عليك ويصلحونه من تحت لتحت..
والي يقصون عليه يخلونه يدفع ثمن التصليح وفوق هذا المشكله ترجع
يقولون البلاكات تحترق ومرات وايرات تنفصل ومرات عمود الشفت!!

[fhd4]

Vxr 2009
وتم تغيير عمود الشفت

[وحيد-الشوق]

هالسيارة بكبرها فاشله وماتسوى وللأسف اهل قطر كلهم مربحين شركة تويوتا الي ماتسوى بيزه بمواترهم الكجره

كل الحوادث الي تصير في قطر والناس تموت لازم الموتر يكون كروزر لاسيفتي ولابريك نفس السيارات موتر ب٣٠٠ الف والبريك تعبان !!!!

[PIX]

عندي gxr - 8v - م2012

في الليل لما الموتر يظرب اي شيء او تنزل عن الشارع

الليتات الزينون تهتز وتتحرك وكنها بتطيح او كنها مب مثبته

هل هذه المشكله نفسها مع اي احد من شباب المنتدى


http://im30.gulfup.com/2012-03-29/1333043724614.png


طبعا انا اقصد الليت الي في هذه الصوره باللون الاسود هو اللي يهتز مع اي مطب او اهتزاز للموتر

[الريـــاني 1]

اذكر قبل فترة هم منزلين ان في موديلات فيها عيوب تصنيع في عمود الشفت وان التغيير كامل علي الضمان

[lonely-wolf]

اخوي عنده اف جي 2011 ونفس المشكلة

[حسن الاحمد]

صارلي فترة ادور عن حل لمشكلة في سيارتي والحين ارتحت لما قريت موضوعك وشفت تجارب الاخوان
http://www.qatarshares.com/vb/showthread.php?t=523184

شكراً لك

[khk]

أشكر الجميع على المشاركة

والملاحظ بأن أغلب الموديلات من هذه النوعية من السيارات تم تبديل عمود الشفت لديها ومجانا

وهذا الأمر يدل على أنه هناك عيوب في التصنيع لم تعلن عنها الشركة ومنها عمود الشفت

منا الى حماية المستهلك

[Scout Sniper]

أشكر الجميع على المشاركة

والملاحظ بأن أغلب الموديلات من هذه النوعية من السيارات تم تبديل عمود الشفت لديها ومجانا

وهذا الأمر يدل على أنه هناك عيوب في التصنيع لم تعلن عنها الشركة ومنها عمود الشفت

منا الى حماية المستهلك

حتى المنتهي ضمانه ؟

[عازف]

عندي 2011 وبدلوه مجاناً يوم كان ماشي 5 آلاف تقريبا

وتبديل الشفت علشان الطقة اللي تكون في القير

وكان عندي جي اكس 2006 ومن شريته لين مابعته وفيه الطقة وماغيرت العمود والحمدالله الامور كانت طيبة

اشلون الطقة وعلى اي سرعة

[عازف]

السلام عليكم ورحمة الله وبركاته

مع تطور الخدمة بشكل بسيط في خدمة صيانة تويوتا ع الفترة السابقة

لاحظت أمر غريب وهو أن لي صديق عنده vxr 2009 لما راح شركة تويوتا للصيانة العادية شيكوا على السيارة وكلموه بأن عمود الشفت فيه مشكلة وبنصلحه على الضمان

وبعدها بشهر تقريبا جاء موعد سيارتي للصيانة وهي من نفس موديل سيارة زميلي اتصلوا علي وقالوا لي نفس الكلام بأن عمود الشفت فيه مشكلة وبنصله على الضمان

هنا طرأت علي عدة تساؤلات

- هل صادف أحد آخر عنده سيارة من نفس النوع تغيير عمد الشفت مجانا ؟؟
- هل هناك خلل في موديل هذه السيارة ؟؟
- هل كانت صيانة تويوتا تغيير شي مجانا سابقا ؟؟
- هل الأمر له علاقة بالعيوب التصنيعية في الفترة الأخيرة المنتشرة في العالم ؟؟
- هل الحوادث التي تحدث في سيارات اللاندكروزر والتي راح ضحيتها العديد من الشباب له علاقة بالعيوب التصنيعية (قد يكون سبب ولكن الأعمار بيد الله)

أم هي مجرد وساوس ليس لها أي داعي وأن أبالغ في الموضوع

الموضوع مطروح للنقاش

هل العيب في جميع الموديلات وله 8سلندر بس والطقة اشلون وباي سرعية أفيدوني ولكم جزيل الشكر

[h9466]

طيب ياجماعة الخير رحم الله والديكم هل ال 6 سلندر فيه نفس المشكلة?وهل الشركة بتصلحه حتى لو الضمان منتهي?
وجزاكم الله.

[khk]

هلا أخوي عازف

بخصوص العيب أنه في جميع الموديلات اعتقد تكلموا الاعضا عنها في الموضوع
والصوت كانت عبارة عن طقة عند الرجوع للخلف أو النزول من على رفعة أو منحنى

[عازف]

هلا أخوي عازف

بخصوص العيب أنه في جميع الموديلات اعتقد تكلموا الاعضا عنها في الموضوع
والصوت كانت عبارة عن طقة عند الرجوع للخلف أو النزول من على رفعة أو منحنى

انزين بخصوص جي اكس آر 2012 6 سلندر وصوت الطقة اشلون

[عازف]

عندي gxr - 8v - م2012

في الليل لما الموتر يظرب اي شيء او تنزل عن الشارع

الليتات الزينون تهتز وتتحرك وكنها بتطيح او كنها مب مثبته

هل هذه المشكله نفسها مع اي احد من شباب المنتدى


http://im30.gulfup.com/2012-03-29/1333043724614.png


طبعا انا اقصد الليت الي في هذه الصوره باللون الاسود هو اللي يهتز مع اي مطب او اهتزاز للموتر


عندي جي اكس آر 2012 نفس الليتات مافي اي اهتزاز ودشيت في البر هم عادي

[ita(10)lia]

حتى انا
لكزس ٢٠٠٩ مجانا وعلى الضمان

[مثير للجدل]

عندي gxr - 8v - م2012

في الليل لما الموتر يظرب اي شيء او تنزل عن الشارع

الليتات الزينون تهتز وتتحرك وكنها بتطيح او كنها مب مثبته

هل هذه المشكله نفسها مع اي احد من شباب المنتدى


http://im30.gulfup.com/2012-03-29/1333043724614.png


طبعا انا اقصد الليت الي في هذه الصوره باللون الاسود هو اللي يهتز مع اي مطب او اهتزاز للموتر


نعم تهتز عندي ونفس موترك

وعندنا فيكسار بعد تهتز ليتاته

لاتحاتي امر طبيعي

[مثير للجدل]

عندي جي اكس آر 2012 نفس الليتات مافي اي اهتزاز ودشيت في البر هم عادي

بند الكشافات وامش شوي شوي بالبر وعطنا خبر :nice:

تشوفهم يرقصون هههه

[الزعفراني]

طيب شنهي حقوق المستهلك في مثل هالمواضيع ؟
ياليت حد متخصص من حماية المستهلك يوضح هالشيء حق الناس .

يعني اذا عندي سيارة وطلع فيها عيب تصنيع ليش يتم تبديل القطعه او العيب مجانا
ليش ما يتم استبدال السيارة بسيارة جديده ؟

هل قامت الشركة باشعار جميع العملاء اللي عندهم نفس هالموديل بهالمشكلة لاصلاحها ؟

هل هالمشكلة في بعض السيارات وليس جميعها ؟

هل شغل الشركة في التركيب نفس شغل الشركة وقت التصنيع ؟

[عزووز قطر]

اشلون الطقة وعلى اي سرعة

صوت الطقة يكون مثلا وانا ضارب بريك عند الاشارة ،، اول ماتوقف السيارة تسمعها ،، وتغيير القير من الn الى ال d

بس امرها بسيط وانا استعملت الجي اكس 2006 لمدة 5 سنوات وبعته والموتر كان طبيعي ومافيه شي