هل حد منكم انتبه للملاحظة هذي من خلال تداول اليوم

[مستثمر رشيد]

استغربت من الحجم الهائل المعروض من اسهم صناعات بخلاف الايام الماضية ...........

ما السبب في ذلك؟

واشمعنى اليوم بالذات؟؟؟؟

لاتقولون مستثمرين صغار لان المعروض كبير جدا ...............

[بـوصـالـح]

ولو لاحظت ان صارت كمية لم كبيره

في محاوله لإرفاع السهم

ولكن كمية العرض كانت الاقوى

بما معناه ( ان هناك من يحااااول ان يرفع السوق )) وهنااااك من يحاول يدمر السوق

ومثل ما تعرفون ( ان ) سهم الصناعاات هو قلب السوق

اذا ارتفعت الصناعات ارتفعت الشركات
واذا انخفضت الصناعات انخفض السوق
واذا استقرت الصناعات استقر السوق

[المراقب]

صحيح تم شراء 100 سهم، ومن ثم تم عرض ما يزيد عن 150 ألف سهم!!!

[بـوصـالـح]

حول 100 الف سهم ( لم )

ومثلها وزياده ( عرض ) بعد ال لم

[الفيصلي]

شكل الكبار تعافسوا فوق واحد يبي يرفع وثاني يبي ينزل واحنا ضايعين بالطوشة
الله يرحمنا برحمته

[المراقب]

ما أدري صراحة لعبة من؟ وهل هي لعبة فعلا أم واقع؟

هل الكميات المعروضة هي فعلا من الكبار أم من صغار المستثمرين الذين ما إن رأوا العرض يزيد حتى هرولوا للبيع أكثر؟

هل الصغار هم سبب في نزول السوق كما يدعي الكبار ؟

ام العكس؟

[المسكين]

والله كلامك صح يابو صالح اليافعي




وبالنسبه لنزول السوق لكبار هم اللي ينزلونه


ويعرضون كميات كبيره عشان يخوفون لصغار ويبيعون



ويحطونها ان لصغار هم اللي يعرضون

[اللورد]

ملاحظه غريبه: :- الظاهر ان الأغلبيه مايفكرون جدياً بالبيع الا عند نزول السعر........ عجبي :funny:
مع ان المفروض العكس :nice:

[البرنس]

مع احترامي للجميع ..

" اولاً "

لا يوجد شيئ اسمة

ومثل ما تعرفون ( ان ) سهم الصناعاات هو قلب السوق او
شكل الكبار تعافسوا فوق واحد يبي يرفع وثاني يبي ينزل واحنا ضايعين بالطوشة

" ثانياً "

الكبار لو يبون يخلون خشم السوق في التراب "يقدرون" ولا الوزارة تقدر تتدخل ولا ادارة السوق ، لأن السوق ينزل و يطلع ، و من السهل جداً جداً السيطرة على كبار المستثمرين و السبب انهم معروفين "تلفون صغير" و المسألة تنتهي .. ولكن كيف السيطرة على مهابيل و طراطير البورصة؟ الي هم عافسين الدنيا في الوقت الحالي و انتوا تقولون لكبار و لكبار !

" ثالثاً "

اشكر الأخوان العقلانين و الي احس انه فعلاً فاهمين و قالوا:

ما أدري صراحة لعبة من؟ وهل هي لعبة فعلا أم واقع؟

ملاحظه غريبه: :- الظاهر ان الأغلبيه مايفكرون جدياً بالبيع الا عند نزول السعر........ عجبي

الله يهديكم ..

[alsenjari]

البرنس كلامك في نسبة كبيره من الإقناع أقدر أقيمها ب 90%
لكن اللي مو مقنع بكلامك بعض الألفاض مثل مهابيل و طراطير ألا ترتقي بأسلوبك يا عزيزي وبعدين هذيلا اللي تقول عنهم مهابيل و طراطير عيال ديرتك و مايجوز تطلق عليهم مثل هالألفاض ترى الكلمه الطيبه مطلوبه ولا تنسى أن غالبية البشر تنظر للشخص من خلال لسانه فلسانك حصانك ان صنته صانك و ان خنته خانك

[البرنس]

البرنس كلامك في نسبة كبيره من الإقناع أقدر أقيمها ب 90%
لكن اللي مو مقنع بكلامك بعض الألفاض مثل مهابيل و طراطير ألا ترتقي بأسلوبك يا عزيزي وبعدين هذيلا اللي تقول عنهم مهابيل و طراطير عيال ديرتك و مايجوز تطلق عليهم مثل هالألفاض ترى الكلمه الطيبه مطلوبه ولا تنسى أن غالبية البشر تنظر للشخص من خلال لسانه فلسانك حصانك ان صنته صانك و ان خنته خانك كلامك على راسي يا غالي ..

بس والله ما انلام ، اعيال ديرتي دمي يحترق عليهم حراق والله العالم .. المصيبه اذا تنصحة يفتكر انك حاسدة و اكيد صارت مع اي حد حاول ينصح و اتحداك اذا ما صارت فيك يالسنجاري .. و هم فعلاً مثل ما انا قلت عنهم و للأسف ما لقيت وصف ثاني ..

:eek3:

[ابوعلي اليافعي]

لا يوجد لعبه فالسوق ولا اخطاء والموضوع هو بيع وتسييل للاسهم من طرف الجميع كبار وصغار المستثمرين..

البقيه المتبقيه الرابحه تريد الخروج قبل ان تتحول ارباحها الى خسائر.. ومحد يقدر يلومهم :eek3:

والاغلبيه الخاسره تبيع ولسان حالها يقول لحد هنا وكفايه.. ومحد يقدر يلومهم :o

والي يشتريون هالايام يجمعون على نار بارده وبكل هدوء حتى لا يلفتوا الانظار.. ومحد يقدر يلومهم :D

[كحيلان]

قوووووووووووووووووووووووووووووووووووووووووووووول في الثمنياااااااااات

[علي]

شباب اذا قلنا راينا لزعلون الصناعات ستواصل الهبوط وستستقر عند سعر بين 115-120 وهذا السعر يتناسب مع نتائج الربع الاول وسيتحرك السهم في هذا الاطار انتضارا لنتائج النصف سنويه ومن ثم سيتجه الى الاعلى قليلا ثم نتائج الربع الثالث ثم الرابع وبيكون سعره 300 او اعلى عند اقتراب توزيع الارباح

لا ننسى ان السهم استنفذ قوته في توزيع الارباح والان يعيد بناء نفسه وهاهى الشركه تعود بقوه من خلال الارباح العاليه يعني هذي ارباح الربع الاول

[المراقب]

إذا واصل السهم إنخفاضه فإنه سيؤثر على جميع الشركات وبالتالي إنخفاضها، مما يجعل المؤشر يستمر في الهبوط لا سمح الله.

[KhalidQ]

الصناعات راح تكون اخر الاسبوع 120 ريال

[المراقب]

أرجو ان لا يحصل ذلك لأنها وسوف تؤثر على جميع أسهم السوق.

[رحال]

يا الربع حرام عليكم صغار المستثمريين يلومون كبار المستثمريين والعكس صحيح كل من يلوم الثاني

ترى الناس في حالة من الروع ، والمال عد يل الروح ،

الناس أصبحت مذهوله من ما يحدث والخسائر كبيرة جدا وهناك من الناس لديها التزامات مالية

وهذي بورصة ممكن تردك فقير من الا فضل انك تسلم على باقي فلوسك وترضى بنصيبك !!!

[alsenjari]

يا الربع حرام عليكم صغار المستثمريين يلومون كبار المستثمريين والعكس صحيح كل من يلوم الثاني

ترى الناس في حالة من الروع ، والمال عد يل الروح ، وأعرف واحد غدا سوف يعرض 000 50 سهم

صناعات غدا أو بعده وعلى فكره خسران فيهم 4900000 شاريهم على 238 والله المستعان !!!

الناس أصبحت مذهوله من ما يحدث والخسائر كبيرة جدا وهناك من الناس لديها التزامات مالية

وهذي بورصة ممكن تردك فقير من الا فضل انك تسلم على باقي فلوسك وترضى بنصيبك !!!

رحال أنت قاعد تقول كلام ما تعرف عواقبه ، كلامك هذا يزعزع الثقه ويرعب المستثمرين ، و أنا بكل صراحه أقولك أشك في دقة هذه الأخبار ، و حتى لو كانت معلوماتك دقيقه يفترض أن لا تقوم بترويج مثل هذه الأخبار ، خوانك موب ناقصين اللي فيهم كافيهم

[المراقب]

أتمنى أن نرى تغيرا سريعا غدا وبعض الأرتفاعات.

[Alemadi]

توقعاتي ان النزيف بيوقف يوم الاربعاء مجرد احساس واتمنى اكون غلطان

[أبو محمد]

أنا أعتقد أن هي عباره عن عمليه للضغط علي السهم للتجميع والله أعلم

[هداف]

المشكله محد يطيع ,, والراي المنفر هنا هو الصائب لو ترجعون لمشاركاتي قبل شهور

كنت انصح باعلى صوتي بيعوا صناعات يوم وصلت الـــ 200 وما فوق ,, والكل طمعان يقول بتوصل 300 مع دخول الاجانب !!!!!!!!!!!!!!!!!!!!!!!!!!!!!!!!! العمليه كانت سحر عن الجهال الظاهر مع انها محسوبه عند الناس الفاهمه

شردنا من السوق وبعنا الصناعات على 225 وما فوق وسيلنا اموالنا قبل دخول الاجانب ولم نكن انانيين نصحناكم
ولكن وين الناس اللي تسمع

اما الان ولله الحمد بعد الارباح اللتي جنيناها نقول (( مصائب قوم عن قوم فوائدو )) هذا احنا انلقط في الاسهم اللي كل مالها في نزول وقاعدين انجهز سله جديده للمعارك الجديده وانشاءالله من فوز الى فوز اخر

وسمعونا اذا نصحناكم يا المتفائلين !!!!!!!!!!!!!!!!!!!!!!! :con2: