ضد او مع وضع كاميرا مراقبة في المنزل

[admin qatar]

السلام عليكم

الموضوع باين من عنوانه

هل توافق على وضع كاميرا مراقبه في المنزل للخدم وفي اماكن وجودهم؟

خاصه في المطبخ او في غرفة الاطفال ان وجدت ؟

والسؤال الاهم هل من الافضل ان تخبر الخادمه بان هنالك كاميرات مراقبه او بدون علمها

ويا ليت من الادارة عمل تصويت بنعم او لا

[Q-tr]

وعليكم السلام اعتقد الموضوع مكرر و يعطيك العافية

اخبر قريت موضوع عنوانه كيمرات المراقبة تكشف خادمة ((( تتبول في طعام اهل البيت ))) والعنوان اصلا يكفي انك تركب كيمرات!!!
رأي شخصي:
اللي عنده بيت وعيال ويخاف على بيتة وعيالة من الخدم وغير الخدم لازم يركب كيمرات موزعة على كل زاوية وسور وحتى في اسوار المنزل الخارجية وتكون ظاهره جدام الملاء للتخويف والترهيب ،،، حتى اللي يبغي يسوي شي يتردد ويفكر 1000 مره قبل لايسوية،،،

وشي ثاني،،، اصحاب النفوس الضعيفة اللي هالايام منتشرة وبكثره في قطر،،،، اللي في قلوبهم حقد وحسد وغيره من شافو اثنين مرتاحين بحياتهم وعايشين بسعاده اشتغلو ويحاولون بشتى انواع الطرق انهم يخربون عليهم ويدمرون حياتهم مثال/ السحر المرشوش والمدفون و المكتوب على جدار البيت ممكن الكميرات تكشف من الفاعل و لو صار اي اضطراب ملحوظ وحركات غير طبيعية في البيت بين اهل البيت ممكن يخلي التسجيل مرجع له،،،

الكميرات عينك الثانية اللي مركبة في البيت وانا الحمد لله ركبت كيمرات وطوقت البيت كامل وخصصت غرفة للمراقبة،،، والله يبعد عني وعنكم كل شر ويحفظ عيالنا من كل شر،،،

[أبورودي]

انا مع كل اجراء يمكن تنفيذه من اجل حماية أمن وامان اهل البيت والاطفال بصفه خاصه
واتمنى من أصحاب السيارات الخاصه ولديهم سائق تركيب هذه الكاميرا
http://spycamera24.com/sites/default/files/imagecache/product_full/dual-cam-car-dashboard-camera-night-vision-car-dvr.jpg
حيث تركب على الزجاج الاماي ويمكنها مراقبه وتسجيل الرحله كلها صوت وصوره فيديو
http://ebay.in-car-stuff.com/images/carcam3_mediaplayer.jpg
لمعرفة مايحدث فى أثناء توصيل ابنائك لاي مكان

[سكتون]

انا ضد وضع الكيمرات
نتعامل مع الخدم على انهم جزء مهم في المنزل
افضل
من معاملتهم على انهم متهمين
ولو الخدم يبون يسوون شي صدقني مابتردهم الكيمرات

[بوخالد911]

مع وضع الكاميرات
وليس بداخل الغرف

وانما على الشارع والحوش وبالملحق الخلفي

[بورصواوي]

اعتبره تجسس اذا مصخها صاحب البيت
بس مثل ماقال الي قبلي في الاماكن الي يجتمع فيها الناس الصاله الحوش المررات الخلفيه خارج البيت
مش في الغرف والحمامات

[الحال مايساعد]

في حالة الضرورة أأيد تركيب كاميرات وفي أماكن معينه
لكن إللي مايحتاج أشوف مالها داعي
وفي النهاية تركيبة الأسرة هي إللي تتحكم في الموضوع هذا بمعنى لو أسرة متماسكة ومترابطة ومعاملتهم حلوة للخدم أعتقد الخدم راح يكونون طيبين بالمثل

[المسك1969]

نعم مع تركيب الكاميرات... وسبق أن ركبت في بيتي القديم سبع كاميرات منها 2 خارج المنزل (الحوش) ولكن من سلبيات الكاميرا أن الشخص يستطيع الاختباء تحتها ولا تستطيع أن ترى ما يفعل.

حقيقة كنت في البداية مكتمة الخبر عن الخادمات ولم أعلمهن بوجود الكاميرات خفت أن يقمن بإخرابها ثم نصحتني زوجة أخوي أن اعلمهن حتى تخاف الواحدة منها وتردعها عن عمل قد تنوي عليه

وكشفت لي الكاميرا أمور كثير ولكن ولله الحمد لم تكن سيئة اتجاه أبنائي لأني حريصة على معاملة الخدم كأخوات لي في الله وأُحسن إليهن وأوصيهن قبل أن أخرج من البيت يوميا... ولكن رأيت بعض الاهمال فأمامي كانت الخادمة تتفانى في اطعام الأولاد وفي غيابي مره رأيتها ترقص على أناشيد الاطفال في الصالة ومرة رأيتها منسدحة بعد ما رمت للأولاد الأكل وهم مندمجين بالنظر للتلفزيون ولم يقربوا الأكل لساعه... ومرة رأيتها رأتني أدخلت السيارة بالكراج فذهبت للصغير بالمنز لتشيله بالرغم من أنه كان يبكي لدقائق وهي تتمشى أمامه... ويمد لها يده ولا تحمله

ومره كنت في الغرفة قلت لهم سأنام وخلوا الأولاد عندكم وطلبت من إحدى الخدامات أن تحضر بعض الأطباق لغداء الاطفال فما كان منها إلا أن أخرجت الاطباق والاكواب من الأدرج بدون غسيل وجات تركض بهم للصاله... فناديت أن تذهب لتغسل الاطباق لأنها لم تغسلهم ثم ذهبت ورأيتها تغسلهم بماء ورجعت بهم فقلت لا تحطين الاكل فيهم وما يصيرين تطلعين أي صحن من الدرج إلا وتغسلينه بالماي والصابون مب بالماي فقط فشفت عيونها مبققه وذهبت ثم جاءت بالاطباق مغسوله بالماء والصابون وهي هناك اتصلت عليها وقلت نشفي الاطباق... شوفي الفوطه على يمينج خلت التلفون وتمت تتلفت فوق وتحت يمين ويسار

وكنت اراقبهم في المطبخ وكيفيه تعاملهم مع الاطفال ثم أخبرتهم بوجود الكاميرات ووجدت أن تعاملهم تحسن وأدائهم أصبح أفضل خوفا من المراقبة... مع أنني والله دائما أخبرهم أن مراقبة الله أهم من مراقبة البشر بس تقول حق من؟

ياليتني ركبت في بيتي الجديد:(

جزاكم الله خيرا

[المسك1969]

في حالة الضرورة أأيد تركيب كاميرات وفي أماكن معينه
لكن إللي مايحتاج أشوف مالها داعي
وفي النهاية تركيبة الأسرة هي إللي تتحكم في الموضوع هذا بمعنى لو أسرة متماسكة ومترابطة ومعاملتهم حلوة للخدم أعتقد الخدم راح يكونون طيبين بالمثل

والله يا حفظك الله ماله خص التعامل... وربي أن الشغاله من قدامك طيبه ومخلصه وشغوله ومن وراك الله المستعان

وما أعتقد أن انسان يخاف الله سوف يقسو على مسلمة وخصوصا أنها جاءت من بلاد بعيدة لخدمتي وأنا محتاجة لهذه الخدمة... ولكن هي تربية البعض... البعض منهم سيئة

والخدامه تتعلم على أهل البيت وتتعود على سلوكهم وترتاح معهم أو لا ترتاح على حسب تعاملهم معها...

[حياتي روايه]

موضوع الكاميرات قديم جدا
حطيت كاميرات ببيتي من 8 سنوات
ما استفدت شي
اصيد الشغاله وتسفير
كل 6 شهور اجيب شغاله جديده
خلنا على عماتنا أحسن

[الكاسب]

نعم مع تركيب الكاميرات... وسبق أن ركبت في بيتي القديم سبع كاميرات منها 2 خارج المنزل (الحوش) ولكن من سلبيات الكاميرا أن الشخص يستطيع الاختباء تحتها ولا تستطيع أن ترى ما يفعل.

حقيقة كنت في البداية مكتمة الخبر عن الخادمات ولم أعلمهن بوجود الكاميرات خفت أن يقمن بإخرابها ثم نصحتني زوجة أخوي أن اعلمهن حتى تخاف الواحدة منها وتردعها عن عمل قد تنوي عليه

وكشفت لي الكاميرا أمور كثير ولكن ولله الحمد لم تكن سيئة اتجاه أبنائي لأني حريصة على معاملة الخدم كأخوات لي في الله وأُحسن إليهن وأوصيهن قبل أن أخرج من البيت يوميا... ولكن رأيت بعض الاهمال فأمامي كانت الخادمة تتفانى في اطعام الأولاد وفي غيابي مره رأيتها ترقص على أناشيد الاطفال في الصالة ومرة رأيتها منسدحة بعد ما رمت للأولاد الأكل وهم مندمجين بالنظر للتلفزيون ولم يقربوا الأكل لساعه... ومرة رأيتها رأتني أدخلت السيارة بالكراج فذهبت للصغير بالمنز لتشيله بالرغم من أنه كان يبكي لدقائق وهي تتمشى أمامه... ويمد لها يده ولا تحمله

ومره كنت في الغرفة قلت لهم سأنام وخلوا الأولاد عندكم وطلبت من إحدى الخدامات أن تحضر بعض الأطباق لغداء الاطفال فما كان منها إلا أن أخرجت الاطباق والاكواب من الأدرج بدون غسيل وجات تركض بهم للصاله... فناديت أن تذهب لتغسل الاطباق لأنها لم تغسلهم ثم ذهبت ورأيتها تغسلهم بماء ورجعت بهم فقلت لا تحطين الاكل فيهم وما يصيرين تطلعين أي صحن من الدرج إلا وتغسلينه بالماي والصابون مب بالماي فقط فشفت عيونها مبققه وذهبت ثم جاءت بالاطباق مغسوله بالماء والصابون وهي هناك اتصلت عليها وقلت نشفي الاطباق... شوفي الفوطه على يمينج خلت التلفون وتمت تتلفت فوق وتحت يمين ويسار

وكنت اراقبهم في المطبخ وكيفيه تعاملهم مع الاطفال ثم أخبرتهم بوجود الكاميرات ووجدت أن تعاملهم تحسن وأدائهم أصبح أفضل خوفا من المراقبة... مع أنني والله دائما أخبرهم أن مراقبة الله أهم من مراقبة البشر بس تقول حق من؟

ياليتني ركبت في بيتي الجديد:(

جزاكم الله خيرا



أنتبهي من الإنتقام....أن كيدهن عظيم!!!!! ركبي الكيمرات.حتى لو ماتراقبيهم لأنها ستردعم.

[المسك1969]

أنتبهي من الإنتقام....أن كيدهن عظيم!!!!! ركبي الكيمرات.حتى لو ماتراقبيهم لأنها ستردعم.


مافي انتقام إن شاء الله... خدمي من أحسن ما يكون وأنا دوم هاديه وعاقله في التعامل وما أعصب ولله الحمد وأوجهم وأفهم الدين والصح من الغلط

بس حق كل خدامة جديدة إلم يكن أحد من الكبار في البيت مع اليهال فلازم تكون في كاميرات مركبه

[الزعفراني]

الحمدلله ماعندي لا سواقين ولا خدامات .. الله يحفظ لي أم العيال :)

لكن أنا مع وجود الكاميرات لمن ابتلاه الله بوجود الخدم في بيته ، وتكون في مكان غير واضح للخدم

[ضوى]

ماتخيل اني احط كاميرا ببيتي ، صج مالهم امان ، بس متطمنة ان شاء الله لانه بنتي عند ابوها واخوها الكبير وفتانة تقول كل شي :) ، الاكل والشرب مادقق وايد على الله والله خير الحافظين ، النظافة اشوفها بعيوني واعرف الخبايا لاني اعرف اشلون يتنظف بيتي ،

اتوقع اللي عنده عيال صغار وتحت رحمة شغالة لاي ظرف من الظروف لازم تحط كاميرا

[بوخالد911]

والأهم هو : لو طب بيتكم حرامي متلثم
بشنو بتنفعكم الكاميرات حزززززتها ؟!؟!؟!؟!

[موووج قطر]

مع تركيب الكاميرات مع علم الخادمات و السايق بعد ..
عشان يخافون .. و يحاسبون .. :

صارت سالفه تقريبا من سنه ...
كانت عندنا خادمه الكل يحبها .. و خدومه وشاله البيت و امي تعتمد عليها في كل شي ومأمنه البيت عندها
حتى اغراض الجمعيه تشتريها و تعطي امي الفاتوره و عقب امي تعطيها فلوسها
قدر الله
و سافرنا دبي ..
وجاااان خالتي تتصل في امي وتقول لها انه خدامتها اتقول انه (خادمه امي) ادخل ريايل البيت
امي قالت لا هاي سوالف خدم .. ماعلينا اكيد تبي اتخرب سمعت خدامتنا لانه هي وايد زينه ورحنا السوق الصيني و مرت امي صوب الكيمرات و شافتهم وشافت انه اسعارهم رخيصه
قالت بشتري اربع 3 حول البيت و وحده في المطبخ الخارجي ..
ورجعنا الدوحه .. وركبناهم جدام الخدم .. وجاااااااااااااااااااااااان الخدامه اتقول ( ليش اتحطين كيمرا في اللمر الخلفي للبيت انا مافي حرامي انا يبي سافر )
امي قالت لها هاي بيتي وانتي خدامه زينه بس انا ابي احمي بيتي و اراقبه
ثاني يوم الخدامه اتقول ابي اسافر مابي شغل .. حجزت لها امي .. وسفرتها من غير نقاش و سافرت وهي مستانسه
وقالت اكيد كلام خدامة خالتي صح
و عقبها بسبوع الدريول بعد سافر .. وقال ماما مريض (فجأه)

سبحان الله
:
:

[الكاسب]

مافي انتقام إن شاء الله... خدمي من أحسن ما يكون وأنا دوم هاديه وعاقله في التعامل وما أعصب ولله الحمد وأوجهم وأفهم الدين والصح من الغلط

بس حق كل خدامة جديدة إلم يكن أحد من الكبار في البيت مع اليهال فلازم تكون في كاميرات مركبه



الله يهديك...ركبي الكيمرات أفضل...الخدم ماينوثق بهم نهائيا وخاصة مع الأطفال.ركبيهم حتى لو لم تشتغل...لأنها ستجعلهم يفكرون قبل القدوم على شئ يضرك.

[المحاميه]

مع الف فالميه حتى لو واثقه من الخدامه بعد لازم اشوف شتغبر من وراي
خصوصا مع اليهال :( الله يحفظهم

[الزعفراني]

لأني حريصة على معاملة الخدم كأخوات لي في الله وأُحسن إليهن وأوصيهن قبل أن أخرج من البيت يوميا... ولكن رأيت بعض الاهمال فأمامي كانت الخادمة تتفانى في اطعام الأولاد .
مع أنني والله دائما أخبرهم أن مراقبة الله أهم من مراقبة البشر بس تقول حق من؟




ليت حرصج على أولادج وإطعامهم بنفسج مثل حرصج على معاملة الخدم !!!

بالذمه الخدامه تطعم عيالج قدامج ؟ .. شهالقلب اللي عليج :)

شخصيا أعتقد انتي محتاجه لكاميرا مراقبة من داخلج على اهمالج للعيال بهالطريقة .

اعتذر على هالأسلوب بس شي يحز بالنفس .

[المحاميه]

والأهم هو : لو طب بيتكم حرامي متلثم
بشنو بتنفعكم الكاميرات حزززززتها ؟!؟!؟!؟!



والله نعرف ان في حد طب البيت عالاقل .. يعني ناخذ الخطوه الثانيه ونحرص ونتربصله ولا تبينا ياغافلين لكم الله عايشين عالسبحانيه !!!!

[المحاميه]

ليت حرصج على أولادج وإطعامهم بنفسج مثل حرصج على معاملة الخدم !!!

بالذمه الخدامه تطعم عيالج قدامج ؟ .. شهالقلب اللي عليج :)

شخصيا أعتقد انتي محتاجه لكاميرا مراقبة من داخلج على اهمالج للعيال بهالطريقة .

اعتذر على هالأسلوب بس شي يحز بالنفس .


الغلط ان نخلي الخدامه تاكل الياهل من ورانا لان ماندري شتسوي بس عادي لو اقعد فوق راسها واشوفها تاكله ..
بقولك شي اخوي قبل كنت اقول نفس كلامك شدعوه الخدامه تاكل الياهل وان هالشي غلط الخ بس الصج الحين ان الدنيا تغيرت وفي الف شي فوق راس الوحده يعني شتسوي وشتخلي بعد الوحده ماتقدر تسوي فوق طاقتها فلازم حد يساعدها في اقل الامور عالاقل مع وجود الرقابه ..

[ضوى]

الغلط ان نخلي الخدامه تاكل الياهل من ورانا لان ماندري شتسوي بس عادي لو اقعد فوق راسها واشوفها تاكله ..
بقولك شي اخوي قبل كنت اقول نفس كلامك شدعوه الخدامه تاكل الياهل وان هالشي غلط الخ بس الصج الحين ان الدنيا تغيرت وفي الف شي فوق راس الوحده يعني شتسوي وشتخلي بعد الوحده ماتقدر تسوي فوق طاقتها فلازم حد يساعدها في اقل الامور عالاقل مع وجود الرقابه ..

معليش اختي معاج حق بس اذا انا اشوفها تاكل الياهل وانا موجودة ليش مب انا اللي اكله واخليها هي تسوي اي شي ثاني ، ترا الياهل تكون نفسه طيبة للاكل ااذا كانت من امه او اخته او ابوه او خالته او او ، غير الشغالة الا ماتكون عنيفة معاه لو شي بسيط ، اذا احنا الامهات ماعندنا صبر عاليهال ونقول افف ماشاء الله عليكم اشتبين شغالة تقول ؟

انا مب مثالية ، ماكانت عندي شغالة بس جبيت لانه البيت كبير والعيال طلباتهم زادت وماقدر اسوي كل شي بنفسي ووجودهم اصبح اساسي بهالوقت

[الزعفراني]

الغلط ان نخلي الخدامه تاكل الياهل من ورانا لان ماندري شتسوي بس عادي لو اقعد فوق راسها واشوفها تاكله ..
بقولك شي اخوي قبل كنت اقول نفس كلامك شدعوه الخدامه تاكل الياهل وان هالشي غلط الخ بس الصج الحين ان الدنيا تغيرت وفي الف شي فوق راس الوحده يعني شتسوي وشتخلي بعد الوحده ماتقدر تسوي فوق طاقتها فلازم حد يساعدها في اقل الامور عالاقل مع وجود الرقابه ..

للأسف الدنيا ما تغيرت لكن الظاهر قلوب الامهات هي اللي تغيرت ، عيل الأم تخلي الخدامه تأكل الياهل وهي تطالعها ؟؟؟ .. وين عطف الأم وين الأمومة وين الحنان .. الموضوع فيه جانب نفسي وتربوي للطفل أكثر من مجرد تعالي يا ميري وأكلي الياهل :)

[MAZEN37]

موضوع الكاميرات قديم جدا
حطيت كاميرات ببيتي من 8 سنوات
ما استفدت شي
اصيد الشغاله وتسفير
كل 6 شهور اجيب شغاله جديده
خلنا على عماتنا أحسن
هههههه :)
رايئ انه لكل شيء سلبيات وايجابيات
بس مع اعلامهم بوجود كاميرات
نفس فكرة الاشارات الضوءيه اوب وين والحين وين الكل محترم نفسه

[بـــــدوي]

.
.

انا مع وضع الكاميرات حتى لو كانت للتمويه ، وخصوصاً ان الاشغال كل يوم اكثر من اللي قبله وتواجدنا فالبيت صار قليل .

[اوف ليميت]

اللي عنده حارس وكلب حراسه..مايحتاج كاميرات
حتى من غير حارس
اشترلك بت بول او جيرمان شيبرد..واللي فيه خير يدش البيت

اربطه الصبح بمكان..وفالليل هده
وحلال بعد كلب الحراسه

واللي يبي يركب كاميرات .. في باكيجات اتييك 4 كاميرات مع رسيفرهم ب 3000 ريال
وضمان 3 سنين اعتقد

والسعر يزيد كل مااخترت كاميرا افضل
او طريقة توصيل افضل..عازل ام لا..ونوع الكيابل
وبعد لاسلكي وللا لا
وبعد تبيه ينعرضلك عن طريق ال اي بي عال اي فون والبلاك بيري وللا لا

عليك تشتري تلفزيون وبس

:]

[بوغزلان28]

موضوع الكاميرات قديم جدا
حطيت كاميرات ببيتي من 8 سنوات
ما استفدت شي
اصيد الشغاله وتسفير
كل 6 شهور اجيب شغاله جديده
خلنا على عماتنا أحسن

صراحه عجبني الرد

[Abdulraman]

انا ضد وضع الكيمرات داخل المنزل ومع وضع الكيمرات في مداخل البيت في الحوش فقط

[Riku3]

ليش لاء .. بس احس يكفي في الحوش وعلى السور خصوصاً ان بترصد التحركات الخارجية وهذا هو الاهم ..

اما الداخل الحمد لله ما تعودنا نترك عيالنا معاهم الا بمراقبة شخصية علشان ما نكسر بخاطر الشغاله ونحسسها انها مهمه ولها مكانه .. وغرف النوم الشخصية ممنوع يدخلونها من الاساس لا تنظيف ولا غيره ونقفلها بشكل دايم علشان كذا ما نخاف من هالناحيه ..

من اسبوع كنت بمكتب جلب خدم اسأل عن الخدامة الي طالبينها الاهل .. الا واحد يتكلم مع الموظف الي بالمحل بخصوص الخدامة الي ما تبي تشتغل بسبب الكيمرا الي بغرفتها !! ..

سبحان الله الموظف يقول للكفيل ما يصير بالغرفة الخدامة مسلمة وما ترضى .. يقوله مب مشكلتي جيبلي غيرها .

[الرويـس]

المراقبة هم وهم ومليون هم
كم بيقعد الواحد يراقب

[بومحمد المطاوعه]

بارك الله فيكم على طرح هذا الموضوع

انا مع الكيمرا بس لاكن في المطبخ و الصاله والحوش

وعلى غرفه الادريول

لان الصراحه وقت الظهر الاهل راقدين

واخوي نزل من غرفته للصاله شاف خدامتي طالعه

من باب المطبخ لخارج المنزل من الخلف

وتمشي لين راحت صوب الطبيله لغرفه السائق

طلع ف ويها من باب الصاله وقالها شتسوين هني

قالت ابي اروح اعطي الادريول فلوس يشتري بطاقه

علشان اتصل بلادي

اخوي كلمني وانا برع البيت

كلمت ام العيال علشان تتفاهم وياها وتسنعها اشوي

الواحد يخاف الصراحه على هله قبل لا يخاف على الخدم

انا عن نفسي ان شاءالله ف بيتي اليديد بحط كيمرات

وبخلي غرفه وحده للأجهزه والكمبيوتر والنت

ومنها الكيمرات شغاله وقت نكون مب موجودين ف البيت وقت النوم وقت الصباح

والله يحمينا من بعض الخدم وشرهم

[المسك1969]

ليت حرصج على أولادج وإطعامهم بنفسج مثل حرصج على معاملة الخدم !!!

بالذمه الخدامه تطعم عيالج قدامج ؟ .. شهالقلب اللي عليج :)

شخصيا أعتقد انتي محتاجه لكاميرا مراقبة من داخلج على اهمالج للعيال بهالطريقة .

اعتذر على هالأسلوب بس شي يحز بالنفس .


ياترى أنت تعرف كم طفل عندي وهل كان في يدي رضيع ساعتها وهي تطعمهم أو ابدل حق رضيع حفاضته أو اسبحه...أهو أنا لازم أكتب بالتفصيل الممل وإلا أقول العبرة من الموقف... سبحان الله كيف نحب أن نسيء الظن مباشرة

جزاك الله خيرا

[المسك1969]

الغلط ان نخلي الخدامه تاكل الياهل من ورانا لان ماندري شتسوي بس عادي لو اقعد فوق راسها واشوفها تاكله ..
بقولك شي اخوي قبل كنت اقول نفس كلامك شدعوه الخدامه تاكل الياهل وان هالشي غلط الخ بس الصج الحين ان الدنيا تغيرت وفي الف شي فوق راس الوحده يعني شتسوي وشتخلي بعد الوحده ماتقدر تسوي فوق طاقتها فلازم حد يساعدها في اقل الامور عالاقل مع وجود الرقابه ..

لا يالغلا أن كانت الأم موجودة فهي اللي المفروض تبدل وتأكل عيالها بس لما يكون في يدج رضيع تضطرين أنها تأكل البقيه تحت إشرافج...

ربي يحفظ عيالنا وعيالكم منهم آمين

[بومحمد المطاوعه]

اخرعكم اشوي؟؟؟........












خدامة رفيجي حاطه كلوركس في اكل البنت

عمر بنته 8 شهور حاطته في السيريلاك

تخيلووو خالطته

مرت على زوجته شمت ريحه قويه يوم خذت المله من

عندها شمت ريحه قويه من المله

واعترفت الخدامه انها حاطه بيوض (كلوركس)

شفتو اشلون

والله مدلع خدامته ياليت لو معذبها بقول ماعليه

تبي تنتقم بس بعد سبحان الله
ربي كشف امرها

[المسك1969]

حسبنا الله ونعم الوكيل... تنتقم من شنو إن كان مدلعها؟؟؟

[بصمة قطرية]

ما أحب سالفة الكاميرات
الحمدلله عيالي كبروا و كلهم في المدارس
و أنا مش موظفة
يعني معاهم في البيت
ما لي حاجة بكاميرا
الخدم أهم شي نعاملهم معامله عدلة
في ناس تناقض نفسها
تقول إحنا نعامل الخدم أحسن معاملة
و نشوف بعيننا العكس ...!!!
الله يهديهم
تناقض و كلام ..!!!!!

سؤال ..
الحين الكاميرات موصولة بالنت
يعني أقدر أفتحها من أي مكان برقم سري
و آشوف اللي يصير في لحظتها ..

بالنسبة للهكرز ما يقدرون يخترقون الكاميرات
و يشغلونها ..!!!؟؟
سألت الناس اللي حاطسن و قالوا يصير
يقدر يخترقها ،،
شلون الناس يحطون في كل البيت ...!!!!؟؟؟
المفروض اللي بيحط و بيراقب بس مداخل البيت و الحوش ..
مش في الصالات و الغرف

( من راقب الناس مات هماً )
في ناس حتى في غرف الخدامات حاطين كاميرات ...!!!!!

المبالغة مرض و وسواس ..

[روح الاطلس]

عيل محد مسير على بيت حد دام الكل حاط كاميرات وبيتصورون كل من دخل بيتهم!! والاب بدعوى مراقبه الخدم بيقعد يشوف جاراتهم وجماعتهم وكل من زار المدام!!

[مضارب دوسري]

اللي عنده حارس وكلب حراسه..مايحتاج كاميرات
حتى من غير حارس
اشترلك بت بول او جيرمان شيبرد..واللي فيه خير يدش البيت

اربطه الصبح بمكان..وفالليل هده
وحلال بعد كلب الحراسه

واللي يبي يركب كاميرات .. في باكيجات اتييك 4 كاميرات مع رسيفرهم ب 3000 ريال
وضمان 3 سنين اعتقد

والسعر يزيد كل مااخترت كاميرا افضل
او طريقة توصيل افضل..عازل ام لا..ونوع الكيابل
وبعد لاسلكي وللا لا
وبعد تبيه ينعرضلك عن طريق ال اي بي عال اي فون والبلاك بيري وللا لا

عليك تشتري تلفزيون وبس

:]

عن أبي طلحة رضي الله عنه أن رسول الله صلى الله عليه وسلم قال " لا تدخل الملائكة بيتا فيه كلب ولا صورة " رواه البخاري ومسلم والترمذي والنسائي وابن ماجه
وفي رواية لمسلم " لا تدخل الملائكة بيتا فيه كلب ولا تماثيل "
وعن أبي هريرة رضي الله عنه قال قال رسول الله صلى الله عليه وسلم " أتاني جبريل فقال إني كنت أتيتك البارحة فلم يمنعني أن أكون دخلت عليك البيت الذي كنت فيه إلا أنه كان في باب البيت تمثال الرجال وكان في البيت قرام ستر فيه تماثيل وكان في البيت كلب فمر برأس التمثال الذي في الباب فليقطع فيصير كهيئة الشجرة ومر بالستر فليقطع ويجعل منه وسادتين منتبذتين توطآن ومر بالكلب فيخرج " ففعل رسول الله صلى الله عليه وسلم وكان ذلك الكلب جروا للحسين أو للحسن تحت نضد له فأمر به فأخرج . رواه أبو داود والترمذي واللفظ له وقال حديث حسن صحيح والنسائي وابن حبان في صحيحه قال الألباني : صحيح (أنظر صحيح الترغيب والترهيب حديث رقم 3105)

قال الإمام النووي : " قال العلماء سبب امتناعهم من بيت فيه صورة كونها معصية فاحشة ، وفيها مضاهاة لخلق الله تعالى ، وبعضها في صورة ما يُعبد من دون الله تعالى ، وسبب امتناعهم من بيت فيه كلب لكثرة أكله النجاسات ، ولأن بعضها يُسمَّى شيطانا كما جاء به الحديث ، والملائكة ضد الشياطين ، ولِقُبح رائحة الكلب والملائكة تكره الرائحة القبيحة ، ولأنها منهي عن اتخاذها فعُوقِب مُتَّخِذها بحرمانه دخول الملائكة بيته وصلاتها فيه واستغفارها له وتبريكها عليه وفى بيته ،ودفعها أذى الشيطان " أهـ .
وقال أيضا – رحمه الله – " وأما هؤلاء الملائكة الذين لا يدخلون بيتا فيه كلب أو صورة فهم ملائكة يطوفون بالرحمة والتَّبريك والاستغفار ، وأما الحفظة فيدخلون في كل بيت ولا يفارقون بنى آدم في كل حال ، لأنهم مأمورون بإحصاء أعمالهم وكتابتها " أهـ .

[بومحمد المطاوعه]

حسبنا الله ونعم الوكيل... تنتقم من شنو إن كان مدلعها؟؟؟


بعد ياخوي من بنتها ولا في قلوبهم ألرحمه

[PIX]

انا مع الكاميرات وبقوه بس في حوش البيت وعلى السور

اراقب اليهال وهم يلعبون في البيت براحتهم وبدون ما الاحقهم علشان اطمن عليهم

وفي نفس الوقت استطعت ان احمي بيوت جيراني عدة مرات في انصاف الليالي

من بلاوي الخدم والشباب الحبيبه افهموها عاد براحتكم

[نورالهدى]

انا ضد وضع الكيمرات
نتعامل مع الخدم على انهم جزء مهم في المنزل
افضل
من معاملتهم على انهم متهمين
ولو الخدم يبون يسوون شي صدقني مابتردهم الكيمرات

في هذه أخالفك الرأي وعن تجارب

[admin qatar]

هنالك مؤيدين وهنالك لاينصحون بهالشيء

اتمنى من ادارة الموقع وضع تصويت بنعم او لا

[ضوى]

عيل محد مسير على بيت حد دام الكل حاط كاميرات وبيتصورون كل من دخل بيتهم!! والاب بدعوى مراقبه الخدم بيقعد يشوف جاراتهم وجماعتهم وكل من زار المدام!!

جار من جيرانا مركب كاميرات في مداخل البيت وموجه بعض الكاميرات لبيت جاره لانه مايحبه ويبي يمسك عليه اي شي ، وبينهم قضايا ومحاكم بسبب هذه الكاميرات

[المسك1969]

جار من جيرانا مركب كاميرات في مداخل البيت وموجه بعض الكاميرات لبيت جاره لانه مايحبه ويبي يمسك عليه اي شي ، وبينهم قضايا ومحاكم بسبب هذه الكاميرات

لا هالشكل مب حلو ولا يجوز التجسس على بيوت الناس ويحق للجار أن يشتكي جاره... حلوه والله يصورنا واحنا في حوش البيت.. فرضا الوحدة طلعت تلعب مع عيالها أو تمشي في الحوش.

وفي أخت عضوة ذكرت عيل ما نروح زيارات دام أن الكاميرات في البيت...طبعا هالكلام مردود عليه بأن الكاميرات المفروض أن تعمل في وقت عدم تواجد الوالدين في البيت فقط... بس أصور اللي يزوروني ليش؟:)

جزاكم الله خيرا

[الزعفراني]

ياترى أنت تعرف كم طفل عندي وهل كان في يدي رضيع ساعتها وهي تطعمهم أو ابدل حق رضيع حفاضته أو اسبحه...أهو أنا لازم أكتب بالتفصيل الممل وإلا أقول العبرة من الموقف... سبحان الله كيف نحب أن نسيء الظن مباشرة

جزاك الله خيرا

وإياج ان شاء الله :)