طاولات بنقوش مغربية ممتازة للضرورة

[موضي قطر]

السلام عليكم


الموضوع وحده من صديقاتي بتنزل بيتها إن شاء الله وتدور مكان فيه شغلات مغربية طاولات على سبيل المثال بس تكون صناعة ذات جودة مب أي كلام تتكسر اذا انشالت من مكان لمكان وتبي نخل اذا ممكن لأنها راحت السوق العماني انصدمت من شكل النخل تقول ميت :(

ممكن تساعدونها :shy:

[شبح الصمت]

الله يبارك لها فالبيت الجديد وجعله منزلا مبارك باهله وبحاضرينه

سمعيني قولي لها تروح في محل صوب مجمع سناء الي في منطقة أم غويلينا اول ما تدخل صوب المجمع بتحصله في وجها صوب الاسكريم وهو في الزاويه من شرق محل مصري عنده شغلات حلوه تروح تطلب وتشوف الكراسي والطاولات شغل حلو ومرتب

خليها تمر عليهم وقولي لنا اشلون عقب

[موووج قطر]

المعرض اللي كان شهر 6 كان فيه وايد اشيااا و بعد في في لاند مارك قسم حق الاشيا المغربيه ... بس مادري عن جودنها بس تعجبني و كنت افكر اسوي استايل غرفتي مغربي ... بس للحين مجرد فكره ..

[حسن]

شوفي سوق الحراج اخبر عنده شغلات زينه

[بودندن]

اذا بغيتي شي جيد روحي للمغرب لمدينة فاس وهم بيشحوننهم لقطر

[شمس المغيب]

البازار

في ستي سنتر
بجانب هاي لاند

ومنزل مبارك إن شاء الله

[تينا85]

في سيتي سنتر مقابل تميمة محل مغربي عنده طاولات مغربية حلوة ان شاء الله تعجبه
ومنزل مبارك عليها يارب

[The_Be$t]

معرض الاثاث في دبي من تاريخ 24 الى 28 سبتمبر

بتحصلون كل اللي تبونه