انتبهوا من هالشركه

[قطري واصيل]

انتبهوا من شركة **********************************************

انا الحين مع المقاول في محاكم ووقعت عقد بيني وبين المقاول من سنتين وللحين بيتي عظم وطلع نصاب وطلعت شركه بدون عمال وشركه نصب يوصلون الين مرحله العظم بدون تمديدات وعقب يتماطلون الين يخلونك تقول خلاص مابغي اكمل معاكم ويم يشتغل عامل اوعاملين وعشر ايام الموقع فاضي مافيه احد الين يخليك تكرة بيتك والخافي اعظم عقب مارفعت على الشركه قضيه اتضح بان الشركه لها سوابق وشكاوي من عده ملاك ونفس الطريقه مرحله العظم او حتى قبل مرحله العظم يتماطل المقاول المصري وتتعدى المده ويجبرك على انك تتخلص منه بس عقب مايكون طلع فايده منك وانا الحين ونسيبي رافعين عليه قضيه ويعلم الله اني حبيت انبهكم على هالشركه وماحب اهل ديرتي يطيحون باللي انا طحت فيه

والله يوفق الجميع

[Chambray]

الله يعينك ياخوي

بس يمنع في المنتدى التشهير ضد اي شركة مقاولات ..

لذلك سوف اقوم بمسح اسم الشركة ..

[بن غيث]

الله يعينك .. للاسف معظم الشركات غير محترمة وما تلتزم بأداب المهنة
لانهم دخلاء عليها وما يفكرون الا في الربح السريع

[@فارس@]

ياليت ترسلي اسم الشركة حتى احذر منهم واحذر من اعرفه
وجزاك الله خير

[الخزرجي قطر]

الله يعينك على مثل هذه الشركات ويوفقك في انك تحصل شركه ثانيه مناسبه
ياريت تعطينا اسم الشركه على الخاص علشان نتجنب شرهم .

[jassimqtr]

الله يعينك ويعين الجميع والله
ياريت تعطينا اسم الشركه على الخاص

[معماري قطري]

كقاعدة عامة يا اخوان إختيار الشركة يتم بدراسة وبسؤال والمناقصة لازم تتم بمهنية وتحت إدارة مكتب استشاري جيد وبتدخل مباشر من المالك.

وأغلب إداريي شركاتنا عرب وأغلبهم يعطون الشغلات لشركات ثانية بالباطن، وفيه شركات يشتغلون على الحظ ويدمرون بيتك ويدمرون نفسهم ويحتدون يوقفون إذا عرفوا انهم بيخسرون أو مب قد الشغلة، وهنيه قضايا الشركات وإجراءات القضاء ما تفيد المواطن، ولا شلون نشوف من يدعون انهم مقاولين يلعبون لعبتهم على طول ومع كم واحد وموجودين في البلاد، وهذا يلعب بحلال ناس وبجهدهم وبتعبهم ولا يلاقي العقاب المناسب أو الايقاف.

كل شيء لازم يكون موثق كتابياً وبتواقيع وبشهود بين المالك والمقاول، وحتى أوقات لو كل شيء في صالحك تحصل المقاول حر يسوي اللي يبي ... مره أذكر واحد بنى مجمع فلل 23 فلة وسوى عازل مياه لها كلها بضمان 10 سنين، وبعد سنتين خرت 7 فلل ورفض يصلحها وماطل ودخل معاه المالك في قضية وطلع الحق للمقاول ولا عليه أي تصليح والسبب قرار ظالم من من يسمون خبراء هندسيين.