ممكن رأيك ولا تهــون !!!

[كحيل]

"]"]



متى اخر مره دعوت اختكـ على مطعم أو حتى وجبة تيك أوي في صالة بيتكم ؟ ؟

متى فكرت بالجلوس معها ؟ ؟

هل ستكون الاجابه . . بالامس ؟ ؟

منذ شهر !!!!!!

منذ سنه !!!!!!!

لم ادعوها في حياتي ابدا ..!!!

تختلف إجابتكم .. من شخص لاخر ,,,,,,,,



لكن هل سألت نفسك .. ماهي ردت فعلها لو جربت ودعوتها أو أعطيتها جزء من وقتك

مالاثر الذي ستركه في قلبها . . . ؟ ؟ ؟ ؟



فجميعنا يعلم أن الأخت تحب أن يكون لها أخ ترى منه الإهتمام والعطف والحنان





فماذا لو افرحت قلب اختك بدعوة الى مطعم أو جلست وتجاذبت معها أطراف الحديث ،

فأنت تحكي لها قصة وهي تحكي لك ...



ربما تقول ..


مشغول


مو فاضي لها



ولو كان احد اصدقائك لقدمت له عينيك . .


ان لم تكن فاضيا لها كما تزعم . . فمن الذي سيفضى لها ؟ ؟


أتريدها ان تبحث عن رجل اخر غيرك . . ؟ ؟ ؟



ولو بحثت ستجد !!!




نعم ستجد تلك الذئاب التي ستعطيها مالم تجده عندك



فهن يستحققنه أم لا ؟



وأنتن يا بنات ما سيكون إحساسكن عندما تجدن لفتة إهتمام كهذه من إخوانكن؟ ؟ ؟






((( فلنحاول جميعا اعطاء الاخوات القدر الكافي من اوقاتنا للنقاش والتحدث معهم ))))








جرب هذه العادة وانظر الى النتيجة ,,, وسوف تعرف[/i]

منقـــول للفائدة
][/i][/size]

[مضاد]

شكراً ..... يا كحيل .

[intesar]

جزاك الله خيرا..

[ms-qtr]

ان شاء الله يقرون اخواني هالكلام
منزمان ما طلعت معاهم

دايما عند الشباب عقدة ما ابي ربعي يجوفوني مع الاهل

[Bin Hood]

موضوع جميل شكرا على التنبيه

[بصمة قطرية]

موضوع جميل
بالفعل البنت تفرح وايد لو بادر اخوها و عزمها
الله لا يحرمني من أخواني
الله يحفظهم ~

[بـــــدوي]

بصراحه ولامره ،

بس ابذل لها الغالي والرخيص كل مااحتاجتني في اي شي:yes:

[بورصواوي]

النتيجه خساير على المطاعم

الي كاتب الموضوع عنده مطعم عائلي ومافيه زباين يعني اقتصر على مطعم علشان تطلع السوالف
ليش مايكون كوفي هني تطلع السوالف

ليش هي ماتعزم النسوان كله يبون الرجال يصرفون عليهم سواء ابوها اخوها زوجها هدايا ومادري ايش
واقصد الخوات الي يشتغلون حتى اللي مايشتغلون شي بسيط من مصروفها قرشه عطر من البقاله او زرار ب 30 ريال

[بومحمد المطاوعه]

ان شاء الله يقرون اخواني هالكلام
منزمان ما طلعت معاهم

دايما عند الشباب عقدة ما ابي ربعي يجوفوني مع الاهل

اللهم امين

بس هالشباب الي تقولين عنهم

مابي ربعي يشوفوني مع هلي

اعتقد مريض نفسي ولا في حاله جنون

استغفرالله وصلت فيهم ان يتبرأ من اهله لجل ربعه

والله الي من هالنوع عيب عليه

ودي اعرف أشلون عايش ؟؟؟

مستحيل والله اذا ذاق طعم ألراحه

الله يهديهم ويعطيهم العقل

[بومحمد المطاوعه]

جزاك الله خير على طرح الموضوع

الصراحه بدعت ياخوي

لو بتكلم وبكتب يبيلي يومين ولا بخلص

ألبركه ف الاعضاء البقيه

والله القعده مع الأهل والأخوات والإخوان

تسوى الدنيا ومافيها

تحياتي لك

[بصمة قطرية]

النتيجه خساير على المطاعم

الي كاتب الموضوع عنده مطعم عائلي ومافيه زباين يعني اقتصر على مطعم علشان تطلع السوالف
ليش مايكون كوفي هني تطلع السوالف

ليش هي ماتعزم النسوان كله يبون الرجال يصرفون عليهم سواء ابوها اخوها زوجها هدايا ومادري ايش
واقصد الخوات الي يشتغلون حتى اللي مايشتغلون شي بسيط من مصروفها قرشه عطر من البقاله او زرار ب 30 ريال
رد غريب ...!!!!!!
الرجال هو الكداد
و هو اللي المفروض يصرف
و ما فيها شي لو عزم اخته و طلع معاها غير جو ،،
بالعكس هالشي حلو
أستانس لما حد من أخواني يعزمني أو حد أطلع أتمشى معاه ،،
الأخو يستاهل أحلى و أغلى الهدايا :victory:
مب قدره غرشة عطر من البقالة او زرار ب 30 ريال ...!!!

الحمدلله مو مقصرين عليهم في الهدايا
و هم مو مقصرين :victory:
آخر سفرة عزمت أخوي فديته :victory:

[alsoq]

الحمدلله كلهم متزوجات وقبل الزواج كلنا ناكل معا بعض

اما سوالف نطلع للمطاعم ما عندنا المطعم مو تعبير لحبك لختك او اي كان
بينقزون الحين ناس بيقلون المطعم فيه قسم عوائل طيب قسم العوايل مو اللي يخدم عليك رجال اختك مو متعطره الجرسون ما يشم

جمعه البيت افضل من مطعم او غيره

[وضحى قطر]

الشاب القطري ما يعرف هالسوالف الا حق رفيجته بس للاسف

اهله ساحب عليهم

[بصمة قطرية]

الحمدلله كلهم متزوجات وقبل الزواج كلنا ناكل معا بعض

اما سوالف نطلع للمطاعم ما عندنا المطعم مو تعبير لحبك لختك او اي كان
بينقزون الحين ناس بيقلون المطعم فيه قسم عوائل طيب قسم العوايل مو اللي يخدم عليك رجال اختك مو متعطره الجرسون ما يشم

جمعه البيت افضل من مطعم او غيره

لازم تتعطر ...!!!
يعني بس الجرسون رجال ..!!!
أصلاً طلعة الوحدة من بيتها و هي متعطرة بكبرها غلط ،،،
كل مكان بتمشي فيه المتعطرة بينشم عطرها ما جات على الجرسون ..!!!

طلعة المطعم مش تعبير للحب لكنه تغيير
ما أشوفه غلط ..!!!
كلنا متزوجات و الحمدلله نطلع مع اخواننا :victory:

[alsoq]

لازم تتعطر ...!!!
يعني بس الجرسون رجال ..!!!
أصلاً طلعة الوحدة من بيتها و هي متعطرة بكبرها غلط ،،،
كل مكان بتمشي فيه المتعطرة بينشم عطرها ما جات على الجرسون ..!!!

طلعة المطعم مش تعبير للحب لكنه تغيير
ما أشوفه غلط ..!!!
كلنا متزوجات و الحمدلله نطلع مع اخواننا :victory:

والله انا لو بنغير جو نشوف مكان مفتوح افضل ولا تطلع بكامل زينتها
المطعم بيكون فيه رجال ولا تقولين ما نتعطر ما فيه حد ما يتعطر وبعض العطور بخه وحده يعطر ممر

ما عمرنا سمعنا جدانا او ابهاتنا خذو بناتهم للمطاعم مكان مكتض الى يوم كانو بزران
الحين تبون تنفتحون على العالم وصارت المطاعم والاماكن المكتضه هي طريق التغير الجو

انا لا اتكلم عن الكل فيه ناس ملتزمه لا تحط عطور ولا تطلع بزينتها ولبسها مغطيها

[غرِيبهـ]

الفكرة مو مطعم وطلعة

الموضوع يرتكز على اهتمامك بأختك واهلك

حتى لو بلفتات بسيطة

كله ماعندهم وقت ، واذا تبون شي قولو حنا مانفكر في هالسوالف
تدرون انا ما اودي حد ، واذا جاي من السفر يقول ماعرف شتحبون عشان
اجيبه ، واذا احنا اللي جايين من السفر اول سؤال شجبتو لي

هاي امثلة لكلامهم

يظلون اخوانا وان طلبنا شي مايقصرون والله الله يخليهم ويحفظهم

نبي سبرايز مره وحده :shy:

[بصمة قطرية]

والله انا لو بنغير جو نشوف مكان مفتوح افضل ولا تطلع بكامل زينتها
المطعم بيكون فيه رجال ولا تقولين ما نتعطر ما فيه حد ما يتعطر وبعض العطور بخه وحده يعطر ممر

ما عمرنا سمعنا جدانا او ابهاتنا خذو بناتهم للمطاعم مكان مكتض الى يوم كانو بزران
الحين تبون تنفتحون على العالم وصارت المطاعم والاماكن المكتضه هي طريق التغير الجو

انا لا اتكلم عن الكل فيه ناس ملتزمه لا تحط عطور ولا تطلع بزينتها ولبسها مغطيها

ما نتعطر و لله الحمد ،،
و مب مجبورة احلف ..
زمننا إختلف ياخوي ..
و بعدين في مطاعم هادية ..!!!!
و احنا ما قلنا هالشي لازم و ضروري
قلنا نوع من التغيير بس
مش مجبور تسوي هالشي
خلاص التمشاية تكفي .،

ليش حاطين في بالكم البنت ما تطلع من بيتها الا و هي متعطرة ..!!!!!!
الحمدلله عمرنا ما طلعنا متعطرات و عارفين الحكم الشرعي لهالشي ..
نتعطر و نتبخر لعزيمة عرس زيارة و نكون رايحين مع حد من محارمنا
لكن لو سايق لا و ألف لاااا ..

[حميداني]

الله يحفظك لأهلك يا كحيل

[وثائقي]

نعم نحن مسئولون عن أخواتنا بل أن عاتقهم يقع على رقابنا فإذا أخاها لم يحتويها ويرعي سمعه لها فمن يحتويها إذاً ؟؟

أليس من حقها أن تعيش حياة كريمة منذ نعومة أظفارها ؟؟

إنها قارورة كما وصفها حبيبنا المصطفى صلى الله عليه وسلم إي أنها كالزجاجة تتأثر باللمس فقط قد تترك آثار عليها وقد تخدش ولا تعود إلى طبيعتها وإذا كسرت لا تعود كما كانت فهي رقيقة في طبيعتها عاطفية بفطرتها تتدفق مشاعرها ليوم ترى فيه أنها تعيش كالملكة وليس عكس ذلك فرفقاً بأخواتنا ..

نعم أذهب بها إلى حيثما تشاء فأما أن تعيش ملكة أو أن أكون إنسان فظاً غليظ القلب ينفض الناس من حولي ..

[Locale]

والله انا لو بنغير جو نشوف مكان مفتوح افضل ولا تطلع بكامل زينتها
المطعم بيكون فيه رجال ولا تقولين ما نتعطر ما فيه حد ما يتعطر وبعض العطور بخه وحده يعطر ممر

ما عمرنا سمعنا جدانا او ابهاتنا خذو بناتهم للمطاعم مكان مكتض الى يوم كانو بزران
الحين تبون تنفتحون على العالم وصارت المطاعم والاماكن المكتضه هي طريق التغير الجو

انا لا اتكلم عن الكل فيه ناس ملتزمه لا تحط عطور ولا تطلع بزينتها ولبسها مغطيها

واذا كانت بكامل زينتها وراحت مكان مفتوح حلال
واذا مطعم بتستأثم !!!!
المره اللي تتعطر ويشمها رجال زانيه لاتستهينون بالموضوع
ماراح يصير فيكم شي لو ماتعطرتوا

[alsoq]

واذا كانت بكامل زينتها وراحت مكان مفتوح حلال
واذا مطعم بتستأثم !!!!
المره اللي تتعطر ويشمها رجال زانيه لاتستهينون بالموضوع
ماراح يصير فيكم شي لو ماتعطرتوا

انا قصدي مكان يخلوا من الاختلط المكتض اما بروح بحر او روضه في ساعه اللي الله موسعها علينا بخليها تمشى وبنسولف وبنلعب بعد

[حسن]

الحمدلله انا مفتك كل ييوم يتغدون معاي ويتعشون معاي لانهم عايشين معاي ومشاهدهم اربع وعشرين ساعه

[قلب شامخ]

موضوووع رائع وجاتني الصيحه والله:$,,,

احب اخواني واااااااااااجد ,, واتمنى لو يقعدووون معاي نص ساعه ف السنه بسوووي حفله ! هههههه

[كحيل]

الله يحفظك لأهلك يا كحيل

وأنت كذلك ... جزاك الله خـيــــر ..

[المستقل]

نعم نحن مسئولون عن أخواتنا بل أن عاتقهم يقع على رقابنا فإذا أخاها لم يحتويها ويرعي سمعه لها فمن يحتويها إذاً ؟؟

أليس من حقها أن تعيش حياة كريمة منذ نعومة أظفارها ؟؟

إنها قارورة كما وصفها حبيبنا المصطفى صلى الله عليه وسلم إي أنها كالزجاجة تتأثر باللمس فقط قد تترك آثار عليها وقد تخدش ولا تعود إلى طبيعتها وإذا كسرت لا تعود كما كانت فهي رقيقة في طبيعتها عاطفية بفطرتها تتدفق مشاعرها ليوم ترى فيه أنها تعيش كالملكة وليس عكس ذلك فرفقاً بأخواتنا ..

نعم أذهب بها إلى حيثما تشاء فأما أن تعيش ملكة أو أن أكون إنسان فظاً غليظ القلب ينفض الناس من حولي ..



اشكر حماسك وتعبيرك :nice:

[سان سيمون]

الموضوع له أبعاد كثيرة ما يقتصر على جمعه وأكله وجبر خاطر صح أخذت اجر في المسكينة اختك بس لو كل واحد من هالشباب الي فارد عظلانه فرد مخه شوي و شطح بعيد عن ما هو معتاد على التفكير فيه لعرف انه ما ونس المسكينه وبس بالعكس انت حافظت عليها وحافظت على سمعتك وشرفك أشبعت عندها الجانب العاطفي وسديت عليها الأبواب الي يستغلها الثعالب لانه والله ما كثرت العلاقات المحرمة وهروب البنات من بيوتهم وطا روس اهلهم بالفضيحة الا بسبب عدم وجود الألفة بين الاسرة يخي كم من وحدة تنازلت عن حقوقها علشان خاطر أبوها ولا اخوها لكن اذا افتقدنا الألفة والرحمة فكل يسوي ما يداله هذا كلام من الواقع موب من فلسفة والله يحفظ بناتنا و خواتنا

أنا اعطي ولدي الفلوس واقوله يا الله اعزمني أنا وخواتك واذا جمعوا العديات كل يوم على واحد مرة البنت تعزم مرة الولد يعزم خخخخخخ شريرة ما خليتهم يلعبون في الفلوس لأني طول السنه اعزم فخلهم يعزمون مرتين في السنه

[ضوى]

ماشاء الله على زوجي صج خواته لا اله الا الله محظوظات فيه ، قايم فيهم قومة الا اللهم العشا في مطعم ، لكن دايما عزومات في بيتنا بمناسبة وبدون يجتمع معاهم اكثر من مرة في الاسبوع وقايم بطلباتهم يشوف سيارتهم المتعطلة وخدمهم الشاردين ودريوليتهم ، ويوفر لهم دريولية واحيانا يعطيهم دريول البيت يقضي طلباتهم الصراحة مب مقصر كلش ، طبعا غير التلفونات اليومية يسال عنهم وعن احوالهم ، والله خير هم لشافوه قاموا حبوا راسه ويده ، ويحبوني حب كبير انا وعيالي من غلاته هو طبعا

عندي اخوان اثنين الله يخليهم لي نتشاوف بس مب وايد بحكم المشاغل وبينا تلفونات ومسجات والواتس اب سوا شغل جام في الوصل ، طبعا عزيام وايد تصير الحمد لله بس مطاعم لا ماقد صارت

[بوهديب]

تسلم وانا خوك على الكلام الحلو وعساه يلقى من يطبق

[بوسلمان 2010]

تسلم على النقل اخوي كحيل

[بوغزلان28]

ان شاء الله يقرون اخواني هالكلام
منزمان ما طلعت معاهم

دايما عند الشباب عقدة ما ابي ربعي يجوفوني مع الاهل

مع احترامي لج اختي ms-qtr واخوانج

اشدعوه شنو (( مابي ربعي يجوفوني مع الاهل )) لا يكون عار وانا مادري

لا والله المفروض ألزم ما عليهم الا اهلهم خواتهم

[بوغزلان28]

الشاب القطري ما يعرف هالسوالف الا حق رفيجته بس للاسف

اهله ساحب عليهم

ههههههههههههههههههههههههههههههههههاااااااااااااااا اااي :victory:

[غموضي محيرهم]

اااه كم اني احب الرجال اللي يحب اخته والله اقدره واحطه ع راسي ,,

اخته من لحمه وامه من ام وحده : (
الله يخلي لي اخواني يعاملوني معامله احسن من معاملتهم لزوجاتهم : )

[مهرة]

الحمدلله على كل حال .. فعلاً اخوانا الشباب الله يهديهم لو بس يعطوون خواتهم لفته طيبة منهم مو شرط يطلعها ويعبي كرشتها ..!! ممكن اتجيب لها هدية بيوم ميلادها بنجاحها بالعيد طبعا غير العيدية مرة بالغلط مشيها بالسيارة مو لازم مجمعات ترى في طرق واساليب كثيرة مب احسن لها ماتلقي هالأهتمام من الخارج من الغريب ويوووووووه عاد هذي الثانية فيها طرق وأساليب لا تخطر على بال بشر ..!!!

ترى حنان الأب غير ورعاية ومحبة اخوانها لها غير يعني شاب من عمرها وجيلها ولهم نفس الهوايات والتقليعات ممكن نقووول ..!

مرة من المرات والتي ليست ببعيدة وتحديداً بيوم من رمضان كان وقت سحور وفجأة جا اخوي وبيدة كيس وعطاه اختي الصغيرة وقال لها (( هذا جبته مخصوووص لج معكروونه بالصووص الأبيض ادري بج تحبينها)) :eek5::eek5: حنا ندري انها يمكن ماعجبته او زاد عليهم مع شلته بس المهم انه جابها ويعرف انها الوحيدة الي بالبيت اتحبها ..!!:):)

يعطيكم العافيه اخوي موضوعك مميز لهذا اليوم ..:victory:

[غموضي محيرهم]

الحمدلله على كل حال .. فعلاً اخوانا الشباب الله يهديهم لو بس يعطوون خواتهم لفته طيبة منهم مو شرط يطلعها ويبعي كرشتها ..!! ممكن اتجيب لها هدية بيوم ميلادها بنجاحها بالعيد طبعا غير العيدية مرة بالغلط مشيها بالسيارة مو لازم مجمعات ترى في طرق واساليب كثيرة مب احسن لها ماتلقي هالأهتمام من الخارج من الغريب ويوووووووه عاد هذي الثانية فيها طرق وأساليب لا تخطر على بال بشر ..!!!

ترى حنان الأب غير ورعاية ومحبة اخوانها لها غير يعني شاب من عمرها وجيلها ولهم نفس الهوايات والتقليعات ممكن نقووول ..!

مرة من المرات والتي ليست ببعيدة وتحديداً بيوم من رمضان كان وقت سحور وفجأة جا اخوي وبيدة كيس وعطاه اختي الصغيرة وقال لها (( هذا جبته مخصوووص لج معكروونه بالصووص الأبيض ادري بج تحبينها)) :eek5::eek5: حنا ندري انها يمكن ماعجبته او زاد عليهم مع شلته بس المهم انه جابها ويعرف انها الوحيدة الي بالبيت اتحبها ..!!:):)

يعطيكم العافيه اخوي موضوعك مميز لهذا اليوم ..:victory:

........

والله انا بالنسبة لي اخوي الكبير وابوي نفس الحنان والحب اللي يعطونه لي

لاني احس ان اخوي الكبير هو ابوي فما احس ان الاخ غير والاب غير

اشوفهم نفس الشي

[مهرة]

ههههههههههههههههههههههههههههههههههاااااااااااااااا اااي :victory:


واختي صادقة عند ربها ماقالت شي غلط ولهو غريب علينا حق خواته وامه مب فاضي حق الخرفنة تايم والتهلس مع لستته فاضي آوووووول ذا تايم ..!

[ريتويت]

واختي صادقة عند ربها ماقالت شي غلط ولهو غريب علينا حق خواته وامه مب فاضي حق الخرفنة تايم والتهلس مع لستته فاضي آوووووول ذا تايم ..!

والهدايا والروليكس وووو

[مهرة]

........

والله انا بالنسبة لي اخوي الكبير وابوي نفس الحنان والحب اللي يعطونه لي

لاني احس ان اخوي الكبير هو ابوي فما احس ان الاخ غير والاب غير

اشوفهم نفس الشي


الله لا يحرمكم من بعض ..!

[عاهد بن علي]

ما بين معاي

[العلم]

من أجمل ما قرأت ،،،،، وفعلا أشكرك



والحمد لله يوم الجمعة الي فات قلتلهم بنطلع غبشه نتريق عالبحر ،،، وطاروا من الوناسة 



فعلا أختك إذا ماعطيتها الحنان بتلاقيه من غيرك ممن يغررون بعقول البنات المساكين

[ريم 28]

موضوعك هذا يدل على حبك للخير

موضوع يرفع المعنويات ويحث على فعل الخير وحب الأهل وخصوصا النساء

رفقا بالقوارير بعض المواضيع خصصت لجرح النساء زوجات أخوات أيا كان


أما موضوعك هذا لم أتمالك نفسي عن الرد عليه اقرأئه وآنا ابتسم

اسأل الله أن يوفقك ويسعدك ويسدد خطاك. اللهم أمين


أخي الكريم بالنسبه إخواني لا أجد لهم مثيل

اللهم أحفظهم وطول بأعمارهم واجعلهم ذخر لي

مطاعم سفرات طلعات
ما شاء الله تبارك الرحمن حتى المتزوج لا يقصر ويجتمع ويتمشئ ويسافر معنا ويحبنا

كل شيء حسب الأم والاب
إذا هم أعرفوا يربون الإخوان على الحب والاهتمام بالخوات تلقاه ما يقصر أبدا

فديت أبوي وأخواني يا جعلني ما أذوق حزنهم

[اوف ليميت]

أولاً:
مش رجال اللي يستحي من اهله
ولا اللي بس يطلع الصغار ويترك خواته لكبار
واثنيناتهم لاغراض غير رجولية

ثانياً:
اذا كان الشخص من هذه النوعيه مريض نفسي
فاعتقد كل من يفكر بانحراف بناتنا واخواتنا وقولهم بانها ستجد الحنان عند غيرهم من الشباب هذا مريض اكثر منه..لان محد يتقول على بنات المسلمين هالشي..والحنان لا يأتي من الأخ بالاساس..وانما هو السند..ويأتي اساسا من التربيه فالبيت من الام والاب

وثالثاً:
لكن بعد اتمنى الأخوات يسألون أخوانهم ليش ماتحب اطلعني معاك لو مره وحده فالاسبوع
راح تكتشف اشياء
لان بعض الاخوه يخجل انه يقول لاخته (لان لبسج فاضح او لبسج غير صحيح او فتنه او فيه قلة ادب او متبرجه او شعرج طالع او عبايتج مخصره او مفتوحه ويبين سيقانها ولبسها وبنطلونها وغيرها من هالاشياء
البعض من الشباب..غاسل يده لان في أب فالبيت فمايقدر يسوي شي..والاب مسكين حسباله ايام اول الناس طيبه والفتن قليله..والام اصلا من طبيعتها البرود مع ابناءها وبناتها دامهم بخير وبس..ولو خطى على خطوه بتصير مشاكل بالبيت بين الاب الابن..واخوج كل هالفتره قابض ع قلبه وحارق قلبه من اللي تسويه اخته وساكت ويقول يارب يفرجها ومايصيدها شي ولا الله يغضب عليها

ف ياليت تواجه البنت ايضا اخوها وتقوله بكل صراحه (هل انت يا فلان يا اخوي حبيبي..تستحي مني لاني البس وللا شعري وللا عبايتي و .. الخ)
والنتيجه بتكون .. مباشره وسهله..وفيها خير للبنت مستقبلا بعد الزواج اذا من الحين استقامت
والاخ بيصير تفكيره 24 ساعه في اخته حتى عقب الزواج..بسبب الاثر السابق
وفي شباب قلبهم طيب ف بيقولها اي..ولكن بيقولها هالمره لبسي عبايتج عدل وسكريها وبوديج مكان محترم

"والمره الجايه الاخت تتأدب وتلبس لبس السنع عشان تستمر الامور طيبه..مش تجرب كل مره تفصخ شي او تترك شي وتجس نبض..لان بعضهم لا حيا ولامستحى"

:]

[العلم]

أخوي اوف ليميت ما اتوقع الشباب قصدهم قذف بنات المسلمين بهذا الأمر ،،،،،



ولكن الأمر واضح وجلي وهو أن أغلب حالات الإنحرافات يكون سببها سوء التربية ومن أحد عناصر سوء التربية عدم إعطاء الأهل الحنان الكافي وتلبية حاجاتهم النفسية قبل البدنية ،،،،



والأخ ليس من حقه والإبتعاد وقول أن الأب موجود وهو الوالي عليهم ،، بل أنت شريك في عملية التربية والمحافظة عليهم ، قال الله تعالى: {يَا أَيُّهَا الَّذِينَ آمَنُوا قُوا أَنْفُسَكُمْ وَأَهْلِيكُمْ نَاراً وَقُودُهَا النَّاسُ وَالْحِجَارَةُ عَلَيْهَا مَلائِكَةٌ غِلاظٌ شِدَادٌ لا يَعْصُونَ اللَّهَ مَا أَمَرَهُمْ وَيَفْعَلُونَ مَا يُؤْمَرُونَ }[التحريم:6].


ولاينتظر الرجل أخته أو بنته أو أهل بيته لتأتيه وتسأله ،، بل هو من يذهب لها ويبين لها أنه يرغب في الخروج بها للتنزه ولكنه يلاحظ عليها بعض الملاحظات ،،،،


فأنت الرجل



واشكرك من كل قلبي 

[نوار قطر]

فديت اخواني تقريبا كل يوم عندنا و ونجتمع على الغدا وساعات العشا الله لايفرقنا

[اوف ليميت]

أخوي اوف ليميت ما اتوقع الشباب قصدهم قذف بنات المسلمين بهذا الأمر ،،،،،



ولكن الأمر واضح وجلي وهو أن أغلب حالات الإنحرافات يكون سببها سوء التربية ومن أحد عناصر سوء التربية عدم إعطاء الأهل الحنان الكافي وتلبية حاجاتهم النفسية قبل البدنية ،،،،



والأخ ليس من حقه والإبتعاد وقول أن الأب موجود وهو الوالي عليهم ،، بل أنت شريك في عملية التربية والمحافظة عليهم ، قال الله تعالى: {يَا أَيُّهَا الَّذِينَ آمَنُوا قُوا أَنْفُسَكُمْ وَأَهْلِيكُمْ نَاراً وَقُودُهَا النَّاسُ وَالْحِجَارَةُ عَلَيْهَا مَلائِكَةٌ غِلاظٌ شِدَادٌ لا يَعْصُونَ اللَّهَ مَا أَمَرَهُمْ وَيَفْعَلُونَ مَا يُؤْمَرُونَ }[التحريم:6].


ولاينتظر الرجل أخته أو بنته أو أهل بيته لتأتيه وتسأله ،، بل هو من يذهب لها ويبين لها أنه يرغب في الخروج بها للتنزه ولكنه يلاحظ عليها بعض الملاحظات ،،،،


فأنت الرجل



واشكرك من كل قلبي 

العفو
شي طبيعي اللي قلته
لكن نرجع للمحور الاصلي لراعي الموضوع

ليش الشباب مايطلعون خواتهم وياهم..لو مره فالاسبوع؟
ونرجع نكرر نفس الطلب..هل البنت ممكن تتجرأ وتقول لاخوها (يا اخوي الغالي..هل انا لبسي او شي في شكلي وطريقتي غير سوي ولا صحيح) ؟ ف لربما شي مش من تعاليم الاسلام وهي ماشيه عليه كالإمعه ومن صديقات السوء او دلال الأم .. لبس يخدش الحياء..تبرج..شعر..عطور فائحه .. ما إلى ذلك

:]

[روح الاطلس]

مب شرط يا اوف ليمت يكون لبسها فيه شي

بس بعض الاخوان يكونون دايما مشغولين او ماتخطر ببالهم فكرة انه يعزمها او يقعد معاها ممكن شخصيته جامده وانسان جاد ماله مزاج حق الطلعات العائلية ولا يحبها
ممكن يكون بيتوتي لا هو يطلع ولا اهله يطلعون

لكن ممكن يعوض بأمور ثانية مثلا يكون اكثر حنيه واهتمام بأخواته .. الاهتمام مب شرط مادي عزيمة او هديه .. الاهتمام المعنوي والتقارب اهم بوايد من الاهتمام المادي

[اوف ليميت]

مب شرط يا اوف ليمت يكون لبسها فيه شي

بس بعض الاخوان يكونون دايما مشغولين او ماتخطر ببالهم فكرة انه يعزمها او يقعد معاها ممكن شخصيته جامده وانسان جاد ماله مزاج حق الطلعات العائلية ولا يحبها
ممكن يكون بيتوتي لا هو يطلع ولا اهله يطلعون

لكن ممكن يعوض بأمور ثانية مثلا يكون اكثر حنيه واهتمام بأخواته .. الاهتمام مب شرط مادي عزيمة او هديه .. الاهتمام المعنوي والتقارب اهم بوايد من الاهتمام المادي

لا خلاف أبداً
هذول اللي تحدثت عنهم خلهم على جنب
واكون جذاب ان قلت لك انت غلطان

لكن نجي للنوع اللي (مش بيتوتي + يطلع دوم + حتى طلعاته مرات بروحه بس جذي دواره وهياته من غير لاهدف ولا ربع يورحلهم في اوقات معينه)

فهذا نبي نعرف
هل عنده نظره معينه عن اخته من ناحية اللبس
ف رجاء للنوعيه هذي من الشباب..اذا جت اخته تطلب منه يطلعها وهو مش من النوعيه اللي يطلعها ولا يبي..يتجرأ ويسأل
أو
الاحت لو لاحظت انه الولد انقطع عن القعده العائليه او الخروج مع العائله فترات طويله..ف تروح تسأله
تره فيه تودد ورحمه..مش شرط يتهاوشون ويتناجرون

أما اذا البيت من نوع اللي دريوليه..اصلا البنت لابتسأل اخوها ولا تبي اذا انقطاعهم مع بعض طويل
وهذول الله يستر عليهم..اذا انت تقطع مسلم فتره وماتسلم عليه لاسباب حتى لو بقدر حجم "الذره" ف حرام..ف مابالك باخت او اخت من لحم ودم واحد

وطبعا كل اللي نوقش بغض النظر عن اللي يطلعون مع اهاليهم وهو لاهو محشم الناس ولا صاين وحافظ هله .. ولا هله شامين ريحة الحيا والمستحى من تعري ولبس وسفور

:]

[eXpert*]

ماشاء الله على زوجي صج خواته لا اله الا الله محظوظات فيه ، قايم فيهم قومة الا اللهم العشا في مطعم ، لكن دايما عزومات في بيتنا بمناسبة وبدون يجتمع معاهم اكثر من مرة في الاسبوع وقايم بطلباتهم يشوف سيارتهم المتعطلة وخدمهم الشاردين ودريوليتهم ، ويوفر لهم دريولية واحيانا يعطيهم دريول البيت يقضي طلباتهم الصراحة مب مقصر كلش ، طبعا غير التلفونات اليومية يسال عنهم وعن احوالهم ، والله خير هم لشافوه قاموا حبوا راسه ويده ، ويحبوني حب كبير انا وعيالي من غلاته هو طبعا

عندي اخوان اثنين الله يخليهم لي نتشاوف بس مب وايد بحكم المشاغل وبينا تلفونات ومسجات والواتس اب سوا شغل جام في الوصل ، طبعا عزيام وايد تصير الحمد لله بس مطاعم لا ماقد صارت

لا إله الإ الله ، لا حد يصكه لج بعين :nice:

[عبدالعزيز الهتمي]

أولاً:
مش رجال اللي يستحي من اهله
ولا اللي بس يطلع الصغار ويترك خواته لكبار
واثنيناتهم لاغراض غير رجولية

ثانياً:
اذا كان الشخص من هذه النوعيه مريض نفسي
فاعتقد كل من يفكر بانحراف بناتنا واخواتنا وقولهم بانها ستجد الحنان عند غيرهم من الشباب هذا مريض اكثر منه..لان محد يتقول على بنات المسلمين هالشي..والحنان لا يأتي من الأخ بالاساس..وانما هو السند..ويأتي اساسا من التربيه فالبيت من الام والاب

وثالثاً:
لكن بعد اتمنى الأخوات يسألون أخوانهم ليش ماتحب اطلعني معاك لو مره وحده فالاسبوع
راح تكتشف اشياء



لان بعض الاخوه يخجل انه يقول لاخته (لان لبسج فاضح او لبسج غير صحيح او فتنه او فيه قلة ادب او متبرجه او شعرج طالع او عبايتج مخصره او مفتوحه ويبين سيقانها ولبسها وبنطلونها وغيرها من هالاشياء
البعض من الشباب..غاسل يده لان في أب فالبيت فمايقدر يسوي شي..والاب مسكين حسباله ايام اول الناس طيبه والفتن قليله..والام اصلا من طبيعتها البرود مع ابناءها وبناتها دامهم بخير وبس..ولو خطى على خطوه بتصير مشاكل بالبيت بين الاب الابن..واخوج كل هالفتره قابض ع قلبه وحارق قلبه من اللي تسويه اخته وساكت ويقول يارب يفرجها ومايصيدها شي ولا الله يغضب عليها

ف ياليت تواجه البنت ايضا اخوها وتقوله بكل صراحه (هل انت يا فلان يا اخوي حبيبي..تستحي مني لاني البس وللا شعري وللا عبايتي و .. الخ)
والنتيجه بتكون .. مباشره وسهله..وفيها خير للبنت مستقبلا بعد الزواج اذا من الحين استقامت
والاخ بيصير تفكيره 24 ساعه في اخته حتى عقب الزواج..بسبب الاثر السابق
وفي شباب قلبهم طيب ف بيقولها اي..ولكن بيقولها هالمره لبسي عبايتج عدل وسكريها وبوديج مكان محترم

"والمره الجايه الاخت تتأدب وتلبس لبس السنع عشان تستمر الامور طيبه..مش تجرب كل مره تفصخ شي او تترك شي وتجس نبض..لان بعضهم لا حيا ولامستحى"

:]



أوافق هالرد كفيت ووفيت :nice:

[عبدالعزيز الهتمي]

ألحين بعض الشباب أسحبو حتى على ربعهم والسبه هالبنات إلي مجمعهم حوله