الى متى هذا التخبط؟؟؟؟؟

[bohilal191]

صباح الخير يا أعضاء المنتدى موضوعي اليوم بخصوص الشوارع اللي تكون ثلاث مسارات وتوصل الدوار وعقب ماتعدي يجيك شارع بمسارين وخذ فلم الرعب اللي يصير ثلاث مسارات وكل مسار في عدد من السيارات وكلهم باتجاه الشارع ذو المسارين،،،يعني مافي حل وبعدين ليش كل رصيف عرضه يكفي سيارتين مايعرفون يصغرون الرصيف ويخلون مدخل الشارع في بدايته ثلاث مسارات على الاقل مسافة 400 او 300 متر،،،وانا ماكتبت هالموضع الا يوم صارت دربكة وكنت باركب الرصيف وادعم بسبة واحد ماسك المسار الثالث واللي المفروض يكون مخصص حق المتجه يسار ،،،والشارع اللي اتكلم عنه هو وانت جاي من عيادة الشرطة باتجاه اشارات محطة بترول اليرموك وسلامتكم واسمحوا لي على الاطالة.

[اللوز]

قدم اقتراحك للهيئة العامة للاشغال

[@north_star@]

نفس المشكلة على دوار المدماك وفعلا بعض الدوارات تحصل الرصيف عرضه يصلح مدرج للطائرات وحاشرين العالم بمسربين

[شموخ دائم]

,

,


مرحبا

كلام صحيح اخوي الكريم
هي مشكله الان بالفعل

ولكن ما تتفق معاي ان التوسعه لازم تكون على مراحل !!
اكيد المرحله الجايه ابو مسارين بيكون صار 3 او 4 ان شاء الله بالقريب
وما شاء الله على سبيل المثال
شارع سلوى بيتحول كله 4 مسارات


بالتوفيق

,

,


اخوك


شموخ دائم

[بريق الحق]

اانزين اشارات بروة تخطيط غبي والله شارع ضيق ماجفت اغبى من هاي الشارع المشكلة في مساحة فااضيه والله مايفهمون تخطيط غبي في غبي ويبون كاس العالم

[قلبي الطيب]

امس كنت افكر بشارع الكورنيش لازم يصير إشارات بدال الدورات ويتوسع لخمسة مسارات و في مشكلة شفتها ان شارع الجامعة تمت توسعته لثلاث مسارات على حساب مواقف الطوارئ

[للصبر اخر]

لان ماعندنا استراتيجيه نمشي عليها كل الخطط عشوائيه
مايعرفون شي اسمه استراتيجية على المدى البعيد

[دااانة قطر]

مشكله اعااني منها

[عزووز قطر]

في مشكلة شفتها ان شارع الجامعة تمت توسعته لثلاث مسارات على حساب مواقف الطوارئ

انا يومياً امر على شارع الجامعة
وايام المدارس والجامعات الزحمة لاتطاق ،،، واتمنى المسار الجديد يحل هالمشكلة ،،،

والحين بتكون اضافة المسار الثالث من اشارات الجامعة الى دوار القوس :rolleyes2: ان شاءالله يخلصون قبل بداية المدارس

[الدوحه1]

التخبط مب بس في الشوارع!! التخبط حتى في المشاريع الكبيره؟؟
شارع "بروه التجاري" نموذج من هالتخطيط العشوائي والسيء!!!
عدد مواقف السيارات لاتكفي للعدد الهائل من المحلات والمكاتب التجاريه.
والمفترض ان هالشارع هو اطول شارع تجاري في العالم؟؟
شوفوا "سوق واقف" المباني لازقه في الشارع !!!
مبنى المطافي الجديد اللي عند مركز العاصمه محشور في زاويه !!!

[بـارود]

تحويلة دوار سلاح الجو الجديدة

أخطر من تحويلة بروة

وفوق هذا كله النفق اللي راح ينبني تحت الدوار

يعني اللي جايين من الدوحة ورايحين الوكرة والعكس بتعترضهم الاشارة

اللي فوق النفق الجديد

يعني لين متى ما يتعضون من درس اشارات العسيري

الله يعين لو افتحوا طريق سلوى بالكامل !

[المواطن]

لو في مرور مثل دول العالم ما شفت هالأشياء

[رجل الجزيرة]

,

,


مرحبا

كلام صحيح اخوي الكريم
هي مشكله الان بالفعل

ولكن ما تتفق معاي ان التوسعه لازم تكون على مراحل !!
اكيد المرحله الجايه ابو مسارين بيكون صار 3 او 4 ان شاء الله بالقريب
وما شاء الله على سبيل المثال
شارع سلوى بيتحول كله 4 مسارات


بالتوفيق

,

,


اخوك


شموخ دائم

من خلال مروري على شارع سلوى يوميا ما عدا نهاية الإسبوع فأنا أشوف إنه بيكون 3 مسارات من تقاطع عين خالد لين جسر مدماك.

[captin]

مرحبا أخوي

أسوء لحظة لما تكون في الدوار واقف عند الإشارة
ويكون داخل الدوار ثلاث حارات ولما تفتح الإشارة
وتطلع على الشارع تلقاه حارتين يعني لازم واحد من الثلاثة اللي
في الدوار يتنازل ويتاخر شوي عشان تكون الحركة انسيابية
طبعا خذ الفوضى اللي تصير والهرانة وكلن يشتم ويأشر على الثاني


تخطيط المسارات والحارات تحتاج ناس فاهمة تخطط وتقيس التدفق المروري
Traffic Flow ويشوفون الحركة اليومية وين تبتدي ووين تنتهي وعدد السيارات
وين التركز السكني الخ من نقاط تحتاج دراسة وافية قبل التخطيط.

اعتقد لين نوصل المرحلة اللي عليها الدول الثانية في تخطيط المرور نحتاج سنين طويلة

[حسن]

قدم اقتراحك للهيئة العامة للاشغال

لو يعطوني الصلاحيه كان حطيت مشانق على الكورنيش وعلقت موظفين اشغال عليها وخليتهم

عبره لغيرهم لان التخبط الى قاعد يسير كارثي

[حسن]

لو في مرور مثل دول العالم ما شفت هالأشياء


كلام سليم ميه يالميه المرور ضعيف عندنا همهم مخالفات وفلوس والشارع فوضي طز

الاجانب ضارب القوانين بعرض الحائط لانالكفيل القطري هو اللي يدفع بذمتكم شخص يرتكب

جريمه ويحاكمون غيره في وين يسر ذي غير هني

عمار عمار يالدبلوماسي الحمدلله الدوله الوحيده على مستوي العالم انا اكتشفنا ان البالون هوالسبب

في الحوادث اه ياعالم شوفولي طابوقه ابي انتحر اطب من فوقها

[حسن]

تصميم الشوارع من اهم اسباب الحوادث في قطر وقد تكون اكبر خطوره من ربط الحزام ومن استخدام البلاك بيري

ومن تواير البوالين يالله يمكن الريل ينهي المشكله ونستخدمه ونفتك من السيارات بس مادري نقدر نقلص الطراد ورا الريل

[ام ناصر1]

لو يستقدمون خبرات اجنبية ومدراء لاشغال افضل ...

[حسن]

لو يستقدمون خبرات اجنبية ومدراء لاشغال افضل ...

موهذا تصميم الخبراء اللي جاين من برع

مايبيلها خبير ولاشي كلهم زايرين دبي يسون مثل شوارعها اقصد مافي قطر مازار دبي وزير مدير مسؤول مواطن