السيارة متوفرة في معارض السيارات.. تبي ولا كيفك!!

[البيت القديم]

انا لا اقول كل السيارات ولكن هناك انواع من السيارات المرغوبة غالباً ما تكون غير متوفرة في الشركة ولكن توجد وبكثره في معارض السيارات مع زياده غير قليله في السعر على سعرها الاصلي من الشركة..

السبب،، ومن المسؤول،، والحل؟؟؟

[الخزرجي قطر]

مسئولية تجاروكلاء السيارات

[خوي الدرب]

اخي الكريم ما تقوله هو العكس الواقع حسب تجربتي
فقد تكون السيارة في الشركة مثلا بمائة ألف ولكن في بعض المعارض المتعاملة مع الشركة
نجد السيارة أرخص من الشركة بحدود 2000 ريال وهذا لأن الشركة تقدم للمعارض المتعاملة معها اسعار مشجعة
أما إذا كنت تتعامل مع معارض ترفع السعر عن الشركة فهذه يبدو انها معارض ليس لها تعامل مع الشركة فلذلك تنجبر على رفع السعر

[Riku3]

هذا للاسف ادى الى جشع الوكلاء وكل سنه يزيد السعر لان السيارات تمشي بأسعار اكثر من 10000 عن الوكاله !! ..

هذا نوع من الاحتيال سببه اصحاب المعارض الي يستولون على السيارات ويحجزونها بأساليب عده بموافقة الوكيل الي يدري ان هالامور تحصل بس ما يحط شروط تمنع مثل هالتصرفات ..

حتى السيارات الامريكية ما سلمت منهم بعد ما صار لها سوق في السنوات السابقة .. وكل سنه الاسعار في ارتفاع !! .

[captin]

هذا هو للأسف حال سوق السيارات في قطر

لكن أنا اقول اللي يبي سيارة يوصل الأسواق المجاورة
ويشتري السيارة اللي يبيها بسعر أرخص من الدوحة
خصوصا السيارات الأمريكية ويخلي سياراتهم لهم.

[النهار]

اذا كنت تقصد الجموس كلامك صح ينباعون اغلى من الوكاله لانهم شافطين كل المواتر اول بأول

[بونو]

ولو تقصد البورش كيان ... طبيعي لان السياره على الطلب ... واللي توصل سيارته يعرضها بسعر أغلى من الوكاله بفرق كبير ... ثمنا لعدم الانتظار

[سعادة الوزير]

اخي الكريم ما تقوله هو العكس الواقع حسب تجربتي
فقد تكون السيارة في الشركة مثلا بمائة ألف ولكن في بعض المعارض المتعاملة مع الشركة
نجد السيارة أرخص من الشركة بحدود 2000 ريال وهذا لأن الشركة تقدم للمعارض المتعاملة معها اسعار مشجعة
أما إذا كنت تتعامل مع معارض ترفع السعر عن الشركة فهذه يبدو انها معارض ليس لها تعامل مع الشركة فلذلك تنجبر على رفع السعر

انت الظاهر صار لك فتره مب عايش في قطر ، الحين المعارض صاروا يركزون على موتر محدد ومرغوب ، ويلمونه من الوكالة بالتفاق مابينهم ، وبعدين يعرضونه للبيع عندهم باعلى من سعر الوكالة بحوالي 20 الف! ، الحين هم طايحين في الجمس الغمارة 1500 ، في الوكالة ب 105 وفي قطر سيل تحصله ب 130!!

[BoFahed]

انت الظاهر صار لك فتره مب عايش في قطر ، الحين المعارض صاروا يركزون على موتر محدد ومرغوب ، ويلمونه من الوكالة بالتفاق مابينهم ، وبعدين يعرضونه للبيع عندهم باعلى من سعر الوكالة بحوالي 20 الف! ، الحين هم طايحين في الجمس الغمارة 1500 ، في الوكالة ب 105 وفي قطر سيل تحصله ب 130!!

صادق اخوي والسالفة معروفة جدا هو رشوة بعض موظفين المبيعات في وكالات هالمواتر وياخذ علا كل سيارة عمولة علشان يبيع الدفعة كلها لتاجر واحد واي واحد يروح الوكالة يقولونه انطر شهرين ولا اربع ويحصل في معارض سلوى فرقية عشرة وتوصل عشرين الف

كل المصايب من هالموظفين وياما يلغون حجز سيارات علشان واحد واصل ولا يبخهم ولما راعي الحجز يسال يقولونه معليش تاخرت السفينة في البحر ولا المينا

*