يوكن او تاهو !! اريد ارائكم !! وجزاكم الله خير

[بوسالم87]

السلام عليكم

قررت اشتري سيارة امريكية حق المنزل للسايق.

فانا محتار الحين بين التاهو او اليوكن !!

شنو الافضل ؟ من كل النواحي وخاصة الوكالة من ناحية خدمة ، وتاخير ، وووو الخ

مشورتكم يا اهل الخبرة



والف شكر

[Qatar-supra]

كلهم واحد المكينه القير الشاصي والقطع بس الشكل فيه اختلاف بسيط
ومن حيث الوكاله افضل اشوي المناعي من الجيده
لكن عندك الايسي ديلكوا تابع لهم الاثنين ويمشي الضمان عندهم

[يراعٌ فراتي]

نفس المصنع كلهم جي ام

نفس الشاصي
المكاين تتطابق في اغلب الموديلات
القير نفسه

الوحيد الي يختلف هو الدينالي مكينته وقيره اقوى وما تشبه مكاين التاهو

اذا تبي للبيت خذ لك تاهو واذا ما تحتاج الدبل بيوفر عليك انك تاخذ سنغل

اتوقع سعر 2012 بحدود 130 الى 135 الف لموديل 2012

واذا مع الدبل حول 140

اذا تبيه لك استخدام شخصي خذ لك تاهو ال تي زد
او يوكن دينالي

بس نصيحتي خذ التاهو

من ناحية الوكالة

المناعي خدمتهم زينة بس اسعارهم اغلى

الجيدة جيدة وفيها تحسن

ونصيحتي خذ تاهو

واول تشييك وثاني تشييك فالوكالة وعقب
خلك مع الايسو دلكو لانه ارخص
وفي نفس الوقت هو فرع للجيدة ما يطيح ضمانك

[اللوز]

نصيحة
انتظر سنة
وأخذ لك يوكون الشكل الجديد 2014
ووكالة المناعي محترمة
وبعد يجونك البيت يغيرون لك اللآيل والفلتر

[العتوي]

اخوي 2014 بيتغير شكله
فلو طلعت الجديد الحين اخاف تتحسف عليه لو نزل الشكل الجديد
هاي واحد من شركه الجمس قالي بيتغير شكله
واحتمال ينزل في نص 2012 او نهايه 2013

واذا مستعجل اقولك خذ الجمس وانت مغمض صج فرق بسيط بس وكاله الجمس افضل من الشفر من تجربتي الخاصه

[Qatar-supra]

الي يقلون بينزل الجديد وانطر لا يتغير ياخوي اذا الجديد بينزل مهب اقل من 25 الف بيرفعوع السعر عن الوقت الحالي يعني بالعربي الي الحين ب130 بيصير 155 بعد سنه الجديد
بيمسك بسعره القديم لانه الجديد بينول غالي نفس ماصار بالنيسان 2010 ونزل ولا الكروزرء 2008 تلقديم ارتفع سعره

[ابن مانع]

التاهو افضل من ناحية السعر وبعض الكماليات في الاستاندر
لاكن وكالة المناعي فرق السماء عنهم ابرك بواجد اذا تهمك خدمة مابعد البيع عليك باليوكن

[المبرمج صلاح]

http://a2.sphotos.ak.fbcdn.net/hphotos-ak-snc1/10422_160755023010_16093593010_2572679_6922833_n.j pg
بالتوفيق ان شاء الله

[بومحمد المطاوعه]

والله ياخوي كلهم نفس الشي بالضبط

بس اللهم اختلاف الشكل والسعر

التاهو ارخص من اليوكن بفرق كبير

انا عندي تاهو ٢٠١١ ls حقي

وعندنا تاهو ٢٠١٠ xl سوبر بان حق البيت

والحمدلله ما اشتكينا من اي شي وضمان 5 سنوات والعداد مفتوح

تدفع 3000 ريال حق الضمان المفتوح لمده 5 سنوات

والله يوفقك*

[N203]

انا في رائي اذا مستعجل خذ لك تاهو.. صحيح انهم شكل بعض بالضبط . بس من ناحية شكل افضل التاهو.
ومثل ما قال الاخ aljabiry ، اذا نزل الجديد سعره بيرتفع 25 ألف كحد ادنى. وبالتالي سعر القديم مابينزل كثير. وخبرك اول دفعه ومشاكل او لين الناس ماتتعود عليه يبيلهم وقت.

اذا مستعجل وتبغي موتر للبيت في رائيي التاهو

وبالتوفيق

[كتكوت الوحش]

سكويا طبعا ما في غيرها
لا تقولي تاهو او يوكن
تطلع من الشركة وقيمتها 160 زيرووووووووووو