استفسار عن بنك التنمية

[Mo7mmad]

اذا التزامي البنكي 50% من الراتب

هل اقدر اتعهد مصرفي من البنك ؟
واخذ قرض الاسكان علشان ابني ؟

اتمنى الي عنده خلفية يجاوبني

[" فـارس قـطر "]

نعم اخوي تقدر وماعندك اي مشكله
لان بنك التنميه مش مسؤول عن قروضك الشخصيه ويسألك عنها وكم يخصمون منك
والبنك الي انت فيه مجبورين انهم يعطونك تعهد مصرفي منهم موجه لبنك التنميه حتى لو اقساطك اكثر من 50% من راتبك

[alsoq]

اللي اعرفه انه يحسب قرضك الشخصي وقرض بنك التنميه ويجموعونه اذا طاف 75% ما يعطونك لانك تجاوزت الحد المطلوب

[الخزرجي قطر]

كل شي ممكن حسب علاقتك بالبنك الذي يتحول راتبك عليه
وفي كلا الاحوال اعتقد ان البنك لازم يعطيك الشهاده ؟؟؟

[الدوحاتي]

يصير اخوي وكلامي نفس فارس قطر

[Mo7mmad]

بيض الله وجيهكم هم وانزاح

[khalid525]

نعم اذا تجاوزت التزاماتك ٥٠٪ من راتبك الاساسي والعلاوة الاجتماعية ما راح يسمح لك تاخذ قسط اضافي حتى لو كان لبنك التنمية

[مضارب دوسري]

لا يا اخوي لا تسمع كلامهم

روح البنك وقوله عن راتبك وخله يعطونك الجواب بنفسهم
لان يعتمد على راتبك الاجمالي وكم يصفى لك
وتقدر تكلم 44596666
بنك التنميه وتسال بنفسك

انا قالولي 75 % من الراتب كامل مب الاساسي والاجتماعيه
ولو صعلقوا معاك مثلاااااا وانت ساكن بالايجار تودي لهم عقد الايجار ويخلصونك
واذا تبي تريح راسك روح بنك التنميه خذ منهم ورقة التعهد المصرفي اقب ودها لبنكك وخذ الموافقه والختم اذا عطوك اياها خلها عندك حتى لو 6 شهور عادي وعقب ودها مع اوراقك وقت التقديم

[الدوحاتي]

اخوي اذا بنك التنميه عطاك اورقه التعهد - البنك ماله اي حق انه يرفض التعهد

[مضارب دوسري]

التنميه يعطونه ابليكيشن يكتبه هو ويوقع عليه مدير البنك مع ختم البنك
هذا هو التعهد المصرفي

[Mo7mmad]

جزاكم الله خير

اتصلت على بنك التنمية وعلى حسب كلامهم اذا يصفى من الراتب شي عادي ما تضر مسائلة 75% من الاساسي والاجتماعيه

والحمدلله :nice:

[Al-Kuwari]

الله يوفقك ويزيح عنك هم الدين ان شا الله

[زمان]

القانون واضح اخوي

شروط الحصول على القرض لكل قطري:

1- أن يكون قطري الجنسية .
2- ألا يقل عمرة عن اثنين وعشرين سنة.
ويصدر قرار من مجلس الوزراء بأولويات وضوابط الانتفاع بهذا النظام وبتحديد شروط وضوابط انتفاع المتجنسين به ، وذلك بناءً على اقتراح الوزير .


وبعدين في عندهم ضمان للبنك فما يحتاج شئ ثاني

مــادة (9)

يكون للبنك حق امتياز على الأرض والبناء المقام عليها أو الوحدة السكنية المشتراة، حتى يتم سداد أقساط القرض.

وبس خلاص