مع او ضد السائقات اللي يوصلون الموظفات من والى الشغل ؟

[همس البراكين]

السلام عليكم ورحمة الله وبركاته

اعلانات في الوسيط او عن طريق النت او عن طريق تبادل
برودكاست تعددت الطرق والهدف واحد (التوصيل ) ؟

هل من تجارب شخصية اوغير شخصية لتعم الفائدة على الجميع ؟


وهل انتي / انت مع اوضد معللا ذلك 0


ولكم الشكر .

[لاجل QT]

بالعكس شي طيب اذا السائقة جيدة في السواقة واهم شي امينة

عز الطلب

مافيها شي

[خليفـة]

انا ضد وبقوة
والاسباب كثيرة
اول سبب استغلال واضح من أغلبية تلك السائقات
والي في الغالب كلهم اجانب ومن جنسيات معروفة

معقوله سائقة تطلب من الموظفة مبلغ 2500 ريال لمشوار ربع ساعه روحه وربع ساعة ردة !!
وعلاوة التنقل لا تتعدى الـ 1000 ريال أصلاً

انا اشوف ان الحل الأفضل ان الموظفة تقدم لها على سائقة فلبينية
توديها وتجيبها وتكون عندها طول اليوم .. وبراتب لا يتعدى الـ 1200 ريال بالكثير

او انها تاخذ ليسن وتحط الـ 2500 ريال هذي قسط لسيارة من الوكالة تكون تحت تصرفها
على مدار الساعة .. هذا في حال مالقت احد من أفراد اسرتها يوديها ويجيبها .

والله اعلى واعلم

خليفـــة

[عزووز قطر]

كثرت مواضيع السواقة قبل الموسم الدراسي ،،

بس اذا السائقة مؤقتة ،،، انا من المؤيدين
بس لو لفترة طويلة انا مع اخوي خليفة ،،،
السائقة احسن من السائق

[abdo222]

مع ،، اذا في حل ثاني كان الناس سووه من زمان،،

[همس البراكين]

اشكر كل من ادلى بدلوه .
من احدى السلبيات التي نقلتها لي احداهن ان السائقة
امطرتها بوابل من الاسئلة ( الشخصية ) طوال الطريق .
ومن المشوار الاول يعني وكأن ( الميانة طايحة بينهم من زمان )

بانتظار باقي الردود.

[romoz]

و عليكم السلام و رحمة الله و بركاته


انا مو ضدهم لانهم يفكون ازمة بعض الموظفات ، و لكن انا ضد استغلالهم الواضح و الصريح

و قبل فترة كنا نتحدث عن هذه الظاهرة و استغلال السائقات لحاجة الموظفات ، و من بين طرق الاستغلال ان كل راس له سعر بروحه !!

يعني طفلين يروحون نفس المدرسه كل واحد له سعر ، يعني 1500 ع كل واحد !!!
و فيه من اقاربي موظفات اختين في نفس المدرسه يشتغلون بس كل وحدة تدفع سعر الصراحة ما ادري كم يدفعون بس مو معقوله على نفر يدفعون .
حتى مشاوير الجمعيه و السوق ، انا انصدمت من الاستغلال الوقح لحاجة الناس ، و كذلك جهل الناس لحقوقهم ، يعني ما يفاصلون بالسعر و يجادلون ، خلاص السعر چذي ، و طريقة الدفع چذي قالو اوكي .


ياليت يمنعون هذه الظاهرة و الاستغلال ، لان هذا يعتبر سيارة اجرة غير مرخصة ، و لها عقوبات ، بس الناس شافو التهاون قالو يله خلنا نتربح .

[basma222]

انا ضد هم


ما اقدر اطرش بناتي مع انسانه ما اعرف شىء عنها

[كتكوت الوحش]

لا تعليق

[qatara]

لو باليد لوضعت باص لكل جهه عمل للموظفات

اامن لهم وبنفس الوقت حدا من الزحمه في الطرقات

[intesar]

لو باليد لوضعت باص لكل جهه عمل للموظفات

اامن لهم وبنفس الوقت حدا من الزحمه في الطرقات

اقتراح حلو.. بس البرستيج ما يسمح..
لو بأوروبا كان عادي..

[king fish]

صراحه مع احترامي موضوع ما يستاهل النقاش

[qatara]

اقتراح حلو.. بس البرستيج ما يسمح..
لو بأوروبا كان عادي..

البرستيج والكشخه والتزيين
تخليهم في البيت للزوج

[intesar]

البرستيج والكشخه والتزيين
تخليهم في البيت للزوج


وشدخل الكشخة والتزيين..
كل يوم عن يوم حالتك تزيد سوءا.. :anger1:

[بصمة قطرية]

مرة وحدة جازفت و جربت و طلبت وحدة
كان عندي مشوار ضروري ..
أولاً : سواقتها سيئة جداً
خبطت الموتر تخبط على المطبات
أنا قلبي عورني قلت لها إنتبهي
كسرتي الموتر ..
تقول لي هالشوارع ما أعرفها
مادري ان فيها مطبات ..!!!
قلت لها طيب انتبهي راح الموتر ..

و موترها أصلاً متهالك ..!!!
ثانياً: ما تدل شي كلش ..

ثالثاً: سعرها جداً غالي ..

وحدة من قرايبي كانت تتعامل مع وحدة توصلها و تجيبها من الشغل ..
كل يوم كانت تتأخر عليها
و كل يوم تطلع بعذر
و كانت تاخذ سعر خيالي ...!!!
إرتاحت يوم ساقت بروحها ..

بصراحة أنا ضدهم و بقوة لأنهم استغلاليين جداٍ ..

[دااانة قطر]

، و من بين طرق الاستغلال ان كل راس له سعر بروحه !!
يعني طفلين يروحون نفس المدرسه كل واحد له سعر ، يعني 1500 ع كل واحد !!!
ياليت يمنعون هذه الظاهرة و الاستغلال ، لان هذا يعتبر سيارة اجرة غير مرخصة ، و لها عقوبات ، بس الناس شافو التهاون قالو يله خلنا نتربح .

صدقت والله
العام كاانا وحده توصل بناتي بس الظهر تااخذ عليهم 1500
يعني لو فترتين بتاخذ 3000
السنه هذي بخليهم يركبون البااص او بطلع لهم بما ان مرخصين لي سااعتين


وبصرااحه احنا اللي عطينااهم مجاال وياليت يمشون عالوقت تلااقيها تاخد عدد كبير وتتاخر علبنات
الحين الساايق يوم كاامل ونوم متقطع واخرتها 1200

[خليفـة]

صدقت والله
العام كاانا وحده توصل بناتي بس الظهر تااخذ عليهم 1500
يعني لو فترتين بتاخذ 3000
السنه هذي بخليهم يركبون البااص او بطلع لهم بما ان مرخصين لي سااعتين


وبصرااحه احنا اللي عطينااهم مجاال وياليت يمشون عالوقت تلااقيها تاخد عدد كبير وتتاخر علبنات
الحين الساايق يوم كاامل ونوم متقطع واخرتها 1200

صدقتي
احنا الي اعطيناهم المجال
واحنا الي شيخناهم وخليناهم يطلبون بطمع

الله يحفظ لج البنات ان شاء الله

[همس البراكين]

السلام عليكم ورحمة الله وبركاته

احترم جميع ردودكم بلا إستثناء
واختصر ماسبق من مشاركاتكم
بالمثل الشعبي المتداول
( اشحادك على المر الا الامر منه )
فظروف الانسان تجبره احيانا للتنازل
عن اشياء مقابل اشياء اخرى

لاانفي ان النساء يفضلنها في حال عدم
وجود محرم هذا بالاضافة انها تنتمي الى
بنات جنسها نفسيا ستكون بإيحاء نفسي منها
اكثر راحة وأمان خاصة اذا كانت عن طريق الاهل
وليس عن طريق البرودكاستات او عن طريق الوسيط

تسعدني مشاركاتكم
دمتم بحفظ الله
والسلام عليكم ورحمة الله وبركاته

[ضوى]

لو باليد لوضعت باص لكل جهه عمل للموظفات

اامن لهم وبنفس الوقت حدا من الزحمه في الطرقات

عادي بسنوات شغلي الاولى كان سيارة الشغل تجيبني وتوديني مع مجموعة من الموظفات وكان الامر عاديمدري اذا للحين النظام موجود والا لا لانه يخصم بدل التنقل

[chillis]

مع للضروره فقط لو اني افضل السائقات الخاصات يعني اجيب سائقه خاصه لبيتي افضل

[bo_hamad]

مشروع جيد في حالة وجود سائقات للتوصيل ولكن بشرط يكون السعر مناسب وذو منطق والتوفيق للجميع

[بريق الحق]

لو باليد لوضعت باص لكل جهه عمل للموظفات

اامن لهم وبنفس الوقت حدا من الزحمه في الطرقات

انا معاك في هذا الشي
واذا الدوام نفسه يقدر يوفر لي الموظفه سائقة خاصة يكون افضل الصراحة

[qatara]

وشدخل الكشخة والتزيين..
كل يوم عن يوم حالتك تزيد سوءا.. :anger1:


ههههههههههه
حالة بعضكم حاله
الله يعينهم دنيا واخره

[همس البراكين]

السلام عليكم ورحمة الله وبركاته

اشكركم جميعا على المرور الطيب