الـــى مــتـــى نــعـــانـــي مـــن الـــتـــوايـــــر ....؟

[بومحمد المطاوعه]

السلام عليكم ورحمة الله وبركاتة

اعضاء منتديات شبكة الأسهم القطرية .. . الكرام
تحيه طيبه وبعد ....

شخباركم ان شاءالله مرتاحيين

حبيت اطرح موضوع التواير في قطر والاسعار ....

الصراحه تعبنا والله مب حاله هذي كلمت حمايه المستهلك اكثر من مره ولا في اي تجاوب

الحين التواير في الدوحه اسعارهم غير عن الامارات والسعوديه

انا عن نفسي تواير سيارتي حجم 20 تدرون بكم في قطر ...؟؟
خلوني اراويكم الصور

https://lh4.googleusercontent.com/-HLZH9Rv-yCE/T2-CYw454uI/AAAAAAAAYC0/pYxFrReiu9k/s800/IMG_6483.JPG https://lh6.googleusercontent.com/-WPkSfzrh9YM/Tm0SLjx6pFI/AAAAAAAAWqs/j2Tapj2npOQ/IMG_5015.JPG

هالتاير الي انا دوم اركبه على موتري والي حاليا في صوره التوقيع بس طبعا مستحيل اركبهم فالدوحه لان

سعرهم نااااااار في

محل كيو تاير

http://voucherclubs.com/wp-content/uploads/2012/03/Q-Tire-Logo-compressed-31.jpg

في هالمحل تدرون بكم سعره الواحد ....

1375 ريال :anger1:

الله وأكبر

في الأمارات تتوقعون بكم سعر التاير الواحد..؟

بـــ 500 ريال
نفسه بالضبط وضمان سنه

انا شريت 4 تواير تدرون بكم..

1900 درهم غطاني اياهم وضمان سنه

وجبتهم للدوحه وركبتهم عند

كيو تاير بالعماله وراويته الفاتوره

يعني فالدوحه بيطلعون علي بــ 5500 ريال

ليش ليش ليش :anger1:

يعني الفرق 3600 ريال

يستاهل اني اسافر واخذهم من الامارات ولا لا...؟

انا الحمدلله عن نفسي اروح الامارات منها زياره حق خوالي وخالاتي ومنها اخذ اي شي ابيه وارجع وبذات التواير

يعني مادري ليش هالاسعار عندنا فالدوحه

والله حراااام :weeping:

تعبنا بشكل غير طبيعي

انا مب مشكله بتعنى وبروح

بس غيري مايقدر يروح والله

اتمنى يحسون فينا اشوي

ونسأل الله ان يرحمنا برحمته

الله يهديهم حمايه المستهلك

تحياتي لكم

[الجوكر90]

زين قلت لي عشان اشتري من الامارات
لان فرق كبير من قلب
٣٦٠٠ تغطي السفره من فندق ومشتريات حق ٣ ايام
والله يعين
بس انا اشوف ان نصبر شوي لان خلال ٣ سنوات راح يفتحون سوق الجمله
وراح ينزلون نسبه الجمرك
والايجارات محد يدري عنها يمكن فوق ويمكن تحت
وبالتوفيق ان شاء الله

[خليفـة]

الله يكون في عونك ياخوي
تبي الصراحة .. حاول تجيبهم من الامارات او السعودية
الفرقيه مب بسيطة وانا اخوك
نتمنى من الجهات المختصة التدخل بشكل عاجل وصارم

خليفــة

[بومحمد المطاوعه]

زين قلت لي عشان اشتري من الامارات
لان فرق كبير من قلب
٣٦٠٠ تغطي السفره من فندق ومشتريات حق ٣ ايام
والله يعين
بس انا اشوف ان نصبر شوي لان خلال ٣ سنوات راح يفتحون سوق الجمله
وراح ينزلون نسبه الجمرك
والايجارات محد يدري عنها يمكن فوق ويمكن تحت
وبالتوفيق ان شاء الله

اي والله صدقت ياخوي

3600 افتل فيها

بس والله ياخوي حتى الرنقات

ووايد اشياء مابي اتكلم

بس انا قصدي ان التواير نص السعر اقل وازيد

الله المستعان

[نيساني]

زين عندك الاسيام بعد سعر التاير ٦٠٠ ريال في الامارات وفي الدوحه ينباعون بالخش ب١٠٠٠ ريال للتاير يعني الخمس تواير ب٥٠٠٠
يعني بتوفر ٢٠٠٠ ريال

وااااااو وشكراً على الموضوع

والله المستعان

[بومحمد المطاوعه]

الله يكون في عونك ياخوي
تبي الصراحة .. حاول تجيبهم من الامارات او السعودية
الفرقيه مب بسيطة وانا اخوك
نتمنى من الجهات المختصة التدخل بشكل عاجل وصارم

خليفــة

والله نتمنى بس متى ....؟

اي والله ياخوي شريك اصلن مستحيل اخذهم من هني

سعر تايرين بسعر تاير واحد مع التركيب والميزانيه

الله كريم ياخوي

تحياتي لك

[captin]

مرحبا أخوي

أنت طرحت موضوع مهم وهاذي سلعة وحدة من مجموعة سلع
صارت اسعارها لاتطاق والكل نايم لاحسيب ولا رقيب على الموردين
ووكلاء المواد والسلع ومنها التواير اللي هي سلعة مهمة للكل

أنا من فترة بسيطة ركبت أربع تواير للسيارة بقيمة 8000 ريال
يعني كل تاير بـ 2000 ريال وبالمقابل في الدول المجاورة يمكن ما يزيد سعر
هذا النوع عن 1000 ريال.

قمنا كل شي نشتريه من ماكل ومشرب وملبس وسيارات
ولوازم المعيشة كلها من برع

بس باقي نروح نعيش برع.


الحل بسيط جدا وكثير من الشباب والمواطنين يبي يدخل التجارة
كل المطلوب صدرو قرار بوقف ما يسمى بالوكيل او الوكالة ويصير الكل
يورد جميع المواد والسيارات وقطع الغيار والتواير وخل يصير فائض
كبير في السوق , بعدين السوق بيشكل نفسه بنفسه وبتنزل الأسعار غصب.
وهذا اللي صاير في جميع الدول المجاورة ودول العالم.

[بومحمد المطاوعه]

زين عندك الاسيام بعد سعر التاير ٦٠٠ ريال في الامارات وفي الدوحه ينباعون بالخش ب١٠٠٠ ريال للتاير يعني الخمس تواير ب٥٠٠٠
يعني بتوفر ٢٠٠٠ ريال

وااااااو وشكراً على الموضوع

والله المستعان

اي والله صادق اخوي

البالون صار في الدوحه مثل السويكه ينباع بالخش ههههههه

نسأل الله العفو والعافيه

جزاك الله خير

[بومحمد المطاوعه]

مرحبا أخوي

أنت طرحت موضوع مهم وهاذي سلعة وحدة من مجموعة سلع
صارت اسعارها لاتطاق والكل نايم لاحسيب ولا رقيب على الموردين
ووكلاء المواد والسلع ومنها التواير اللي هي سلعة مهمة للكل

أنا من فترة بسيطة ركبت أربع تواير للسيارة بقيمة 8000 ريال
يعني كل تاير بـ 2000 ريال وبالمقابل في الدول المجاورة يمكن ما يزيد سعر
هذا النوع عن 1000 ريال.

قمنا كل شي نشتريه من ماكل ومشرب وملبس وسيارات
ولوازم المعيشة كلها من برع

بس باقي نروح نعيش برع.


الحل بسيط جدا وكثير من الشباب والمواطنين يبي يدخل التجارة
كل المطلوب صدرو قرار بوقف ما يسمى بالوكيل او الوكالة ويصير الكل
يورد جميع المواد والسيارات وقطع الغيار والتواير وخل يصير فائض
كبير في السوق , بعدين السوق بيشكل نفسه بنفسه وبتنزل الأسعار غصب.
وهذا اللي صاير في جميع الدول المجاورة ودول العالم.

مرحبتين اخوي

بارك الله فيك

والله وايد ياخوي ب 8000 ريال

ياخي مادري ليش مافي حمله من الشباب نفس السعوديه

حمله خليها تصدي

والله ياخوي ان الكل بيمشي عدل

ولا بيرفعون علينا الاسغار

بعض الشباب الله يهديهم

يوقف موتره ويقوله بديل 5 تواير

ويركب مع رفيجه ويروح لا يقعد يشوف التواير

ولا يكاسر ف الاسعار

تقبل تحياتي

[الحاقول]

صح المطلوب صدرو قرار بوقف ما يسمى بالوكيل او الوكالة

لان هذا القانون يحمي التاجر على حساب المستهلك

ولجنة حمايه المستهلك عاجزه من الوقوف امام التاجر

[بومحمد المطاوعه]

صح المطلوب صدرو قرار بوقف ما يسمى بالوكيل او الوكالة

لان هذا القانون يحمي التاجر على حساب المستهلك

ولجنة حمايه المستهلك عاجزه من الوقوف امام التاجر

الله المستعاااان

والله مصيبه اخوي

[QATAR-2006]

اخوي اشكرك على فتح موضوع التواير لانها سلعه مهمه بحكم ان كل بيت فيه سيارة.. من يوم منعوا البالون واسعار التواير خصوصا للكروزر ارتفعت بشكل كبير والكل قام يشكي في وطني الحبيب ولكن لاحياة لمن تنادي.. انا عندي بوالين منحلة على الاستاندر ويوم رحت ادور بريجستون حجري بحكم انه قريب من البالون الوكيل ماعنده وعندي التزمات داخل ماقدر اسافر برع.. كل يوم اضرب خط للشمال لو يصير لي حادث مميت دمي في رقبة المسؤولين واصحاب الوكلات المحتكرين

[بومحمد المطاوعه]

اخوي اشكرك على فتح موضوع التواير لانها سلعه مهمه بحكم ان كل بيت فيه سيارة.. من يوم منعوا البالون واسعار التواير خصوصا للكروزر ارتفعت بشكل كبير والكل قام يشكي في وطني الحبيب ولكن لاحياة لمن تنادي.. انا عندي بوالين منحلة على الاستاندر ويوم رحت ادور بريجستون حجري بحكم انه قريب من البالون الوكيل ماعنده وعندي التزمات داخل ماقدر اسافر برع.. كل يوم اضرب خط للشمال لو يصير لي حادث مميت دمي في رقبة المسؤولين واصحاب الوكلات المحتكرين

الشكر لله تعالى

وان شاءالله ياخوي مايصير لك الا كل خير

والله كريم

وبأذن الله يشوفون لنا حل

تحياتي لك

[عزووز قطر]

والله ياخوي ان موضوعك مهم جداً

ويشهد الله ان نعاني من اسعار قطع الغيار بشكل عام ،،،

والمثال المطروح هو اهم شي فالسيارة ،،، ومن شهر سافرنا الحسا علشان نركب بوالين ،،، والله ان مخاطرين بأنفسنا علشان تواير ،،، تخيل مسافرين على تواير بدون نقشة وطلعنا المغرب على البراد علشان مايحتر التاير ،،، واسعارهم على 600 و700 ريال !!! والله فرررررررق

اتمنى من الشباب مقاطعة المحلات عندنا ويشترون من الحسا ،،، لان عندنا استغلال مب طبيعي !!!!

[هداف]

لو كل واحد فينا خلا التواير تخيس عندهم لين ينتهي تاريخ الجوده وناخذ من السعوديه والامارات
بهذي الطريقه بنعطي هذا التاجر درس مجاني في عدم استغفالنا

[بومحمد المطاوعه]

والله ياخوي ان موضوعك مهم جداً

ويشهد الله ان نعاني من اسعار قطع الغيار بشكل عام ،،،

والمثال المطروح هو اهم شي فالسيارة ،،، ومن شهر سافرنا الحسا علشان نركب بوالين ،،، والله ان مخاطرين بأنفسنا علشان تواير ،،، تخيل مسافرين على تواير بدون نقشة وطلعنا المغرب على البراد علشان مايحتر التاير ،،، واسعارهم على 600 و700 ريال !!! والله فرررررررق

اتمنى من الشباب مقاطعة المحلات عندنا ويشترون من الحسا ،،، لان عندنا استغلال مب طبيعي !!!!

اي والله ياخوي لازم نقاطع

جزاك الله خير والله يحفظكم

مره رحنا بعد لحسا وشرينا بوالين ورجعنا

واحنا رايحين والله التواير ناحله حدها

تحياتي لك يالغالي

[بومحمد المطاوعه]

لو كل واحد فينا خلا التواير تخيس عندهم لين ينتهي تاريخ الجوده وناخذ من السعوديه والامارات
بهذي الطريقه بنعطي هذا التاجر درس مجاني في عدم استغفالنا

هههههههههه

حلوه درس مجاني

والله نتمنى من الجهات المختصه ينزلون الاسعار

مانبي نخرب البيعه عليهم

بس في تعاون يكون

وشكرا على الرد

[الخزرجي قطر]

صدقت في موضوعك والمشكله مالها حل .

[بومحمد المطاوعه]

صدقت في موضوعك والمشكله مالها حل .

لازم ياخوي نشوف حل

والله مشكله اذا جذي

[chillis]

بس مايصير تشهر بالمحل

[البحار00]

الحكومه ابخص

[al-obaidly]

بس مايصير تشهر بالمحل

ليشششششششششش خل الناس تعرف تتعامل مع من انا ابغي اركب حق سيارتي 5 تواير قالي ب11500ورحت صناعيه بوظبي ب5750 واذا احد مهب صدقني اناحاضر راح اجيبه الفاتوره شركه كيو تاير استغلالين 100في ال100وحتى اعار البطاريات عندنا نار في بوظبي 275 والدوحه 550

[CH Engineer]

ليشششششششششش خل الناس تعرف تتعامل مع من انا ابغي اركب حق سيارتي 5 تواير قالي ب11500ورحت صناعيه بوظبي ب5750 واذا احد مهب صدقني اناحاضر راح اجيبه الفاتوره شركه كيو تاير استغلالين 100في ال100وحتى اعار البطاريات عندنا نار في بوظبي 275 والدوحه 550

بل 6000 ريال الفرق :secret:

[captin]

بس مايصير تشهر بالمحل

الحرامي لازم يشهرون به على الملأ بعد
حتى الكل يعرفه ويتجنبه

[عزووز قطر]

بس مايصير تشهر بالمحل

وليش مايصير ؟؟؟

لازم الناس يعرفون استغلال بعض المحلات

[Abdulraman]

حماية المستهلك عندنا في قطر في خبر كان
يالربع كلشي عندنا اغلى من الدول المجاوره وياريت الفرق بسيط لا والله الفرق وايد ولين متى ياحماية التجار اقصد حماية المستهلك

[Abdulraman]

بس مايصير تشهر بالمحل

بالعكس هالمحلات اللي تستغل الزباين لازم يحطون اسماء محلاتهم في الجرايد وفي رويترز وعلى طوف الفرجان:nice:

[doha_vip]

ليشششششششششش خل الناس تعرف تتعامل مع من انا ابغي اركب حق سيارتي 5 تواير قالي ب11500ورحت صناعيه بوظبي ب5750 واذا احد مهب صدقني اناحاضر راح اجيبه الفاتوره شركه كيو تاير استغلالين 100في ال100وحتى اعار البطاريات عندنا نار في بوظبي 275 والدوحه 550

ذكرتني في سالفة البطاريات ... الحين صار لي ثاني مره ابدل البطارية من الاحساء وسعرها هناك ب 300 ريال ونوعها ACDelco حق الكروزر وعندنا سعرها 500 ريال

والضمان يمشي في كل الخليج

عندنا استغلال في كل شي

[jeep-srt8]

بصراحه كلامك صحيح

عندي موتر بوقفه هالشهر لعدم توفر المادة لشراء التواير !!!!!!! بصراحة اسعار مبالغة جداً جداً جداً وين حماية المستهلك !!!!!!!!!!!!!!!!!!!!

عندي مقاس 17 كل تاير ب 1000 ريال ونوع متوسط !!!!!

تواير 15 كل واحد 500 نوع مشلاين !!!!!!!!

حسبي الله ونعم الوكيل

[المبرمج صلاح]

حل بسيط جدا وهو منع الاحتكار او ما يسمونه التوكيل والوكالة
وتصير منافسة بين كل التجار والناس والمستهلك بيستفيد والاسعار بتكون طبقا للسوق

الحل قرار سيادي بمنع الاحتكار وبتنحل المشكلة

[بومحمد المطاوعه]

بس مايصير تشهر بالمحل

ليش مايصيرر

اذا حمايه المستهلك مايسوون شي

انا حاب انبه الاخوان

وبعدين مب بس هالمحل

سعر التاير في الدوحه ماينزل عن الف ريال لو اي محل

[الجوكر90]

اخوي اشكرك على فتح موضوع التواير لانها سلعه مهمه بحكم ان كل بيت فيه سيارة.. من يوم منعوا البالون واسعار التواير خصوصا للكروزر ارتفعت بشكل كبير والكل قام يشكي في وطني الحبيب ولكن لاحياة لمن تنادي.. انا عندي بوالين منحلة على الاستاندر ويوم رحت ادور بريجستون حجري بحكم انه قريب من البالون الوكيل ماعنده وعندي التزمات داخل ماقدر اسافر برع.. كل يوم اضرب خط للشمال لو يصير لي حادث مميت دمي في رقبة المسؤولين واصحاب الوكلات المحتكرين

السلام عليكم
غلطان الشيخ
هاي مب عذر انك تمشي بتواير نحل عشان ينفجر او ينصلخ وانت فالخط وتقول فرقبتهم
اذا ماكان في بديل نقدر نقول معذور
بس عندك المياجر تقدر تركبهم وارخص من البوالين
اما تقول فرقبتهم انا اقولك اسال شيخ دين وراح يقولك اذا صار فيك شي لاسمح الله وشو حكمك
وماتوقع هلك يستاهلون ان قلوبهم تعورهم عشان تواير او فرق فالسعر ع كم الف
وبالتوفيق ان شاء الله

[jassas]

وفوق هذا غير متوفره التواير حتى في الشركات

مشكور اخوي على التنبيه والكل عارف هالشي بس مشكلتنا ندفع ولا على بالنا وهذا هو اللي رافع السوق

[السيف5]

الله يعينا بصراحة هالتجار يبيلهم قرصة اذن
لكن من من ........حماية المستهلك مشغولين
عنا .......................................!

[بومحمد المطاوعه]

ليشششششششششش خل الناس تعرف تتعامل مع من انا ابغي اركب حق سيارتي 5 تواير قالي ب11500ورحت صناعيه بوظبي ب5750 واذا احد مهب صدقني اناحاضر راح اجيبه الفاتوره شركه كيو تاير استغلالين 100في ال100وحتى اعار البطاريات عندنا نار في بوظبي 275 والدوحه 550

صادق ياخوي

والله فرق شاسع

ظلم ياخي هني عندنا

الله يهديهم

[بومحمد المطاوعه]

حماية المستهلك عندنا في قطر في خبر كان
يالربع كلشي عندنا اغلى من الدول المجاوره وياريت الفرق بسيط لا والله الفرق وايد ولين متى ياحماية التجار اقصد حماية المستهلك

ياريال

خلها على الله

مادري متى بنصير مثل الدول المجاوره

[بومحمد المطاوعه]

ذكرتني في سالفة البطاريات ... الحين صار لي ثاني مره ابدل البطارية من الاحساء وسعرها هناك ب 300 ريال ونوعها acdelco حق الكروزر وعندنا سعرها 500 ريال

والضمان يمشي في كل الخليج

عندنا استغلال في كل شي

صحيح يالذيب

تدري ف الطايف واحنا رايحين مكه

البطاريه ب250 مع ضمان سنه

نفس الدوحه ب 550 هني

وايسي ديلكو

[بومحمد المطاوعه]

بصراحه كلامك صحيح

عندي موتر بوقفه هالشهر لعدم توفر المادة لشراء التواير !!!!!!! بصراحة اسعار مبالغة جداً جداً جداً وين حماية المستهلك !!!!!!!!!!!!!!!!!!!!

عندي مقاس 17 كل تاير ب 1000 ريال ونوع متوسط !!!!!

تواير 15 كل واحد 500 نوع مشلاين !!!!!!!!

حسبي الله ونعم الوكيل


الله يكون في عونك ياخوي

الله يسهل عليك

والله مشكله ياخوي لو نتكلم الف مره مافي حل

[بومحمد المطاوعه]

حل بسيط جدا وهو منع الاحتكار او ما يسمونه التوكيل والوكالة
وتصير منافسة بين كل التجار والناس والمستهلك بيستفيد والاسعار بتكون طبقا للسوق

الحل قرار سيادي بمنع الاحتكار وبتنحل المشكلة

ان شاءالله نكون على يد وحده

ونحكرهم حكار

[بومحمد المطاوعه]

وفوق هذا غير متوفره التواير حتى في الشركات

مشكور اخوي على التنبيه والكل عارف هالشي بس مشكلتنا ندفع ولا على بالنا وهذا هو اللي رافع السوق

الشكر لله تعالى ياخوي

والله تعبنا في الدوحه نركب وندفع

لين متى جذي

[بومحمد المطاوعه]

الله يعينا بصراحة هالتجار يبيلهم قرصة اذن
لكن من من ........حماية المستهلك مشغولين
عنا .......................................!

هههههههههههههههه

مافي فايده تقرصهم

لو تجيب بكر وياك مايحسون

بيقولون الايجار غالي

يبون يقنعونا ان الايجار اغلى من الامارات

الامارات بألف مره اغلى الايجار

[بومحمد المطاوعه]

الله كريييم

[بومحمد المطاوعه]

للرفع ....

لمناقشه الموضوع

[بومحمد المطاوعه]

للنقاش ...

[بومحمد المطاوعه]

للنقااش

[جنوب الدوحه]

افضل سياسه في هذه المواضيع .. سياسه السوق المفتوح والحر بعيدا عن الاحتكار ..

الي يبي الغالي والي يبي الرخيص بجوده معينه يشتري بعيدا عن ايدي الجشع ..

[بومحمد المطاوعه]

افضل سياسه في هذه المواضيع .. سياسه السوق المفتوح والحر بعيدا عن الاحتكار ..

الي يبي الغالي والي يبي الرخيص بجوده معينه يشتري بعيدا عن ايدي الجشع ..

صحيح

بس كله غالي عندنا

لين متى.؟

[بومحمد المطاوعه]

للـــرفع ...

[بومحمد المطاوعه]

للرفـــــــع