1:30 على البيت ياهيئه التعليم

[مستثمر_]

السلام عليكم
هل معقول ان العساكر يخلص دوامهم وحده
والاول الابتدائي يخلص دوامهم وحده ونص

ارحموا من في الارض يرحمكم من في السماء


التوقيت من رساله توها واصله لي من المدرسه

اتمنى 11:00 لروضه والتمهيدي
من اول الى رابع 12
12:30 خامس وطالع

[لورنس العرب]

اي والله وانا بعد وصلتني الرسالة من مدرسة ولدي وصعقت

[دنيا الاسهم]

اذا اكثرت الشكاوي من الاهالي يمكن ينظرون في الامر
اما ساكتين وكل شي راضين فية اكيد بيسكتون

[La Bella]

اي والله دوام الاطفال وايد طويل اي عقل بيستوعب

[qatarshark]

اذا اكثرت الشكاوي من الاهالي يمكن ينظرون في الامر
اما ساكتين وكل شي راضين فية اكيد بيسكتون

والله لو تسوون شنو ما راح يسمعون لكم:anger1:

[نتفـه]

الشكوه لله ,,

[دااانة قطر]

12 ونص كفايه
وان كثروا 1
الله المستعان

[qatarshark]

12 ونص كفايه
وان كثروا 1
الله المستعان

المفروض يكون عندنا جدولين شتوي وصيفي
ولا بد ان يكون هناك تفاوت في الدوام من الابتدائي الي الثانوي
مش معقولة طفل بست سنوات يداوم من سبع الي وحدة ونص
وين حقوق الطفل اليس من حقه ان يستمتع بطفولته باللعب
مع العلم لا يوجد لدينا التعليم بطريقة اللعب

[الواعد]

لازم نتكلم

مب كفاية عندنا اسوء تعليم :

# اطول عام دراسي

# اقل اجازات

[qatarshark]

لازم نتكلم

مب كفاية عندنا اسوء تعليم :

# اطول عام دراسي

# اقل اجازات

شنسوي متنا يا اخوي:secret:
العام باقوا اجازتنا من رمضان والعيد:cry2:
والسنة نفس الشي:anger1:
معليه اراويهم بالعارضة والغياب:waiting:

[Dana’1]

حتى الاطفال لاعت كبودهم من المدرسة وانظمتها الي كل يوم شكلل
بنتي تقول يمة ابغى ادرس بالسعودية .. قلت لية قالت ما عندهم اختبارات وطنية وبنتي العام ما عندها هالسنة مت الي راح يختبرونها ان شاءلله ... اذا ما غيروا النظام طبعا
لان تسمع من الاطفال الي حولها وطنية ووطنية وتقول ليكون قطيتي كتبي القديمة ياويلي بيختبرونا الوطنية منها !!!! تسمع كذا من الاطفال !!!


غير اذا راحت للسعودية نشوفهم يردون بدري مشاءلله
تدرون الابتدائي بنات يطلعون ١١:٣٠ بالكثير هم بالبيت ١١:٤٠ تقريبا
والثانوي ١٢ وشي اختي يومها بالثانوي هي بالبيت قبل وحدة
بنتي لبى قلبها مستغربة ههه


بس العيال الابتدائي لين ١:٠٠ وممكن لين ١:٣٠ مو متأكدة

بس اتوقع حطوا هالنظام كترتيب بالاوقات منها ما تصير زحمة ومنها قد البنات ببيوتهن هههه

والله يعين اطفالنا على هالاوقات الطويلة
وان شاءلله نشوف خطى وقرارات ثابتة في كل ما يتعلق بالتعليم
شكرا عالموضوع

[ام ناصر1]

من رأي لاتحنون ...لأنه إذا بيحلون المشكلة بيحلونها كالتالي
الدوام 9 او 8الصبح والرجوع منه 6 او 5 مسا ...يعني اخس من الدوام الحالي

[بصمة قطرية]

السلام عليكم
هل معقول ان العساكر يخلص دوامهم وحده
والاول الابتدائي يخلص دوامهم وحده ونص

ارحموا من في الارض يرحمكم من في السماء


التوقيت من رساله توها واصله لي من المدرسه

اتمنى 11:00 لروضه والتمهيدي
من اول الى رابع 12
12:30 خامس وطالع

حرام عليهم
الدوام طويل
العيال يوصلون البيت هلكانين ..
ارحموهم كفاية والله كفاية ..
لا تعليم مثل الناس و لا دوام
و امتحانات وطنية ما لها اي لزمة غير ارهاق الطالب وولي الامر ..
ارحموا من في الارض يرحمكم من في السماء ،،

[بنت الطائي]

ليش معترضين

عادي الله يرضى عليكم اهم شي الباص مكيف ولله الحمد

حنا اول نركب الباصات القديمة وحداديها نار

[رُفق المجنّا]

ليش معترضين

عادي الله يرضى عليكم اهم شي الباص مكيف ولله الحمد

حنا اول نركب الباصات القديمة وحداديها نار


اي والله

مع احترامي للجميع ، أطفال ولكن وجودهم في المدارس افضل والدولة موفرة لهم الفصول والباصات مكيفه وما بقى الا خدامه بمظله مع كل طالب

اذكروا الله يا جماعه وخلوا كثرة التشكي اللي مالها لزمه

[اللوز]

انا ابي افهم
ما الغرض من طول الدوام
هم يقولون ان كمية المعلومات ما تخلص الا الساعة 1 ونصف
وكأنهم بيطبخون المجبوس !!

[راشد محمد]

ياليتهم يقصرون الدوام..انا عيالي من التعب يرقدون في السيارة

[للصبر اخر]

والله لو تسوون شنو ما راح يسمعون لكم:anger1:

صح لسانك
المجلس الاعلى مايسمع ومعطي طاااف محتررررم

ومنا الى جهات المسؤله :telephone:

[فلان]

دوام المرحلة الإبتدائية في المدارس الخاصة لين 1:45 بس

[Bo jassim 33]

نتمنى ان هالدوام يقل فترة الصيف

[مجرد سفير]

صج وايد هالوقت بالصيف


عالطلاب وعالمدرسين


يعني يختصروا هالشهرين شالمشكله ؟؟

[eXpert*]

أنا ما لوم الأطفال إذا كرهوا المدرسة طالما بعض أولياء الأمور يفكرون بهذه الطريقة !

يعني طالب مدرسة ،، شعنده غير الدراسة ؟

المشكلة عندنا القدوة يبيلها قدوة .:secret:

[eXpert*]

الحين الطلاب يرجعون البيت 1:30 وما يلاقي له لا أب ولا أم كلٍ لاهي في دوامه.

يجي 11:30 شيسوي يقعد مع ميري مثلاً .

[intesar]

يقعد مع ميري ولا يقعد بالحر..

[تربوي]

مساكين اهل التعليم

مناهج متدنية وتعليم سيء

ويمددون الحصص من 40 دقيقة الى 50 ثم الى 55 دقيقة

مناهج سيئة

ويمددون ايام التمدرس

[احلى دنيا]

السلامك عليكم

يوحون للاخرين أن تعليمهم وصل لجودة لا يعلى عليها ... بدليل طول الدوام للطالب و المعلم ..

و كأن الجودة مرتبطة بالكم فكلما زاد الكم و ساعات الدراسة و العمل دل على الجودة !!!!!!!!!!

[مجرد سفير]

مساكين اهل التعليم

مناهج متدنية وتعليم سيء

ويمددون الحصص من 40 دقيقة الى 50 ثم الى 55 دقيقة

مناهج سيئة

ويمددون ايام التمدرس


من القائمين على التعليم ؟؟

مب قطريين ؟

[London.]

الله المستعان

[sweet qatar]

الحين المعايير العالمية الي يعتمدونها في المجلس الأعلى..

تقول ان طلاب الابتدائي والاعدادي والثانوي مستوى الاستيعاب والنشاط عندهم واحد..!!!



ابي اعرف شلون يفكرون ويخططون.. على أي أساس نزلوا هالقرار..

متى بينزلون من برجهم العاجي ويشوفون الوضع على حقيقته..



حسبي الله ونعم الوكيل..

[حميداني]

مساكين اهل التعليم

مناهج متدنية وتعليم سيء

ويمددون الحصص من 40 دقيقة الى 50 ثم الى 55 دقيقة

مناهج سيئة

ويمددون ايام التمدرس

قهر , كل شي يبونه كوبي بيست من غير تفكير
كرهو العيال في الدراسه والحياه صارت فعلاً ممله ومليانه ضغوط تخلي الواحد يشرد منها

تصور ياهل

يقوم 6 ويرجع البيت 2 ولا ثنتين ونص يتغدى يرقد للساعه 5 او 6 .. يحل واجباته للساعه 8
8 ونص عشى .. 9 لـ10 او 11 يروح ينام علشان بكره مدرسه ..

هذا للولد الستاندر فشوف الياهل اللي يداوم على صلواته وكيف يكون وقته

لما كنا يهال على ايام الابتدائي كنا وين ونومة العصر وين ... ماكو نوم كله لعب
لانه كان فينا للحين قوه وكل شي متوزع بشكل حلو

ترد البيت ونص12 ما ترد تعبان تلاقي الاهل كلهم على سفره وحده
اتم تتسلى وماتحس بالوقت تقعد لاربع تحل واجباتك الى الساعه 6
طلعه ويا الشباب او في النادي وشوف اليوم يا طوله ووش حلاته ..

لا خلو وقت حق هواياته علشان يتطور االطفل ولا خلو وقت للعايله
روبوت هذا مب ياهل ,بالاخير تطق جبده من الدراسه ويسوون لك احصائيات ويلفون يرجعون
ليش مستوى التعليم عندنا متدني !!

وين لأي واحد أصلاً له خاطر يمسك كتاب يتثقف لنفسه
وهو طول اليوم وبكره ووقته كله هالمناهج ماكله اكل , صار فينا عقده اسمها عقدة الكتاب
وين تبون يطلعون منا مبدعين ومفكرين

للحين أخبر الضغط علينا ايام الثانويه لما تطلع بعد الامتحان تشوف يمينك كتاب محروق وكتاب مقطع وكتاب مفلوع يعني الكراهيه كلها صارت في هالكتب وفوق هذا مب راضيين يفتهمون

يزيدون حشو كتب ومناهج , فعلاً مجرد Showoff
يعني فعلاً مستوى متدني من اردى الى اردى


هزلت والله

[محاسب]

الحين الطلاب يرجعون البيت 1:30 وما يلاقي له لا أب ولا أم كلٍ لاهي في دوامه.

يجي 11:30 شيسوي يقعد مع ميري مثلاً .
الدوام لله
و أحوال ناس تختلف من بيت إلى بيت
وأكثر الناس والمشاركين ... رايهم واضح... ويدل على ان البيوت فيها اهلها
الكلام موجه للمجلس الأعلى:::
في بداية العام الدراسي لل 2010 و2011 توقيت نهاية اليوم الدراسي وحده ونص ,,,,,, وبعد مشاورات وأتصالات تم التعديل ..
الأن ويش الي تغير ,, حتى تعدل وتصحح وبعدها تلغي وترجع لنظام تم تعديله....
ياليت ياصاحب الموضوع تعيد الموضوع بقصد الأستفتاء.................... ويشوف المجلس الأعلى ويسمع صوت الأغلبيه
ياإدارة المجلس :: الدوله مشكورة لما حاولت تعدل توقيت إجازة يوم السبت ,,, قامت بعمل أستفتاء على مستوى الشعب كله ..
الأن ........ طرحو لنا وجهة نظركم ومن ثم عطونا فرصه نقول راينا بستفتاء يشمل أولياء الأمور والعاملين مع أبنائنا وبناتنا
والقرار للأغلبيه..

[مستثمر_]

هذا اثم الله يرحمنا برحمته
اداره المدرسه يقولون مافي ايدينا شي لان هذي اوامر من المجلس الاعلى

[دااانة قطر]

السنه المسجااات تقول نهااية الدواام 1.35
مدري ليش زاايدين 5 دقاايق

[moonبنتnight]

اطلب من المجلس الأعلى بعد توحيد خروج الطلاب 00 الابتدائي نفس الاعدادي والثانوي 00 وأغلب الناس عندهم عيال في أكثر من مدرسة 00 ويمكن أكثر حوادث في طريق المدراسية بسبب توحيد خروجهم 00
سنة لغوا مادة الفنية وصارت حصة الرياضة حصة في الاسبوع 00
وتم زيادة حصص المادة الشرعية ومادة الاجتماعيات 00
ليش بعد يطلعون متأخر 00 ولا بس عشان لي شغالين في المجلس يطلعون متأخر يأخرون الناس عشان بس لين يأخذون عيالهم 00

[العابــرQAT]

المجلس المتسلط شنو شايف الطلاب مكائن

الطاب مسكين تقول عسكري قاعد من الساعة 5:30 ويكرف 6 ساعات ونص هذا الجسم الصغير الهزيل

المجموع 8 ساعات لين ما يرجع البيت يتغدا ويعقب يدور الفراش من التعب ويرقد لين الساعة 8 ما ينلام

ومسكين يقوم يحل الواجبات ويا كثرها بالغصب ماينلام اصلا حاجة اتزهق 8 ساعات ويبونة يشتغل بعد البيت
مب بشر الطالب عندة الطاقة محدودة

لذلك كل الطلاب يكرهون المدرسة