المواضيع المكررة لين متى ..؟

[بريق الحق]

السلام عليكم ورحمة الله وبركاته

للاسف كل يوم والثاني مواضيع غير مفيده والمشكلة ان المواضيع متكررة لاكن بصيغه ثاني
وكلها عن الرجل والمراة ولا منها فايده ... ليــــــــــــــــــــــــــــــــــن متى يااعضاء المنتدى بنتم على هاي الحال نبي شي نستفيد منه
شنو الهدف من تكرار المواضيع بصيغه ثاني لاكن المحتوى نفسه ... بواجهة نظري زيادة عدد المشاركات لا اكثر
وعندي سوال ثااني
هل صاحب الموضوع لازم يرد على جميع الردود ؟
والله بسنا من المواضيع التافه ( بوجهة نظري) شفنا وشفنا وسوى وسوى الرجال والمراة
والله المنتدى اخترب من المواضيع المتكررة

[حسن]

وش نسوي يابوعبود هذا الموجود وتمنين لو كان عندك موضوع كان حطيته ناقش معاك

بيجيك واحد وبيقول لولا اختلاف الاذواق لبارت السلع

على ايدك

[intesar]

على ايدك مثل ماقال حسن.. نبي مواضيع تثري.. وما تنتقل للاستراحة..
فيه مواضيع حلوة ما أعرف ليش صنفوها ضمن الاستراحة ونقلوها هناك..

وهناك مو الكل يدخل ويعلق.. لذا يموت الموضوع.. وصاحبه قهرا على موضوع دسم.. في نظر المراقب مكانه الاستراحة..

مللينا من المواضيع الخلافية ما بين الرجل والمرأة..

وأخيرا.. ياريت أعرف أحط مواضيع كنت حطيت.. مالي الا بالرد والحوار..

ودمتم بحفظ الرحمن..

[بريق الحق]

وش نسوي يابوعبود هذا الموجود وتمنين لو كان عندك موضوع كان حطيته ناقش معاك

بيجيك واحد وبيقول لولا اختلاف الاذواق لبارت السلع

على ايدك

والله يالغالي عندي مواضيع ودي اكتبها بس احس اني ماقدر اوصل المعلومة ...
لاكن سوالي ليش تكرار المواضيع شلفايدة منها ؟

[حسن]

والله يالغالي عندي مواضيع ودي اكتبها بس احس اني ماقدر اوصل المعلومة ...
لاكن سوالي ليش تكرار المواضيع شلفايدة منها ؟

والله يالشيخ انه مثلك مانبي براعي كتابه المواضيع الحواريه اللهم العمليه بس

وبعدين عادي التكرار احيانا مطلوب لانه يعلم الشطار:)

وبعدين انت اكتب ولا تخاف نزل وانا والاخوان والاخوات بندعمك دعم باللي يطيب خاطرك:victory:

بس انت انوي وتوكل على الله خلها مره تصيب ومره تخيب يمكن تتبطل الشيره عندك:eek5:


بالتوفيق يالغالي

[chillis]

لين مانصير اجداد الاجداد ولاحظ الموضوع الي يخص المراه ماتاخذ لها ربع ساعه تكون واصله فوق الاربعين رد عكس المواضيع الثانيه الي لها اكثر اهميه

[khaldoon]

احيانا يدخل اعضاء جدد على المنتدى و ما يعرفون انه في مواضيع قتلت بحثا و تكرارا و جدالا و اغلاقا و حذفا و يرجعون الحوار العام للمربع الاول

[الأصيلة]

والله المواضيع كثيرة ومتنوعة ولكن
ياترى من سيناقشها ويحاورنا فيها...
مثل ما أنت شايف بعض الأعضاء يسندون الموضوع
والبعض يهدمه وينكد عليك من أول رد...
فخل المواضيع مكانها في خواطرنا....
والله يرد الغايبين ...

[الشيخة شيوخة]

غادى خلها مكرره في التكرارا فايده لان الى ماقرا بيقراء هالمره ودينا يقول فذكر فان الذكرى تنفع المؤمنين
يعنى التكرار هو تذكير

[شمـوخ]

مرحبا للجميع .. كيف الحال ..
انا بغيت اعرف ليش الواحد مايقدر يتصفح الملف الشخصي
لحد بسهوله .. انا حتى اسمي ماقدر ادش ع اخر مشاركات
او استعرض المواضيع الخاصه بي او بأي عضو بسهوله !!


تحياتي

..

[ريم 28]

الاداره يجب عليها حذف المواضيع المكرره في مده محدوده

حتئ يرتقي المنتدئ ويرجع مثل ما كان


وبالفعل مواضيع المراه وما يخصها كل يوووم

مهمه جدا

[captin]

الاداره يجب عليها حذف المواضيع المكرره في مده محدوده

حتئ يرتقي المنتدئ ويرجع مثل ما كان


وبالفعل مواضيع المراه وما يخصها كل يوووم

مهمه جدا


فعلا أحيانا الواحد يلاقي أكثر من موضوع بذات المضمون
في الحوار العام فالمفروض من المشرفين لما يشوفون الموضوع
متكرر على طول يخطرون صاحب الموضوع ان الموضوع انحذف بسبب التكرار
ويرسلون له رابط الموضوع المطروح قبله لو حب يشارك برأيه .

[بصمة قطرية]

مواضيع المرأة بالنسبة للبعض مثل الأكسجين :secret:
لازم كل فترة يطرحون موضوع
و المصيبة نفس الردود
نفس الكلام
لدرجة ودك تسوي كوبي بيست لردودك :telephone:

حالياً المسيطر على الساحة مواضيع المجلس الأعلى
و المدارس :nice:

المواضيع صارت ( مواسم ) ...!!!!

نبي مواضيع
ما قلنا مانبي
بس وبي شي مفيد هادف
نبي حوار عقلاني
نبي إحترام من الأعضاء لبعضهم قبل كل شي..!!!

[الرويـس]

ما يضر التكرار

[بريق الحق]

ما يضر التكرار

بس اخوي لين متى التكرار ؟ مرة مرتين قول 10 مرات خلاص كفاية
نفس وحده من الخوات الي قالت مواضيع المراة صار نفس الاوكسجين البعض تصيده حكه اذا ماكتب عن المراة :victory: