هروب خادمات لمواطنين في لندن................................

[مستثمر رشيد]

الراية - عائشة بوهادي :

اشتكت عائلات قطرية ممن اعتادت قضاء إجازة الصيف في بريطانيا من هروب الخادمات منهم في لندن وحصولهن على فرص عمل برواتب مغرية، مما أفسد عليهم الإجازة وجعلهم يعودون إلى الدوحة بدون خادمة. وأعرب المواطنون عن استيائهم من وجود مكاتب تدفع عمولة تصل إلى ألف جنيه استرليني لمن يأتي بخادمة حتى ولو هاربة، ليتم تشغيلها فوراً، إذ توفر هذه المكاتب عقود عمل تتضمن ساعات دوام لا تتجاوز 8 ساعات وبراتب قد يصل إلى 2000 جنيه استرليني (حوالي 13 ألف ريال قطري) شهرياً، فضلا عن عدم تعاون الشرطة البريطانية مع العائلات القطرية أو الخليجية التي تقوم بالإبلاغ عن هروب الخدم.

وقالت مواطنات لـ الراية، اصطحاب الخادمة الآسيوية لمرافقة الأطفال في الإجازة أمر مفروغ منه وضرورة لا بد منها، لكن ثمة ظاهرة أفسدت الإجازة وخلطت أوراق العائلات هذا الصيف، وهي هروب الخادمات في لندن، وعدم عودتهن إلى الدوحة، وهو ما يحدث مع مواطني عدد من الدول الخليجية الأخرى. وأشرن إلى أن ظاهرة هروب الخادمات من العائلات الخليجية أثناء الإجازة في أوروبا أو الولايات المتحدة الأمريكية، كانت موجودة من قبل، لكنها تزايدت في الآونة الأخيرة بشكل كبير خلال إجازة الصيف التي تقضيها العائلات القطرية والخليجية برفقة أبنائها في لندن، حيث باتت لندن الوجهة المثلى للخادمات كون المجتمع البريطاني يتعايش فيه العديد من الجنسيات المختلفة؛ فضلا عن فرصة العمل التي تعتبرها الخادمة فرصة ذهبية بالنسبة لها مقارنة بالأماكن الأخرى، في وقت تعمل فيه الخادمة الآسيوية في قطر أو في دول الخليج الأخرى أكثر من ثماني ساعات يومياً ولا يتجاوز راتبها الشهري الألف وخمسمائة ريال.

فمن جانبها، قالت أم محمد : بعد وصولي إلى لندن بثلاثة أيام نزلت بفندق شهير، وسرعان ما لاحظت اختفاء الخادمة، رغم أني أحتفظ بجواز سفرها، وعثرت على رسالة من الخادمة تعترف فيها بحبها لي وأبنائي، وأنها اضطرت للهروب للعمل في لندن، فهي فرصة للعمل المربح من الصعب إضاعتها.

وروت عائلة قطرية أخرى لـ الراية حادث هروب الخادمة منها، قائلة إن الخادمة كانت تصطحب الأطفال بشكل ودي وتراعيهم بكل أمانة طوال فترة الإجازة وأثناء الجولات السياحية في لندن، إلى أن انتهت الإجازة وحان موعد العودة إلى الدوحة .. وقبل السفر بيوم واحد اختفت الخادمة ولم يعثر لها على أثر؛ وعادت العائلة إلى الدوحة بدونها.

وهناك عائلة قطرية أخرى هربت الخادمة منهم قبل فترة، ثم علمت هذه العائلة أن الخادمة تعمل لدى أجنبي يعيش في لندن، حيث تقوم بتنظيف البيت وتوصيل الأبناء للمدرسة، وتعمل بمعدل 8 ساعات يومياً وبراتب ألفي جنيه استرليني، وأنها ليست نادمة أبداً على الهروب من تلك العائلة القطرية والاستقرار في لندن للعيش والعمل هناك.

كما هربت خادمة من إحدى العائلات أثناء تواجدها بالولايات المتحدة الأمريكية، رغم أنها كانت ترجو من العائلة أن تعدها بأن لا ترجعها معها للدوحة بعد انتهاء مدة السفر، لكنها لم تستطع الانتظار وهربت فجأة وبلا رجعة أيضاً.

وأشارت عائلات كثيرة إلى أن أغلب الخادمات اللواتي هربن في لندن، كانت لهن عشرة طويلة مع العائلات القطرية اللاتي كن يعملن لديها، فقد عملت إحدى الخادمات مدة سبعة عشر عاماً مع أسرة قطرية قبل هروبها إلى لندن، وعملت خادمة أخرى مدة عشر سنوات لدى عائلة قطرية ثم هجرتها وفرت هاربة، وثمة خادمة أخرى هربت في لندن أيضاً بعد أن ظلت تعمل لدى عائلة قطرية طوال سبع سنوات.

من جهة أخرى، أكدت لنا إحدى العائلات أن السلطات في بريطانيا غير متعاونة، ولا يأبهون بشأن هروب الخادمات من العائلات الخليجية، وهناك أحد البريطانيين الذي قال لسيدة قطرية كانت تقدم شكوى بعد هروب مخدومتها : كيف تريدنهن ألا يهربن منكن وأنتن تعاملهن بطريقة سيئة؟".

ومن التصرفات الغريبة للخادمات في لندن، ترك خادمة عائلة خليجية كانت تصطحب طفلين في نزهة بحديقة "هايد بارك" الشهيرة، يبلغ أحدهما خمس سنوات والثاني ثلاث سنوات، بينما كانت الأم في جولة تسوق سريعة، حيث قامت الخادمة بضم الطفلين بعضهما مع بعض وأجلستهما معاً وجعلتهما يحضنان بعضهما، وكتبت رقم هاتف والدتهما على ورقة وألصقتها بهما وفرت هاربة بلا رجعة.

[intesar]

يعني أبي أعرف سالفة الناس اللي تودي خدمها معاها.. ما يقدرون يستغنون عن خدمهم وحتى هم بالسفر..

لو عندهم شقة ويبونهم للتنظيف والغسيل.. ممكن نعذرهم.. بس فيه ناس الخدم برقبتهم بكل مكان.. والقهر انهم نفرين ونص..

ظاهرة غريبة..

ودمتم بحفظ الرحمن..

[بصمة قطرية]

من سنين طويلة و سالفة هروب الخادمات في لندن موجودة
في ناس كل سنه يروحون و تهرب منهم خادمة ..
وحدة من معارفنا سنتين ورا بعض هربوا منها اربع خادمات ..!!!

للأسف المجال مفتوح
والمغريات كثيرة
و ما في قانون و عقوبات ...!!!

هاي اللي يشجعهم
فوق هاي الراتب
و ساعات العمل ...!!!

[بصمة قطرية]

يعني أبي أعرف سالفة الناس اللي تودي خدمها معاها.. ما يقدرون يستغنون عن خدمهم وحتى هم بالسفر..

لو عندهم شقة ويبونهم للتنظيف والغسيل.. ممكن نعذرهم.. بس فيه ناس الخدم برقبتهم بكل مكان.. والقهر انهم نفرين ونص..

ظاهرة غريبة..

ودمتم بحفظ الرحمن..

انتصار حبيبتي هاي زمن الاتكالية ..
شوفي امهات هالأيام
كل طفل له خدامة ...!!!
ثلاث أطفال بثلاث خدامات ...!!!
و كلهم أعذارهم ( أنا موظفة ) ...!!!!

[intesar]

حتى لو.. الواحد يروح السفر يستانس مع عياله ولا يتعابل مع الخدم ومشاكلهم وهمهم..

بروحنا حاطينهم في بيوتنا ومو قادرين نستغني عنهم.. وبالموت بالعينهم.. وبعد نسحبهم معانا وين ما رحنا ولا وناخذهم للسفر.. وخسارة مصاريف فوق كل هذا..

[£عبدالعزيز£]

الموضوع (قد) يكون صحيح ولكنه مبالغ فيه بشكل كبير جدا

حلوة هاذي وظيفة 8 ساعات عمل ب2000 باوند في الشهر

لا وهادين كل الناس اللي يدورون على وظايف ويدورون الخدامات اللي شاردين من قطر

انا ادرس في بريطانيا واجزم بان اللي انذكر عن الحصول على وظيفة بهالسهولة

وبهالراتب مستحيل .. وما اعتقد ان في شخص عاش في بريطانيا ممكن يصدق هالكلام

وعلى فكرة ال2000 باوند ماتوصل 13 الف ريال .. ولا حتى 12 الف ريال حاليا



وهناك عائلة قطرية أخرى هربت الخادمة منهم قبل فترة، ثم علمت هذه العائلة أن الخادمة تعمل لدى أجنبي يعيش في لندن، حيث تقوم بتنظيف البيت وتوصيل الأبناء للمدرسة، وتعمل بمعدل 8 ساعات يومياً وبراتب ألفي جنيه استرليني، وأنها ليست نادمة أبداً على الهروب من تلك العائلة القطرية والاستقرار في لندن للعيش والعمل هناك.


من هاي ما يبي سواق ؟ ترى حاضرين هههههههههههههههه





ومن التصرفات الغريبة للخادمات في لندن، ترك خادمة عائلة خليجية كانت تصطحب طفلين في نزهة بحديقة "هايد بارك" الشهيرة، يبلغ أحدهما خمس سنوات والثاني ثلاث سنوات، بينما كانت الأم في جولة تسوق سريعة، حيث قامت الخادمة بضم الطفلين بعضهما مع بعض وأجلستهما معاً وجعلتهما يحضنان بعضهما، وكتبت رقم هاتف والدتهما على ورقة وألصقتها بهما وفرت هاربة بلا رجعة.


شهالام اللي تهد عيالها اللي بهالعمر مع الخدامة في الهايد بارك

[بصمة قطرية]

أخوي عبدالعزيز
بما إنك في لندن
شلي سمعته عن سبب هروب الخادمات في لندن ..!!!

[£عبدالعزيز£]

أخوي عبدالعزيز
بما إنك في لندن
شلي سمعته عن سبب هروب الخادمات في لندن ..!!!

هاذي اول مرة اسمع فيها ان الخدامات يشردون في لندن

..

وحتى لو يشردون الموضوع مب بالطريقة المذكورة

يعني شدعوة شهالوظيفة اللي راتبها جذي

..

مثلا

اغلب الجهات اللي تبتعث طلاب في الخارج ما توصل رواتبهم (البريطانية) الى

2000 باوند .. ويمكن ولا جهة توصل رواتبها ل2000 باوند

واقصد بالراتب البريطاني راتب البعثة بغض النظر عن اذا كان في راتب ثاني

ينزل في قطر

..

وبعدين حتى لو كان في وظائف خيالية بالطريقة المذكورة

الخدامة شدراها ؟ .. وشلون بترتب امورها خلال السفرة اللي المفروض ان تكون خلالها

مع العائلة اللي مسافرة معاها !!

..

كل الاحترام للي اشتكوا ولكاتب المقال .. ولكن اعتقد حتى لو ان الخدامات يشردون

موضوع ال2000 باوند مبالغ فيه بشكل كبير جدا جدا جدا !!

[intesar]

يشردون نعم فيه.. يمكن المبلغ مبالغ فيه.. بس ما يمنع أن صارت حالات هروب واغراءات بحياة أفضل..

[Al-Kuwari]

ما الومهم صراحة

لام الله من لامهم

مش لان الله رزقنا بخير والحمدلله معناته نعاملهم بهالطريقة

للاسف الكثير من اهل قطر والخليج بمجرد ماتوصل الخادمه لهم يعاملونها معاملة جدا قاسية والعذر عشان ما ندلعها وتستقوي وبعدها لا سحرتهم قالوا بنت اللذين مبيته النية !!

احنا نشتغل فاليوم ٨ او ٩ ساعات ورواتبنا عالية والحمدلله واجازه يومين فالاسبوع بينما هي تشتغل طول اليوم وتتغرب عن اهلها وعيالها و٨٠٠ وايد عليها ولو طلبت ١٠٠ ريال زيادة زفوها ولعنوا شكلها وقالوا ناكرة جميل !! بينما الام ماعندها مانع تشتري شنطه بقيمة رواتب الخادمة مجتمعه لمده ٥ سنوات !! ولا في ناس يعطونهم ٨٠٠ والشامبو والاغراض الشخصية عليهم وبعضهم حتى الاكل !! وش بقى من الراتب !!!! والكثير ياكل من مطعم ويشتري للخادمة من مطعم اخر وكلنا شفنا فالمطاعم العايله تاكل والخادمه تنطر عند كراسي المطعم الخارجية


لام الله من لامهم والله ..

[المليونير الفقير]

الساعه عندهم للعامل8باوند والعمل8ساعات وعليكم الحسبه يعني الخدامه عندهم تاخذ راتب سنير عندنا

[nadeemy]

الموضوع صحيح وليس بجديد , ولا ينلامون مثل ما قال اخوي الكواري
انسانه تاتي من جحيم الخليج الى جنة اوروبا , من المعامله القاسيه وقلة الاحترام والحرمان من ابسط الحقوق الى ارقى انواع التعامل والقانون الذي يكفل الحقوق , من العمل المتواصل احيانا اكثر من 18 ساعه في اليوم الى 8 ساعات او اقل , من الرواتب الهزيله الى ما يشبه العمل الحر وافر المردود
اتفق مع الاخت انتصار في الاستغراب من ان تاخذ العائله كل الخدم معهم في قضاء الاجازات

بالنسبه لمن قال انه يستحيل الخادمه تنال هذا الراتب , اقوله انت فاهم الموضوع غلط , وما ادري ايش دخل الجهات اللى تبتعت طلاب بالموضوع الا اذا كنت تعتقد ان اللي يشردون يروحون يشتغلون عند عوائل خليجيه او قطريه عايشه في بريطانيا ؟
اللي تشرد تشرد يتلقفونها سماسره ومكاتب خدمات هي ما تروح تشتغل عند عائله

بما انك عايش في بريطانيا , اتصل بمكتب واطلب خادمة نظافه واسال الساعه بكم ؟ صدقني راح تتفاجأ
مستحيل تلقى اقل من 8 او تسعة او حتى عشره باوند للساعه , شيل منها 2 باوند عمولة المكتب واحسب الباقي , هذا اذا افترضنا انها تعمل 8 ساعات فقط , فما بالك اذا عملت اكثر وهي متعوده على هذا الشي

[العقل الحر]

الخدم ليس عبيد عندهم علشان يملكونهم

اذا لا يريدون العمل عندهم والهرب منهم فلهم الحق في ذلك

مما يجدونه من قساوه ورواتب ضعيفه

[nadeemy]

بس انا قاهرني سالفة اللي تاركه عيالها مع الخادمه الاسيويه في بلد مهب بلدها ورايحه تتسوق
عاد لو رايحه موعد مستشفى يمكن نقول معذوره , لكن تتسوق, اممممممم
لا تعليق

[£عبدالعزيز£]

الموضوع صحيح وليس بجديد , ولا ينلامون مثل ما قال اخوي الكواري
انسانه تاتي من جحيم الخليج الى جنة اوروبا , من المعامله القاسيه وقلة الاحترام والحرمان من ابسط الحقوق الى ارقى انواع التعامل والقانون الذي يكفل الحقوق , من العمل المتواصل احيانا اكثر من 18 ساعه في اليوم الى 8 ساعات او اقل , من الرواتب الهزيله الى ما يشبه العمل الحر وافر المردود
اتفق مع الاخت انتصار في الاستغراب من ان تاخذ العائله كل الخدم معهم في قضاء الاجازات

بالنسبه لمن قال انه يستحيل الخادمه تنال هذا الراتب , اقوله انت فاهم الموضوع غلط , وما ادري ايش دخل الجهات اللى تبتعت طلاب بالموضوع الا اذا كنت تعتقد ان اللي يشردون يروحون يشتغلون عند عوائل خليجيه او قطريه عايشه في بريطانيا ؟
اللي تشرد تشرد يتلقفونها سماسره ومكاتب خدمات هي ما تروح تشتغل عند عائله

بما انك عايش في بريطانيا , اتصل بمكتب واطلب خادمة نظافه واسال الساعه بكم ؟ صدقني راح تتفاجأ
مستحيل تلقى اقل من 8 او تسعة او حتى عشره باوند للساعه , شيل منها 2 باوند عمولة المكتب واحسب الباقي , هذا اذا افترضنا انها تعمل 8 ساعات فقط , فما بالك اذا عملت اكثر وهي متعوده على هذا الشي


انا اتعامل مع خدامات

والساعة تكون ب10 باوند تقريبا والمكتب اتوقع ياخذ اكثر من باوندين

لكن الموضوع مب بالبساطة اللي انت متخيلها

اولا شلون بتشرد بدون جوازها .. هناك السلطات متشددة جدا في هالامور

ولازم عشان تشتغل تكون عندها فيزا عمل .. والفيزا سعرها مبلغ وقدره

بالاضافة الى البوليس ريجستريشن

ولما تظبط كل هالامور تعال احسب معاي :

سعر الكونسل تاكس (ماتذكر كم بالضبط لكنه يفوق ال1000 باوند لو ماخاب ظني)

سعر السكن (ماله داعي اقول ان السكن في لندن نار)

الاكل والشرب والملابس

..

ترى المكتب ما يوفر لهم سكن .. بس يمرهم يشتغلون وخلاص كل شي عليهم

..

انا عطيتك مثال على رواتب المبتعثين لانها (الحمدلله) يعتبرونها قوية هناك

خصوصا ان الكونسل تاكس يسقط عنك لو كنت طالب

يعني مب بسهولة تقدر تستلم نفس هالراتب .. هاي اللي ابي اوصل له

..

وعلى فكرة موضوع الحصول على وظيفة هناك مب بهالسهولة

ولا ما راح تشوف ناس هناك بدون وظائف

تبي مثال على صعوبة الحصول على وظيفة ؟

هل تعلم ان اللي يبنون مهندسين ؟

وان اللي يجي يركب لك خط التلفون او الانترنت مهندس ؟

ووووالخ !!

بيهدون كل هذيلا اللي يدورون وظايف

وموجودين في البلاد بشكل قانوني

وبيدورون خدامات شاردين من قطر بشكل غير قانوني ؟

..

انا ماقول ان الخدامات ما يشردون هناك

اكيد هالشي صار والا ما بيكتبون فالجريدة

لكن موضوع ال2000 باوند هو اللي مستحيل يدش مخي !!

[بوخالد911]

هي ظاهرة موجودة من زماان

والعرض المغري لهم لا يستطيعون مقاومته

[راشد محمد]

انا اعرف ناس وايد شردوا خداماتهم في لندن

[شبح الصمت]

صباح الفل يا مستثمر

يعني في ذمتك خدامه ومودينها بلاد ما تحلم تروح فيها لو تكرف 20 سنه

وجاتها باردة مبردة

ومع احترامي مش من وجهة نظر شخص والا شخصين هالشيء معروف

في جنسيات من تحط رجالها في هالدول والا تشوف الا غبرتها

يعني وصلني ودور علي

فرفشني قول للمعزب قال نكدت

مدري والله اضحك والا اصيح


هههههههههههههههههههههههههههههههههههههههههههههههههه هههههاي


كان حذفوها بيت احد من اهلهم

حتى برى يبون يحذفون يهالهم على الخدم وحط عليها مليون خط :omen2:

شاقول لك صراحة

كاه نشوف جنسيات تسافر وعيالها معاها في القاري وين ما راحوا لا خدم والا هم يحزنون ياخي ولدك بزر علقه اشتر لك هالعلاقيه الي تحطها قدامك وتمشى فيه شنو العيب شنهي المشكلة !!!! ؟؟؟؟؟؟؟


ما عندي تعليق اكثر من ذي

[nadeemy]

اولا شلون بتشرد بدون جوازها

!!

صحيح صعبة جدا :secret:

[chillis]

يستاهلون محد قالهم لازم ياخذون خدمهم ساعات عايله معاهم طفلين بخدامتين عيزانه الام هناك تلبسهم وتسبحهم يعني

[شبح الصمت]

يستاهلون محد قالهم لازم ياخذون خدمهم ساعات عايله معاهم طفلين بخدامتين عيزانه الام هناك تلبسهم وتسبحهم يعني




ارحم الله والديج

لا لا يزعلون عليج اختي شيليز

يقولون ما تبينهم يستانسون يطلعون يروحون يجون اليهال عباله وين يعابلون فيهم في الاسواق منيه والا منيه

خلهم يفرفشوون

زعلتيهم صدقني بيزعلون عليج

[chillis]

ارحم الله والديج

لا لا يزعلون عليج اختي شيليز

يقولون ما تبينهم يستانسون يطلعون يروحون يجون اليهال عباله وين يعابلون فيهم في الاسواق منيه والا منيه

خلهم يفرفشوون

زعلتيهم صدقني بيزعلون عليج

يزعلون :secret: وبعدين اذا خاط\رهم مره يطلعون عشا شي كل فندق فيه بيبي سستر لو اني ما فضل بس يعني ها مره عن الخاطر

[حسن]

صباح الفل يا مستثمر

يعني في ذمتك خدامه ومودينها بلاد ما تحلم تروح فيها لو تكرف 20 سنه

وجاتها باردة مبردة

ومع احترامي مش من وجهة نظر شخص والا شخصين هالشيء معروف

في جنسيات من تحط رجالها في هالدول والا تشوف الا غبرتها

يعني وصلني ودور علي

فرفشني قول للمعزب قال نكدت

مدري والله اضحك والا اصيح


هههههههههههههههههههههههههههههههههههههههههههههههههه هههههاي


كان حذفوها بيت احد من اهلهم

حتى برى يبون يحذفون يهالهم على الخدم وحط عليها مليون خط :omen2:

شاقول لك صراحة

كاه نشوف جنسيات تسافر وعيالها معاها في القاري وين ما راحوا لا خدم والا هم يحزنون ياخي ولدك بزر علقه اشتر لك هالعلاقيه الي تحطها قدامك وتمشى فيه شنو العيب شنهي المشكلة !!!! ؟؟؟؟؟؟؟


ما عندي تعليق اكثر من ذي


كفيت عني الرد ياشبح وكل سنه هذه الظاهره موجوده
بس حد بيتعض من هل البشر ابد بن عمك اصمخ

[ثابت]

يستاهلون رايحين يسحبون الخدامة معهم ليش

تخلف للاسف وجهل

[شبح الصمت]

يزعلون :secret: وبعدين اذا خاط\رهم مره يطلعون عشا شي كل فندق فيه بيبي سستر لو اني ما فضل بس يعني ها مره عن الخاطر

خايفين على عيالهم ياجرون لهم من اهناك ويفكون نفسهم وخلاص او يدورون لهم حضانه قريبه وسلامن عليكم






كفيت عني الرد ياشبح وكل سنه هذه الظاهره موجوده
بس حد بيتعض من هل البشر ابد بن عمك اصمخ



يا رجال اسكت شتقول بس

لا مودينهم حق الطباخ خبرك بوووعلي لازم العيووش في السفره

:secret:

[قطري مفلس]

مالومهم لشردوا في لندن ، حرية والامور طيبة

وبصراحة انا استغرب من قوة قلب الاهل اللي يتركون عيالهم مع الخدم واعمارهم صغيره ويروحون للتسوق (( هذي قمة اللااااااااامبااااالاه ، وفي غربة بعدددددددددد

حرام عليكم والله ، لازم تحدث مصيبه للعائله علشان الناس تتعظ واتعلم ، ليش ماناخذ الحذر من قبل ماتقع المصيبه !!!؟؟؟؟؟؟


تحياتي ^_^

[ghanim911]

ياجعلهم بزود .. عنبوكم مهملين هالعيال مع اجنبية انتوا ماتخافون الله على هالامانه .. قلنا في البيت شي ضروري بحكم عمل الزوجة لكن في السفر والسياحه والتسوق هذه الصراحة مصيبة ...
اللهم لاتأخذنا بما فعل السفهاء منا

[meeemz]

والله اكيد بيشردون انا استغرب من اللي توديها لدوله اوروبيه وعارفه انها بتشرد والله خساره للتذكره

بس الخدامه ضروريه في السفر خاصه اللي عندها يهال نتاتيف بو سنه وسنتين و3 صعبه الواحد يسافر معاهم
انا سافرت كذا مره من دونها ومره معاها والله فرق في المره اللي كانت معاي وايد ارتحت يعني ملابسنا اول باول تغسلهم والغرفه مرتبه وكنت امسك واحد وهي تمسك الثاني والمرات اللي بنفسي بصراحه اول مره كانت اصعب لانه كنا اليهال كانوا اصغر حفاظات ومراضيع للاثنين وعقب الحمدلله الوضع احسن لما كبروا شوي صرت ماحتاجها نفس قبل

[قطري 777]

انا حاب ادلي بدلووووي والسموحة ماقريت كلا مكم ولكن حاب اتكلم عن رواتبهم ليش يهربون ؟ السبب المعاش الردي والمعامله التعبانه من بعض الناس انا واعوذ بالله من كلمة انا عندي خدم ودرولية انا مثلا ماخذهم رواتبهم من المكتب 750 او 900 والسواق 1000 ترى انا اعطيهم اكثر ةاحيانن يوصل 100% ترى هم لهم حياة ولهم اسرة ولهم احلام واحساس لا زم ننظر في عمق الموووضوع اكرموا خدمكم يكرمونكم ويحبونكم ويخلصون لكم وشكرا ............ اسف اذا شطحت برى الموضوع : ))

[لاجل QT]

ماينلامون

اي عاقل بيسوى اللى سوة خلونا واقعيين اغراءات وتتحقق احلامهم في غمضة عين ..لاتلمونهم فقارا

الحل لحد يودى خدامتة..بسكم اتكال عاد

[النهار]

2000 جنينه مبلغ مبالغ فيه بريطانيا فيها بطاله تزيد يوم بعد يوم

[intesar]

أنا اليوم قريت بالراية مكتوب ١٠٠٠ جنيه..

[ahmed jasim]

تعتقدون الخدامة جاية لسواد عيونكم
عندهم صبر أيوب ويفكرون لبعيد
هي إطلعت من جحيم بلادها
وأقرب فرصة يابتها بلادنا ترانزيت
صبرت سنين شغل ليل نهار
ولما شافت أوروبا تحقق حلمها
عرفت إنها فى خمس سنين بتحصل الجنسية الأوروبية وبتصير سيدة قرارها
وبعدين بتييب أهلها وبتأسس شركتها
وبعدها بترجع لنا خبيرة

ناس تفكر وناس ما تعرف الا كيف تستهلك

[CH Engineer]

من حقها تشوف حياه افضل
كانت عامله بأجره ووجدت اجر افضل وحياة افضل
"متى استعبدتم الناس وقد ولدتهم امهاتهم احرارا"

يمكن تختصر الموضوع وتشتغل 6 شهور وترجع لاهلها وعيالها

[ابن الجزيرة]

العاملة او مدبرة المنزل من حقها ان تهرب!!يكفي ان مسماها هنا خادمة وفي اوروبا وامريكا مدبرة منزل




ساعات العمل احترامها كادمي الراتب كلها اغراءت لا يمكن مقاومتها

يجب اعادة النظر والتفكير في نظرتنا الى هؤلاء ومعاملتنا لهم واعادة النظر في اجورهم

[qtr7]

اما انا قلت حق الي معاي بعطيك جوازك واشرد اي وقت قالي ل ولد خالي شارد هني يبي يرجع صحيح يعطون اكثر بس المعيشه اغلا بعد !

[£عبدالعزيز£]

أنا اليوم قريت بالراية مكتوب ١٠٠٠ جنيه..

من وجود مكاتب تدفع عمولة تصل إلى ألف جنيه استرليني لمن يأتي بخادمة حتى ولو هاربة، ليتم تشغيلها فوراً، إذ توفر هذه المكاتب عقود عمل تتضمن ساعات دوام لا تتجاوز 8 ساعات وبراتب قد يصل إلى 2000 جنيه استرليني (حوالي 13 ألف ريال قطري) شهرياً


..

اختي انتي يمكن ما ركزتي

ال1000 باوند تندفع للي يجيب الخدامات

والخدامة نفسها راتبها قد يصل الى 2000 باوند

يعني لهالدرجة صعب يحصلون خدامات عشان يوظفونهم عندهم ؟!!

[رجل الجزيرة]

مستحيل بريطاينا والدول الأوروبية وأمريكا يعطون فيزا لشعب من شرق آسيا وهم فقيراء وخاصة الهند وسريلنكا وطبعا مثل ما إذكروا الإخوان جاتها الفيزا جاهزة والقانون معهم، وهي بدورها بتبهر الموضوع مع الشرطةوأنا كنت وأنا كنت وأنا كنت وأنا كنت وهم سووا لي كذا وهم سووا لي كذا، وياما قصص مستورة ضد العوائل الخليجية بس علشان الستر.

[الصغيره]

بمكه هربن مايهربن بلندن ههههههههه

خلهن يغيرن بالمناخ دام حقهن مكفول بقطر ولا صادوهن يصودونهن بلندن

الصراحه خذوا عنا هالخدم فكره اننا ولا شي وان النظام والحقوق للمواطن بهذه المواضيع ضايعه وان الهروب موضه يجب الكل يجربها

عليهم بالعافيه تعبنا الصراحه

[فقيه زمانه]

لخدم يعتبرون لوصول لأوربا بمثابة الكنز الذي لايمكن التفريط فيه وغالباً تعرف على شخص اول ما توصل وهو الي يرتب لها طريقة الهروب من الكفيل والعمل هناك برواتب تكون خياليه لهم وبالنسبة للأوربي ولا شي ،

[سـ ع ـود]

عسى

في هالحال واردى

وبعض الناس قلوب ميته اول مره اشوف واحد مودي خدامته معاه وجوازها في يدها وتشرد ويقول خدامتي

شردت

خل تكثر شرداتهم يمكن هالمفهيين يستوعبون ويشغلون مخوخهم ويخلون قلوبهم الميته تصير حيه

والله اني يوم شفت الخبر فالجريده اول كلمه قلتها عسى

ملاحظه : انا اتكلم عن البعض مش الكل

:)

[Cooki]

الموضوع مو جديد من زماااان والخدم يشردون في لندن ..
اصلا هم من يوصلون هناك يعتقدون انه حلمهم بالحريه والخير والنجاح تحقق باقي فقط الحصول على وظيفيه افضل ..
وتلقى هالمسكينه احد قاص عليها انه بيوظفها بمكان او بمكتب عمل
واخرتها يتلاقفونهم سماسره الدعاره والسوق السوده ..

والامثله كثيره...

الشرهه مب عليهم .. فرصه وقالوا بيستغلونها ..

الشرهه على هالعوايل اللي مايقدرون يشكون خيط بابره الا بخدامه ..

ودمتم بود

[مشاكل]

المفروض تنربط بسلسله

[شبح الصمت]

من حقها تشوف حياه افضل
كانت عامله بأجره ووجدت اجر افضل وحياة افضل
"متى استعبدتم الناس وقد ولدتهم امهاتهم احرارا"

يمكن تختصر الموضوع وتشتغل 6 شهور وترجع لاهلها وعيالها

اخوي ما استعبدنا احد استغفر الله العظيم

ولكن هل من حقها انها تشرد من تحت كفالتي
وانا بيني وبينها عقد هل العقد ينحسب باطل وانا عزيتها ورزيتها

ياخي كفايه انه مودينهم معاهم لبلاد اقولك لو تحلم ما تروحها !!!!

اسمح لي اخوي كلامك مغلوط مش من حقها انها تشرد

تخلص فترة الكفاله وعقب لها الحرية اتم والا لا في بلدي الاصلي وليس في بلد غير بلدي


العاملة او مدبرة المنزل من حقها ان تهرب!!يكفي ان مسماها هنا خادمة وفي اوروبا وامريكا مدبرة منزل




ساعات العمل احترامها كادمي الراتب كلها اغراءت لا يمكن مقاومتها

يجب اعادة النظر والتفكير في نظرتنا الى هؤلاء ومعاملتنا لهم واعادة النظر في اجورهم



اخوي هل تعلم ما الفرق بين المدبره والخادمه هناك

بعطيك نبذة بسيطه

المدبره هناك يكون هذا تخصصها دارسها ورواتبها خياليها لانها ملمه بكل شيء وللعلم في مدبرات ما يطبخون والا ينفظون بس اسمها مدبرة منزل لانها تباري العيال وتراجع لهم وهالامور


الخادمه هي الغير متعلمه التي لم تدرس وليس لديها شيء انما العمل والاجر اليومي وخدمة الناس من وإلى ..

فاعذورني

إن أحسنت فمن الله ، وإن أسأت أو أخطأت فمن نفسي والشيطان

[SOUD.QA]

السلام عليكم ورحمة الله وبركاته

صبحكم الله بالخير جميعا

بعد ما قريت الردود كلها مالقيت اللي بخاطري فقلت ادلو بدلوي

سلمكم الله من كذا سنه كنا رايحين حول ال3 عوائل لندن وبما ان عددنا كبير وساكنين فشقق وبحكم الفتره اللي بنقعدها هناك وجود الخادمه كان ضروري للطبخ والغسيل كانت عندنا خادمه لها حول ال20 سنه عندنا بعد ما وديناها المقابله بالسفاره البريطانيه كانت لهم معاها مقابله منفرده لفتره طويله قالت لنا على فكره هم كانوا يسألون كيف وضعي معاكم؟ مرتاحه؟ منكرفه؟ راتبي اوكي ولا لا؟ الطامه الكبرى بعد كل هالاسأله قالوا لها على فكره إذا بغيتي تشردين هناك شردي محد له حق عليج ولا تخافين من شي

:rolleyes2::eek5::rolleyes2:

اتوقع بعد هالكلام عرفتوا السر في هروبهم

:secret:

[شبح الصمت]

السلام عليكم ورحمة الله وبركاته

صبحكم الله بالخير جميعا

بعد ما قريت الردود كلها مالقيت اللي بخاطري فقلت ادلو بدلوي

سلمكم الله من كذا سنه كنا رايحين حول ال3 عوائل لندن وبما ان عددنا كبير وساكنين فشقق وبحكم الفتره اللي بنقعدها هناك وجود الخادمه كان ضروري للطبخ والغسيل كانت عندنا خادمه لها حول ال20 سنه عندنا بعد ما وديناها المقابله بالسفاره البريطانيه كانت لهم معاها مقابله منفرده لفتره طويله قالت لنا على فكره هم كانوا يسألون كيف وضعي معاكم؟ مرتاحه؟ منكرفه؟ راتبي اوكي ولا لا؟ الطامه الكبرى بعد كل هالاسأله قالوا لها على فكره إذا بغيتي تشردين هناك شردي محد له حق عليج ولا تخافين من شي

:rolleyes2::eek5::rolleyes2:

اتوقع بعد هالكلام عرفتوا السر في هروبهم

:secret:


هذه الله يسلمك يتسمى استدراج للكلام يبون يشوفوونها هل اهي راح تسويها أو تفكر وإلا لا

هههههههاي تحسب سايبه ياخوي كل واحد جاء البلاد تعال وحط رجلك !!!

هالسؤال كان عباره عن ذكاء من السائل حتى يرى ما بداخلها من اجابة ..

:)

[SOUD.QA]

هذه الله يسلمك يتسمى استدراج للكلام يبون يشوفوونها هل اهي راح تسويها أو تفكر وإلا لا

هههههههاي تحسب سايبه ياخوي كل واحد جاء البلاد تعال وحط رجلك !!!

هالسؤال كان عباره عن ذكاء من السائل حتى يرى ما بداخلها من اجابة ..

:)


للاسف ياخوي مو سؤال ذكاء الا تطمين عالآخر ابشرك خادمة وحده من العوائل اللي كانت معانا شردت من ثاني اسبوع وامورها سهالات وبعدها بلندن واقامتها قانونيه بعد هناك وكل اللي وعدوها فيه فحالة الشرده سووه لها

[Scout Sniper]

زين سوو مساكين ...
فرصه وجاتهم خلهم يترزقون

[نوار قطر]

محد قال لهم يودوون خدامتهم حشى الخدامه مستويه في كل مكان جنها ملح في كل زاد

[نوار قطر]

كذا واحد من الاعضاء قال شلون ماتبونها تشرد وانتو تعاملونها معامله قاسيه وومن هالكلام,,, ليش عممتو ان كل اهل قطر يعاملون خداماتهم بقسوه ليش ماخذين فكره ان الكل جذي طبعا مااقول ان الكل معاملتهم زينه والكل حليو مع خدامته لا في ناس فعلا تكون معاملتهم قاسيه بس قلة قليله ومثل مافي ناس تعاملهم بقسوه في ناس ووواااايد يعدون الخدامه كانها وحده من اهل البيت الزبده لاااا انعمم على الكل....

[Abdelrahman]

اللي مستغرب شلون تشتغل بدون ما يكون عندها جواز
بريطانيا موقعه على اتفاقية اسمها Refugee convention
اللي هي تمنح أي شخص حق اللجوء في بريطانيا في حال تنطبق عليه الشروط
ويحق لاي الشخص التقدم بطلب في حال وجوده داخل الاراضي البريطانيه
ولين ما تنتهي اجراءات اللجوء سواء كانت مقبوله او مرفوضه تاخذ سنين يعني بتكون
الخادمه اشتغلت وجمعت الفلوس اللي تبيها ورجعت بلادها

بالنسبه للاخ اللي يقول مبلغ 2000 جنيه مبالغ فيه
هناك الدوام الرسمي 40 ساعه في الاسبوع (8 ساعات في اليوم 5 ايام في الاسبوع)
40 * 4 = 160 ساعه في الشهر * 10 جنيه في الساعه 1600 جنيه في الشهر كحد ادنى
هذا اذا فرضنا انها شغاله بس 5 ايام في الاسبوع.
وعلى فكره هذي الرواتب تعتبر قليله. انا ادرس في استراليا والرواتب تتراوح ما بين 18-20 دولار في الساعه للخدم

وبصراحه من حقها تشرد ! معاشها في قطر شهر اطلعه هناك في 3 ايام

[قطريه ماركه]

يستاهلووووون !!

ليش من الأساس يودوون الخدم معاهم لهالدرجة ما يقدرون يستغنوون عنهم !!

حلم حياتها و تحقق لها بترجع الدوحة ليش ؟؟؟

[MAZEN37]

ما الومهم صراحة

لام الله من لامهم

مش لان الله رزقنا بخير والحمدلله معناته نعاملهم بهالطريقة

للاسف الكثير من اهل قطر والخليج بمجرد ماتوصل الخادمه لهم يعاملونها معاملة جدا قاسية والعذر عشان ما ندلعها وتستقوي وبعدها لا سحرتهم قالوا بنت اللذين مبيته النية !!

احنا نشتغل فاليوم 8 او 9 ساعات ورواتبنا عالية والحمدلله واجازه يومين فالاسبوع بينما هي تشتغل طول اليوم وتتغرب عن اهلها وعيالها و800 وايد عليها ولو طلبت 100 ريال زيادة زفوها ولعنوا شكلها وقالوا ناكرة جميل !! بينما الام ماعندها مانع تشتري شنطه بقيمة رواتب الخادمة مجتمعه لمده 5 سنوات !! ولا في ناس يعطونهم 800 والشامبو والاغراض الشخصية عليهم وبعضهم حتى الاكل !! وش بقى من الراتب !!!! والكثير ياكل من مطعم ويشتري للخادمة من مطعم اخر وكلنا شفنا فالمطاعم العايله تاكل والخادمه تنطر عند كراسي المطعم الخارجية


لام الله من لامهم والله ..
كلامك طرب :)

[£عبدالعزيز£]

اللي مستغرب شلون تشتغل بدون ما يكون عندها جواز
بريطانيا موقعه على اتفاقية اسمها refugee convention
اللي هي تمنح أي شخص حق اللجوء في بريطانيا في حال تنطبق عليه الشروط
ويحق لاي الشخص التقدم بطلب في حال وجوده داخل الاراضي البريطانيه
ولين ما تنتهي اجراءات اللجوء سواء كانت مقبوله او مرفوضه تاخذ سنين يعني بتكون
الخادمه اشتغلت وجمعت الفلوس اللي تبيها ورجعت بلادها

بالنسبه للاخ اللي يقول مبلغ 2000 جنيه مبالغ فيه
هناك الدوام الرسمي 40 ساعه في الاسبوع (8 ساعات في اليوم 5 ايام في الاسبوع)
40 * 4 = 160 ساعه في الشهر * 10 جنيه في الساعه 1600 جنيه في الشهر كحد ادنى
هذا اذا فرضنا انها شغاله بس 5 ايام في الاسبوع.
وعلى فكره هذي الرواتب تعتبر قليله. انا ادرس في استراليا والرواتب تتراوح ما بين 18-20 دولار في الساعه للخدم

وبصراحه من حقها تشرد ! معاشها في قطر شهر اطلعه هناك في 3 ايام


بخصوص الاتفاقية ما راح اتفلسف في شي مب فاهمه هههههههههههه

لكن بقول شي واحد وهو ان الموضوع مب بهالبساطة

والسلطات هناك متشددة في نفس هالامور

..


اما عن ال18 الى 20 دولار .. فهي تقريبا 11 الى 12 باوند

يعني نفس السعر تقريبا .. قبل كنت اتعامل مع وحدة ب12 باوند

وساعات الدوام اللي انت ذكرتها على حسب (معلوماتي المتواضعة) تكون للي شغلهم فل تايم

اللي يستلمون راتب ثابت في الشهر .. اما اللي يشتغلون بارت تايم

ويحاسبونهم بالساعات تكون ساعات شغلهم اقل

ولا تنسى ان المكتب بياخذ منهم عمولة قد تصل لنص المبلغ اللي تحصله

..

طبعا اتفق معاك في ان الخدامة هناك تحصل اكثر من هني بدون شك

لكن مب بهالمبالغات اللي انكتبت

شدعوة يدفعون 1000 باوند للي يجيب خدامة شاردة !!

مافي ناس يدورون شغل لهالدرجة ؟

وموضوع ال2000 باوند مستحيل يدش مخي

وبعد لو نتعمق اكثر فالموضوع في ضرايب وفاتورة كهربا وماي وايجار السكن

لكن الموظفة تكون حرة محد يتحكم فيها كما يحدث في عدد كبير من البيوت للاسف

..

وفي النهاية ماقول غير الحمدلله رب العالمين على النعمة اللي عايشين فيها

واسمحلي على الاطالة

[qatara]

وصلت الاتكاليه والبذخ لهذه الدرجه
ماهو الهدف لاخذ الخادمه لبلد لاتحلم ان تذهب اليها
ما كل هذه الاتكاليه من الحريم على الخادمات حتى في السفر

الله المستعان

[عاهد بن علي]

حتى بعض الازواج يشردون

[حسن]

حتى بعض الازواج يشردون

:omg:

[لاجل QT]

حتى بعض الازواج يشردون

هههههههههههههههههه

عجيب ردك عاهد:nice:

[عاهد بن علي]

هههههههههههههههههه

عجيب ردك عاهد:nice:

من واقع خبرتي في الحياه

[لاجل QT]

من واقع خبرتي في الحياه

هههههههههههه

ياربي حرام مانبي نظلمهم عاد..نسميها جولة تفقدية:nice:

استغفر الله العظيم بس:p;)

[qatara]

حتى بعض الازواج يشردون


هههههههههههه

ماينلامون

[مدرسة]

هل المواطن القطري لا يستطيع العيش بدون الخدم ؟؟؟؟

يعني قلنا وقت المدارس الأم مشغولة و دوامات الخ بس العطلة ؟؟؟؟

الحقيقة ان هؤلاء قد رتبوا حياتهم بدون الأطفال ! يعتبرون الطفل شي اكستر و متوهقين فيه !! مو جزء من العائلة و نتعايش مع بعض
والا اخلي عيالي في بلد غريب مع الخدامة علشان أسوي شوبنج !!!!

يها الشوبنج اللي ما يخلص ! الا استوت عادة في قطر يخلون عيالهم عن الخدامات و يعورون مع صديقاتهم في المجمعات و هناك نفس الشي!!! بعدين افتكر الطفل في نظرهم يخرب البرستيج !!! ماله داعي

اللي يضحك انك اذا واجهتهم يبينون لك انهم أحرص الناس على عيالهم !!! و يبون خدمة ممتازة طول الوقت بينما العطلة و الاجازة السنوية هي فرصة لجمع شتات الأسرة و تعويد الأبناءعلى الاعتماد على أنفسهم في الشقة و ترتيب المكان و الاهتمام لأخوانهم الأصغر ...
هذي فرصة بتكتشفون فيها ان ابنائكم تنقصهم مهارات في مواضيع أساسية في الحياة !!!!

[دانة الطواش]

السالفة كلها زبو وفشار ، ليش تأخذ ونهم معاكم انتوا في إجازة واستجمام وراحة هم مرافقين لكم ليش بس حق اليهال وش دورج انت يا الام حتى في السفر قاطتهم على الخدم وين دورج على الاقل في السفر حسسيهم بالامومة ها لفترة بس ،الصراحة ماله داعي ابد.

[qatara]

كل نفض يده من دوره الذي سيحاسب عليه
لدرجة ان بعضهم نسي حتى حساب ربه
في الامانه التي اوتمن عليها
هل نحن باخر الزمان وتضييع الامانه ؟

ماهو الدور الحقيقي للمراه ؟

اذا لم تهتم بالابناء
ولم تهتم بالزوج
ولا البيت

ماذا اصبح دور المراه في مجتمعنا ؟

هذا سوال ليس لكل النساء انما لبعضهم

مادورهم ؟!

[Bin Hood]

2000 باوند !

انا محاضر جامعي يقول لو احصل لي 5000 باوند راتب برع بريطانيا باروح

يعني هالعاملة بتحصل 2000 باوند

ما الومها اذا شردت

[Bin Hood]

للاسف ياخوي مو سؤال ذكاء الا تطمين عالآخر ابشرك خادمة وحده من العوائل اللي كانت معانا شردت من ثاني اسبوع وامورها سهالات وبعدها بلندن واقامتها قانونيه بعد هناك وكل اللي وعدوها فيه فحالة الشرده سووه لها

اخوي سعود انت مصدق

لكن اشكك في الموضوع نفسه

اي شخص يدخل بريطانيا لازم يضمنون ان عنده مصدر دخل

علشان ما يكون عالة ويسبب مشاكل اقتصادية وامنية

وفرص الحصول على صعبه لكن ممكنه طبعا اقصد الوظايف المتواضعة

بس هل ممكن تشتغل ودخولها بفيزا ليست للعمل !

[الشيخة شيوخة]

اولا:- ليش الخدمات يجون دول الخليج مادام يبون اوروبا ويقلون راتبهم اقوى ليش يقبلون بدولنا خلهم يروحون دول اوروبا
ثانيا :-احسن خلهم يشردون ويهربون لان متى الاسرة الخليجيه تشمر عن ذراعها وتعتمد على نفسها اعتقد الاوانى المصنعه للاستخدام لمره واحد موجوده كل وشرب وقط الماعون ترتيب المكان على الام تعلم نفسها وعيالها على الترتيب الكل يشتغل
ثالثا :- سوااا حمله تقلون للخدم حنا في غنا عنكم ماتخوفونا
لكن الصحيح غير كذا يرجف قلبكم لما تروح عنكم الخدامه يرجف من الخوف من الشغل للنفس والاعتماد عليها

[واحد قطري]

خل المفوشر ينفعهم وانا شفتهم بعيني وبعضهم جايبين ثنتين مب وحده

واللي تقول عيالي وانا ماقدر اقول لها امج مقالت عيالي وانا ماقدر وجابت خدامتين وهي كانت

تنظف وتطبخ وتربي ودرس وتهتم بزوجها ونفسها ووقت الصلاة مايتفوت كل هالامور وتلقى وقت فراغ

بعد للتسوق والسفر اما الحريم من هالاشكال اللي يسفرون الخدم معاهم ماقول غير الله يعين الزوج والاولاد