ماذا حصل لقطر

[راجو قطر]

صباح الخير
حبيت افتح موضوع وهام واتمنى النقاش والابتعاد عن المجاملات وفقط ابغي الكلام الصادق
انتشر في الاونه الاخيره المصخره في دولتنا الحبيبه قطر وانتشر فيها الفحشاء والمنكر خذت لفه كامل على الفنادق والمجمعات وانصدمة من المناضر الفاضحه وكائنا في دبي مصخره وخلاعه
ولبس قصير وسكر عند الفنادق ونساء عاريات ودعاره عيني عينط وشفة البنات البزنس الي بلعربي كم تدفع بركب معاك وبكثره وشفت في منتجع شرق العجب الشرب والهياصه
والتفصخ العلني والنساء المستوردات من الخارج وبل احرى من دول شقيقه وشفنا القواده على اصولها حتى في دبي مشفت هلمناضر المغززه وشباب وبنات قطرين يتناولون الكحول
وشفة انفتاح رهيب للمراه ومكياج صارخ وعبايات جذابه اكثر من البكيني وسفور ومصخره وقلة ومخالطة الرجال والخروج معهم بعد وصار التعري عند الاجنبيات ابيزه وكانهم هم اهل
البلاد وانتشر هذا الشي بينهم في تعلق الصليبي اييه واين ايام قبل يخسي الاجنبي يرفع الصليب لو اشتكي عليه يسفرونه ابلاده شلي حدث في قطر تنذكر في مسلسلات ساقطه وتنذكر
فيها البنت القطريه على انها مب بنت للزواج بل للعبه ليش جبتولنا الكلام يبنات ابلادي وقسم بالله انا بنات قطر كان ينضرب فيهم المثل قبل فلخليج فلعفه والكرامه والحمدالله فيه البنات
الي فيهم خير في قطر لين يوم الدين بس فئه كبيره انفحتو وغرتهم مضاهر الحياه ونقطه اخيره انتشر الحقد بين اهل قطر انى سلام بينهم ميسلمون على بعض لهذي الدرجه الزياده
ولدة حقد بينهم والله حرام هل قطر قبل كلن يحب الثاني ويعزه وميتكلم فضهره والحين كلن حاقد عثاني ويتكلم فضهره
من الاخر دام كاس العالم والانفتاح بيجيب العار لقطر ف بلاش منه وترجع قطر التسعينات الي فيها خير وبركه والكل يثني على قطر واهلها ونعيش بكرامتنا واسلامنا وعزتنا ولا يجي
اجنبي يعلق الصليب فبلادي
يزمان العجايب,,, وش بعد ماظهر

[غيمة مطر]

كلام صح وجميل ...

بس قبل لاتنتقد البنت ... قول وين محارمها ؟؟؟؟ وين ابوها وين اخوها وين عمها ...؟؟؟ وين راحت الغيره والحميه ؟؟؟

الحين عادي تشوف واحد متدين وبنته وزوجته بعباية ام حبل ....

انا ماعتب عالبنت اعتب عالاهل لانها تربت على هالشي والبنت يوسوس لها الف شيطان لكن وييييين الرقابه ووين الاهل ..؟؟؟

انا اقول وين رجال قطر ؟؟؟؟ قبل لااقول ليش يابنت قطر ..

[قلبي الطيب]

مازال فيه الطيبين روح الاماكن السنعة بتشوفهم ليش هالنظرة السوداوية

[خليفـة]

كلامك سليم اخوي
وهالأشياء موجوده من فترة وليس من الأمس
عموما .. هذي ضريبة الانفتاح على العالم اخوي
مافيه شي ببلاش وانا اخوك

خليفــة

[بنت الاجواد]

الله المستعان ويستر من اللي جاي

[ام ناصر1]

الحمد لله عايشين بقطر ولا شفنا هالمناظر ...طلعتك خلها على قدك ...ومتاكدين إنه بقطر فئات
وجماعات والحمد لله ...ما غرتهم الدنيا وما انتهكوا ما حرم الله ....هاي آخرة ادخال الجنسيات
على اهل البلد من كل حدب وصوب ...ولا اهل قطر مالهم بالهسوالف ...هاي منكر ظهر بالتقليد
والاحتكاك بالاجانب وكثرة التجنس ...وفتح باب الرياضة والسياحة

[Ahmed25]

طيب و بعدين ؟ قرأنا نفس هالموضوع مليار الف مليون مره ! ممكن يا اخي الكريم اذا شفت نفس هالمناظر تستخدم جوالك و تتصل في المسؤول ، و اذا ما رد عليك و لا قالك انا مالي دخل فذا السالفه افتح موضوع و اكتبلنا وش صار.

الكل يكتب و يتشكى و ما عنده استعداد ينكر المنكر بيده أو بلسانه ، كافي عليه انه ينكر المنكر بقلبه و فالمنتدى !

[bo_hamad]

فعلاً كلامك صحيح ولكني اقول حسبي الله ونعم الوكيل وإنا لله وإنا إليه راجعون

[الرويـس]

مازال فيه الطيبين روح الاماكن السنعة بتشوفهم ليش هالنظرة السوداوية
كلام سليم
لان الاصل ان في ناس طيبين ولا زالوا على حشمتهم وعفتهم

ابتعدوا عن هالنظرة

[قطرية فله]

يا خوي في كل مكان مقبره:)

لكن الحمدلله قطر لي الحين فيها أهلها الطيبين

و لي الحين فيهم الخير والحمدلله و أصابعك مب سوا

و لا تنسى أكثر اللي يلبسون هالاشيا مب قطريااات :nice:

و اذا بتقول قطريات بقول لك صح بس فئه قليله

و بعضهم جوف اساميهم و بتعرف اذا هم من هل قطر الأصليين ولا لا


الحين حتى الهنديات تلبس لك الشيله و العبااه و الشنطه تقول من هل قطر لكن إذا هي تكلمت أنت اسمعهاا و اسكت ههههه :tease:

و الله يهدي الجمييع يا رب

[بريق الحق]

الحين حتى الهنديات تلبس لك الشيله و العبااه و الشنطه تقول من هل قطر لكن إذا هي تكلمت أنت اسمعهاا و اسكت ههههه :tease:

و الله يهدي الجمييع يا رب[/SIZE] [/color][/b][/QUOTE]

هم جافو من بعض بنات قطر ماخذين العبايه والشيلة بطريقة سلبيه فقامو يقلدونهم

[حسن]

الله المستعان متابعين لاخرالتطورات

[سارونه]

الحمد لله رب العالمين على الامن والامان في بلدنا قطر

كم مره شفت مخالفات اخلاقيه واتصلت (( للشرطة وفزعه )) وعملو اللازم وماقصرو ابدا ابدا ابدا

لازم نكون يد وحده ومانستحي ولا نقول خلهم يولون الي يشوف شي يبلغ عنه - يمكن انت تهدي هالشخص والا هالبنت من الانحراف وقلة الحيا ..

[intesar]

الشين والزين بكل مكان..
ابتدي بنفسك وأثر على من حولك..
وأمورك طيبة بإذن الله..

ودمت بحفظ الرحمن..

[الخزرجي قطر]

الحمد لله الدنيا مازالت بخير انت شفت الجانب السلبي ولكن الحمد لله هناك جوانب ايجابيه كثيره في قطر
وماشاهدته لايمثل سوى نسبه قليله جدا جدا من عدد السكان المتواجدين في قطراو ربما من السواح القادمين .

[doha1]

هالاجازه حجزت بفندق جراند واستغفر الله العظيم من اللي شفناه

فعلا صارت مصخره بقطر مش طبيعيه

لا من شباب ولا من بنات الله يهديهم ويصلحهم ويغفر لهم ويرشدهم لطريق الصواب

اولياء الامور في غياب تام عما يحصل ولا ايش

جلسات فالفنادق وجنس ثالث وبويات والعياذ بالله وانحطاط اخلاقي ودعاره واضحه والاجانب ع البحر

ماخذين راحتهم فاللبس وكانهم متسترين

والله نسال الله العافيه مناظر خادشه للحياء ولا حول ولاقوه

كثير من الامور انتشرت بقطر من التفنن في العبايه والمكياج والشيله اللي ماتعتبر شيله والعطورات وقلة الادب

والشباب حدث ولا حرج جراه فالخطا وتحرش علني ومفاخره بالفواحش

الله يهديهم ويستر على المسلمين

[بنت امي]

الامر بالمعروف والنهي عن المنكر

الاسلام مافيه حرية شخصيه

واحنا بلد مسلم

[halcrow]

Doha1


غريبه انا كنت حاجز شاليه في جراند هالويكيند. وماشفت الا حريم محترمين مع عوايلهم ومع اطفالهم في البرك ولا في الشاطي مبسطين مع اطفالهم وجالسين باحترام وكثريتهم عوايل قطريه . وذا كان في حاله شاذه شفتها. مفروض ماتعمم. :telephone:

[المواطن]

للأسف هذا الكلام صحيح
يوم الجمعة كنت معزوم على زواج واحد من اعيال العم في كتارا وهذه ثاني مره اروح هناك بعد المرة الأولى اللي كانت لعمل رسمي من حوالي ثلاث سنوات وللاسف لقيت المكان قمّة المصخرة واللواته - عيب الصراحة ان تلقى عيال عرب مسلمين يعور بسيارته طايح على جنب في كرسي السياره ولاوي رقبته على صوب تقول منكسره لا همّه ولا مهرّه رايح وراد.
لو قدرنا نيود هالشباب شوي اللي تشوفونهم بيملون وبيرجعون ابلادهم ونفتك منهم.

[قطري كاشخ]

نعم الكثير شخص المرض لاكن وين العلاج
مع احترامي للجميع كثير أثيرت مثل هذا الموضوع لاكن لم يتجرأ واحد ان يصف العلاج
وهنا تكمن المشكله !!!!!!!!!!!
الوضوع هذا مافيه اصلي او تقليد الوضع اخطر من هذا الوضوع يخص المجتمع كله

[qatara]

الله المستعان

[قلب شامخ]

اي عاادي خلاص تعووودت ع هالمظاهر,, خصوصن ف جامعة قطر,, بنات قطريات من اصوول عربيه كبيره حجاب مايعروفوووونه : )
الله يهديهم

[eXpert*]

((وَإِذَا أَرَدْنَا أَن نُّهْلِكَ قَرْيَةً أَمَرْنَا مُتْرَفِيهَا فَفَسَقُوا فِيهَا فَحَقَّ عَلَيْهَا القَوْلُ فَدَمَّرْنَاهَا تَدْمِيراً))

[بو شريم]

صحيح كلامك ان الفتنه موجوده وان لبس الكثير الاقنعه وقال لاء

تيار ماتقدر انت كفرد تصده

لكن ممكن التكاتف يحل امور كثيرة انك تغير المنكر واذا ماقدرت انكره بقلبك

المفروض كل الناس اللي فيها خير تكثر من الخير هذا تزيده والسبب

تغطي على الخبث الموجود

لان الاتباع لأي شيئ عندنا في قطر قائم بالدرجه الأولى في التقليد

النماذج اللي فيها خير لو يسطع و يزيد نورها

راح تأثر بالجمتع وانا متأكد كل الاحوال تتغير

لكن المسأله الحين صايرة في النفوس وماتفيض فيه ومما تنقص منه

مثال بسيط

فيه شغلات صغيره تنحفر مثل التعليم اللي يعطي مؤشرات علمانيه

تخلي من انسيابيه التعامل ان كل شيئ عادي مافيه اي مشكله

افصلوا الجيل القديم بمبادئه واخلاقه وتمسكه بالدين
عن الجيل الجديد حتى مايصير تعارض مع كل جديد
سواء من معلمين او موظفين

فعلاً وانفصلت الاجيال حتى في طلبه الجامعة
حتى لما تكون علمانيات جديدة مايكون فيها تأثير في الرفض

ماهو موضوعنا خلاص امر واقعي اللي موجود
وظرب اليدين والتحسر ماله داعي

فيه واجبات لازم تكون حتى تقلل بؤرة هذا الفساد
وهو التأثير في الآخرين انك تزرع فيه الصلاح وان كانت بكلمة طيبة
أو اشاره او همسة او فعل خير او دعوه صالحه او نشاط يقومون عليه مجموعة كبار يأثر بالمجتمع


الحكي وايد بس الزبده لازم التصرف مع الواقع احنا مانقدر نرجع نقدر نتقدم

ولعل منا من فيه خير راح يبادر فيه

[Locale]

ماشاء الله شفت وشفت وين غض البصر
انا اروح الفنادق نحجز فيه او اكل فيه وجبه ماشوف هاي كله
لكن لو اني دخلت علشان ادور هالشي واحطه في بالي وابقق عيوني عالرايح والراد بشوف
الدنيا فيهاا الزين و الشين واحنا ماعلينا الا من نفسنا واهلنا كلكم راع وكلكم مسؤول عن رعيته

[بو شريم]

((وَإِذَا أَرَدْنَا أَن نُّهْلِكَ قَرْيَةً أَمَرْنَا مُتْرَفِيهَا فَفَسَقُوا فِيهَا فَحَقَّ عَلَيْهَا القَوْلُ فَدَمَّرْنَاهَا تَدْمِيراً))

.
.

حق

.
.

[محاسب]

الحمدلله قــــــــــــــــــــــــــــــــــطر كلها كانت دار وحده طيبه ...وكلها ترفض الغلط
واليوم صرنا نتقبل الغلط ونقول غضوا النظر وكل دار فيها مقبرة ...
هذا هو حال الي ساكن بدار ودار جاره مولعه فيه النار ويقول وانا وشعلي

[فارس قطر]

http://www.albetaqa.com/waraqat/06rqa2eq/001/rqa2eq0034.jpg

[المسك1969]

أعوذ بالله من الشيطان الرجيم... وربي ضيقت صدري من الكلام اللي كتبته وحسستني أن أمريكا يمكن أحسن من قطر

يا أخوي أن وجدت مفسدة في نقطة من أرض قطر فستظل نقطة إن شاء مسئولوها أزالوها إن شاء الله وإلم يشاءوا لن تسطيع الانتشار... ثق لن تستطيع الانتشار

وبعدين عفوا شوله تلف في أماكن مثل ذي؟ شنو هدفك من النظر لمثل هذه الاشياء وأنت تعرف روحك ماتقدر على شيء؟ فالافضل الانسان ما يروح هالاماكن الواطيه ويعز روحه لو يقعد ببيته اليوم كله...

والله المستعان وربي ضاق صدري من موضوعك

[المسك1969]

الحين حتى الهنديات تلبس لك الشيله و العبااه و الشنطه تقول من هل قطر لكن إذا هي تكلمت أنت اسمعهاا و اسكت ههههه :tease:
و الله يهدي الجمييع يا رب
هم جافو من بعض بنات قطر ماخذين العبايه والشيلة بطريقة سلبيه فقامو يقلدونهم[/quote]

[/B][/SIZE][/COLOR]

يا أبو الشباب حفظك الله... العباية والشيله والنقاب هي رمز لكل مسلمة محجبه ولا تقتصر على شعب معين... نعم نجد أن البعض تلبس وكأنها من أهل البلد وذلك قد يكون حبا في أهل البلد ولا تقصد الاساءة أو أن تفعل أمر سيء والعياذ بالله...

أما اللوم فيقع على الساقطات اللاتي يمثلن القطريات وهم ما يسوون دوسة نعالهن (عفوا للفظ)

جزاكم الله خيرا

[قطري 777]

اممممممم اول شي انا احيي فيك الغيرة الصراحة كفوووو :)

ثاني شي احب اطمنك واقولك الا مور طيبة الفنادق هاذي منازل السواح جاين من كل مكان بعادتهم وتقاليدهم يعني كل واحد مع نفسة ان صح التعبير اما ملاحظة انك تقول في قطريات يشربون وقطرين اقولك كلهم بني ادم وبني ادم خطااا ندعي لهم بصلاح والهداية وكلنى بشر والله يحفظنا ويحفظ شباب المسلمين ....

[بومحمد26]

نعم الكثير شخص المرض لاكن وين العلاج
مع احترامي للجميع كثير أثيرت مثل هذا الموضوع لاكن لم يتجرأ واحد ان يصف العلاج
وهنا تكمن المشكله !!!!!!!!!!!
الوضوع هذا مافيه اصلي او تقليد الوضع اخطر من هذا الوضوع يخص المجتمع كله



http://hh7.an3m1.com/Sep/an3m1.com_13472072081.jpg (http://hh7.an3m1.com/)

http://hh7.an3m1.com/Sep/an3m1.com_13472073181.jpg (http://hh7.an3m1.com/)

[London.]

الله المستعان

[Class - Qtr]

السلام عليكم

يااهل قطر اللي يبي يرتاح في قطر ولايجوف هالاشياء اللي مايرضى فيها حد يسوي الجدول اللي اسويه

البيت ------ > الشعل ------- > العزبه ------ > مجالس الاهل ----- > جمعيه الصبح بدري ولا اخر الليل

من زين فنادقنا والاجواء اللي فيها عشان نروح مطعم ولا نقعد في لوبي في فندق

اللي يبي الراحه يمشى على جدولي يبي الوناسه متي ماصارت عندة

اجازة سافر وغير جو برع قطر

[khalid525]

انت عندك مشكله في نفسك ، وحاول تعالجها ، انا عايشين في قطر ونروح كل الدواعيس ما شفنا الموضوع بهذي الطريقة اللي ترويها ، الواحد حتى لو راح مكة ويدور الامور الشينة راح يحصلها .

[Rosso]

كل شي يرجع للتربيه
لو الولد طلع صايع. الاب والام يتحملون جزء كبير من المسؤوليه

[ريتويت]

الله المستعان

[بزنس كاتس]

زين يعني لو انا شفت وحدة مطلعة فخوذها وتمشي فالشارع اتصل فالفزعة وبيتصرفون؟! ولا بيضحكون علي بيقولون لي ليكون انتي فالسعودية؟ ولا هاي حرية شخصية؟
او بلغت ع فندق فيه بار وملهى ليلي من بيتصرف؟

شنسوي؟
اتصل ع مين؟
مايصير نصوت ع طلب هيئة امر بالمعروف ونهي عن المنكر؟؟

ماذا نفعل @.@ ؟

[الجزوع]

أنا مايقهرني الا اللي يقولون مب قطريات الا قطريات وبنات قبائل بعد ًًً:) الله يصلح الحال

[Scout Sniper]

ايييييييييييييه جبتها عالجرح
خلها بالقلب تجرح ولا تطلع وتفضح

[Scout Sniper]

انت عندك مشكله في نفسك ، وحاول تعالجها ، انا عايشين في قطر ونروح كل الدواعيس ما شفنا الموضوع بهذي الطريقة اللي ترويها ، الواحد حتى لو راح مكة ويدور الامور الشينة راح يحصلها .

الظاهر انت من الدوام للمجلس !!
يخوي روح سوق واقف صوب الشيش , وناظر :weeping:

[ولد شرق]

الانتقاد البنّاء مطلوب
الغيره على البلاد مطلوبه

لكن ليتك امعدّل اسمك و انت تكتب مثل هاذي المواضيع يا راجو

ابدأ بنفسك علشان الناس تبدأ اخ راجو

[عبدالله قطر]

اخوي راجو تراك جد جد جد جد بالغت .. تتكلم عن قطر وكانك ساكن بروحك فيها

ترى كلنا ساكنين وكلنا نروح وانيي ماشفنا اللي تقوله , فعلا لابد من وجود نسبه ضئيله صح

اما بالحجم اللي ذكرته طبعا لا ,, وعموما خلنا نقول صح كلامك ترى يمكن 1% من اللي تشوفه

هم اهل قطر .. والباقي كلهم اجانب ومقيمين . شكرا على غيرتك بس مب بهالطريقه

تأكد من شغله وحده واعتقد انت فريت الخليج كله ,, محد متمسك بالعادات كثر اهل قطر

عموما يعطيك العافيه

[مسفر2]

مازال فيه الطيبين روح الاماكن السنعة بتشوفهم ليش هالنظرة السوداوية



فعلآ روحوا للأماكن السنعه وبتشوفون الي يسر الخاطر

هذاني اروح لأحد الدول المجاوره للعمل طبعآ وماشوف الي يقولون عنه الناس ليش؟ لاني رايح ولي هدف مهوب رايح للخراب .. بس فعلآ كلام اخوووي جميل جدآ

وموضوع مميز لبى قلبك برررردت على قلبي

[بـــــدوي]

عن أبي سعيد الخدري -رضى الله عنه- قال: سمعت رسول الله -صلى الله عليه وسلم- يقول: من رأى منكم منكرا ، فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان رواه مسلم .

.
.

جزاك الله خير كفيت ووفيت .. ولو ان اسمك راجو :)

[ام ناصر1]

الظاهر انت من الدوام للمجلس !!
يخوي روح سوق واقف صوب الشيش , وناظر :weeping:
مابي اقول اي جنسيات زارعين نفسهم هناك ...ولا لابسين عبي

[Lili2005]

يا الله معقووول

اشي بئشعر البدن

لاحول ولا قوة الا بالله ،،والله ياخوي قرب يوم القياامه،، خلااص قرب

[دانة الطواش]

شوف اخوي راجو كلامك صح والي يشكك فيه غلطان الي شفته انت موجود صح بس ماتقدر تنسبه كله للقطريات لأنك هال ايام ماتقدر تفرق بين لقطرية وغيرها من الجنسيات الثانية لأنهم صاروا يقلدونا حتى في لبسنا ماتقدر الا اذا سمعتها تتكلم هني بتعرف هي قطرية اولا ، ومب معنى كلامي ان القطرية منزهه عن هالعمايل لا في وبنسبة غير بسيطة بعد يعني عدد كبير منهم والسبب عدم وجود غيرة في محارمهم او انهم غير مراقبات من الأهل . اضف أيضاً ان كلام الاخوان صح هناك الجزء الاكبر الي الله ساتر علية ولا يرضى بالغلط فسلامي واحترامي وتقديري لهذه الفئة والله يهدي الفئة الضالة ، ودمتم.

[بومحمد المطاوعه]

جزاك الله خير على طرح الموضوع القوي

والله الصراحه انا عن نفسي اتكلم

اذا شفت اي شي منكر اقدر ابدله بأيدي

اسويه ولا علي من اي شخص كان جدامي

اذا ماقدرت بأيدي اتكلم بلساني لين امل واروح

واذا ماقدرت بلساني ادعي لهم بالهدايه بقلبي

واخلي هالشي في قلبي

والحمدلله دوم اتصل على 999

ومايقصرون ولله الحمد

صحيح قمنا نشوف المنكر بس هذا مايدل على

سمعة قطر واهلها

كلنا عيال قريه

والحمدلله اهل قطر فيهم الخير والبركه

مب اي واحد حمل الجواز القطري قلنا عنه سمعه قطر واهو اخرتها سكير ولعاب والفواحش تارسه عينه و و و و و

نقول عنه قطري وعافس سمعة بلاده

لا يبه الي متربي عدل مايهزه شي والي طالع من بيئه سنعه لاتخاف عليه

لو تحطه وسط الدمار مايخترب

اما الي في قلبه الخراب والفسق وفي نيته الشينه

بيسوي الي يبيه من الفواحش واهو قاعد في بيته

صج الواحد يتضايق ليش في دولتي جذي وجذي

هذي هي الحياة لاخير فيها

الأخره اهي الهم الوحيد فقط

اجعل اعمالك لله تعالى واخرتك

ولا عليك من الي قاعد نشوفه من الدمار والعري وبنات الهوى

قول الحمدلله اني بخير والحمدلله اني مسلم والحمدلله اني اخاف الله تعالى

وهذوله كلهم غافلون عن الاسلام ربي يهديهم

والله سيندمون يوم لاينفع الندم

وسيبكون الددددم

الله يحفظنا ويحفظكم ويحفظ قطر والي عليها

[بصمة قطرية]

الله يهدي الجميع
و يرحمنا برحمته ،،

[latof]

للأسف كثير من بنات ناس نعرفهم والله انهم يقلدون الأجانب روح لند مارك والستي والله للأسف قطريات وللأسف احيانا الاب يمشي بكل فخر بجنبها

[واحد قطري]

باختصار ضريبة الانفتاح ياصديقي