رابكم في فندق جراند حياة الدوحة

[doha1]

السلام عليكم

حجزت هالويك اند مع اهلي في فندق جراند وقلت اجربه بما انه حلو شكلا وموقعا

وحبيت اضيف لكم تقييمي الشخصي واتوقع الكثير شاف الملاحظات السلبية والايجابيه اللي شفتها

1-التكييف يعتبر حار وبلغه عاميه مزاجي
2- لما يكون عندهم زحمه تصير خدمتهم سيئة
3-اكلهم ماله حل رغم قلة السلطه :)
4-لما تصير زحمه في مكان الريوق بصراحه الخدمه كلمة سيئه لاتصف معاملتهم وموظفين مايتعدون العشر لخدمة هالزحمه
5- تنظيف الغرف ياخذ وقت ملفت بصراحه
6-تعامل موظفين الاستقبال ممتاز بصراحه وخدمة السيارات
7-ماعندهم كنترول على السكوترات لانهم يدخلون لين السييف ويزعجون الناس
8- الشباب اللي مب ساكنين فالفندق يدخلون لين البحر والشاليهات حق المغازل وازعاج العوائل ومحد يقولهم حاجه


الفندق ممتاز وفيه هدوء لكن خدمته ماعطيها اكثر من 60%

[للصبر اخر]

بعقب على نقطة المغازل
انا كنت رايحه مع اخوي وقفنا السيكيورتي ومارضى يدخلنا لين خذ بطاقة اخوي
كيف يدخلون الشباب وثاني يوم اظطريت اروح بسيارتي بعد وقفني وتم يحقق معااي

[halcrow]

انا بكلمك من ناحيه الشاليهات في الجراند وكنت هالاسبوع حاجز فيه. بالنسبه للتكييف ولا اروع والنظافه ممتازه. وعندهم اجراءات مشدده مايخلون حد يدخل بسيارته اضافيه الا للمستاجر نفسه ... يعني فقط سياره للباركنج وهالشي يسبب لك احراج للي يجيك. ويضطر انه يسلم سيارته في الفندق ويركب تك تك عشان يجيك.

اما بخصوص الي يدخل في الشواطي تراهم ساكنين في الشاليهات مب في الفندق ......والملكيه وحده. ولاحظ اكثريتهم رياضه وطالعين من الشاليهات*

[doha1]

من ناحية نظام الشاليهات وسياره وحده تدخل صح هذا اللي سمعته وعرفته

والملاحظ بالنسبه لي شخصيا مافي احد مانعهم يدخلون من البوابة اللي صوب البرجه

يعني يدخلون ويروحون صوب البحر وعادي يتمشون

[eXpert*]

من سئ إلى أسوء .

في نقطة يشكرون عليها ،، أن الشاليهات صارت للعوائل فقط .

عدا عن ذلك لا تسجيل الدخول مثل الناس ، تروح لهم الساعة 3 يخلونك تنتظر لين 5 علشان ينظفون الغرفة !! ؟ يعني تدخل رائحة مواد التنظيف للحين في الغرفة .

و البرهه في الفندق أسوء خدمة مرت علي ، طلبت قهوة تركية ، جابوا لي الفنجال وعليه (أحمر شفاه) !! فندق 5 نجوم !! يجيب لي فنجال قهوة ما أنغسل !! طبعاً حاولوا يرضونيّ بأن طلبيّ يكون مجانيّ شراءً لسكوتيّ قطيت عليهم فلوسهم وأنا طالع .

الأدارة بالكامل تحتاج تغيير..

[برويقن]

فندق كجره

[بن غيث]

المشكلة في ادارة الفندق فعلا ... محتاجين تشوت
واسعار الاجنحة مبالغ فيها جدا ..
سعر الملكي 22 الف الليلة ...!!!
اخذت المرقاب وسولي الترقية على الملكي عقب اهواش .. لاني كنت مسوي حفلة عندهم

[عبدالله قطر]

فعلا من سيء الى اسوء ,, اذكره طبعا قبل سنه ونص سكنته ومع احترامي ستاف عربي وخر عنهم

[doha1]

فعلا ريحة الغرف مواد تنظيف نظرا لتاخرهم

دخلت اتريق موظف هندي كل ساعه يقولي امر ويوم اقوله اللي ابي يقولي بجيبه ويصرفني هالحركه مرتين صارت في هاليومين وحاله حال الشاي واخبر كنت اصخن الروتي قالي بجيبه ولاجابه ونقعني لين رحت بنفسي والروتي صار بخصم

[La Bella]

قبل رمضان أنا كنت اهناك اسوى تشك أن
صارة هوشه بين موضف عربي وشاب قطري مع أهلة
ووصلت للضرب والتكفخ

الستاف تعبان جداً

ويطلبون منك 3 بطاقات للحريم ولازم تنزلهم من السيارة عشان يشوفونهم

تقيمي للفندق 4 من 10

[غايه الطواش]

شكل فقط
فندق سيئ جدا
لا من خدمه ولا من اكل

[زمان الصمت]

الفندق يخدمه اسمه فقط كشاليهات موفرها لكن الخدمة صفر ومصر على صفر وصفر من الكبار

الي يقول حسنتهم خلوه للعوائل انا اقول 50% شباب بالعلاقات والمعارف يجيبون شكليا بطاقات عوايلهم

والي يسكن الشباب فندق لا خدمه ولا احترام للخصوصية وستاف صفر وخاصه السيكورتي فاهمين مهمتهم

غلط والله لا يوريكم اكلهم تعبان وحمام السباحه الله لا يوريكم الي شفته بس الحل الوحيد يا تتغير الادارة

او يشتريه سبونسر ثاني شيثراتون علامات ستاروورد او باس

[بوخالد911]

تسلم للملاحظات

[doha1]

بعد ماتطلع من الفندق يبعثون لك تقيم الفندق

قلت اللي بخاطري كله والله

ورد علي مساعد مدير الفندق وقال راح ندون ملاحظاتك ونتخذ الاجراءات لتفادي هالامور

اتمنى فعلا يتحسن هالشي

لكن الفندق يعتبر راقي كمنظر فقط

[غزلان]

كشكل فقط جيد الديكور داخل الفندق كئيب واللون تعبان الى مختارينه غير الباركيه متنفخ وخطر اي حد ممكن طيح:omg:

[الدوسري قطر]

عمري مانزلت اتريق فيه على كثر ما اروح
دايما تطلب الاكل في الغرفة

من ناحية التكيييف صج معاناة يكون بارد وما يحتر الا اذا نمت

من ناحية السكيورتي والامان ماعندي خلفية لاني ماقد نزلت صوب البحر ولا دخلت الشاليهات

اما بالنسبة لخدمة ركن السيارات ما عليها كلام الخدمة سريعةً اسرع من شرق والشيراتون ودبل يو والفورسيزن والرتز وجي دبل يو ماريوت لان دايما ينقعون الواحد

[طير شلوى]

فندق وموقع زين بس الادارة. مب زينة ؟؟؟؟؟؟؟؟؟؟

[الوسيط العقاري]

مارحت له بس متابع

خخخخ

[Abdullah_89]

فندق كجره




بالضببببببببط :nice:

[مضارب دوسري]

ماعمري حبيت اغير جو في قطر واسكن مع الاهل ليله او ليلتين في فندق الا كان افضل فندق هو الشيراتون
صج انه قديم والفنادق الجديده حلوه ولكن مدري ليش هالفندق بالذات احس فيه براحه نفسيه

[.. الكاش ..]

يجب تغيير جميع استاف خدمه السيرفس