المساعد الشخصي الرقمي

مشاهدة النسخة كاملة : رساااااااااااااااااله الى سوبر سهم



هند الخير
21-02-2005, 12:03 AM
مرحبا


ابي استفيد من خبرتك الجهنميه



بكل صراحه ياطويل العمر



عندي مئه الف وابي اربح بها بصوره سريعه

بس انا مدري كيف اتصرف بها ووش اشتري ؟



ووش تنصحني ؟




غششيمه مرررررررررررره :confused: :confused: :confused:

إنتعاش
21-02-2005, 05:44 AM
ياهلا فيج اختي الكريمه

هند الخير

ان شاءالله في حال تواجد الاخ الكريم سوبر سهم

راح يفيدج اختي اكثر

واتمنى لج قضاء وقت جميل و ممتع مع اخوانج واخواتج في

موقعج شبكة الاسهم القطرية

سوبر سهم
21-02-2005, 09:03 PM
السلام عليكم

هلا فيج اختي هند
اشكرج على هذه الثقة اللي اعتز فيها

بس ماايصير اقولج بتربحين اكيد.... لان كل شي بيد ربج

وخصوصا سوقنا غريب عجيب لايعتمد على الارباح والتوزيعات


لو قدرتي اتزيد المبلغ خير وبركة


بس اللي انصحج فيه حاليا المصرف

مع ان مب طالع لج اسهم كثيره لكن على الاقل هو بنك ومضمون ولونزل مايطب الارض

او التجاري ...... بنك الدوحة ممتاز لكن مايصلح لمبلغج


مواشي زينه لين بعد 6 شهور

وقود بعد زينه .... للاستثمار المتوسط والطويل


بس البنوك اضمن .......... ولاتتوقعين ربح سريع

هذي اسهم يبيلها قلب قوي

والارزاق على ربج ... استخيري وتوكلي :)

qatar_moon
21-02-2005, 09:20 PM
من قدك ياسوبر سهم قاموا يطلبونك بالاسم للمشوره :D

زين اشمعنى ركزت على سهم المصرف :confused:

سوبر سهم
21-02-2005, 09:28 PM
عشون عيييل

:) دام عندي القدرة على الافاده بافيد

واذا ماعندي بقول اسمحوا لي


ركزت على المصرف لأعتبارات عديده

1- توزيعه ممتاز للارباح 50%اسهم مجانية

2- اعتباره سهم اسلامية يوجه له الانظار اكثر من غيره

وباعتبار ان عندنا بنكين اسلاميين فقط الدولي والمصرف ...
والمصرف تفوق على الدولي في التوزيعات
والتوقع ان الجمعية العمومية له بتكون بعد دخول الاجانب بفترة قصيره

فأغلب المستثمرين الاجانب بيشترونه وبيرتفع سعره باذن الله


هذي التوقعات الطبيعية لكن سوقنا يمشي عكس الطبيعه وان شالله هالمره يمشي مع الطبيعه

:)

اي استفسار حاضرين

قـطـريـه
21-02-2005, 09:39 PM
انا ناويه اشتري التحويله وش رايكم
بعد خساره المتحده شريتها ب57,,,,,,,,,,,
انتظر النصيحه,,,,,,,,,,,

سوبر سهم
21-02-2005, 09:50 PM
قطرية التحويلية شكلها بعد بتنزل وان شالله فيها ربح

لكن التحويلية داخلين فيها الخليجيين
فمااعتقد اتغير تغيير كبير

اذا عندج مبلغ ممتاز اخذي الاسلامية اجتماع الجمعية 3 مارس
وتوزيعها 66%اسهم مجانية

وشركة تامين اسلامية قوية يعني ماتخافين وايد عليها


والبنوك ممتازه مثل ماذكرت سابقة واكثر أماااااااان من باقي الشركات

المتحده صبري عليها مع بداية مشروع اللؤلؤة بتروح


:)

سلام