هل فعلا يساعدون ووين الدليل؟؟؟؟

[ريتويت]

السلام عليكم ورحمه الله وبركاته


اخواني اخواتي

اتمني من الكل يعطيني راي وتجاربه بالموضوع عشان الكل يستفيد

الحين كل ما افتح جريدة الشرق (( الوسيط )) احصل خطابة ( للزواج ) جديدة مرة ام محمد ومره ام خليفه ومرة ام فهد ومرة ام حمد ..... الخ حابه افهم بس هل هم بالفعل يساعدون ويقربون راسين بالحلال فعلا وينهون مشكله ( قعده البنات بالذات ام لا) هل الهدف منهم فقط العموله ام الاجر والثواب من الله؟؟ وهل يوجد رقابه عليهم من اي جهه كانت ام من الجريده ام ام؟؟ اساله كثيره نبي احد يجاوب لنا عليها .. لان الصراحه احيانا القي مواضيع تفتح وتغلق بدون حلول بالاخير مالقينا الحل الي يرضي الطرفين ... اتمني ان يكون بالفعل في اقتراحات نقدر نستفيد منها..وشكرا جزيلا


والله الموفق والمستعان

[اداري]

معظمهم نصابات على كبير

ارجو الحذر منهم

[خليفـة]

اعتقد انهم سبب لبعض الزيجات
ولا ما تموا يحطون هالاعلانات بشكل دائم
وللعلم .. الي بتحصله من عقد زواج واحد
في بعض الأحيان بيغطي رسوم الاعلان لمدة سنة بالراحة

انا عن نفسي ما جربت .. ولا عمري اتصلت
لكن احساسي يقول انهم شغالين

وفي كل الأحوال جزاهم الله خير دام نيتهم طيبه .. وعملهم يرضي الله

خليفــة

[captin]

مرحبا ,, وشكرا على طرح موضوع

الخطابة أو الخطابات اللي ينشرون في الجريدة ويقولون
أنهم يوفقون رأسين بالحلال.
أشوف اغلبهم تحط في الإعلان أن ما عندها زواج مسيار

أتوقع انهم يتلقون كثير من الإتصالات من رجال متزوجين ويطلبون زواج المسيار.
أذكر مرة اتصلنا على أم خليفة من باب الاستفسار
وسألناها عن المسيار وقالت ما عندي مسيار.

بالنسبة هل يتقاضون مبلغ مادي مقابل التوفيق بين الرجل والمرأة
سمعت من بعض الأشخاص أنهم ياخذون مبالغ تتراوح بين 5000 إلى 10,000 ريال
إذا صار والله وفق وتم عقد القران. وبعض الأشخاص إذا كان غني ممكن يدفع أكثر
فالظاهر والله العالم أن الشغلة صارت مهنة للكسب بحكم علاقات الخطابة الاجتماعية ومعرفتها بكثير من البيوت والعوائل .
وهذا الشي متعارف عليه من الزمان الأول إذا تمت الملجة يعزمون الخطابة ويعطونها ما يقصرون فيها من الناحية المادية لكن تختلف بحسب البيوت ودرجة الغنى من عائلة إلى عائلة


أنا أشوف لو الخطابات في الوقت الراهن ياخذون تصريح رسمي من المحكمة الشرعية يعني تكون مرخصة وتحدد لهم الأجور مقابل التزويج يكون أفضل بحيث لو الواحد أو الوحدة الراغبين بالزواج يروحون حق ناس ثقات لو صار توفيق خير وبركه
ولو ما صار تبقى البيوت والأسماء والعوائل أسرار.

الله يوفق الجميع

[Scout Sniper]

امبلا يساعدون
واعتقد ياخذون نسبه من المهر ..

وياما ناس الله يسامحها تضرب عليهم , لى صارت الملكه وذبطو امورهم ما ادفعولها

[بصمة قطرية]

وايد زادوا الخطابات في الفترة الأخيرة ،،
و أعتقد إنهم مستفيدين من الشغلة ..

[chillis]

دام انها شغله حلال خلهم يزوجون اهم شي مايكون هناك مسيار او زواج بالسر :) وما تكون الماده هي الاساس بالشغله

[العربية نت]

اول شئ الزواج قسمة ونصيب ورزق وتوفيق من الله
والخطابة ارى انه اسلوب وان نجح في بعض الحالات الا انه يظل طريق خطأ الزواج ليس مثل الوظيفة الوحدة تركض تدور لها وظيفة او توسط للحصول عليها :eek5: هذا زواج والصبر هو المطلوب حتى يأتي النصيب مثل ما يقولون :)
بالتوفيق ....

[بورصواوي]

كشاب الي حاب يتزوج النت متوفر مواقع زواج واذا يبي يقدر يتعرف على الطبيعه ويشوف وكلشي

والاغلب عن طريق الاهل او يختار وحده من هله او صديقه اخته

اتوقع يمكن البنات هم الي يروحون للخطابه او الشياب فوق 40 او الي يدور زوجه ثانيه بالخش
بختصار الشباب الي عند الخطابه طايح حضهم هههه

[عبدالله قطر]

هههههه اهم شي انهم ياخذون نسبه من المهر

عموما الخطابات مهنه قديمه واعتقد لا فيها لا حرام ولا عيب حتى بأخذ العموله

لانه من حقها ,, وخلينا نفرض انهم نصابات ؟ شنو باعتقادكم انها بتنصب مثلا ؟

لانها ماراح تاخذ ولا ريال الا بعد ماتتم الموافقه والملجه . يعني ماتوقع فيها خوف

واعتقد طريقتهم صورة (الرجل) ومواصفاته وكل شي , والبنت ان وافقت تتم الشوفة الشرعيه

وبهالطريقه يشوفها الرجل . اما انه يشوف صورتها طبعا لا , هذا على ماعتقد عند اغلب الخطابات

وبعد مايتم كل شي تاخذ عمولتها ووالاغلبيه مايحددون . وبس

[المسك1969]

صحيح صار موضوع الخطابة مكسب مادي بشكل كبير... وممكن تأخذين من شهر لسنه لتلقى للرجل عروس والعكس صحيح لأن الأغلبيه ما عندهم أحد أو تتشرط هي نفسها الخطابة... مثلا: لازم من البيت الفلاني والعمر الفلاني لا يزيد ولا يقل... ولازم بيضاء ولازم الشعر يوصل لأصابع ريولها... ولازم جي وجي... حتى أن البعض لا تنصح الرجل بفلانه أنها ملتزمه وروح وشوف ولكن ما يشرطه تحاول تجيبه له وأحيانا يكون مستحيل...

مثل وحدة طالبة ريال طويل 190 وفوق:omg:؟ مادري تبي تلعب سلة وياليتها طويلة ألا ما يزيد طولها عن 155... انزين وإن مافي قالت ما اتزوجت اقعد في البيت:)

وأصبح شغل الخاطبة للمكسب المادي البحت ولا تهتم الا بأمور شكليه فقط دون الاهتمام بأخلاق الشاب أو الفتاة أو الاهل لأنها في الاساس لا تعرف احد إلا عن طريق الهاتف ولم تذهب حتى لرؤية الفتاة أو أن تطلب الشاب والفتاة لرؤيتهم.

تدرين بفكر أشتغل خطابة وما بأخذ مثلهم 5000 و 10000 ريال لا بس باخذ 20000 ريال ايه بعد متعلمه وبروفيشنال وخطابة :shy::)

جزاكم الله خيرا

[حوريه]

انا مره جاني فضوول واتصلت في الخطابة ام خليفه على اساس اني جايبه لها بنات وقلت بستفسر عن الموضوع

قالت اذا صار الملجه اخذ 5000ريال من البنت ومن الرجل وبعدين من المهر تاخذ مبلغ بعاد نفس الشي من الطرفين

ونا سمعت وااايد يقولون انها حراميه تحب الفلوس ومب مسالة الثواب والاجر وفيه بنات جربوها واعرفهم انا بعاد

والبنات اهم صديقاتي وسبحان الله كل ما تجيب لهم رجال تاخذ فلوس صار نصيب اولا بعاد تاخذ واخر شي ماصار ولا شي

وانطرو البنات سنين وسبحان الله جي نصيبهم بدون خطابة ولا هم يحزنون ولا مخاسير ولا دفع عربون للخطابه

الي ابي اقوله ترى الزواج قسمه ونصيب

[chillis]

انا مره جاني فضوول واتصلت في الخطابة ام خليفه على اساس اني جايبه لها بنات وقلت بستفسر عن الموضوع

قالت اذا صار الملجه اخذ 5000ريال من البنت ومن الرجل وبعدين من المهر تاخذ مبلغ بعاد نفس الشي من الطرفين

ونا سمعت وااايد يقولون انها حراميه تحب الفلوس ومب مسالة الثواب والاجر وفيه بنات جربوها واعرفهم انا بعاد

والبنات اهم صديقاتي وسبحان الله كل ما تجيب لهم رجال تاخذ فلوس صار نصيب اولا بعاد تاخذ واخر شي ماصار ولا شي

وانطرو البنات سنين وسبحان الله جي نصيبهم بدون خطابة ولا هم يحزنون ولا مخاسير ولا دفع عربون للخطابه

الي ابي اقوله ترى الزواج قسمه ونصيب

ما يصير تشهرين باحد فديتج :)كان المفروض بدون ذكر اسماء وبدون نعتها بالحراميه

[عزووز قطر]

كشاب الي حاب يتزوج النت متوفر مواقع زواج واذا يبي يقدر يتعرف على الطبيعه ويشوف وكلشي


والله عيب !!!

وشو يتعرف عليها ويشوف كل شي !!!

هل ترضاها على محارمك !!؟؟

[شبح الصمت]

صراحة ما أيد خير شر اللجوء للخطابة

صدقوني احسن من الاهل والاخوات في البحث والتحري مافي احسن منهم

الخطابة مع احترامي تقط وجهها في كل مكان تفتر في الوزارات وفي مؤسسات وفي البيوت ودور فلانه وفلانه وتسال انتي متزوجه وانتي لا وتبين تتزوجين وعندي رجل وهالشيء حاصل

إلا من رحم ربي

وعن ايام قبل الخطابة لانها تدخل كل البيوت وكم بيت تكلمون عنه 30 بيت بالكثير