خبر عاجل (( انشاء صندوق اسلامي .. متماشي مع الشريعه الاسلاميه ويمكنكم الانضمام اليه) [الأرشيف]

مشاهدة النسخة كاملة : خبر عاجل (( انشاء صندوق اسلامي .. متماشي مع الشريعه الاسلاميه ويمكنكم الانضمام اليه)

المخلب

28-06-2006, 01:48 AM

السلام عليكم

طبعا وبكل حزن كان ودي ان ابو البورصه يشوف الخبر هذا ..

ولكن شاء الله وماشاء فعل ..

انا لله وانا اليه راجعون ..

اما اليوم .. فوصلتني اخبار .. ولكن بما ان المنتدى كان شبه مقفل الا للعزاء ..

فلم استطع ان اضع لكم الموضوع ..

الموضوع هو ياجماعه تم انشاء صندوق استثماري ( اسلامي ) يسمى

"صندوق البيت المالي .."

من هو المسوق له ؟

المسوق له بنك قطر الوطني الاسلامي ..

كيف عرفت انه اسلامي ..؟

لانه الصندوق اسلامي .. والمشرفين عليه هم كهيئه فتوى شرعيه هم

العلامه القرضاوي , الدكتور القرداغي , والشيخ العماري ..

كم المبلغ المطلوب ..؟

10 الاف ريال اقل شئ لدخول الصندوق ! .. والاعلى 2,500 مليونين وخمسمئه الف ..

والمضاعفات تكون بـ 5 الاف ريال ! ..

راس مال الصندوق ..؟

خمسين مليون ريال قطري .. موزعه على خمس ملايين وحده استثماريه ..

مده الصندوق ..؟

مدته الله يسلمك 10 سنوات .. (( قابله للتجديد )) ..

متى الاكتتاب ولمن ..؟

الاكتتاب يبدا من اليوم الثلاثاء ! 27 - 6 الى 27 - 7 يعني شهر حكم ! ..
وهو للقطرييين فقط ! ..

مدير الصندوق .. ؟

شركه انزاباكر << اول مره اسمع ابها ..

هذا والله اعلم ..

مع العلم ان الحين وانا اكلمكم (( الفورمه بيدي ! )) ..

تحياتي لكم ..

اخوكم المخلب ..

qatar_moon

28-06-2006, 01:51 AM

شلون مدته عشر سنوات

ممكن توضح لي

Dana

28-06-2006, 01:55 AM

السلام عليكم
جزاك الله خير على الخبر
بس ماشفنا في الجريده ليش مااكتبو عنه

المخلب

28-06-2006, 02:01 AM

لا اكتبوا عنه .. وموجود الاعلان في الشرق ..

والف شكر لكم

المخلب

28-06-2006, 02:24 AM

شلون مدته عشر سنوات

ممكن توضح لي

هلا يالغاليه .. عشر سنوات (( يعني كما ذكر في المفكره ! )) ان يقوم العمل بالصندوق لمده عشر سنوات قابله للتجديد بعد موافقه المصرف ..

وطبعا المقصود بعشر سنوات .. اي ان نظام الصندوق سيكون متوفر في البورصه المحليه لمده عشر سنوات ! ..

(( يبيع ويشتري ويدرلك ارباح ! لمده عشر سنوات !! لو طبعا بقيت وياه ! ولو سحبت فلوسك منه ! بيدر ارباح لغيرك .. )) ..

اي توضيح زياده انا بالخدمه .. تحياتي لج ..

بنت الحرمي

28-06-2006, 02:28 AM

يعطيك العافية اخوي المخلب على الخبر

الخطاب

28-06-2006, 02:41 AM

ياخي اتوقع كم اطلع في السنه

شمعة الحب

28-06-2006, 02:44 AM

المخلب

28-06-2006, 11:12 AM

يعطيك العافية اخوي المخلب على الخبر

يعافيج الشيخه .. واي جديد بعون الله يوصلكم .

المخلب

28-06-2006, 11:13 AM

ياخي اتوقع كم اطلع في السنه

والله ياهامور شف .. ربحاتك راح تكون على حسب قطت فلوسك ! (( وماننسى على حسب شغل الصندوق ! ))

ان طلع مدير الصندوق شاطر ولم فلوس !! راح تشوف ارباح بعون الله تفرح .. وان ماشد حيله الله يساعدنا ..

تحياتي لك ..

المخلب

28-06-2006, 11:14 AM

شكرا اخوي المخلب على نقل الخبر والردود ..سمعنا عنه في النشرة الاقتصادية على القناه الفضائية القطرية من خلال حديث واستفسار دار بين المذيعة ومدير الصندوق على الهوا مباشرةً ولكن لم يكن واضح وبالتفصيل .. جزاك الله خير ..

:) <<< صار مفصل :)

شكرا لج يا شمعه .. وهذا صدقيني اقل شئ اسويه ! لان كل السالفه قريت الكتيب وحطيت المعلومات المهمه الي فيه ! .. ليس اكثر ..

تحياتي لج .

alwadi105

28-06-2006, 11:24 AM

المخلب

28-06-2006, 11:39 AM

مشكور اخوى المخلب على نقل الخبر اولاً...
وعندى سؤال ... هل لو قمت بسحب فلوسى قبل مدة العشر سنوات ولو قلنا بعد خمس سنوات
هل سيتم احتساب الارباح ام ان الشرط هو عشر سنوات للحصول على الارباح..

لالالا ! مده الصندوق هي العشر سنوات ! .. وليس مده الصبر على الارباح ..

الميزه بالصندوق شئ واحد ! .. تنام وانت مرتاح على راس مالك .. (( حسب علمي )) ..

ومتى مامليت منهم طلعت بكرامتك وبربحك وبفلوسك ! ..

وانصحك تقرى الكتيب ! وتسال الموظف الي هناك قبل ماتدش الصندوق !! علشان يكفي ويوفي لك .. بعون الله ..

khaldoon

28-06-2006, 12:31 PM

متى الاكتتاب ولمن ..؟

الاكتتاب يبدا من اليوم الثلاثاء ! 27 - 6 الى 27 - 7 يعني شهر حكم ! ..
وهو للقطرييين فقط ! ..

جزاك الله كل خير يا الغالي المخلب على نشر الخبر ...للاسف ما اقدر ادخل فيه وهذا من سوء حظي

بس الحمد لله على كل حال

الأختصاصي

28-06-2006, 12:43 PM

يعطيك العافية اخوي المخلب على الخبر

المخلب

28-06-2006, 12:50 PM

المخلب

28-06-2006, 12:51 PM

يعطيك العافية اخوي المخلب على الخبر

وياك اخوي .. :)

Chambray

28-06-2006, 01:04 PM

من وين نقدر نقدم على طلب الاكتتاب !؟

المخلب

28-06-2006, 01:07 PM

abusultan707

28-06-2006, 01:17 PM

مشكور يالمخلب ما قصرت

Chambray

28-06-2006, 01:21 PM

هلا ..الدبلوماسي ..

شوف طلبات الاكتتاب متوفره بجميع فروع بنك الوطني .. !

(( تجيك مثل المجلد ! فيه 3 دفاتر وفورمه ! )) ..

ونسيت اقول ان نسبه العموله للاكتتاب 2% تاخذ مره واحده فقط !! ..

يعني الي يكتتب بـ 10 الاف ريال ! ( كحد ادنى ) .. ياخذون زياده عليه 200 ريال عموله ! ..

تحياتي لكم ..

تسلم على الافادة يالغالي

لكن الارباح شلون نعرف كم لنا وكم علينا ؟؟ ولا الارباح سنوية ولا نصف سنوية ؟؟ ولا شلون الترتيب ؟؟

موت الحمر

28-06-2006, 01:24 PM

شكرا لك ولمشاعرك الطيبه والله يرحم أبو البورصه ويعطيك العافيه على هالخبر

المخلب

28-06-2006, 01:39 PM

تسلم على الافادة يالغالي

لكن الارباح شلون نعرف كم لنا وكم علينا ؟؟ ولا الارباح سنوية ولا نصف سنوية ؟؟ ولا شلون الترتيب ؟؟

والله هذي مادري (( مو واضحه بالكتيب .. )) تقدر تستفسر عند اقرب فرع يالغالي ..

المخلب

28-06-2006, 01:41 PM

شكرا لك ولمشاعرك الطيبه والله يرحم أبو البورصه ويعطيك العافيه على هالخبر

الشكر لله .. تحياتي لك .. والله يرحمه برحمته ..

الخطاب

28-06-2006, 04:30 PM

يا اخ المخلب

ماتقدر اتقيس لنه ارباح الصندوق بدراسة بسيطه

استنادا على اغلب الصناديق الاسلاميه الاخرى

المخلب

28-06-2006, 07:17 PM

يا اخ المخلب

ماتقدر اتقيس لنه ارباح الصندوق بدراسة بسيطه

استنادا على اغلب الصناديق الاسلاميه الاخرى

والله ياخوي الدراسه على حسب المبلغ الي راح تحطه لاستثمارك ! ..

ولاحظ ان كانت خطه الصندوق هذا ماشيه ومتطابقه كخطه صندوق النقاء السعودي ..

صدقني الارباح راح تكون ممتازه وفي فتره بسيطه ! ..

اما لو كانت الخطه الي وضعوها (( الي حاطها مدير الصندوق )) مختلفه وغير مجديه !! صدقني راح تكون الارباح ماتسوى ! ( يعني تاجر بنفسك اريحلك ! ) ..

تحياتي لك ..

shams

28-06-2006, 10:50 PM

طالما انه صندوق اسلامي
معني ذلك ان الاستثمار سيكون في الاسهم الاسلامية فقط
التي لا تحتاج الي نسبة تطهير ولن تستثمر في الاسهم التي فيها شبهة
التي فيها نسبة تطهير

Dana

28-06-2006, 10:58 PM

انا اليوم رحت واكتتبت
وعطوني الكتيب
بس ماخلصوا لي قالو بكره تعالي بعد
بكره باشوف ايش بيسوون

ROSE

28-06-2006, 11:08 PM

يزاك الله خير اخوي المخلب على هالخبر

N7eEeS

28-06-2006, 11:19 PM

السلام عليكم

طبعا وبكل حزن كان ودي ان ابو البورصه يشوف الخبر هذا ..

ولكن شاء الله وماشاء فعل ..

ان لله وانا اليه راجعون ..

اما اليوم .. فوصلتني اخبار .. ولكن بما ان المنتدى كان شبه مقفل الا للعزاء ..

فلم استطع ان اضع لكم الموضوع ..

الموضوع هو ياجماعه تم انشاء صندوق استثماري ( اسلامي ) يسمى

"صندوق البيت المالي .."

من هو المسوق له ؟

المسوق له بنك قطر الوطني الاسلامي ..

كيف عرفت انه اسلامي ..؟

لانه الصندوق اسلامي .. والمشرفين عليه هم كهيئه فتوى شرعيه هم

العلامه القرضاوي , الدكتور القرداغي , والشيخ العماري ..

كم المبلغ المطلوب ..؟

10 الاف ريال اقل شئ لدخول الصندوق ! .. والاعلى 2,500 مليونين وخمسمئه الف ..

والمضاعفات تكون بـ 5 الاف ريال ! ..

راس مال الصندوق ..؟

خمسين مليون ريال قطري .. موزعه على خمس ملايين وحده استثماريه ..

مده الصندوق ..؟

مدته الله يسلمك 10 سنوات .. (( قابله للتجديد )) ..

متى الاكتتاب ولمن ..؟

الاكتتاب يبدا من اليوم الثلاثاء ! 27 - 6 الى 27 - 7 يعني شهر حكم ! ..
وهو للقطرييين فقط ! ..

مدير الصندوق .. ؟

شركه انزاباكر << اول مره اسمع ابها ..

هذا والله اعلم ..

مع العلم ان الحين وانا اكلمكم (( الفورمه بيدي ! )) ..

تحياتي لكم ..

اخوكم المخلب ..

وعليكم السلام ورحمة الله وبركاته
والله يرحم اخوي عمر
خبر الصندوق قديم شوي اخوي المخلب والشركة المؤسسة له هي شركة بيت الاستثمار وهي شركة استثمار خاصة بنك قطر الوطني شريك فيها الصندوق مثل الصناديق الموجوده حاليا ويتميز عنها في ان نشاطه فقط في الشركات اللي اما تكون إسلامية او شركات نشاطها اصله حلال ولكن تدخل فيها شبهة الربا وذي حسب كلام الشيخ والدكتور الفاضل علي السالوس حرام.
شركة انزباكر هي شركة مملوكة بالكامل لبنك قطر الوطني وتم تأسيسها خارج دولة قطر في إحدى الجزر اللي ماتتسماش الشركة حاليا ادير صندوق الوطني للقطريين وصندوق الوطني لغير القطريين والصندوقين خسرانين بس يمكن لانهم دخولوا في وقت ارتفاع المؤشر وانخفاض الوحدات فيهم بنسبة 18-20% تقريبا
هذا والله اعلم

المخلب

29-06-2006, 01:46 PM

مشكور يالمخلب ما قصرت

عزيز وغالي .. واجبنا .. تحياتي لك ..

المخلب

29-06-2006, 01:50 PM

طالما انه صندوق اسلامي
معني ذلك ان الاستثمار سيكون في الاسهم الاسلامية فقط
التي لا تحتاج الي نسبة تطهير ولن تستثمر في الاسهم التي فيها شبهة
التي فيها نسبة تطهير

حسب علمي نعم لانه اسلامي ولا يحتاج الى التطهير ..

! .. لكن لو تسالوا اي شيخ يكون افضل !

شكرا لك ..

المخلب

29-06-2006, 01:51 PM

انا اليوم رحت واكتتبت
وعطوني الكتيب
بس ماخلصوا لي قالو بكره تعالي بعد
بكره باشوف ايش بيسوون

موفقه ان شاء الله .. بس نصيحه ! لا حد يتهور ويحط كل الي وراه وقدامه بالصندوق ..

هذي نصيحه خلوها قدام عينكم .. والله يوفقكم ..

المخلب

29-06-2006, 01:52 PM

يزاك الله خير اخوي المخلب على هالخبر

وياج اختي .. واجبنا ..

المخلب

29-06-2006, 01:55 PM

وعليكم السلام ورحمة الله وبركاته
والله يرحم اخوي عمر
خبر الصندوق قديم شوي اخوي المخلب والشركة المؤسسة له هي شركة بيت الاستثمار وهي شركة استثمار خاصة بنك قطر الوطني شريك فيها الصندوق مثل الصناديق الموجوده حاليا ويتميز عنها في ان نشاطه فقط في الشركات اللي اما تكون إسلامية او شركات نشاطها اصله حلال ولكن تدخل فيها شبهة الربا وذي حسب كلام الشيخ والدكتور الفاضل علي السالوس حرام.
شركة انزباكر هي شركة مملوكة بالكامل لبنك قطر الوطني وتم تأسيسها خارج دولة قطر في إحدى الجزر اللي ماتتسماش الشركة حاليا ادير صندوق الوطني للقطريين وصندوق الوطني لغير القطريين والصندوقين خسرانين بس يمكن لانهم دخولوا في وقت ارتفاع المؤشر وانخفاض الوحدات فيهم بنسبة 18-20% تقريبا
هذا والله اعلم

والله ياخوي .. سواء الخبر قديم ام جديد .. انا كنت اقصد ان بدا الاكتتاب فيه .. وليس انه مجرد خبر الى الان لم ينفذ ..

وشكرا على الافاده بالنسبه لشركه انزباكر ..

تحياتي لك ..