مافيه غير هالوسيله يعني !!؟

[رآعي موآجيب]

السلام عليكم ورحمة الله

موضوع بخاطري من فتره واليوم بفتحه

هذا الله يسلمكم بنك الدم التابع لمؤسسة حمد الطبيه

صار له سنين وهو يناشد ويحث ويطالب المواطنين والمقيمين بالتبرع بالدم

ومرات يكتب عبارات كالتالي

بحاجه عاجله لفصيلة o+
ومن أحياها فكأنما أحيا الناس جميعا
لكافة المتبرعين بالدم طواعيه
هذه رساله عاجله وهامه لتنقذ حياة مريض بحاجه ماسه

ومن هذه العبارات التي تصلنا بشكل اسبوعي

ان دل هذا الأمر على شيء فهو يدل على النقص الشديد في مخزون بنك الدم ، والأمر بحاجه إلى وقفه جديه وإيجاد حلول لتوفر كل الفصائل من خلال جذب المتبرع بدلاً من هذه الرسائل والعبارات التي توحي لمتلقيها بأن المؤسسه العملاقه تتوسل للمتبرعين بسرعة التبرع بالدم

علماً بأنه من الممكن أن من يحتاج هذا الدم قريب لنا أو احد الأشخاص الذي نعرفه !!

ماعلينا ,,

هل يعقل أن المسؤول عن بنك الدم لم يبحث عن بدائل لهذه الرسائل !!؟

لماذا لا تكون للشركات العملاقه في قطر دور بارز ومشرف في هذا العمل الأنساني ؟

على سبيل المثال


تتبرع كل شركة سيارات بسياره كل سنه لبنك الدم وتكون هناك 12 سياره على شكل جوائز موزعه على 12 شهر ، يدخل اسم المتبرع تلقائياً في السحب بعد تبرعه

أيضاً شركات الأتصالات مثل كيوتل و فودافون لماذا لا تقدم عروض خاصه للمتبرعين ؟

الخطوط القطريه تستطيع ان تقدم خصومات خاصه أو كوبونات للأوزان الزائده

الفنادق والمطاعم الكبرى لها دور أيضا ، تستطيع ان تساهم بإقامه مجانيه او دعوه على الغداء أو العشاء للمتبرعين

المكاتب الكبرى ومراكز التسوق تستطيع المساهمه بجوائز بسيطه مثل جهاز كمبيوتر او هاتف محمول الخ

كروه ايضاً لها دور في ذلك ، بأمكانها المساهمه بأعفاء المتبرعين الذين يستخدمون الباصات عن الأجور وذلك من خلال صرف كوبونات مجانيه لبعض العماله

جميع الشركات والمؤسسات تستطيع ان تساهم في جذب المتبرعين بطرق بسيطه جداً

يوجد تقصير في إدارة بنك الدم ، من الواجب ان يسعى المسؤول عن البنك لإيجاد حلول جذابه

يخاطب الشركات والمؤسسات ويحثهم على المساهمه في جذب المتبرعين بالأمور التي ذكرتها في الأعلى

وهناك تقصير من الشركات والمؤسسات التي تساهم في أمور تافهه وسطحيه وتتجاهل مثل هذا الأمر الهام جداً

وهناك تقصير منا نحن كمواطنين ومقيمين ونحن نقرأ عن النقص الشديد في بنك الدم ولا نحرك ساكناً .

[بصمة قطرية]

فكرتك حلوة
وكلامك صحيح

[CH Engineer]

في حلول اسهل واسرع
سيارة التبرع بالدم تذهب للشركات والموسسات صباحا ويكون في تشجيع من العمل للتبرع لان البعض يجهل مكان التبرع والبعض مايبي يتلعوز والبعض ماعنده وقت...

والشي الثاني فحص مجاني للمتبرع او عالاقل يوعدون المتبرع باخذ الدم بعد التاكد من عدم حاجته له

[سهم سهم]

اى والله المفروض فى المركز الصحى مكتب لبنك الدم عشان الناس اشوفه واتبرع

صارلي فترة افكر انى اتبرع بالدم بس مكانهم يبعد عنى ١٠٠ كيلو متر تقريبا

وزحمة الدوحه والمدارس

خلتني استبعد المكان

[رآعي موآجيب]

فكرتك حلوة
وكلامك صحيح


لاهنتي يابصمه

حياش الله

[ms-qtr]

بالعكس ما اجوفهم مقصرين
بين فترة والثانية يلفون بسيارتهم على الجامعات والمؤسسات
وايام المعارض تحصلون سياراتهم واقفة برع
لكن المشكلة بثقافة الشعب

[رآعي موآجيب]

في حلول اسهل واسرع
سيارة التبرع بالدم تذهب للشركات والموسسات صباحا ويكون في تشجيع من العمل للتبرع لان البعض يجهل مكان التبرع والبعض مايبي يتلعوز والبعض ماعنده وقت...

والشي الثاني فحص مجاني للمتبرع او عالاقل يوعدون المتبرع باخذ الدم بعد التاكد من عدم حاجته له


السياره موجوده من كم سنه وأثبتت فشلها إلا محدود

ولا تقدر هالسياره تلبي حاجة بنك الدم

ولا راح تقدر تجذب العماله الكبيره في الدوله

جذب المتبرعين بأمور مثل اللي قلتها يغني بنك الدم ويقضي على النقص

حياك الله

[رآعي موآجيب]

اى والله المفروض فى المركز الصحى مكتب لبنك الدم عشان الناس اشوفه واتبرع

صارلي فترة افكر انى اتبرع بالدم بس مكانهم يبعد عنى ١٠٠ كيلو متر تقريبا

وزحمة الدوحه والمدارس

خلتني استبعد المكان


أقتراحك ممتاز

ماقصرت و حياك الله

[ريتويت]

الله المستعان.. مستشفي حمد الله يعينهم علي الدكاتره الجدد الي مايفهمون شسالفه اصلا.. والغزو الاجنبي الي بدا واضح فالاداره

[رآعي موآجيب]

بالعكس ما اجوفهم مقصرين
بين فترة والثانية يلفون بسيارتهم على الجامعات والمؤسسات
وايام المعارض تحصلون سياراتهم واقفة برع
لكن المشكلة بثقافة الشعب


هالسياره ما تلبي الحاجه ابد

والشعب غير مهتم

ولكن هالعماله الضخمه في الدوله واللي هم أكثر المستفيدين من بنك الدم شلون راح نقنعهم بالتبرع !!؟

نقوله أنسانيه وثقافه ويمكن بكره تحتاج !!

وإلا نغريه بأمور بسيطه ورمزيه ويتبرع وهو يضحك ؟

حياك الله

[النهار]

لي عوده

[رآعي موآجيب]

الله المستعان.. مستشفي حمد الله يعينهم علي الدكاتره الجدد الي مايفهمون شسالفه اصلا.. والغزو الاجنبي الي بدا واضح فالاداره


Blood
Blood

حياش الله :nice:

[رآعي موآجيب]

لي عوده

مرحبا بك

[khalid525]

الناس فيها الخير بس اغلبيتهم يستقلون الروحة لبنك الدم ، اتمنى يفكرون بحل اخر ويزيدون توعية الناس.

[كتكوت الوحش]

الحمد لله انا كل شهرين اتبرع وتقريبا صار لي 5 سنين على هالحال
ومش عشان شي
لاء انا بيتي بالوكره
واضرب خط عشان اتبرع بالدم وارجع
واحرص عليها بشهر رمضان ومتى ما جاني مسج منهم رحت ولبيت الدعوه
فالبعد مش عائق بعدين مافيها شي لو كل شهرين او اربعين يوم يوم مرت وتبرعت
وبالنسبه للتوعيه مستشفى حمد مش مقصره بهالشي بالذات
ودوم اعلانات سواء بالراديو او بالتلفزيون او البرشورات وعن طريق وحداتهم المتنقله والمسأله مش مسألة حوافز ولا جوائز
المسأله هي مساعدة المرضى ومحتاجين هالدم ووسيلة ابقائهم على قيد الحياه
ويقدر الواحد يتعود عليها دوم ويبرع ب
بأستمرار هاي اقل شي نقدر انسويه

[رآعي موآجيب]

الناس فيها الخير بس اغلبيتهم يستقلون الروحة لبنك الدم ، اتمنى يفكرون بحل اخر ويزيدون توعية الناس.


صحيح ياخالد فيهم الخير ، ولكن فيه قصور

وإلا ليش بنك الدم كل شوي يرسل هالمسجات !!

حياك الله

[رآعي موآجيب]

الحمد لله انا كل شهرين اتبرع وتقريبا صار لي 5 سنين على هالحال
ومش عشان شي
لاء انا بيتي بالوكره
واضرب خط عشان اتبرع بالدم وارجع
واحرص عليها بشهر رمضان ومتى ما جاني مسج منهم رحت ولبيت الدعوه
فالبعد مش عائق بعدين مافيها شي لو كل شهرين او اربعين يوم يوم مرت وتبرعت
وبالنسبه للتوعيه مستشفى حمد مش مقصره بهالشي بالذات
ودوم اعلانات سواء بالراديو او بالتلفزيون او البرشورات وعن طريق وحداتهم المتنقله والمسأله مش مسألة حوافز ولا جوائز
المسأله هي مساعدة المرضى ومحتاجين هالدم ووسيلة ابقائهم على قيد الحياه
ويقدر الواحد يتعود عليها دوم ويبرع ب
بأستمرار هاي اقل شي نقدر انسويه



صادق يالوحش ولك عند الله ان شاء الله

هذا انت لبيت حاجة بنك الدم الماسه ، ولبى معك 500 وإلا 1000 شخص

طيب وبعدين !!؟

الشق أكبر من الرقعه وانا اخوك ، انت تدري انه بعض المرات يأجلون بعض العمليات لعدم توفر الدم !!

أنت تدري كم عدد الأشخاص في قائمة الأنتظار !!

انت تدري أن أكثر الأشخاص المستفيدين من بنك الدم هم العماله الضخمه في البلد !!

وين دور هالعماله الضخمه في دعم بنك الدم بالمتبرعين ؟

شلون بتوعي وبتثقف هالفئه الكبيره وبتقنعهم بالتبرع ؟

لاحظ بعض الجمعيات شتسوي ومراكز التسوق الصغيره علشان تجذب هالكم الهائل من العماله

وتخيل لو يتطبق هالشي على بنك الدم

تهقى بيكون فيه نقص في أي فصيله !؟

اتمنى ان المعلومه وصلت

حياك الله

[eXpert*]

أقسم بالله الذي لا إله إلا هو ، أن الجاليات فيها خير كثير ولكن عامل الوقت و المواصلات . في بنك الدم تجد عمال بناء يأتون مشي للتبرع إيماناً منهم بأهمية الدم .

وبنك الدم للمتبرع الدوري يصرف له بطاقة عضوية (لا أعلم إذا ما زلت متوافرة أم لا) ، في حالة إمتلاكك لهذه البطاقة و أحتاج أي فرد من أسرتك للدم تكون لك الأولوية.

عمال الصناعية عدد مهول لماذا لا يتم توفير سيارة ثابتة هناك للتبرع و من غير أي عطايا أو حوافز الناس بتتبرع .

لكن أعتقد بنك الدم يستقطب فئة و فئة لا ، علشان يبعد وجع الرأس عنه والفحوصات خصوصاً على بعض العمالة الوافدة.

[ANONYMOUS]

لو يعطون يوم اجازه للمتبرع كان بنك الدم بيصير بنك تصدير للخارج بعد مايلبي الحاجه الداخليه في الدوله

مثلا يروح الشخص الفتره المسائيه ويتبرع

وياخذ ورقه للاتش ار ف دوام ويعطيهم ويختار اي يوم يأجز فيه

[قلبي الطيب]

لو يعطون يوم اجازه للمتبرع كان بنك الدم بيصير بنك تصدير للخارج بعد مايلبي الحاجه الداخليه في الدوله

مثلا يروح الشخص الفتره المسائيه ويتبرع

وياخذ ورقه للاتش ار ف دوام ويعطيهم ويختار اي يوم يأجز فيه

فكرة جهنمية :nice:

[بوخالد911]

لو يعطون يوم اجازه للمتبرع كان بنك الدم بيصير بنك تصدير للخارج بعد مايلبي الحاجه الداخليه في الدوله

مثلا يروح الشخص الفتره المسائيه ويتبرع

وياخذ ورقه للاتش ار ف دوام ويعطيهم ويختار اي يوم يأجز فيه

يا حبكم حق الاجاززززززززززة

:anger1::anger1::anger1:

[@north_star@]

والله خاطري من زمان أروح اتبرع بس المشكلة الوقت واقتراح تسيير مركبة خاصة للتبرع بتختصر الوقت على المتبرعين ونسال الله السلامة للجميع

[المسك1969]

أعتقد أن الأفضل هو طلب الأدارة من موظفيها في اليوم الفلاني التوجه للتبرع بالدم وإعطاء كل من يتبرع نسبة 2 أو 3% للراتب الاساسي... إشرايكم مب حلوه الفكرة؟:)

عاد خل تبدأ المؤسسة بنفسها وبموظفيها من أكبرهم لأصغرهم ومن بعدها المؤسسات الأخرى... هنيه صج بنقول أن بيكون في فائض عند بنك الدم

جعل ربي لا يحوجنا وإياكم ومن نحب لهم آمين

جزاكم الله خيرا

[GRNAS2002]

مشكور اخوي راعي المواجيب على طرحك الي اكثر من رائع والله اني كنت افكر اني انزله من قبل بس انشغلت وانت ماقصرت جعله في موازين حسناتك
اخوي في حل سهل ومريح جدا" للجميع وهو
اي واحد بيسوون له بطاقه شخصيه يسحبون منه دم هو على اي حال من ألأحوال لازم يروح للمختبر علشان يسحبون منه عينه علشان يعرفون فصيلة دمه فا يتبرع بالمره وتكون الزاميه للجميع اي واحد يبغي يطلع بطاقه شخصيه لازم يتبرع ان كان مواطن او مقيم

[الإكسير]

أنا تبرعت من اسبوع وسالت الي هناك كم شخص يتبرع فاليوم قال من 80 الى 140 شخص والحمد الله قال هذا يكف مافيه داعي انهم يأخذون من برع والرقم هذا اسعدني جداً والله يزيدهم،، والحملات هم مب مقصرين كل فتره أشوف لهم صور فالجرايد مع شركات او مؤسسات

[ريم 28]

افكار رائعه

وموضوع رائع ومهم


جزاك الله خير

[Lili2005]

اخي العزيز راعي مواجيب،، موضوعك في قمة الاهميه و حطيت صبعك عالجرح وانا اختك،، والله لما شووف حملاتهم احس انهم بيحبوون الايادي عشاان الناس بس تتبرع،، بنك الدم بحاجه ماااسه للتبرعات !!!! وللاسف لا حياة لمن تنادي،، لكن انتقد اخي العزيز فكرتك بشده،، ليش احنا وصلنا لهالمرحله معقول الخير صار بفلوس ،، معقول الخير انقطع،، يعني حتى انقاذ الروح صار بقابل مادي،، سياره طياره بطيخه انا ما يهمني ،، الفكره بمقاابل،، سبحانه وتعالى قال: من احياها كأنما احيا الناس جميعــاً . صدق الله العظيم،، وهاذي صدقني حسناتها بتسوى الدنيا واللي فيها،، بتسوى المليون سياره،، يا اخي اللي تقول عنهم محتاجيين تراهم هلك وهلي حنا مسلمين وحنا اخوه وعقول مل نوقف ويا بعض ،،يعني انا احتجت دم اليوم وانت تبرعتلي ترى صدقني بكره بتحتااج وانا بتبرع،، كلنا لبعض وحينها الخير بيعم ومحد بيحتاج،، يعني لاحظ قانون التبرع بالدم للأجانب يلزم لاي شخص بيدخل عمليه انه يتبرعله احد من اهله حتى لو ما احتاج نقل دم ،،الدم اللي اتبرعوله فيه يروح لشخص اخر اهم اللي يحددون،، يعني هاذا وااجب انساني ولا هو تطوع ولا فيها منيه على احد انت وانا لو شفنا انه محتاجين واجب علينا نرووح ونتبرع ،، مب نبي بدل ،، عطني وعطييك،، المفرووض انا انحث في الشباب فعل الخير،، يا اخي الصدقه واهي الصدقه كااانت واجبه ايام الرسول والصحاابه واللي ما يطلعها يتعاااقب ويسجن،، فلو كانت هالمشكله ايامهم موجووده بتتوقه بيوزعون سيارات وبيسوون قرع ويانصييب،، والله والله الا يجبرون كل واحد غصب عنه يتبرع ويتعااقب اشد العقااب اللي ما يوقف معاخووه المسلم،،
انا بطالب انه يطبقون القانون ع الجميع،، قطري ومب قطري ،، اي واحد بيسوي عمليه يتبرع احد من هله او معارفه بالدم،، وجذي محد بيحتااج

و ترى اللي صحته زينه وفيه حيل يدفع فلوس ع الجيمّات ومراكز اللياقه البدنيه ،، تراه يقدر يتبرع بدمه كل شهر،، مب محتاج سياره

بس ما قول غير كما تدين تدان واللي ما يسو خير ،، مصيره يحتاج ومحد بيوقف ويااه

تحيااتي

[خليفـة]

فيه حل ثاني
يعرضون 100 ريال لكل متبرع بالدم
والله غير تشوف العمال طوابير عند باب بنك الدم
بدال لا يشترون من الخارج .. يشترون من المقيمين من الداخل
على الاقل مسوين لهم فحوصات وقمسيون طبي وجاهزين
:)

خليفـــة

[لولو2022]

راعي المواجيب الله يعطيك العافيه
في ناس خارج المستشفي ومحتاجه دم لان ماعندهم دم بالمرة
هالاشكال شلون نتبرع لهم ،، والله اني جاده
عطني نصيحه اخ لاخته

[الزعفراني]

المقترحات حلوة وعملية لكن اتوقع اللي يمنع تطبيقها ان الموضوع اختياري وانساني بحت يرجع لمعتقدات الشخص وايمانه بموضوع التبرع والبحث عن الأجر .

وجود او رصد جوائز مادية او تسهيلات يخلي الموضوع تجاري ويفقد المعنى الحقيقي لمفهوم التبرع بالدم كخدمة إنسانيه وقيمة أخلاقية عند البشر .

[بوسلمان 2010]

تسلم على الفكرة الطيبة وان شاء الله اتطبق

[رآعي موآجيب]

أقسم بالله الذي لا إله إلا هو ، أن الجاليات فيها خير كثير ولكن عامل الوقت و المواصلات . في بنك الدم تجد عمال بناء يأتون مشي للتبرع إيماناً منهم بأهمية الدم .

وبنك الدم للمتبرع الدوري يصرف له بطاقة عضوية (لا أعلم إذا ما زلت متوافرة أم لا) ، في حالة إمتلاكك لهذه البطاقة و أحتاج أي فرد من أسرتك للدم تكون لك الأولوية.

عمال الصناعية عدد مهول لماذا لا يتم توفير سيارة ثابتة هناك للتبرع و من غير أي عطايا أو حوافز الناس بتتبرع .

لكن أعتقد بنك الدم يستقطب فئة و فئة لا ، علشان يبعد وجع الرأس عنه والفحوصات خصوصاً على بعض العمالة الوافدة.



فيهم خير ياطويل العمر وانا ما قلت ان مافيهم خير

وكلن فيه خيره وشره

شوفهم في الغرب يتبرعون بالدم ما يدورون الأجر ولا يعرفونه اصلا ، وبدون مقابل ، لكن لأن فيهم خير وثقافه مغروسه فيه من الصغر بأن هذا عمل انساني مهم جداً

أغلبية الجاليات اللي عندنا ماعندهم هالثقافه ، ولاهيب عندنا أصلا علشان نشره على الباقين

في المجلس نجتمع كل يوم أكثر من 10 اشخاص ، سألتهم مره متى آخر مره تبرعتوا كل واحد قام يطالع رفيقه !!

لكن ربعنا يقتنعون بسرعه , خصوصا اذا فيها روحه جماعيه تلاقيهم كلهم صاملين

بس المشكله في بعض الجاليات اللي يحسبها بالقلم و الورقه

حتى ممكن انه يقول ليش ادفع 8 ريال مواصلات علشان اتبرع


حياك الله

[رآعي موآجيب]

لو يعطون يوم اجازه للمتبرع كان بنك الدم بيصير بنك تصدير للخارج بعد مايلبي الحاجه الداخليه في الدوله

مثلا يروح الشخص الفتره المسائيه ويتبرع

وياخذ ورقه للاتش ار ف دوام ويعطيهم ويختار اي يوم يأجز فيه



سجلني متبرع يومي :victory:

[رآعي موآجيب]

والله خاطري من زمان أروح اتبرع بس المشكلة الوقت واقتراح تسيير مركبة خاصة للتبرع بتختصر الوقت على المتبرعين ونسال الله السلامة للجميع

الموتر موجود لكن العزيمه وين :nice:

[رآعي موآجيب]

أعتقد أن الأفضل هو طلب الأدارة من موظفيها في اليوم الفلاني التوجه للتبرع بالدم وإعطاء كل من يتبرع نسبة 2 أو 3% للراتب الاساسي... إشرايكم مب حلوه الفكرة؟:)

عاد خل تبدأ المؤسسة بنفسها وبموظفيها من أكبرهم لأصغرهم ومن بعدها المؤسسات الأخرى... هنيه صج بنقول أن بيكون في فائض عند بنك الدم

جعل ربي لا يحوجنا وإياكم ومن نحب لهم آمين

جزاكم الله خيرا


لاعاد مهب لهالدرجه :weeping:

اللهم آمين

حياش الله

[رآعي موآجيب]

مشكور اخوي راعي المواجيب على طرحك الي اكثر من رائع والله اني كنت افكر اني انزله من قبل بس انشغلت وانت ماقصرت جعله في موازين حسناتك
اخوي في حل سهل ومريح جدا" للجميع وهو
اي واحد بيسوون له بطاقه شخصيه يسحبون منه دم هو على اي حال من ألأحوال لازم يروح للمختبر علشان يسحبون منه عينه علشان يعرفون فصيلة دمه فا يتبرع بالمره وتكون الزاميه للجميع اي واحد يبغي يطلع بطاقه شخصيه لازم يتبرع ان كان مواطن او مقيم


العفو طال عمرك و وياك ان شاء الله

احنا ماودنا بشي الزامي يمتعض منه البعض

ودنا بشي أختياري لكن يجذب الناس ويحل أزمة بنك الدم

حياك الله

[رآعي موآجيب]

أنا تبرعت من اسبوع وسالت الي هناك كم شخص يتبرع فاليوم قال من 80 الى 140 شخص والحمد الله قال هذا يكف مافيه داعي انهم يأخذون من برع والرقم هذا اسعدني جداً والله يزيدهم،، والحملات هم مب مقصرين كل فتره أشوف لهم صور فالجرايد مع شركات او مؤسسات


عساه في ميزان حسناتك ان شاء الله

دام كل يوم من 80 الى 140 ليش يقولون فيه نقص !!؟

اليوم جاني مسج بعد وأكيد جاكم

ما اعتقد ان هالعدد صحيح ، يمكن يحمسك

وانا ماقلت انهم مقصرين بالحملات ، الحملات هي هي من عرفناهم

انا اقصد انهم مقصرين في ايجاد الحلول لجذب المتبرعين

حياك الله

[رآعي موآجيب]

افكار رائعه

وموضوع رائع ومهم


جزاك الله خير

لاهنتي يالريم و الله يجزاش بمثله

حياش الله

[رآعي موآجيب]

اخي العزيز راعي مواجيب،، موضوعك في قمة الاهميه و حطيت صبعك عالجرح وانا اختك،، والله لما شووف حملاتهم احس انهم بيحبوون الايادي عشاان الناس بس تتبرع،، بنك الدم بحاجه ماااسه للتبرعات !!!! وللاسف لا حياة لمن تنادي،، لكن انتقد اخي العزيز فكرتك بشده،، ليش احنا وصلنا لهالمرحله معقول الخير صار بفلوس ،، معقول الخير انقطع،، يعني حتى انقاذ الروح صار بقابل مادي،، سياره طياره بطيخه انا ما يهمني ،، الفكره بمقاابل،، سبحانه وتعالى قال: من احياها كأنما احيا الناس جميعــاً . صدق الله العظيم،، وهاذي صدقني حسناتها بتسوى الدنيا واللي فيها،، بتسوى المليون سياره،، يا اخي اللي تقول عنهم محتاجيين تراهم هلك وهلي حنا مسلمين وحنا اخوه وعقول مل نوقف ويا بعض ،،يعني انا احتجت دم اليوم وانت تبرعتلي ترى صدقني بكره بتحتااج وانا بتبرع،، كلنا لبعض وحينها الخير بيعم ومحد بيحتاج،، يعني لاحظ قانون التبرع بالدم للأجانب يلزم لاي شخص بيدخل عمليه انه يتبرعله احد من اهله حتى لو ما احتاج نقل دم ،،الدم اللي اتبرعوله فيه يروح لشخص اخر اهم اللي يحددون،، يعني هاذا وااجب انساني ولا هو تطوع ولا فيها منيه على احد انت وانا لو شفنا انه محتاجين واجب علينا نرووح ونتبرع ،، مب نبي بدل ،، عطني وعطييك،، المفرووض انا انحث في الشباب فعل الخير،، يا اخي الصدقه واهي الصدقه كااانت واجبه ايام الرسول والصحاابه واللي ما يطلعها يتعاااقب ويسجن،، فلو كانت هالمشكله ايامهم موجووده بتتوقه بيوزعون سيارات وبيسوون قرع ويانصييب،، والله والله الا يجبرون كل واحد غصب عنه يتبرع ويتعااقب اشد العقااب اللي ما يوقف معاخووه المسلم،،
انا بطالب انه يطبقون القانون ع الجميع،، قطري ومب قطري ،، اي واحد بيسوي عمليه يتبرع احد من هله او معارفه بالدم،، وجذي محد بيحتااج

و ترى اللي صحته زينه وفيه حيل يدفع فلوس ع الجيمّات ومراكز اللياقه البدنيه ،، تراه يقدر يتبرع بدمه كل شهر،، مب محتاج سياره

بس ما قول غير كما تدين تدان واللي ما يسو خير ،، مصيره يحتاج ومحد بيوقف ويااه

تحيااتي

كلامش كله على عيني وراسي ولا عليه غبار ابد

لكن هذا حل ياطويلة العمر لإنهاء معاناة بنك الدم بشكل عاجل

وانا هدفي الأساسي من هالأقتراح وبكل وضوح هم العماله اللي في البلد

وإلا المواطنين أغلبيتهم ما يرد نفسه لهالأمور ، والدليل شوفي في المجمعات التجاريه أو الجمعيات اذا فيه حملة جوائز وتسجيل كوبونات ، تلاقين المواطن ياخذ أغراضه واذا عطاه الكاشير الكوبونات يسجلها يقوله ما ابغيها وهو رايح

فتخيلي الموضوع لو كان انساني !!

وبخصوص الحملات والتوعيه انا شخصياً قمت بثلاث حملات ، آخر حمله كانت من خلال البلاك بيري ، والله ان البرود كاست اللي طرشته مارجع لي

لأن الشباب غير مهتمين وهالشي ما يعني لهم الكثير ومافيه وعي شامل وإدراك للخطر وحاجة البنك الماسه لجميع الفصائل

انا عندي بطاقه معطيني اياها بنك الدم كرصيد لو احتجت دم لأحد المرضى ، وكانوا يطلبونها مني الربع في حال عندهم حد بيسوي عمليه وكنت اعطيهم ، وعقب قلت ليش اعطيهم وهم يقدرون يتبرعون وينفعون بها الناس ، قمت اقولهم ماعاد فيها رصيد ، تبرعوا منها أجر ومنها تخلصون مريضكم ومنها صحه لكم لأن الدم يتجدد ، وكانت هذي آخر حلولي

وإلا كل الكلام اللي قلتيه ما أخالفش فيه ابد ومؤيد لكل حرف قلتيه

بس لازم نلاقي حلول تجذب أكبر عدد من المتبرعين قدر المستطاع

بيض الله وجهش وحياش الله

[nyzk]

فكرة طيبه

بس سمعت ان التبرع بالدم بمقابل حرام

[رآعي موآجيب]

فيه حل ثاني
يعرضون 100 ريال لكل متبرع بالدم
والله غير تشوف العمال طوابير عند باب بنك الدم
بدال لا يشترون من الخارج .. يشترون من المقيمين من الداخل
على الاقل مسوين لهم فحوصات وقمسيون طبي وجاهزين
:)

خليفـــة


ماودنا الموضوع يكون مادي بحت

يمدحون مقولة انت وحظك :victory:

حياك الله

[الـقـاسـي]

مشكله النقص الدائم في بنك الدم مشكله كبيره واهما مايبون يستوردون دم من خارج الدوله ..

انا جيتهم يوم الجمعه الماضي بصراحه حصلت اغلب الزحمه والمتبرعين من المقيمين الله يجزاهم خير ..

لو يحطون مقابل بسيط خصوصا لفئه o+ صدقوني مثل ماقال الاخوان بتنتهي هالمشكله ..

صحيح اغلب الناس فيهم خير ويبون الاجر لكن انت عندك العمال النسبه الكبيره منهم غير مسلمين فـ مراح تفرق معاهم مثل هالامور ..

الافضل يسون مركز فالصناعيه نفس اللي عند المستشفى ويحطون لهم مقابل بسيط او سحوبات على تلفزيونات تلفونات ادوات كهربائيه اي شي وانا اضمن لهم في فتره بسيطه عندهم فايض فالدم ..

[رآعي موآجيب]

راعي المواجيب الله يعطيك العافيه
في ناس خارج المستشفي ومحتاجه دم لان ماعندهم دم بالمرة
هالاشكال شلون نتبرع لهم ،، والله اني جاده
عطني نصيحه اخ لاخته





إذا قصدش بعض مرضى فقر الدم اللي مايبغون يروحون المستشفى مثل الشيبان والعجايز الله يطول في اعمارهم ، أنسي الموضوع للأبد للأبد للأبد :)

لأني عانيت من هالمشكله حول سنه كامله ، عندي الوالد من الشيبان اللي مايمشي إلا على شوره وبس ، وكان معه فقر دم ولا رضى يروح المستشفى وكانت حالته سيئه جداً

ماخليت حد في المؤسسه إلا وحاولت معاه وأقنعه نعطي الوالد دم وهو في بيته ، قالوا أي شي تبيه في البيت بنسويه ، عمليات ونقل دم ممنوع دولياً إلا في المستشفيات فقط

ورحت للمستشفايات الخاصه ونفس الشي

وطبعاً ما اقدر اني اجبر الوالد على امر ما يبغيه

الين أنهارت قواه وطاح علينا ونقلناه بالأسعاف ، في هالوقت مسكوه 10 ايام بالقوه وعطوه كل الجرعات

يعني مافيه أمل ولا تحاولين لأنش بتخسرين وقت وجهد على الفاضي

يا مستشفى حمد أو الله يكون بعونش

وعليكم بالأقناع قد ما تقدرون

[Scout Sniper]

فكره ممتازه

بس مثل مايقولون : عمك اصمخ :)

[رآعي موآجيب]

المقترحات حلوة وعملية لكن اتوقع اللي يمنع تطبيقها ان الموضوع اختياري وانساني بحت يرجع لمعتقدات الشخص وايمانه بموضوع التبرع والبحث عن الأجر .

وجود او رصد جوائز مادية او تسهيلات يخلي الموضوع تجاري ويفقد المعنى الحقيقي لمفهوم التبرع بالدم كخدمة إنسانيه وقيمة أخلاقية عند البشر .


تحلى دنياك طال عمرك

صدقني ما كتبت هالموضوع بكبره إلا لهدف انساني وابغي بنك الدم يكون عندهم فائض بدال هالنقص الدائم

حياك الله

[رآعي موآجيب]

تسلم على الفكرة الطيبة وان شاء الله اتطبق

ومن قال سالم أن شاء الله

حياك الله

[لولو2022]

الله يعطيك العافيه ياراعي المواجيب ويخليلك الوالد والوالده يارب
مش هذا قصدي ، انا ادري اني لخبطتك اعذرني
انا اقصد الي ماعندهم دم الي ماعندهم سنع وادب
هههههههههههههههه اسفه مره ثانيه
ولك كل الشكر

[بصمة قطرية]

الله يعطيك العافيه ياراعي المواجيب ويخليلك الوالد والوالده يارب
مش هذا قصدي ، انا ادري اني لخبطتك اعذرني
انا اقصد الي ماعندهم دم الي ماعندهم سنع وادب
هههههههههههههههه اسفه مره ثانيه
ولك كل الشكر

يبي لهم موضوع خاص :secret:
و دورات
ما ينفع التبرع بالدم :tease:

[لولو2022]

يبي لهم موضوع خاص :secret:
و دورات
ما ينفع التبرع بالدم :tease:


هلا بصمه ..تسلمين على الرد
يمكن اذا سحبنا منهم الدم وحطينا لهم دم نظيف ..يمكن

[حميداني]

يا رجل ... الناس فيها خير وحابه تتبرع
لكنها ما راح تقط حالها في الزحمه فيوم حار بعد الدوام المتعب علشان تتبرع ولا راح يضحون بيومين الاجازه
لا طيب ولا غصب الا ان شاءت الصدف لقو نفسهم اهناك

الموضوع سهل

بنك الدم التابع لمؤسسة حمد الطبيه

لو يخف عن نفس التمبله ويبتدي يتحرك بدل ما يتدلع ينتظر الناس يجونه , هو يقوم ويروح للناس
يمرون عالشركات ويسوون حمله يفتحون مكتب صغير مثل مكاتب الصدقات مع طاقم واجهزه بسيطه ومجلدات تبين أجر هذا الشي وكيف مرضى ومن صادفتهم حوادث محتاجين
يمرون على المؤسسات وعلى بعض المناطق العامه , وشفيها يعني لو افتحو كبينه صغيره لدعوة الناس للتبرع في مجمع مثل السيتي

بعد تبرعك يعزمونك على عصير برتقال بارد
الكل بيطلع مستانس منهم بنك الدم والانسان اللي جاب لنفسه الاجر وبرد على نفسه بالعصير

ما يبيله كوبونات وسياير ولاشي
اللي يبي الشي ومحتاجه يروح يركظ وراه , مب يقعد يترجى الناس تعنو وتعالو انا محتاج

[رآعي موآجيب]

فكرة طيبه

بس سمعت ان التبرع بالدم بمقابل حرام


طاب فالك

و الله انا ما طالبت بمقابل وانا اخوك

الفكره تشجيع الناس على التبرع من خلال بعض الجوائز وكلن وحظه

واذا المشايخ محرمين هالشي انا اسحب كلامي كله

عساك على القوه

[رآعي موآجيب]

مشكله النقص الدائم في بنك الدم مشكله كبيره واهما مايبون يستوردون دم من خارج الدوله ..

انا جيتهم يوم الجمعه الماضي بصراحه حصلت اغلب الزحمه والمتبرعين من المقيمين الله يجزاهم خير ..

لو يحطون مقابل بسيط خصوصا لفئه o+ صدقوني مثل ماقال الاخوان بتنتهي هالمشكله ..

صحيح اغلب الناس فيهم خير ويبون الاجر لكن انت عندك العمال النسبه الكبيره منهم غير مسلمين فـ مراح تفرق معاهم مثل هالامور ..

الافضل يسون مركز فالصناعيه نفس اللي عند المستشفى ويحطون لهم مقابل بسيط او سحوبات على تلفزيونات تلفونات ادوات كهربائيه اي شي وانا اضمن لهم في فتره بسيطه عندهم فايض فالدم ..



لهم عند الله ان شاء الله

وانا غير مؤيد بأن يصبح التبرع بمقابل مادي بحت

وأقتراحك بخصوص مركز الصناعيه ممتاز

حياك الله

[رآعي موآجيب]

فكره ممتازه

بس مثل مايقولون : عمك اصمخ :)


لا ماعليك بينتبهون ان شاء الله :victory:

حياك الله

[رآعي موآجيب]

الله يعطيك العافيه ياراعي المواجيب ويخليلك الوالد والوالده يارب
مش هذا قصدي ، انا ادري اني لخبطتك اعذرني
انا اقصد الي ماعندهم دم الي ماعندهم سنع وادب
هههههههههههههههه اسفه مره ثانيه
ولك كل الشكر


كتبت في اول ردي الظاهر ان كلامش مبطون

لكن تعوذت من ابليس وأحسنت النيه ومسحته

وطلع ظني في محله :omen2:

هذولا على ماقالت بصمه ، يبغي لهم موضوع خاص بروحهم و واحد متفيق وخاطره وسيع ولا وراه شغله

ويمسك هالحالات حاله حاله وينشرهم صح

اذا فيش جهد الكيبورد قدامش والأعضاء متعطشين للمواضيع اللي توصل مشاهداتها 10000 وفي الأخير تغلق :secret:

[رآعي موآجيب]

يبي لهم موضوع خاص :secret:
و دورات
ما ينفع التبرع بالدم :tease:


:nice::nice:

[رآعي موآجيب]

يا رجل ... الناس فيها خير وحابه تتبرع
لكنها ما راح تقط حالها في الزحمه فيوم حار بعد الدوام المتعب علشان تتبرع ولا راح يضحون بيومين الاجازه لا طيب ولا غصب الا ان شاءت الصدف لقو نفسهم اهناك

الموضوع سهل

بنك الدم التابع لمؤسسة حمد الطبيه

لو يخف عن نفس التمبله ويبتدي يتحرك بدل ما يتدلع ينتظر الناس يجونه , هو يقوم ويروح للناس
يمرون عالشركات ويسوون حمله يفتحون مكتب صغير مثل مكاتب الصدقات مع طاقم واجهزه بسيطه ومجلدات تبين أجر هذا الشي وكيف مرضى ومن صادفتهم حوادث محتاجين
يمرون على المؤسسات وعلى بعض المناطق العامه , وشفيها يعني لو افتحو كبينه صغيره لدعوة الناس للتبرع في مجمع مثل السيتي

بعد تبرعك يعزمونك على عصير برتقال بارد
الكل بيطلع مستانس منهم بنك الدم والانسان اللي جاب لنفسه الاجر وبرد على نفسه بالعصير

ما يبيله كوبونات وسياير ولاشي
اللي يبي الشي ومحتاجه يروح يركظ وراه , مب يقعد يترجى الناس تعنو وتعالو انا محتاج


الصراحه التمبله وصف لحالة الناس اللي فوق :omen2:

مثل ماذكرت طال عمرك في ردودي السابقه

كلنا مقصرين ، وحتى لو بنك الدم فتح عيادات صغيره في المجمعات ماراح يفيد دام الناس مب متحمسين

الشي الآخر ترى اللي يتبرع بالدم ما يمشي على طول ، لازم ياخذ فتره كافيه وهو مرتاح سواء كان منسدح وإلا قاعد

عساك على القوه

[حسن]

الله حيه ياراعي مواجيب الحمدلله على السلامه

ياخوك انا دائما اتبرع والحمدلله منه اجر ومنه تجديد للدم وعلى الاقل يخف الضعط على الجسم

بس الحيين خفيت شوي اخر مره الممرضه قامت تلف الابره يمين ويسار وازرقت يدي

والدم ماينزل بسرعه مثل الاول واكتشقت ارتفاع شوي بالكلسسترول ولامالح

ودكتور قطري قالي المفروض ماتتبرع دام انت عندك كلسترول ومادي هاذولا بس يشوفون الهمجلوبين ويلا

على العموم مشككور على الموضوع

[رآعي موآجيب]

الله حيه ياراعي مواجيب الحمدلله على السلامه

ياخوك انا دائما اتبرع والحمدلله منه اجر ومنه تجديد للدم وعلى الاقل يخف الضعط على الجسم

بس الحيين خفيت شوي اخر مره الممرضه قامت تلف الابره يمين ويسار وازرقت يدي

والدم ماينزل بسرعه مثل الاول واكتشقت ارتفاع شوي بالكلسسترول ولامالح

ودكتور قطري قالي المفروض ماتتبرع دام انت عندك كلسترول ومادي هاذولا بس يشوفون الهمجلوبين ويلا

على العموم مشككور على الموضوع



الله يبقيك يابو علي :)

سلمك الله من الشر

عساه في ميزان حسناتك و الله يشافيك ويعافيك وترجع تتبرع مثل قبل وأحسن أن شاء الله

العفو وعساك على القوه

[qtr1986]

صدقت اخوي ولاتنسى ان يكون فيه بعد محاضرات تثقيفيه للتبرع بالدم

[رآعي موآجيب]

صدقت اخوي ولاتنسى ان يكون فيه بعد محاضرات تثقيفيه للتبرع بالدم



صحيح طال عمرك

والمفروض يزرع حب الخير والأعمال الأنسانيه والمساهمات الوطنيه في الأطفال

يعني مثل هالمحاضرات لو اقيمت في المدارس لتأثر بها الصغار وأقتنعوا بها وترسخت في عقولهم أكثر من الكبار

أكثر من 20 سنه وللحين ما نسيت كلمات الأستاذ أحمد عن الرفق بالحيوان وأنه مخلوق يحس ويتألم ويحزن ولكن لايستطيع أن يشكو ألمه وحزنه

فكان يحثنا على الرفق بالحيوانات ( لو أقولك شكنا نسوي فيهم ماراح تصدق )

تأثرنا بكلامه وانتهينا عن هذه الأمور

وبعد هذه السنوات كلها ، رجعت أعيد كل كلمه قالها الأستاذ احمد لعيالي

وقد رأيت التأثر على وجوههم كما تأثرت انا قبل سنوات !!!


ولربما أن الأستاذ أحمد قد سمع هذه الكلمات في صغره

يعني المفروض تكون هناك محاضرات في المدارس عن التبرع تحديداً

عساك على القوه

[كتكوت الوحش]

الله حيه ياراعي مواجيب الحمدلله على السلامه

ياخوك انا دائما اتبرع والحمدلله منه اجر ومنه تجديد للدم وعلى الاقل يخف الضعط على الجسم

بس الحيين خفيت شوي اخر مره الممرضه قامت تلف الابره يمين ويسار وازرقت يدي

والدم ماينزل بسرعه مثل الاول واكتشقت ارتفاع شوي بالكلسسترول ولامالح

ودكتور قطري قالي المفروض ماتتبرع دام انت عندك كلسترول ومادي هاذولا بس يشوفون الهمجلوبين ويلا

على العموم مشككور على الموضوع

ما عليك شر اخوي حسن

[حميداني]

الصراحه التمبله وصف لحالة الناس اللي فوق :omen2:

مثل ماذكرت طال عمرك في ردودي السابقه

كلنا مقصرين ، وحتى لو بنك الدم فتح عيادات صغيره في المجمعات ماراح يفيد دام الناس مب متحمسين

الشي الآخر ترى اللي يتبرع بالدم ما يمشي على طول ، لازم ياخذ فتره كافيه وهو مرتاح سواء كان منسدح وإلا قاعد

عساك على القوه

يا رجل هم محتاجين وهالناس على قولتهم ( ايديهم في ميه بارده ) مب محتاجين
العاده المحتاج هو اللي يركض ورى الشي

ادري بتقول ممكن بكره تحتاج بس هذا قدر يعلمه الا ربنا عزوجل والكل ماشي على سيستم
عيش يومك وجذي

بالعيادات اقصد الكباين مثل الكباين الاعلانيه يسوونها كل 4 تشهر مره
ويحطون كراسي ومب لازم بكميات كبيره لدرجة انه يحتاج لسرير وعشان جذي قلت كرسي وعصير بارد

صدقني لو يسوون مثل هالـ الحملات بيحصلون اقبال وبيجيهم ما يبون
لكن قاعدين ناطرين وذيلاك مب محتاجين

هههه صدقني صعبه حتى لو بكوبون وفيها سياره نادرين الناس ان راحو
بس في حل حلو وهو انهم يعطونهم شي مادي مقابل الدم مثل في امريكا في المستشفيات المنويه وجذي

فيهم نقص اعرضو , فيه محتاجين وفقارى ممكن يستفيدون من هالشي ويفيدون المجتمع
فهذي نقطه ثانيه بعد

[khaldoon]

:rolleyes2:
لو يعطون يوم اجازه للمتبرع كان بنك الدم بيصير بنك تصدير للخارج بعد مايلبي الحاجه الداخليه في الدوله

مثلا يروح الشخص الفتره المسائيه ويتبرع

وياخذ ورقه للاتش ار ف دوام ويعطيهم ويختار اي يوم يأجز فيه

والله فكرتك انت و راعي الموضوع جهنمية و متفق تماماً معاكم

[رآعي موآجيب]

يا رجل هم محتاجين وهالناس على قولتهم ( ايديهم في ميه بارده ) مب محتاجين
العاده المحتاج هو اللي يركض ورى الشي

ادري بتقول ممكن بكره تحتاج بس هذا قدر يعلمه الا ربنا عزوجل والكل ماشي على سيستم
عيش يومك وجذي

بالعيادات اقصد الكباين مثل الكباين الاعلانيه يسوونها كل 4 تشهر مره
ويحطون كراسي ومب لازم بكميات كبيره لدرجة انه يحتاج لسرير وعشان جذي قلت كرسي وعصير بارد

صدقني لو يسوون مثل هالـ الحملات بيحصلون اقبال وبيجيهم ما يبون
لكن قاعدين ناطرين وذيلاك مب محتاجين

هههه صدقني صعبه حتى لو بكوبون وفيها سياره نادرين الناس ان راحو
بس في حل حلو وهو انهم يعطونهم شي مادي مقابل الدم مثل في امريكا في المستشفيات المنويه وجذي

فيهم نقص اعرضو , فيه محتاجين وفقارى ممكن يستفيدون من هالشي ويفيدون المجتمع
فهذي نقطه ثانيه بعد


المستشفيات المنويه على قولتك مافيها مريض ينتظر متبرع لإنقاذ حياته

على كل حال حتى لو اختلفنا في الفكره أهم شي ان الهدف واحد :victory:

[رآعي موآجيب]

:rolleyes2:

والله فكرتك انت و راعي الموضوع جهنمية و متفق تماماً معاكم


شدك موضوع الإجازه ياخلدون :tease:

حياك الله

[بزنس كاتس]

افكارك حلوة بس لازم نعرف اذا تجوز شرعا ولا لا @.@

بالمناسبة .. وينه بنك الدم ؟ وين اروح عشان اتبرع ؟

انا فئة دمي نادرة .. عندي نقص حديد فالكبد بس دمي تمام الحمدلله ( ع حسب اخر مرة شيكت)

وشكرا ع موضوعك :)