سـوق فـالـح

[جراح]

السلام عليكم

بغيت اسأل عن سوق فالح عليه اقبال نفس باقي الاسواق ولا شبه منسي

لأني توكلت على الله وبابدا تجارتي فيه لكن متردد اشوف السوق فاضي والشغل بطيء

شوركم ياجماعة الخير

هل السوق بس للعبايات ؟

الي عنده فكره ينورنا

[قطري 777]

سوووق فالح ايام زماان كان توووب الحين احس الا قبال علية مثل ماقلت .. اتمنى لك التوفيق في مشوراك التجاري ........

[Lap top]

سوق فالح اكثره للعبايات .. بس مكشلته مافي مواقف كافيه للجمهور ...

والله يوفقك

[غايه الطواش]

يعتد على نوع تجارتك والفئه المستهدفه

[Dany]

انا شخصيا عباياتي كله اخذهم كن اهناك والعايله كلها تتعامل معاه، بس المواقف هي اللي تنفر دوم زحمه

[السيليه]

سوق فالح اعتقد بيشلونه السوق عن قريب. شوف لك مكان غير احسن

[جراح]

مشكورين ماقصرتوا على الردود

انا عندي محل في سوق فالح ان شالوا السوق بيعوضوني ؟

ولا بيعوطنا محل بدل عنه ؟ ووين ؟

الي عنده معلومات يفيدنا حتى ادبر لي محل من الحين ان لقيت


بانتظار ردودكم لاهنتوا

[ERKE]

مشكورين ماقصرتوا على الردود

انا عندي محل في سوق فالح ان شالوا السوق بيعوضوني ؟

ولا بيعوطنا محل بدل عنه ؟ ووين ؟

الي عنده معلومات يفيدنا حتى ادبر لي محل من الحين ان لقيت


بانتظار ردودكم لاهنتوا

بيعطونك مبلغ تقريبا بين 150 الى 250 الف بس وبيقولون لك شل اغراضك واطلع

بس

روح دور لك محل بدل

[مضارب دوسري]

اذا محل عبايات افتح فالعزيزيه
اما اذا تجاره ثانيه مث بوتيك مثلا ماراح تحصل مربح هناك

اذا بوتيك افتح في منطقه قريبه من السكان مثلا فالريان او العزيزيه

[captin]

السلام عليكم

بغيت اسأل عن سوق فالح عليه اقبال نفس باقي الاسواق ولا شبه منسي

لأني توكلت على الله وبابدا تجارتي فيه لكن متردد اشوف السوق فاضي والشغل بطيء

شوركم ياجماعة الخير

هل السوق بس للعبايات ؟

الي عنده فكره ينورنا

مرحبا اخوي ,, الله يوفقك ويسدد خطاك

سوق فالح يعتبر من مناطق قلب الدوحة وترتاده الفئة العمالية أكثر
والجاليات العربية والآسيوية
يعني الزبون اللي ماشي على رجوله Walking Customer
يتميز السوق بكثرة محلات النوفوتيه والأقشمة واللي ملاكها الهنود
وأكثرهم صار له في المكان أكثر من 25 سنة .

فإذا النشاط يخص الجاليات والفئة العمالية راح يكون مناسب لأن المواطن
القطري صار يتجنب أماكن الزحمة

قبل لا تفتح أي نشاط حدد زبونك المستهدف

وأهم من ذلك تروح التخطيط العمراني وتتاكد إذا السوق من المناطق
اللي عليها تطوير ولا لا قبل ما تستأجر ويمكن تدفع خلو وفي الأخير الدولة
تتملك العقار وتزيله .

بالتوفيق إن شاء الله .

[alhurmsi]

أعتقد أن المنطقة الواقع فيها سوق فالح عليها مشروع تطويري وإلحاقها بسوق واقف ..
لكن هذا ما يمنع من الاستفسار من وزارة البلدية والمكتب الهندسي الخاص عن الازالة او من عدمه .. وفي حالة الإزالة أعتقد راح يعوضونك بمحل في سوق واقف والله أعلم ..
أما بالنسبة للتجارة فيه فأنا أعتقد أنه مربح ومجدي ولكن على المدى الطويل لأنه في قلب الدوحة وبالقرب من سوق واقف والكورنيش ..
وبالتوفيق ان شاء الله ..

[دانة العود]

اكثر المحلات اللي فيه للعبايات ,, المشكله فعلا في الباركنات دايما زحمه