عندي لكم مكان يا ادارة المرور تعالو للناس خالفوهم !!

[اللوز]

لا اعلم لماذا تتم المخالفات باستمرار في عيادة الاسنان والعيادة الجلدية والتناسلية باستمرار
من قبل اسبوع تخالفت مخالفة عرقلة حركة السير + 3 نقاط
وكنت صاف السيارة على الشارع الفرعي
وليس الشارع الرئيسي
وانا طبعا ضد عرقلة حركة السير
والسبب لا يوجد مواقف
علما باني لا لم اعرقل حركة السير
وقبل 3 سنوات كان هناك على يسار مواقف للمراجعين
الآن نصف المواقف تم أخذها للطاقم الطبي
علما بان هذه العيادتين لهم مراجعين باستمرار
يعني الآن المساحة الاجمالية للمواقف 3 أرباع المواقف للطاقم الطبي
وربع المواقف للمراجعين

المهم ذهبت لادارة المرور وشرحت لهم الأمر
وفي الأخير يقولون لي أدفع قيمة المخالفة
أنا لا اعلم لماذا سمحوا في منطقة الدفنة بعدم المخالفة
وفي مستشفى الرميلة تتم المخالفة
هل نحن ذاهبون للسوق او للتنزه
يا ناس يا عالم احنا رايحيين نتعالج
والله العظيم لا توجد مواقف كافية
مخالفات يوميا للي يصف بمحاذة الرصيف
ما ادري وين نصف السيارة !!
1- اقترح بان يتم عمل باصات تنقل من مواقف المجلس الاعلى للصحة الى عيادة الاسنان والعيادة الجلدية والتناسلية
2- اقترح بان يتم بناء بيسمنت 6 أدوار يتسع للمراجعين
3- اقترح في المستقبل بان يتم التنسيق وتشكل لجنة تضم وزارة البلدية والتخطيط العمراني والمجلس الاعلى للصحة وهيئة الاشغال العامة والمجلس البلدي
وذلك للنظر في بناء المستشفيات الجديدة وفق الانظمة الحديثة

وفقكم الله يا ادارة المرور لمخالفة الناس المرضى
وجعل الله في ميزان حسناتكم
:anger1::anger1::anger1::anger1::anger1:

[بورصواوي]

الله يعينك
تقص علينا مريض رايح تعالج اسانك او جلد اصلا الموعد من شهر لين شهر
حسستني انك مصخن او تعبان حدك ماتقدر تمشي 10 متر او منزلينك بكرسي من السياره

مافي احد في العالم يبي يتخالف خصوصا اذا مكان مايسبب عرقله مثل مواقف مجمعات واحد صاف بعيد والمكان واسع يروحون يخالفون

حتى في البيت قمت اصف عدل اخاف يخالفوني

العنوان عكس الموضوع ؟؟؟؟!!!!

[شبح الصمت]

الله يشفيك ويشفي مرضى المسلمين أجمعين

الحل هو بناء بيسمنت في كل مستشفى وما يقل عن 10 طوابق

ريحنوا الله يريحكم فالدنيا والآخرة

يعني مثل العيادات الخارجية مسوين مواقف vip

والعالم مش محصله مواقف توقف والمواقف القريبه لهم !!

واصلا لو جينا وحسبنا الكادر الوظيفي في مستشفى حمد كم موظف قريب الكم !!!! يعني اغلب المواقف حق الموظفين والمريض يقعد يدور له نص ساعة لاجل يحصل له موقف !!:anger1:

يبهم قلنا خدمة وبتاخذون عليها فلوس بس خلو المواقف للي يدفعون بعيده اشوي والقريبه حق الناس التعابى !!!

والحمد لله الدولة ما قصرت الله يجزاها خير ومعطه الوزارات ميزانيات هائلة ,, بس احساسي الجهة نفسها اهي الي متكيسلة وما ودها ترفع تقرير ومريحه نفسها من عوار الراس

واشكركم يا مستشفى حمد جزيل الشكر على الشارع الي اخيراً سويتوه رصفتوه بعد عناء لانه مسكين الي كانوا يسعفونه كان ياخذ نصيبه من هالحفر قبل لا يدخل الطوارئ :shy:

:)

:)

:)

[شبح الصمت]

الله يعينك
تقص علينا مريض رايح تعالج اسانك او جلد اصلا الموعد من شهر لين شهر
حسستني انك ماتقدر تمشي 10 متر او منزلينك بكرسي من السياره



الشيخ الرجال ما يتكلم عن نفسه هذا اول شيء

يتكلم بلسان العامه الناس كلهم

عني وعنك وعن غيرك

والله لا يقطك في موقف نفسه وتدخل تتعالج وتحصل استيكر لاصق في موترك ذيج الحزه بنشوف ملامح وجهك كيف

وتحياتي لك

وبرد على خاطرك بعصير ليمون

:)

[alnoida]

من عصبيتك وستعجالك غلطت غلطه كبيره


وجعل الله في ميزان حسناتكم

جعلها الله في موازين حسناتكم

وازيدك، أما مواقف المحاكم فثلاث أرباع المواقف للشرطة والربع الباقي للمتقاضين
اذا كانت لديك جلسه وحضرتها سوف تحصل على مخالفه من المرور هديه تشجيعية
واذا لم تحضر خوفاَ من المخالفه سوف تخسر قضيتك في كل الاحوال سواء كنت مدعي او مدعى علية.

ممكن نستخدم النقل العام مثل الدول الاوربيه!! لكن هل النقل والمواقف جيده في النوعية والتوزيع الجغرافي؟ أما الجو فهو خارج السيطره

[بوخالد911]

الله يعينا

أفضل شي ال1 يروح لأي مشوار يروح ويه دريول
ينزززله
وليت خلص يدق عليه وياخذه

والله المستعان

[cavok]

اللة المستعان

[اللوز]

الله يعينك
تقص علينا مريض رايح تعالج اسانك او جلد اصلا الموعد من شهر لين شهر
حسستني انك مصخن او تعبان حدك ماتقدر تمشي 10 متر او منزلينك بكرسي من السياره

مافي احد في العالم يبي يتخالف خصوصا اذا مكان مايسبب عرقله مثل مواقف مجمعات واحد صاف بعيد والمكان واسع يروحون يخالفون

حتى في البيت قمت اصف عدل اخاف يخالفوني

العنوان عكس الموضوع ؟؟؟؟!!!!
الحمد لله اني ما اقص على احد
وعندي تقرير لو حاب اتشوفه انه كان عندي موعد ذام اليوم
انا لا اتكلم عن نفسي
اتكلم عن الناس

وبخصوص اختيار اسم الموضوع
ان ادارة المرور ما عندهم روح القانون في بعض الاماكن
وبالذات في المستشفيات

[اللوز]

الشيخ الرجال ما يتكلم عن نفسه هذا اول شيء

يتكلم بلسان العامه الناس كلهم

عني وعنك وعن غيرك

والله لا يقطك في موقف نفسه وتدخل تتعالج وتحصل استيكر لاصق في موترك ذيج الحزه بنشوف ملامح وجهك كيف

وتحياتي لك

وبرد على خاطرك بعصير ليمون

:)

شرفني مرورك يا الغالي

[عبدالله قطر]

يعني انت كنت تبيهم ينظرون لسيارتك اذا عرقلت الطريق او لا ؟؟

شي طبيعي بيخالفونك (دام انك مخالف) بغض النظر وين ومتى !

لا تبوق ولاتخاف وتجي تشتكي اهني ,, وانا مستعد اجزم انك لو منتظر بس 10 دقايق

راح تحصل لك موقف او موقفين او 3 بس مشكلتنا مانبي نمشي وايد مانبي ننتظر

عموما يعطيك العافيه

[اللوز]

يعني انت كنت تبيهم ينظرون لسيارتك اذا عرقلت الطريق او لا ؟؟

شي طبيعي بيخالفونك (دام انك مخالف) بغض النظر وين ومتى !

لا تبوق ولاتخاف وتجي تشتكي اهني ,, وانا مستعد اجزم انك لو منتظر بس 10 دقايق

راح تحصل لك موقف او موقفين او 3 بس مشكلتنا مانبي نمشي وايد مانبي ننتظر

عموما يعطيك العافيه

كلامك صحيح
لكن في عيادة الاسنان الكلام ما ينطبق لان لا توجد مواقف
وانصحك بالزيارة للمكان
نفس مواقف الوزارات يوم اسمحوا لهم يصفون بمحاذة الرصيف
لان ثلاث عيادات في نفس المكان

[عوآآآآشـي]

الله يهديهم انا كل شهر تقريبا عندي موعد ومرات فالاسبوع موعدين
ومرات كل اسبوع لاني عند كذا دكتور والحمد الله قربت اخلص
بصراحه زحمة ومافي مواقف
الله يعين اللي عنده موعد هناك

[اللوز]

الله يهديهم انا كل شهر تقريبا عندي موعد ومرات فالاسبوع موعدين
ومرات كل اسبوع لاني عند كذا دكتور والحمد الله قربت اخلص
بصراحه زحمة ومافي مواقف
الله يعين اللي عنده موعد هناك

وشهد شاهد من اهلها

[abdo222]

المكان متعب جدا,, انا شهريا مره او مرتين اروح مناك,, والي يقهر انك تشوف دريوليه ماخذ له موقف وساند الكرسي وراقد !! واقعد احوس,, تعود اروح قبل الموعد 20 - 30 دقيقه (عشان المواقف بس)

واحيانا :) اخذ الكرت حق الوالد واصف مكان الطاقم الطبي خخخ

[ابن سينا]

المفروض يعطونه مخالفه جامده لان البعض لازم يوقف عند الباب المهم مايمشي على اساس الكشخه ماتخترب ومايذوب من الشمس والحر لا وبعض يوقف في مواقف المعاقيين مايستحي ........

[الخزرجي قطر]

الله يعينكم فعلا هناك مشكلة مواقف للسيارات ويتطلب حل الموضوع
الله يشفيك ويشفي مرضى المسلمين ان شاءالله

[tawareq]

تعبنا واحنا نتكلم عن عدم توافر مواقف سيارات
في السوق - المستشفيات - الجهات الحكومية من وزارات ومؤسسات وهيئات حكومية

لين متى ؟

[عنزي قطر]

الله يشفيك اخوي اولا .

ثانياً يجب تعاون جميع الجهات ذات الاختصاص لحل ازمة المواقف

اذا عندك اقتراح او شكوى راسل المرور مباشره وتاكد سوف ياخذ موضوعك بعين الاعتبار

على الايميل
traffic@moi.gov.qa

[قطري 777]

سبحانك اللهم وبحمدك