استفسار عن جي ار سي للوارش [الأرشيف] - منتديات شبكة الأسهم القطرية

khaleeji

10-09-2012, 09:17 AM

السلام عليكم ياجماعة الخير انا فلتي توني بادي فيها والديكور للوارش طابوق على شكل قلعة

ودي ابدله الي ديكور جي ار سي مزخرف بعرض 60-80 سم

حسب خبرتكم هل تنصحوم به من ناحية جمالية ومتانه ولو تعرفون اسامي شركات جيده مع الشكر

شموخ دائم

10-09-2012, 10:30 AM

,

,

مرحبا

صباح الخير والنور

احسن شي البيت الي يجي الكورنيش والديكور ماله طابوق
انت الان عندك الحريه تعمل اي ديكور بخاطرك والمجال مفتوح امامك
احسن من السطح الكونكريت الي طالع لبراء هذا ماله حل بصراحه
وصار شي قديم جدا وبكل بيت موجود

احسن خيار امامك هو الجي ار سي شوف لك شركه طيبه
الفنش مالهم ممتاز وراح يعمل فرق كبير بمنظر البيت
راح يزيده جمال
اهم شي تختار الديكور الجي ار سي يتناسب وستايل البيت
وتقدر حتى تعمل حول الشبابيك
وفي واجهه البيت اذا تحب

شركات الجي ار سي تارسه البلد ومنها الطيب ومنها
الي يسوي الجي ار سي فوق سطح غرفته
:) والغش في الجي ار سي فوق ما حد يتخيل
لذلك اول سؤال تسئله للجي ار سي الي بيركب
وين المعمل مالكم ولازم يكون في الصناعيه

طبعا احسن شركتين بقطر هم

1- جي ار سي ما ستر
2- شركه اربيسك الدرويش

وعندك شركه

3- الخليج

خل يعملون التصميم على الكمبيوتر ويطبعونه على الورق ويعرضونه لك
وهو مرسوم ويبان كيف بيكون شكل البيت
اذا اقتنعت فيه توكل على الله
او غير التصميم اذا حبيت لا تستعجل في الاختيار

اذا شفت سعرهم غالي
التصميم عندك وروح لشركات اقل مستوى بتلاقي ارخص

ملاحظه مهمه

قبل ما تتفق مع اي شركه خل يعمل لك ( سامبل ) على الفيلا يعني متر او مترين
وراح يبين عندك
1- جوده الشغل
2- التزام الشخص بالمواعيد

,

,

اخوك

شموخ دائم