نافورة متنزه الملك عبد الله بالأحساء تدخل "غينيس" رسمياً

[فريج النجادة]

تنضم النافورة التفاعلية لمتنزه الملك عبدالله البيئي بمحافظة الأحساء مساء اليوم رسمياً إلى موسوعة الأرقام القياسية العالمية "غينيس"، وذلك بحضور ممثلي الموسوعة بعد التنسيق معهم من قبل أمانة الأحساء.

أكد ذلك مدير العلاقات العامة والإعلام المتحدث الإعلامي لأمانة الأحساء بدر فهد الشهاب، مشيراً إلى أن عملية تسجيل النافورة سيصاحبها عروض للنافورة، داعياً الجميع إلى الحضور والاستمتاع بهذه العروض وحضور تسجيلها رسمياً بالموسوعة.

وقال الشهاب إن تكاليف إنشاء النافورة بلغت 9 ملايين ريال ويبلغ طولها 450 متراً وتتكون من ثلاثة أجزاء رئيسية، كما يتناغم فيها الضوء والصوت، مشيرا إلى أنها تعتبر أكبر نافورة تفاعلية في العالم، وأنه يوجد بها شاشة عرض ليزر لعرض الصور بواسطة الحاسب الآلي وتعمل وفق نظام إلكتروني متكامل.

http://akhbaar24.argaam.com/article/detail/110741/بالصور-نافورة-متنزه-الملك-عبد-الله-بالأحساء-تدخل-غينيس-رسميا-الليلة

عقبالنا يارب

علمآ ان ديرتنا شبة جزيرة

[chillis]

طيب الله يوفقهم شنو المهم في ذي علشان نتمنى مهب لو صرفوا ملاينهم بتقولون فلوسهم حاطينه بشي ما يسوى نفس الشغلات الثانيه ما عرفنا مره تتمنون ومره لا :)

[بصمة قطرية]

وين مكانها
ما شفناها :secret:

[chillis]

وين مكانها
ما شفناها :secret:

لاحظي قبل مطار والحين نافوره :secret:

[كازانوفا]

بالفعل يا شيلي المبلغ كبيرر كان استفاد منه الشعب اللى يعاني من البطاله

[qrt_trading]

ما عندهم سالفة حد يحط ٩ ملايين على نافوره جان عطوها الناس يبنون لهم بيوت او محلات يترزقون فيها او سددو قروض الناس صج الحمد لله والشكر أنا ما اشوف الموضوع مهم وايد بكره دولة ثانية بتبني نافورة اكبر ويطلعون من كتاب غينيس

[عبدالعزيز881]

إحنا نجيب لعيبة ب 5,7,9,15 مليون دولار

يقعد سنتين يطق طق فيهم ويأخذ فلوسه

هذي نافوره تعتبر من معالم الدوله وتبقى لسنوات طويله

وألحين بتدخل موسوعة جينس

[روح الاطلس]

خلوا عندكم تفكير اقتصادي التسع ملايين مابتروح ع الفاضي بترجع دبلات وبعد غينيس اكيد بيزيد توافد السياح ع المنتزه وبيدخلون هالتسع ملايين في سنه!

[أنا أحبكم]

شي طيب والأحساء في تطور ملحوظ

[Dana’1]

9 ملاين !بس! رخيص هذا <<<< ذكرتني بجملة مشهوورة مع فرق السعر طبعا..؟!!


عالعموم ما علينا...
لبى الشرقية واهلها ولبى الاحساء ..خل يستانسون من جد الله يهينيهم بالمنتزة والنافورة وكل مافيها ..ارض خير والمفروض من زمان فيها منشآت وحدايق سنعة وإن شاءلله التطوير يشمل كافة الاصعدة عمار يالشرقية عمار وعمار يا كل المملكة عمار:)

واذا عالمشاريع الي فيها اسراف وترفيهية بنفس الوقت ...حتى بقطر وغيرها من الدول موجود بكل مكان ... حدايق مصروف عليها ملاين ..والاغلبية تمدح هالمشاريع وتطلب مشاريع للترفية اكثر بعد!!

[khalid525]

هذي التفاهه ، مدينه تعاني من بطاله وقاعدين يبنون نوافير بمبالغ خياليه .

[المسك1969]

لا ما نبي نوافير شنسوي فيهم... وأهل قطر مايروحون يشوفون... بنسويهم حق منو؟

خلنا جي أحسن واللي يبي نافورة يمسك الهوز وإلا يفتح الرشاش(الدش) ويستانس وسلامتكم

[فريج النجادة]

هذي التفاهه ، مدينه تعاني من بطاله وقاعدين يبنون نوافير بمبالغ خياليه .

المشروع يوفر الاف الوظائف للمواطنين

ما يحتاجون عمالة أجنبية مثلنا

[gxr o.z]

كفو يالسعودية تستاهلون

[khalid525]

المشروع يوفر الاف الوظائف للمواطنين

ما يحتاجون عمالة أجنبية مثلنا

اخوي شلون مشروع منتزه يوفر الاف الوظائف ، ليكون هالاف هم اللي بينفخون في النافورة عشان توصل فوق 450 متر .

بعدين الشعب السعودي مثلنا يرفضون يشتغلون عمال الا من رحم ربي ولا ما كانت هناك مشكلة بطالة في الاساس .

فعلا هناك مشكلة بطالة تزعزع السعودية وهم مشغولين ببناء اكبر برج واكبر نافورة .

الله يلطف بالحال .

[خوي الدرب]

السؤال الذي يبطح نفسه
ما العائد على المواطن وخصوصا مواطن مدينة الأحساء
من عمل هذه النافورة ؟
هل يمكن أن يفطر المواطن على صفحة من كتاب غنس ؟

[أنا أحبكم]

بخصوص بعض التعليقات
ترى الا نافورة ب 9 مليون وفي منتزه يرتاده المواطن والمقيم للترويح عن نفسه
مش استضافة بطولة وتنازل عن قيم ومبادئ وصرف أكثر من 100 مليار دولار في سبيلها !

[التميمي 3]

الطاسه ضايعه

[حفيد الأنصار]

9 ملاين !بس! رخيص هذا <<<< ذكرتني بجملة مشهوورة مع فرق السعر طبعا..؟!!








:secret: :secret: :secret:

[حفيد الأنصار]

مع احترامي لاصحاب بعض التعليقات لكنها مضحكه
اللي يقوول بطالة ترى اللي سوت المشروع امانة الاحساء وانا ماني عارف ايش دخل الامانة في البطالة والفقر
البطالة يحاسب عليها وزير المالية + وزير العمل
اما اننا نلخبط الامور على بعضها مايصلح
لكل منطقة في السعودية مبلغ معين وتستلمها الامارة
اذا امانة الاحساء من عملهم الاعتناء بالطرق والشوارع داخل المدينة وانشاء المنتزهات مو توظيف العاطلين وووو
واللي يقول ايش يستفيد المواطن من المنتزه يستفيد منه للراحة والسياحة
واذا على الـ 9 ملايين للمعلومية هي للمنتزه كامل مو بس للنافورة

[دانة الطواش]

كل ها لصور في الحساء ، على كثر روحتنا لها ماشفنا ها لمناظر لان من سوق لين سوق ، الروحة الجاية بندقق.