حيـــــأتــــك و 24 ساعة [الأرشيف] - منتديات شبكة الأسهم القطرية

بريق الحق

10-09-2012, 12:23 PM

بسم الله الرحمن الرحيم

السلام عليكم ورحمة الله وبركاته

حياة الانسان فيها 24 ساعة فاليوم لاكن القليل منا الي يستفيد من وقته والباقي الاخر ضايع ولا يعرف شسوي كل حياته مجمعات او في المجالس او دوارة في الشاارع
سوالي لي جميع الاعضاء
شلون تقضي يومك ( 24 ساعة ) شنو الاشياء الي تسويها في يومك
ماهي الساعة المميزة الي تجعل يومك مميز وتميزك عن غيرك
ماهي انواع الرياضة
ماهي انواع الطلعات
ماهي انواع البرامج

marwa2005

10-09-2012, 12:31 PM

بخصوصي الي يخلي يومي مليئ هو طبعا صبح خاص بالاشغال المنزلية من طبخ وتنظيف يعني رياضة على الصبح وبعد الغداء قيلولة صغيرة ومن بعد اروح لنادي تعليم الخياطة طبعا مشتركة فيه من مدة ويوم اطلع اروح اقضي مشاويري بالسوق شو ناقصني او ناقص البيت من اغراض وارد البيت وفي ايام المساء عندي حصص رياضة ايروبيك معى البنات

بصمة قطرية

10-09-2012, 12:32 PM

24 ساعة ...!!
ملل في ملل
مجابلة المنتدى :(

بريق الحق

10-09-2012, 12:37 PM

24 ساعة ...!!
ملل في ملل
مجابلة المنتدى :(

ولين متى بتمين على هاي الحال ؟
مافكرتي في تطوير نفسج ؟
مافكرتي تحفظين قران ؟
مافكرتي ادشين على اليوتيوب وتقرين عن تطوير الذات ؟

intesar

10-09-2012, 12:38 PM

كنت أتمنى أنك تنزل الموضوع بالحوار.. حتى ينال أكثر تعليق..
موضوعك حلو.. وبعيد عن التكرار..

متابعة للموضوع..

ودمتم بحفظ الرحمن..

بريق الحق

10-09-2012, 12:39 PM

بريق الحق

10-09-2012, 12:39 PM

كنت أتمنى أنك تنزل الموضوع بالحوار.. حتى ينال أكثر تعليق..
موضوعك حلو.. وبعيد عن التكرار..

متابعة للموضوع..

ودمتم بحفظ الرحمن..

والله كنت محتار الصراحة
ممكن ينقلون الموضوع ؟

chillis

10-09-2012, 12:40 PM

عادي دوام الصبح والظهر ارجع اسوي الغدا واتابع امور البيت وعقب كل يوم لازم اروح زياره لامي وابوي وهكذا حياه عاديه مازلت احس في شي ناقص على قولتك يبيلنا شي بتطوير الذات

chillis

10-09-2012, 12:41 PM

والله كنت محتار الصراحة
ممكن ينقلون الموضوع ؟

اطلب من ادارة المنتدى :)

marwa2005

10-09-2012, 12:43 PM

ماشاءالله عليج
بس ماقلتي الساعة المميزة الي تميزج عن غيرج ؟
الساعة هيا اكثر شئ بعد العصر

بريق الحق

10-09-2012, 12:43 PM

اطلب من ادارة المنتدى :)

جزاج الله خير

بريق الحق

10-09-2012, 12:50 PM

عادي دوام الصبح والظهر ارجع اسوي الغدا واتابع امور البيت وعقب كل يوم لازم اروح زياره لامي وابوي وهكذا حياه عاديه مازلت احس في شي ناقص على قولتك يبيلنا شي بتطوير الذات

سوالي المتكرر لين متى بنتم على هاي الحال ؟

chillis

10-09-2012, 12:51 PM

سوالي المتكرر لين متى بنتم على هاي الحال ؟

للاسف في بعض الدول الخليجيه عندهم معاهد واماكن ودورات لتطوير الذات هني ما عندنا الا نادر وقليل لين يجيبون لنا احد من بره وعنده يومين دورته واسعار مرتفعه وما تلحق تسجل لان بسرعه تتسكر الدوره نحتاج مراكز للشغلات هذي

بريق الحق

10-09-2012, 12:56 PM

للاسف في بعض الدول الخليجيه عندهم معاهد واماكن ودورات لتطوير الذات هني ما عندنا الا نادر وقليل لين يجيبون لنا احد من بره وعنده يومين دورته واسعار مرتفعه وما تلحق تسجل لان بسرعه تتسكر الدوره نحتاج مراكز للشغلات هذي

انتي ماتقدرين اتطورين من نفسج بدون ماتروحين الدورات والمعاهد
اليوتيوب موسوعة لي تطوير الواحد في جميع الميادين

chillis

10-09-2012, 12:57 PM

هم محتاجين لخبرات

المبرمج صلاح

10-09-2012, 12:59 PM

ساعتي المميزة في يومي في العمل
عندما احل مشكلة غير طبيعية او اقوم بعمل مبدع في عملي او اتعلم شي جديد
واحس انها مميزة عندما الاخرين يشعروني بها ويمدحوني بهالشي

الحمد لله ان شغلي لا يوجد به ملل كل يوم شي جديد ومكان جديد وناس جدد

قلبي الطيب

10-09-2012, 01:00 PM

اروح الدوام ولما ارجع اكل وأشوف تلفزيون ونت لين العشاء يمكن اكل ويمكن لا وأنام الى الغد

بصمة قطرية

10-09-2012, 01:01 PM

ولين متى بتمين على هاي الحال ؟
مافكرتي في تطوير نفسج ؟
مافكرتي تحفظين قران ؟
مافكرتي ادشين على اليوتيوب وتقرين عن تطوير الذات ؟

اقرا الحمد لله
اثق نفسي و اطور نفسي
و الحمدلله كل شي له وقت
بس في الغالب روتين ممل
لاشيء سوى الملل ..

بريق الحق

10-09-2012, 01:01 PM

ساعتي المميزة في يومي في العمل
عندما احل مشكلة غير طبيعية او اقوم بعمل مبدع في عملي
واحس انها مميزة عندما الاخرين يشعروني بها ويمدحوني بهالشي

الحمد لله ان شغلي لا يوجد به ملل كل يوم شي جديد ومكان جديد وناس جدد

:victory:
شي جميل الصراحة
بس ماجاوبت عن الاسئلة ؟ :)

المبرمج صلاح

10-09-2012, 01:14 PM

:victory:
شي جميل الصراحة
بس ماجاوبت عن الاسئلة ؟ :)

ماهي الساعة المميزة الي تجعل يومك مميز وتميزك عن غيرك ؟
كما قلت لك االابداع في العمل

ماهي انواع الرياضة ؟
للاسف لا توجد رياضة الا قيادة السيارة اذا كنت تعتبرها رياضة

ماهي انواع الطلعات ؟
عمل او صله رحم او مساعدة افراد العائلة في شئونهم الخاصة

ماهي انواع البرامج؟
حاليا مهتم اني التزم بديني الاسلام اكثر واتعمق فيه من محاضرات و مقالات وخاصة السيرة النبوية والصحابة وبعض الاحيان اميل الي تعلم علم جديد ينفعني في حياتي ولكني لم اعرف ما هو حتى الان

ضوى

10-09-2012, 01:25 PM

COLOR="Navy"]الحمد لله وقتي اقدر اقول عنه مليان ، بنتي العليا فديت روحها شاغلة وقتي كله من ارد من الدوام لين ننام بالليل هي واختها الكبيرة الله يبارك لي فيهم ، والساعة المميزة لي هي اللي اكون فيها بروحي عالسرير اتامل حالي[/COLOR]

بريق الحق

10-09-2012, 01:32 PM

color="navy"]الحمد لله وقتي اقدر اقول عنه مليان ، بنتي العليا فديت روحها شاغلة وقتي كله من ارد من الدوام لين ننام بالليل هي واختها الكبيرة الله يبارك لي فيهم ، والساعة المميزة لي هي اللي اكون فيها بروحي عالسرير اتامل حالي[/color]

الله يوفقج ويحفظهم لج

المسك1969

10-09-2012, 05:41 PM

نتابع معكم:victory:

الخيالة

10-09-2012, 07:43 PM

انا للأسف اكثر وقتي مع شغلي الشفتات و وايد متضايقه من هالشي لان امي وابوي محتاجيني ان اهتم فيهم وأكون معاهم اكثر بس تعبت متحصلا وظيفه مع دوام ثابت صبح مع ان راضيه براتب قليل بعد
وان حصلت وقت بكون مع امي وابوي وهلي

ريتويت

10-09-2012, 08:43 PM

دواااااااااااااااااااام

بريق الحق

10-09-2012, 09:47 PM

كنت أتمنى أنك تنزل الموضوع بالحوار.. حتى ينال أكثر تعليق..
موضوعك حلو.. وبعيد عن التكرار..

متابعة للموضوع..

ودمتم بحفظ الرحمن..

نبي نستفيد منج ممكن توصفين 24 الساعة الي عندج شلون تقضينها

بريق الحق

10-09-2012, 09:48 PM

نتابع معكم:victory:

المتابعه ماتكفي :anger1:
نبي وصف لي 24 ساعة الي عندج شلون تميزج عن غيرج :victory: